29 C
Phnom Penh

នគរបាល​ចាប់ខ្លួន​បុរសម្នាក់ពីបទ​សម្លាប់ថៅកែស្រីជនជាតិចិន

ដោយ ឌឹ ខេមបូឌា ដេលី

បទវិភាគ

នគរបាល​​​បាន​​​និយាយ​​​កាល​​​ពី​​​ម្សិល​​​មិញ​​​ថា បុរស​​​ម្នាក់​​​ក្នុង​​​ចំណោម​​​បី​​​នាក់​​​ដែ​​​ល​​​ជាប់​​​សង្ស័យ​​​ពី​​​បទ​​​ប្លន់​​​សម្លាប់​​​ថៅកែ​​​រោងចក្រជនជាតិ​​​ចិន​​​ម្នាក់នោះ​​​ត្រូវ​​​បាន​​​ចាប់ខ្លួន​​​កាល​​​ពី​​​ថ្ងៃ​​​អង្គារ​​​ ហើយ​​​បាន​​​សារភាព​​​ចំពោះ​​​បទ​​​ឧក្រិដ្ឋនេះ​​​។

សយ​​​ ហ៊ាន​​​ អាយុ​​​២៣​​​ឆ្នាំ​​​ជាប់​​​ចោទ​​​ពី​​​បទ​​​ចាក់​​​អ្នក​​​ស្រី សាង លី អាយុ​​​៤៣​​​ឆ្នាំ​​​១០​​​កន្ត្រៃ​​​នៅ​​​រោង​​​ចក្រ​​​របស់​​​គាត់​​​ក្នុង​​​សង្កាត់​​​ចោម​​​ចៅ ខណ្ឌ​​​ពោធិ៍សែន​​​ជ័យ​​​ រាជ​​​ធានី​​​ភ្នំពេញ​​​។

អ្នកស្រី​​​ សាង​​​ លី បាន​គ្រប់គ្រងរោង​​​ចក្រ​​​តូច​​​មួយ​​​ដែល​​​ផលិត​​​មួក​​​ ហើយ​​​ត្រូវ​​​បាន​​​គេ​​​ប្រទះ​​​ឃើញ​​​ស្លាប់​​​នៅ​​​ពេល​​​កម្មករ​​​បាន​​​មក​​​ដល់រោងចក្រ​​​នៅ​​​ម៉ោង​​​ប្រហែល​​​៧​​​ព្រឹក​​​កាលពី​ថ្ងៃទី​​​៣​​​ ខែ​​​ឧសភា។

នគរបាល​​​ជឿ​​​ថា អ្នក​​​ស្រី សាង​​​ លី ត្រូវ​បាន​សម្លាប់​​​បន្ទាប់​​​ពី​​​បង​​​ប្អូន​​​ជី​​​ដូន​​​មួយ​​​របស់​​​ សយ ហ៊ាន ឈ្មោះ ភា ដែល​​​កំពុង​​​រត់​​​គេច​​​ខ្លួន​​​នោះ​​​ បាន​​​សង​​​សឹក​​​ បន្ទាប់​​​ពី​​​អ្នកស្រី​​​បណ្តេញ​​​គាត់​​​ចេញ​​​ដោយសារ​​​លួច​​​របស់​​​របរ​​​។ ជន​​​សង្ស័យ​​​ទី​​​៣​​​ដែល​​​នគរបាល​​​មិនទាន់​​​ស្គាល់​​​ឈ្មោះ​​​នៅ​​​ឡើយ​​​ ក៏កំពុង​​​រត់​​​គេច​​​ខ្លួន​​​ដែរ។

លោក ជួន ណារិន ស្នង​​​ការ​​​រង​​​នគរបាល​​​រាជធានី​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា “យើង​​​បាន​​​​​​ចាប់​​​ខ្លួន​​​ឃាត​​​ករ​​​ម្នាក់​​​ ប៉ុន្តែ​​​ ពីរ​​​នាក់​​​ទៀត​​​កំពុង​​​រត់​​​គេច​​​ខ្លួន​​​…​​​នគរ​​​បាល​​​កំពុង​​​ស្វែង​​​រក​​ហើយ​​​មាន​​​គម្រោង​​​ចាប់​​​ខ្លួនពួក​​​គេ​​​​​​ បន្ទាប់​​​ពី​​​យើង​​​ទទួល​​​បាន​​​ចម្លើយ​​​សារភាព​​​ពី​​​ជន​​​សង្ស័យ​​​ទី​​​១​​​កាល​​​ពី​​​ល្ងាច​​​ថ្ងៃ​​​អង្គារ​​​”៕សារុន

​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស