27 C
Phnom Penh

អ្នក​បើក​បរ​រថយន្ត​លួច​សម្លៀក​បំពាក់​ម៉ាក ​អាឌី​ដាស​

ដោយ ឌឹ ខេមបូឌា ដេលី

បទវិភាគ

នគរបាល​បាន​ឲ្យដឹង​ថា ​​​អ្នកបើក​បររថយន្តម្នាក់​ ​ដែលគេ​​​​ជួល​ឲ្យ​​​ដឹក​​សម្លៀក​បំពាក់​កីឡា​​​ម៉ាក អាឌីដាស ពីខេត្ត​កោះ​កុង​មកកាន់​រាជ​ធានីភ្នំពេញ​កាលពី​ថ្ងៃអង្គារ ​​បាន​លួច​យកសម្លៀក​បំពាក់​ ហើយ​​​​​​មិនទាន់​ចាប់​ខ្លួន​​​​​​បា​ន​នៅឡើយ។

​នគរបាល​បានចាប់​ផ្តើម​​តាម​ស្វែង​​​រក​​​ឈ្មោះ សួង ចាន់​តារា ​អាយុ​២២ឆ្នាំ និងស​ម្លៀក​បំពាក់​​ម៉ាក អាឌីដាស​ ចំនួន​២៦៨​​​កេស បន្ទាប់​ពីឈ្មោះ​ ព្រំ ​រ៉ុង ​​ដែល​​បានជួល​ ចាន់​តារា ​បាន​របាយ​ការណ៍​អំពី​ការ​​បាត់​សម្លៀក​បំពាក់​នេះ។​​ កាលពីរសៀល​ថ្ងៃអង្គារ ​រថយន្ត​នេះ​ត្រូវបាន​គេ​ប្រទះ​​ឃើញ​ចត​នៅ​ក្នុង​ខណ្ឌពោធិ៍​សែន​ជ័យ រាជធានី​ភ្នំពេញ ហើយ​សម្លៀក​បំពាក់​បាត់​អស់​។

លោក ផន គា នាយ​នគរបាល​ប៉ុស្តិ៍​សំរោងក្រោម បានមាន​ប្រសាសន៍ថា ” នគរបាល​របស់​​យើង​​បានសហការ​​ជាមួយ​​ម្ចាស់​រថយន្ត​​បើកទ្វារ​ក្រោយ​រថយន្ត ប៉ុន្តែ​នៅពេល​បើកទ្វារ​ឡើង គ្មានអ្វី​នៅក្នុង​នោះទេ​”។

លោក ព្រំ រ៉ុង បាន​ទាក់ទងជាមួយ​រោងចក្រកាត់​ដេរ​ KKN នៅក្នុង​ខេត្តកោះកុង ដើម្បី​​​ដឹក​ទំនិញ​ទៅកាន់​​​ផែ​ស្ងួត Damco នៅក្នុង​សង្កាត់​ត្រពាំង​ក្រសាំង​ ខណ្ឌពោធិ៍​សែន​ជ័យ។

លោក រ៉ុង ​​បានប្រាប់​នគរបាល​​ថា ​គាត់​​បានទាក់​​ទង​​​ជាមួយ​ ចាន់តារា ​ខណៈ​​ដែល​​ជននេះ​បាន​​​ធ្វើ​​​ដំណើរ​​​​តាម​បណ្តោយ​ផ្លូវជាតិ​លេខ៤ ប៉ុន្តែថា ​គាត់​​​បាន​​​ចាប់​​​ផ្ដើម​​​សង្ស័យ ​ ហើយ​បាន​រាយការណ៍​ប្រាប់​នគរ​បាល​ បន្ទាប់ពី​ទូរស័ព្ទ​របស់​ ចាន់​តារា បិទ៕ ប៊ុននី

​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស