28 C
Phnom Penh

តម្លៃ​​​សរុប​​​នៃ​​​ទំនិញនាំ​​​ចូល​​​​​​​​​ពី​​​​​​ថៃ​​​កើន​​​ឡើង​​​ជាង​​​១៤​​​ភាគ​​​រយក្នុង​​​រយៈ​​​ពេល​​​បួន​​​ខែ​​​ដើម​​​ឆ្នាំ​​​នេះ​​​

ដោយ ឌឹ ខេមបូឌា ដេលី

បទវិភាគ

យោ​​​ង​​​តាម​​​ទិន្ន​​​ន័យ​​​ដែល​​​ស្ថាន​​​ទូត​​​ថៃ​​​ប្រចាំ​​​កម្ពុជា​​​បាន​​​ចេញ​​​ផ្សាយ​​​កាល​​​ពី​​​ថ្ងៃ​​​សុក្រ​​​ បង្ហាញ​​​ថា តម្លៃ​​​សរុប​​​នៃទំនិញ​​​នាំចូល​​​ពី​​​ប្រទេស​​​ថៃ​ បាន​​​កើន​​​ឡើង​​​ជាង​​​១៤​​​ភាគ​​​រយ​​​ក្នុង​​​រយៈ​​​ពេល​​​បួន​​​ខែ​​​ដើម​​​ឆ្នាំ​​​នេះ​​​ បើ​​​ប្រៀប​​​ធៀប​​​ទៅ​​​នឹង​​​រយៈ​​​ពេល​​​ដូច​​​គ្នា​​​កាល​​​ពី​​​ឆ្នាំ​​​មុន​​​។

តម្លៃ​​​សរុប​​​នៃការ​​​​​​នាំ​​​ចេញ​​​របស់​​​ប្រទេស​​​ថៃ ​​​មក​​​កាន់​​​កម្ពុជា​​​ បាន​​​កើន​​​ឡើង​​​១៤,១៤​​​ភាគ​​​រយ​​​មកដល់​​​ប្រហែល​​​១,៥៥ពាន់​​​លាន​​​ដុល្លារ​​​ពី​​​ថ្ងៃទី១ ខែ​​​មករា ដល់​​​ថ្ងៃ​​​ទី​​​៣០​​​ខែ​​​មេសា គឺ​​​កើនឡើង​​​ពីចំនួន​​​​​​១,៣៥ពាន់​​​លាន​​​ដុល្លារ​​​ក្នុ​​ង​​​រយៈ​​​ពេលដូចគ្នា​​​ក្នុង​​​ឆ្នាំ​​​២០១៣​​​។

ប្រេង​​​ឥន្ធនៈ​​​ (២៦២,៧លាន​​​ដុល្លារ​​​) ភេសជ្ជៈ (៧៨លាន​​​ដុល្លារ) ស្ករស (៧២,៤​​​លាន​​​ដុល្លារ​​​) និង​​​សីុម៉ងត៍ (៦២,៩​​​លាន​​​ដុល្លារ) នៅ​​​តែ​​​ស្ថិត​​​ក្នុង​​​ចំណោម​​​ទំនិញ​​​កំពូល​​​ៗ​​​ដែល​​​កម្ពុជា​​​នាំចូល​​​ពី​​​ប្រទេស​​​ថៃ​​​ ចំណែក​​​ឯ​​​ត្បូង​​​ និង​​​គ្រឿង​​​អលង្ការ​​​ (២១៧,១លាន​​​ដុល្លារ​​​)​​​ បាន​​​កើន​​​ឡើង​​​១.១៨៧​​​​​ភាគ​​​រយ​​​ ដោ​​​យ​​​ជំនួស​​​តំណែង​​​ផលិត​​​ផល​​​សម្អាង​​​​​​ (៤៩,៤​​​លាន​​​ដុល្លារ) ជាប់​​​ឈ្មោះ​​​ក្នុង​​​មុខ​​​​​​ទំនិញ​​​កំពូល​​​ទាំង​​​ប្រាំ។

ទោះបី​​​ជា​​​ ប្រេងឥន្ធនៈ​​​នៅ​​​តែជា​​​ទំនិញ​​​នាំចូល​​​ច្រើនជាង​​​គេ​​​​​​បំផុតបើ​​​​​​គិត​​​ពី​​​តម្លៃ​​​ក្តី​​​ ក៏​​​តម្លៃ​​​សរុប​​​របស់​​​វា​​​បាន​​​ធ្លាក់​​​ចុះ​​​៨​​​ភាគ​​​រយ​​​ពី​​​ចំនួន​​​២៨៥​​​,៦​​​លាន​​​ដុល្លារ​​​សម្រាប់​​​រយៈ​​​ពេល​​​បួន​​​ខែ​​​ដើម​​​ឆ្នាំ​​​នេះ។​​​​​​

​​​ទិន្ន​​​ន័យ​​​នេះ​​​ក៏​​​បង្ហាញ​​​ដែរ​​​ថា ការ​​​នាំ​​​ចូល​​​សីុម៉ង់ត៍​​​បាន​​​កើនឡើង​​​២៣,២២​​​ភាគ​​​រយ​​​ពី​​​ចំនួន​​​៥១លាន​​​ដុល្លារ​​​ដល់​​​៦២​​​,៩​​​លាន​​​ដុល្លារ​​​ ហើយការ​​​នាំ​​​ចូល​​​បន្ទះ​​​អេឡិច​​​ត្រូ​​​និក​​​បាន​​​កើន​​​ឡើង​​​លើស​​​ទ្វេ​​​ដង​​​ពី​​​ចំនួន​​​៨,៦លាន​​​ដុល្លារ​​​ដល់​​​១៨,៦​​​លាន​​​ដុល្លារ។

កាល​​​ពីថ្ងៃ​​​សុក្រ មន្ត្រី​ និង​​​អ្នក​​​វិភាគ​​​ខាង​​​ឧស្សាហកម្ម​​​ថៃ​​​បាន​​​កោត​​​សរសើរ​​​ចំពោះ​​​កំណើន​​​សរុប​​​នៃ​​​សេដ្ឋកិច្ច​​​របស់​​​កម្ពុជា និង​​​ការរីក​​​ចម្រើន​​​យ៉ាង​​​ឆាប់​​​រហ័ស​​​ក្នុង​​​វិស័យ​​​សំណង់ ដោយ​​​​​​នៅក្នុង​​​ត្រី​​​មាស​​​ទី​​​១​​​ដើម​​​ឆ្នាំ​​​នេះ​​​ គម្រោង​​​​​​​​​​​​នានា ដែល​​​ទទួល​​​បាន​​​ការ​​​អនុម័ត​​​ បាន​​​កើន​​​ឡើ​​​ងជិត​​​ទ្វេ​​​ដង​​​។

លោក​​​ ស៊ូរ៉ា​​​​​​ចេត​​​ ម៉ានីពង្ស​​​ (Surachet Maneepong) អ្នក​​​ឯកទេស​​​​​​ខាង​​​ទ្រទង់​​​អាជីវកម្ម​​​នៅ​​​ការិយាល័យ​​​កិច្ច​​​ការ​​​ពាណិជ្ជកម្ម​​​នៃ​​​ស្ថាន​​​ទូត​​​ថៃ ​​​បាន​​​មាន​​​ប្រសាសន៍​​​ថា “​​​ កំណើន​​​​​​សេដ្ឋកិច្ច​​​នៅ​​​​​​ក្នុង​​​ប្រទេស​​​កម្ពុជា​​​ និង​​​កំណើន​​​ចំណូល​​​ក្នុង​​​មនុស្ស​​​ម្នាក់ៗ​​​របស់​​​ប្រជា​​​ពលរដ្ឋ​​​​​​កម្ពុជា បាន​​​ធ្វើ​​​ឲ្យ​​​តម្រូវ​​​ការ​​​ និង​​​ការ​​​នាំ​​​ចេញ​​​ផលិត​​​ផល​​​​​​ប្រើ​​​ប្រាស់​​​មក​​​កាន់​​​កម្ពុជា​​​ កើន​​​ឡើង​​​”។​

លោក​​​បានមាន​​​ប្រសាសន៍​​​ទៀត​​​ថា ” ការ​​​ផ្លាស់​​​ប្តូ​​​រទី​​​តាំង​​​និងការ​​​ពង្រីក​​​អាជីវកម្ម​​​ដែល​​​រួម​​​មាន​​​ការ​​​ភ្ជាប់​​​សង្វាក់​​​ផ្គត់​​​ផ្គង់​​​ បាន​​​ធ្វើ​​​ឲ្យ​​​ការ​​​នាំ​​​ចេញ​​​សម្ភារ​​​សំណង់​​​​​​​​​ និង​​​វត្ថុ​​​ធាតុ​​​ដើម​​​ពី​​​ប្រទេស​​​ថៃ​​​មក​​​កាន់​​​កម្ពុជា កើន​​​ឡើង​​​ និង​​​ [មាន] គម្រោង​​​សាង​​​សង់​​​កាន់​​​តែ​​​ច្រើន​​​​​​ [នៅ​​​កម្ពុជា​​​]”។

លោក​​​បាន​​​បន្ត​​​ថា ខណៈ​​​ដែល​​​អស្ថិរភាព​​​នយោបាយ​​​នៅ​​​ក្នុង​​​ប្រទេស​​​ថៃ​​​នា​​​ពេល​​​បច្ចុប្បន្ន​​​បាន​​​ធ្វើ​​​ឲ្យ​​​ប៉ះពាល់ដល់​​​​​​ពាណិជ្ជកម្ម​​​រវាង​​​ប្រទេស​​​ទាំង​​​ពីរ​​​ ប្រជាជន​​​ថៃ​​​ទំនង​​​ជា​​​សម្លឹង​​​រក​​​ឱកាស​​​ឆ្លង​​​ដែន​​​មក​​​វិនិយោគ​​​នៅ​​​កម្ពុជា​​​ ដោយ​​​សារ​​​តែ​​​ពេល​​​នេះ​​​​​​​​​ប្រជាជន​​​ក្នុង​​​ស្រុក​​​កំពុង​​​រឹត​​​ត្បិត​​​ការ​​​ចំណាយ​​​របស់​​​ខ្លួន​​​​​​​​​​។

លោក​​​មាន​​​ប្រសាសន៍​​​ថា ” គិត​​​ជា​​​រួម​​​ ពាណិជ្ជកម្ម​​​នៅ​​​តែ​​​កើន​​​ឡើង​​​។​​​ប្រជាជន​​​ [​​​កម្ពុជា និង​​​ថៃ​​​] អាច​​​យល់​​​ដឹង​​​ពី​​​ភាព​​​ខុស​​​គ្នា​​​រវាង​​​នយោបាយ​​​ និង​​​ពាណិជ្ជកម្ម​​​”។

ប៉ុន្តែ លោក ស្រី ចាន់ធី អ្នក​​​សេដ្ឋកិច្ច​​​ឯករាជ្យ​​​បាន​​​មាន​​​ប្រសាសន៍​​​ថា អស្ថិរភាព​​​នយោ​​​បាយ​​​នៅ​​​ក្នុង​​​ប្រទេស​​​ថៃ​​​ ទំនង​​​ជា​​​មូល​​​ហេតុ​​​ដែល​​​ធ្វើ​​​ឲ្យ​​​តម្លៃ​​​សរុប​​​នៃ​​​ការ​​​នាំ​​​ចូល​​​​​​ប្រេង​​​ឥន្ធនៈ​​​​​​​​​មក​​​កាន់​​​កម្ពុជា​​​ ធ្លាក់​​​ចុះ​​​​​​​​​។ លោក​​​បាន​​​បន្ត​​​ថា ” ប្រេង​​​ឥន្ធនៈ​​​ត្រូវ​​​បាន​​​នា​​​ំចូល​​​មក​​​កាន់​​​កម្ពុជា​​​តាម​​​ផ្លូវ​​​គោក​​​ និង​​​ផ្លូវ​​​ទឹក ប៉ុន្តែ ខ្ញុំ​​​យល់​​​ឃើញ​​​ថា បាតុកម្ម​​​នៅ​​​ក្នុង​​​ប្រទេស​​​ថៃ​​​បាន​​​ធ្វើ​​​ឲ្យ​​​ប៉ះ​​​ពាល់​​​​​ដល់​​​ការ​​​នាំ​​​ចូល​​​ទំនិញ​​​នេះ​​​ [តាម​​​ផ្លូវ​​​គោក​​​] ចំណែក​​​ឯ​​​ការ​​​នាំចូល​​​ប្រេង​​​ឥន្ធនៈ​​​តាម​​​ផ្លូវ​​​ទឹក​​​មិន​​​បាន​​​រង​​​ការ​​​ប៉ះពាល់​​​ទេ​​​”៕ សុខុម​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស