29 C
Phnom Penh

ជនជាប់​ចោទ​២៥នាក់​ត្រូវ​តុលាការ​កាត់​ឲ្យជាប់​ទោស​ពីបទពាក់​ព័ន្ធ​នឹង​បាតុ​កម្មរោងចក្រ​ ប៉ុន្តែ​ទោស​ត្រូវ​ព្យួរ​

ដោយ ឌឹ ខេមបូឌា ដេលី

បទវិភាគ

សហជីព ​​​កម្មករ​រោងចក្រ​និងអ្នកឈរ​មើល​ទាំង២៥នាក់​​ត្រូវបាន​តុលាការ​ក្រុងភ្នំពេញ​កាត់​ឲ្យជាប់​ទោស​កាល​ពីព្រឹក​ថ្ងៃ ​សុក្រ​ ពី​បទ​ជាប់​ពាក​ព័ន្ធ​នឹង​ ការធ្វើបាតុ​កម្មត​វ៉ាបី​កន្លែង​ផ្សេងៗ​គ្នាក្នុង​រាជ​ធានី​ភ្នំពេញ ​ប៉ុន្តែ​ទោស​របស់​ពួក​គេ​ត្រូវ​ព្យួរ។​ ជន​ជាប់​ចោទ​ទាំង​២២​នាក់​ដែល​តុលា​ការបដិសេធ​មិន​ឲ្យ​នៅក្រៅ​ឃុំ​ មុននឹង​សវ​នាការ​របស់​ពួកគេ​ ក៏ត្រូវ​បាន​ដោះ​លែង​ពី​ពន្ធ​នាគារ​ផងដែរ​។

លោក​ វន់​ ពៅ​ ប្រ​ធាន​សមា​គម​ប្រជា​ធិប​តេយ្យ​ឯក​រាជនៃ​សេដ្ឋ​កិច្ច​​ក្រៅ​ប្រព័ន្ធ​ មុន​​ពេល​​តុលា​ការ​សម្រេច​ដោះ​លែង​កាល​ពី​ព្រឹក​មិញ​​។​ស៊ីវ​ ចាន់​ណា
លោក​ វន់​ ពៅ​ ប្រ​ធាន​សមា​គម​ប្រជា​ធិប​តេយ្យ​ឯក​រាជនៃ​សេដ្ឋ​កិច្ច​​ក្រៅ​ប្រព័ន្ធ​ មុន​​ពេល​​តុលា​ការ​សម្រេច​ដោះ​លែង​កាល​ពី​ព្រឹក​មិញ​​។​ស៊ីវ​ ចាន់​ណា

ករណី​ទី​មួយ​ទាក់ទង​និង​ការតវ៉ា​ថ្ងៃទី ១២ ខែវិច្ឆិកា​ឆ្នាំ២០១៣​នៅពេល​ក្មេងវ័យ​ជំទង់ពីរ​នាក់ត្រូវ​បាន​ចាប់​ខ្លួន​បន្ទាប់​ពីពួកគេ​ដើរ​ក្បែការ​តវ៉ា​របស់​ក្រុមកម្មករ​រោងចក្រ​អេស​ អិល​(SL) នៅ​ស្ទឹង​មាន​ជ័យ។ ​នៅដើម​ខែ​មករា​ សហជីព​និង​កម្មករ​រោង​ចក្រ​២៣នាក់ ដែល​ចូល​រួម​ធ្វើ​កូដកម្ម​ត្រូវ​បានចាប់​ខ្លួននិង​ជាប់​ពន្ធនាគារ​​ផងដែរ​។

សវនការ​​​របស់ជន​ជាប់​ចោទ​​​ដែល​​​ត្រូវបាន​​​​​​សមត្ថ​កិច្ចចាប់​ខ្លួន​កាល​ពីខែមករា​​​ បាន​​​ធ្វើឡើងជា​​​ពីរ​ក្រុម​ផ្សេងគ្នា។ ​ជនជាប់ចោទ​​១០នាក់​ដែល​សមត្ថ​កិច្ចចាប់​ខ្លួន​​​នៅខាង​​​ក្រៅរោង​ចក្រ យ៉ាក​ជីន ​​​របស់​​​​​កូរ៉េ​​​ខាង​​​ត្បូង​​​​​​នោះ​​​ ត្រូវតុលាការ​​​បើកសវនការរួមគ្នា។​​​ ចំណែក​​​ឯជន​ជាប់​ចោទ១៣​នាក់​​​ផ្សេង​ទៀតត្រូវតុលាការ​បាន​​​​​​បើក​សវន​ការបន្ទាប់​​​ពីត្រូវបានចាប់​​​ខ្លួន​​​លើផ្លូវវេង ស្រេង​​ជាយក្រុង​​​ភ្នំពេញ​​​។

លោក កែវ មុនី ​​​ ចៅក្រមកាត់ក្តី​​​បានលើកលែងបទចោទដល់ជនជាប់ចោទ៦នាក់​​​ក្នុងចំណោម​​​ ជនជាប់ចោទ១០នាក់​​​នៅឯរោងចក្រ យ៉ាកជីន ឲ្យរួចពី​បទ​បំផ្លិចបំផ្លាញ​​​ទ្រព្យសម្បត្តិមានស្ថានទម្ងន់ទោស ប៉ុន្តែបានរក្សាបទចោទប្រើអំពើហឹង្សា​​​ដល់ពួកគេ។​​​  ចៅក្រមរូបនេះបានកាត់ឲ្យពួកគេជាប់​​​ពន្ធនា​គារចន្លោះ​​​ពី​​​ ២ឆ្នាំកន្លះ​ ​​ទៅ៤ឆ្នាំកន្លះ​​។ ជនជាប់ចោទ​​៤នាក់ត្រូវបាន​​​ ពិន័យឲ្យបង់ប្រាក់​​​ចំនួន ​​​ ៨លាន​​​រៀល​​​ក្នុងម្នាក់។​​​ ក្នុងសវនការ​​​ករណី​​​នៅផ្លូវ​​​វេង​​​ស្រេង​​​វិញលោក​​​ លាង  សំណាត់​​​  ចៅក្រមកាត់ក្តីបាន​​​រក្សាបទចោទប្រកាន់​​​លើពួកគេទាំងអស់​​​ ប៉ុន្តែ​​​​​​ព្យួរ​​​ទោស​​​ពួកគេពី១ឆ្នាំ ​​​ទៅ៤ឆ្នាំ​​​ ។​​​ ​​​​​​​​​សុខ ស៊ីដន

 

 

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស