31 C
Phnom Penh

លោក ហ៊ុន​ សែន ផ្ញើសារ​រំលែកទុក្ខ​ជូន​​​នាយករដ្ឋ​​​មន្ត្រី​​​ឡាវ​​​​

ដោយ ឌឹ ខេមបូឌា ដេលី

បទវិភាគ

លោកនាយក​រដ្ឋមន្ត្រី ហ៊ុន សែន បាន​ផ្ញើ​​​សារ​​​រំលែក​​​ទុក្ខ​​​ជូនលោក ថង់ស៊ីង ថាំម៉ាវង្ស នាយក​​​រដ្ឋមន្ត្រីសាធារណ​​​រដ្ឋប្រជាធិបតេយ្យប្រជាមានិត​ឡាវ ​ចំពោះការ​ធ្លាក់​​​យន្ត​​​ហោះ​​​កាល​​​ពីថ្ងៃសៅរ៍ ដែល​ធ្វើ​ឲ្យ​​​លោក ដួងចៃ ពិចិត្រ រដ្ឋមន្ត្រី​​​ក្រសួង​ការ​ពារ​ជាតិ​ឡាវ ​និង​​​មនុស្ស​យ៉ាង​ហោច​១៤​នាក់​ រួម​​​ទាំង​មន្ត្រីជាន់​ខ្ពស់​មួយចំនួនទៀត ​​បាន​បាត់​​​បង់​​​ជីវិត​​​។

លិខិត​ដែល​ចុះកាលបរិច្ឆេទ​ថ្ងៃសៅរ៍ ហើយ​ត្រូវបានបង្ហោះក្នុងគេហទំព័រ​ក្រសួង​ការបរ​ទេស​ និងគេហទំព័រ​គណបក្ស​ប្រជា​ជនកម្ពុជា​មានខ្លឹម​សារ​ថា ” ខ្ញុំមាន​ក្ដី​រន្ធត់ចិត្ត​ឥត​ឧបមា​ ដោយបានទទួល​ព័ត៌មានថា មាន​គ្រោះថ្នាក់​ធ្លាក់យន្តហោះយោធា​របស់ឡាវនាថ្ងៃទី​១៧ ខែ​ឧសភា ឆ្នាំ​២០១៤ ដែល​បណ្ដាល​ឲ្យ​បាត់បង់​ជីវិត​មនុស្ស​៤៤​នាក់ ដែលក្នុងនោះមាន​សមាជិកជាន់ខ្ពស់​រដ្ឋាភិបាលឡាវ​ជាច្រើននាក់​”។

លិខិត​នេះមាន​ខ្លឹម​សារ​ទៀត​ថា “ក្នុង​ខណៈពេល​មហាទុក្ខសោក​នេះ​ តាង​នាម​រាជរដ្ឋាភិបាល​ និង​ប្រជា​ជន​កម្ពុជា​ ខ្ញុំសូម​ចូលរួម​រំលែកទុក្ខ​យ៉ាង​ក្រៀម​ក្រំ​បំផុត​ចំពោះឯក​ឧត្តម និង​តាម​រយៈ​ឯកឧត្តម​ជូនចំពោះរដ្ឋាភិបាល​ និង​ប្រជាជន​ឡាវ​ ក៏ដូច​ជាក្រុមគ្រួសារ​សព​ចំពោះការ​បាត់បង់យ៉ាង​ធំធេង​ក្នុង​សោកនាដកម្ម​គ្រោះថ្នាក់​ដ៏​អកុសល​នេះ”។

យោងតាម​លោក ស្រី ថាំរុង្គ ជំនួយការ​ផ្ទាល់​​​​របស់​​​នាយក​រដ្ឋមន្ត្រីបាន​ឲ្យដឹង​ថា កាលពីម្សិល​មិញ លោក​ ហ៊ុន សែន ក៏បាន​​ចេញដំណើរ​ទៅចូលរួម​សន្និសីទ​ប្រចាំ​តំបន់​ក្នុង​ទីក្រុង​ប៉េកាំង ដែលនៅទីនោះលោក​មា​ន​គម្រោង​ជួប​ជាមួយ​លោក ស៊ី ជីនភីង ប្រធានា​​​ធិបតី​​​ចិន​នៅ​ពេល​រសៀល​​​​ផង​​​ដែរ​​​​​​។ នៅ​​​ថ្ងៃ​​​នេះ លោក​នឹង​ធ្វើ​ដំណើរ​ទៅ​ទស្សន​​​កិច្ច​​​វិទ្យាស្ថាន​ស្រាវ​ជ្រាវ​យន្តហោះ​ក្នុង​ទីក្រុង​សៀងហៃ៕ សារុន​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស