29 C
Phnom Penh

អភិបាល​ខេត្ត​សៀម​រាប និង​អភិបាល​ខេត្ត​កំពង់ឆ្នាំងត្រូវ​បាន​ដំឡើង​ឋានន្ត​រស័ក្តិ

ដោយ ឌឹ ខេមបូឌា ដេលី

បទវិភាគ

 យោង​​​តាម​​​ព្រះ​​​រាជ​​​ក្រឹត្យ​​​ ដែល​​​ឡាយ​​​ព្រះ​​​ហស្ត​​​លេខា​​​កាលពី​​​ខែ​​​មុន​​​ឲ្យ​​​ដឹង​​​ថា អភិបាល​​​ខេត្ត​​​សៀមរាប​​​ និង​​​អភិបាល​​​ខេត្ត​​​កំពង់​​​ឆ្នាំង​​​ត្រូវ​​​បាន​​​​ដំឡើង​ឋានន្ត​រស័ក្តិក្នុង​​​ជួរ​​​កង​​​ទ័ព​​​។

ព្រះ​​​រាជ​ក្រឹត្យ​​​ ដែល​​​ឡាយ​​​ព្រះ​​​ហស្ដ​​​លេខា​​​ដោយ​​​ព្រះ​​​មហាក្សត្រ​​​ នរោត្តម​​​ សីហមុនី​​​ ​​និង​ចុះ​​​ថ្ងៃ​​​ទី​​​២៤ ខែ​​​មេសា ត្រាស់បង្គាប់​ដំឡើង​ឋានន្ត​រស័ក្តិលោក​​​ ឃឹម​​​ ប៊ុន​​​សុង​​​ អភិបាល​​​ខេត្ត​​​សៀមរាប​​​ពី​​​ឧត្តម​​​សេនីយ៍​​​ទោ ទៅ​​​ឧត្តម​​​សេនីយ៍​​​ឯក ហើយ​​​លោក​​​ ឈួរ ច័ន្ទឌឿន ​អភិបាល​​​ខេត្ត​​​កំពង់ឆ្នាំង​​​ពី​​​ឧត្តម​​​សេនីយ៍​​​ត្រី ទៅ​​​ឧត្តមសេនីយ៍​​​ទោ។

លោក​​​ឧត្តម​​​សេនីយ៍​​​ទោ ឈួរ ច័ន្ទ​​​ឌឿន គឺ​​​ជា​​​អតីត​​​មេបញ្ជាការ​​​តំបន់​​​ប្រតិបត្តិការ​​​សឹក​​​រង​​​ខេត្ត​​​កំពង់​​​ឆ្នាំង​​នៃ​​​កង​​​យោធពល​​​ខេមរភូមិន្ទ ចំណែក​​​ឧត្តម​​​សេនីយ៍​​​ឯក ឃឹម ប៊ុនសុង គឺ​​​ជា​​​អតីត​​​មេបញ្ជាការ​​​តំបន់​​​ប្រតិបត្តិការ​​​សឹករង​​​ខេត្ត​​​សៀមរាប​​​។

លោក​​​ឧត្តម​​​សេនីយ៍ឯក ឃឹម ប៊ុនសុង​​​ បានមាន​​​ប្រសាសន៍​​​ពី​​​ការ​​​​ដំឡើង​ឋានន្ត​រស័ក្តិ​​​នេះ​ថា “​​​ធម្មតាទេ ​​​នៅ​​​ពេល​​​យើង​​ធ្វើការងារ​​​បាន​​​ល្អ​​​ យើង​​ទទួល​​​បាន​​​ការ​​​​​​​ដំឡើង​ឋានន្ត​រ​ស័ក្តិហើយ​​​ខ្ញុំ​​​សប្បាយ​​​រីករាយ​​​ណាស់​​​

ទាំង​​​ឧត្តម​​​សេនីយ៍​​​ឯក​​​ ឃឹម​​​ ប៊ុនសុង និង​​​ឧត្តម​​​សេនីយ៍​​​ទោ ឈួរ ច័ន្ទឌឿន ត្រូវ​​​បាន​​​តែង​​​តាំង​​​ជា​​​អភិបាល​​​ខេត្ត​​​កាល​​​ពី​​​ឆ្នាំមុន​​​។ នៅ​​​មុន​​​ការ​​​​ដំឡើង​ឋានន្ត​រស័ក្តិនេះ​​​ ឧត្តម​​​សេនីយ៍​​​ឯក​​​ ឃឹម ប៊ុនសុង គឺ​​​ជាមន្ត្រី​​​ម្នាក់​​​ដែល​​​បម្រើ​​​ការងារ​​​ជា​​​ទាហាន​​​រយៈ​​​ពេល​​​ជាង​​​៣០​​​ឆ្នាំក្នុង​​​ខេត្ត​​​សៀមរាប​​​។

បើទោះណាជា​មិន​មាន​​​តួលេខថ្មីៗ​​​ក៏​​​ដោយ​​​ ក៏​​​ប្រទេស​​​កម្ពុជា​​​មាន​​​ឧត្តម​​​សេនីយ៍​​ជាង​​​២.០០០​​​នាក់​​​កាល​​​ពី​​​ឆ្នាំ​​​២០១០ ហើយ​នៅពេល​នោះ​​​លោក​​​ ទៀ បាញ់​​​ រដ្ឋមន្ត្រី​​​ក្រសួង​​​ការពារ​​​ជាតិ​​​បាន​​​សម្រេច​​​ផ្អាក​​​ការ​​​ដំឡើង​ឋានន្ត​រស័ក្តិជា​​បណ្ដោះ​អាសន្ន​​​៕ សារុន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស