29 C
Phnom Penh

អ្នកភូមិ​ដែលមាន​វិវាទដីធ្លីជាមួយ​ភរិយាលោក​ ស៊ុយ សែម ច្រានចោល​ការផ្ត​ល់សំណង

ដោយ ឌឹ ខេមបូឌា ដេលី

បទវិភាគ

គណៈ​​​កម្ម​​​ការ​​​ពិសេស​​​មួយ​​​ដែល​​​ត្រូវ​បាន​​​បង្កើត​​​ឡើង​​​កាល​​​ពី​​​ខែ​​​មីនា ដើម្បី​​​ដោះស្រាយ​​​វិវាទ​​​ដី​​​ធ្លី​​​ជា​​​យូរ​​​មក​​​ហើយ​​​ រវាង​​​អ្នក​​​ភូមិ​​​៥២​​​គ្រួសារ​​​ក្នុង​​​ខេត្ត​​​កំពង់ឆ្នាំង​​​ជាមួយ​​​ភរិយា​​​លោក  ស៊ុយ សែម រដ្ឋមន្ត្រី​​​ក្រសួង​​​រ៉ែ​​​និង​​​ថាម​​​ពល​​​នោះ បាន​​​បញ្ចប់​​​ការ​​​ងារ​​​របស់​​​ខ្លួន​​​ហើយ ​​​ដោយ​​​​​​​​អ្នក​​​ភូមិ​១៧​​​គ្រួសារ​​​​​មិន​​​ព្រម​​​ទទួល​​​​​​សំណង។

លោកស្រី​​​ ដោក សុធា​​​ អភិបាល​​​រង​​​ខេត្ត​​​ ដែល​​​ជា​​​ប្រធាន​​​គណៈ​​​កម្មការ​​​នេះ​​​បាន​​​មាន​​​ប្រសាសន៍​​​ថា ក្រុម​​​នេះ​​​បាន​​​បញ្ចប់​​​ការ​​​ចរចា​​​កាល​​​ពី​​​សប្តាហ៍​​​មុន​​​ និង​​​បាន​ឈានដល់​​​កិច្ច​​​ព្រម​​​ព្រៀង​​​ផ្តល់​​​សំណង​​​ដល់​​​អ្នក​​​ភូមិ​​​៣៥​​​គ្រួសារ​​​ចាប់​​ពី​​​១.២៥០​​​ដុល្លារ​​​ដល់​​​​​​១.៥០០ដុល្លារ​​​ក្នុង​​​មួយ​​​គ្រួសារ​​​ៗ​​​ពី​​​ក្រុម​​​ហ៊ុន​​​ KDC International ជា​​​ក្រុម​​​ហ៊ុន​​​អភិវឌ្ឍន៍​​​ឯកជន​​​ដែល​​​កាន់​​​កាប់​​​ដោយ​​​អ្នក​​​ស្រី ជា ខេង​​​ ភរិយា​​​របស់​​​លោក ស៊ុយ សែម។

លោកស្រី សុធា បាន​​​មាន​​​ប្រសាសន៍​​​ថា ទឹក​​​ប្រាក់​​​រាប់​​​មឺុ​​​ន​​ដុល្លារ​​​ ដែល​​​អ្នក​​​ភូម​​​ិ​​​នៅ​សេសសល់ទាម​​​ទារ​​​នោះ​​​គឺ​​ច្រើន​​​ណាស់​​​ ហើយ​​​ថា ឥឡូវ​​​នេះ​​​ពួកគាត់​​​ត្រូវ​​​ដោះ​​​ស្រាយ​​​វិវាទ​​​របស់​​​ខ្លួន​​​ជាមួយ​​​អ្នកស្រី​​​ ជា ខេង នៅ​​​តុលាការ​​​ដោយ​​​ខ្លួន​​​ឯង។

លោកស្រី​​​បាន​​​មាន​​​ប្រសាសន៍​​​ថា “ខ្ញុំ​​​នឹង​​​បញ្ជូនរបាយការណ៍​​​ទៅ​​​លោក​​​អភិបាល​​​ និង​​​តុលាការ​​​នៅ​​​ពេល​​​ណា​​​មួយ​​​ក្នុង​​​សប្តាហ៍​​​ក្រោយ​​​ដើម្បី​​​ជម្រាប​​​ថា យើង​​​សម្រេច​​​បាន​​​ដំណោះ​​​ស្រាយ​​​ជាមួយ​​​អ្នក​​​ភូមិតែ​​​៣៥​​​គ្រួសារ​​​ប៉ុណ្ណោះ​​​ដែលនឹង​​​​ទទួល​​​យក​​​សំណង​​​ពី​​​ក្រុម​​​ហ៊ុន​​​។ អ្នក​​​ភូមិ​​​១៧​​​គ្រួសារ​​​ទៀត​​​ត្រូវ​​​តវ៉ា​​​ទៅ​តុលាការ​​​ដោយ​​​ខ្លួនឯង​​​ ពីព្រោះ​​​ពួ​​​ក​​​គាត់​​​ទាម​​​ទារសំណង​​​ច្រើន​​​ពេក។

លោកស្រី​​​​​​បានមាន​​​ប្រសាសន៍​​​ថា “ក្រុម​​​ហ៊ុន​​​អះអាង​​​ថា ខ្លួន​​​មិនមាន​​​លទ្ធ​​​ភាព​​​ផ្តល់​​​សំណង​​​ដល់​​​ពួក​​​គាត់​​​ពី​​​២០.០០០ដុល្លារ​​​ទៅ​​​៣០.០០០ដុល្លារ​​ទេ​​​។ ដូច្នេះ​​​ខ្ញុំ​​​នឹង​​ទុកឲ្យ​​​តុលាការ​​​​​​​​ដោះស្រាយ​​​​​​ពាក្យ​​​បណ្តឹង​​​ពួក​​​គាត់ចុះ​​​”។ ទាំង​​​អ្នកស្រី  ជា ខេង និង​​​លោក ផាត់ ពៅសៀង​​​ ​​​មេធាវីរបស់​​ក្រុម​​​ហ៊ុន​​​អ្នកស្រីមិនអាច​​​ទាក់​​​ទង​​​បាន​​​ទេ​​​។ លោក​​​ ថៃ ហ៊ី តំណាង​​​អ្ន​​ក​​​ស្រី ជា ខេង បាន​​​បដិសេធ​​​មិន​​​ធ្វើ​​​អត្ថាធិប្បាយ​​​។

លោក​​​ រាជ សីមា អ្នក​​​ភូមិ​​​ម្នាក់​​​ក្នុង​​​ចំណោម​​​អ្នកភូមិ​​​១៧​​​គ្រួសារ​​​ដែល​​មិន​​​ព្រម​​​ទទួល​​​សំណង​​​ពី​​​​ក្រុម​​​ហ៊ុន KDC ក៏​​​ត្រូវ​​​ចោទ​​​ប្រកាន់​​​ពីបទប៉ុន​​​ប៉ង​​​មនុស្ស​​​ឃាត និង​​​បំផ្លាញ​​​ទ្រព្យ​​​សម្បត្តិ នៅក្នុង​​​ហេតុ​​​ការណ៍​​​មួយ​​​​​​កាល​​​ពី​​​ខែ​​​ឧសភា ឆ្នាំ​​​មុន​​។ អំឡុង​​​ហេតុ​​​ការណ៍​​​នោះ​​​ក្រុម​​​អ្នក​​​ភូមិ​​​បាន​​​ដុត​​​ជម្រក​​​ដែល​​​ក្រុម​​​ហ៊ុន​​​បាន​​​សាង​​​សង់​​​លើ​​​ដី​​មាន​​​វិវាទ​​​នោះ ហើយ​​​តាម​ចោទ​ថា បាន​​​បណ្តេញ​​​មន្ត្រី​​​រៀប​​​ចំ​​​ដែន​​​ដី​​​មួយ​​​ក្រុម​​​ដែល​​​ចុះ​​​ទៅ​មើល។

លោក​​​បាន​​​និយាយ​​​ថា សាលា​​​ដំបូង​​​ខេត្ត​​​បាន​​​កោះ​​​ហៅ​​​អ្នក​​​ភូមិ​​​បី​​​នាក់​​​មក​​​សាក​​​សួរ​​​កាលពី​​​ថ្ងៃ​​​ទី​​​២៦​​​ខែ​​​ឧសភា​​​ ឆ្នាំមុន ហើយ​​​សង្ស័យ​​​ថា ចំណាត់​​​ការ​​​នេះ​​​គឺ​​​ជា​​​ការ​​​សង​​​សឹក​ចំពោះ​​ការ​ដែល​​​​លោក​​​មិនព្រម​​​ទទួលយក​​​សំណង​​​ពីក្រុមហ៊ុន KDC។ លោក​​​បាន​​​និយាយ​​​ថា “វា​​​ជា​​​ការ​​​ដាក់​​​សម្ពាធ​​​ថ្មី​​​មួយទៀត​​​មក​​​លើ​​​រូប​​​ខ្ញុំ​​​ចំពោះ​​​ការ​​​​​​ដែលខ្ញុំបដិសេធ​​​ម្តង​​​ហើយ​​​ម្តង​​​ទៀត​​​​​​មិនព្រម​​​ទទួល​​​យក​​​សំណង​​​ពី​​​ក្រុម​​​ហ៊ុន​​​នេះ​​​។ ដូច្នេះ​​​ក្រុម​​​ហ៊ុន​​​បាន​​​ចាប់​​​ផ្តើមប្រើប្រាស់​​​ប្រព័ន្ធតុលាការ​​​ដើម្បី​​​បំភិត​​​បំភ័យ​​​ពួក​​​យើង​​​”។

លោក ឌុច សីុនួន​​​ បុរស​​​ម្នាក់​​​ក្នុង​​​ចំណោម​​​បុរស​​​ដែល​​​ត្រូវ​​​តុលាការ​​​កោះ​​​ហៅ បាន​​​និយាយ​​​ថា លោក រាជ សីមា គ្មាន​​​កំហុស​​​ពាក់ព័ន្ធ​ការ​ចោទ​ប្រកាន់នេះទេ​​​ ដោយ​​​លោក​​​បន្ថែម​​​ថា អ្នក​​​ភូមិ​​​ជាង​​​៤០​​​នាក់​​​ទៀត​​​នឹង​​ទៅ​​​តុលាការ​​​នៅ​​​ថ្ងៃ​​​សាក​​​សួរ​​​ ដើម្បី​​​ធ្វើ​​​ការ​​តវ៉ា​​​៕ សារុន​​​​​​​​​​​​​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស