26 C
Phnom Penh

អ្នកចម្រៀង​ស្លាប់​ ខណៈដែល​រថយន្ត​ដឹក​ក្រុម​ភ្លេង​សម័យ​ បុកជាមួយ​រថយន្ត​ធំមួយគ្រឿង​​

ដោយ ឌឹ ខេមបូឌា ដេលី

បទវិភាគ

មន្ត្រីនគរ​បាល​ម្នាក់​បានឲ្យ​ដឹង​ថា អ្នកចម្រៀងពីរ​នាក់​និង​អ្នក​បើក​បរ​របស់ពួកគេ​បាន​​ស្លាប់​​ បន្ទាប់ពី​រថយន្ត​របស់ពួកគេ​ត្រូវបាន​រថយន្តធំមួយ​គ្រឿង​បុក​ បន្ទាប់ពី​ការប្រគំតន្ត្រីមួយ​នៅ​ក្នុង​ខេត្ត​​កំពង់ចាម កាលពីព្រឹក​ម្សិលមិញ។

យោងតាម​លោក ឡុង ម៉េងសែ នាយការិយាល័យ​នគរ​បាល​ចរាចរ​ណ៍​ខេត្ត​​បាន​ឲ្យ​ដឹង​ថា អ្នកចម្រៀង​ដែលគេគ្រាន់តែ​ស្គាល់​ថា ឈ្មោះ យ៉ន អាយុ​២៥​ឆ្នាំ និង​ឈ្មោះ ស្រី ហ៊ីន អាយុ​២៨​ឆ្នាំ បាន​ស្លាប់​ភ្លាម​ជាមួយ​នឹង​អ្នក​បើកបរ​ឈ្មោះ ស៊ុន ឌីណា អាយុ​២៧​ឆ្នាំ នៅពេល​រថយន្ត​របស់​​ពួកគេបុក​​ជាមួយ​រថយន្ត​ទម្ងន់​៣០តោន​មួយគ្រឿង​នៅលើ​ផ្លូវជាតិ​លេខ​៧១​នៅ​ក្នុង​ស្រុក​ចម្ការ​លើ​ នៅម៉ោង​ប្រហែល​ជា​១​និង​៤៥​នាទី​រំលង​អធ្រាត្រ។

លោក​បាន​មានប្រសាសន៍​ថា អ្នក​ដំណើរ​ប្រាំបួន​នាក់​ទៀត​ ដែល​ប្រាំពីរ​នាក់​រង​របួសធ្ងន់​សម្រាកព្យាបាល​នៅ​ក្នុង​មន្ទីរពេទ្យ​ខេត្ត​កំពង់ចាម កាលពី​រសៀល​ម្សិលមិញ។ គ្រោះថ្នាក់​នេះ​បាន​កើត​ឡើង​​នៅពេល​ដែល​រថយន្ត​ទម្ងន់​៣០តោន​បាន​បើក​បំពាន​ចំណែក​ផ្លូវ​​ម្ខាង​ទៀត​ក្នុង​ល្បឿន​លឿន​នៅ​ក្នុង​ឃុំបុសខ្នុរ បណ្ដាល​ឲ្យ​បុក​ចំចំហៀងរថយន្ត​១,៥​តោន​ដែល​ដឹក​អ្នក​ភ្លេង​សម័យ។

លោក ម៉េងសែ បាន​មាន​ប្រសាសន៍​ថា “ពេលនេះ​ស្ថានភាព​អ្នករង​របួស​ទាំង​នោះ​នៅ​នឹង​នរ​។​អាជ្ញាធរ​ ជានិច្ចកាលតែង​តែ​ចុះ​ទៅ​អប់រំ​​ប្រជាពលរដ្ឋ​អំពីគ្រោះ​ថ្នាក់​ចរាចរណ៍ និង​ធ្វើតេស្ត​ជាតិ​ស្រវឹង​ ព្រម​ទាំង​ត្រួត​ពិនិត្យ​ល្បឿន​រថយន្ត​ម្តង​ក្នុង​មួយ​សប្ដាហ៍​”៕ ប៊ុននី

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស