អ្នក​កាសែត​​ដែលប្តឹង​ទាហាន​ម្នាក់បាន​ដក​ពាក្យ​បណ្តឹង​របស់ខ្លួនវិញ​

ក្រុម​​​មន្ត្រី​​​តុលាការ​​​ និង​​​កង​​​រាជ​​​អាវុធហត្ថ​​​បាន​​​និយាយ​​​កាល​​​ពី​​​ម្សិលមិញ​​​ថា អ្នក​​​កាសែត​​​ម្នាក់​​​ដែល​​​បាន​​​ដាក់​​​ពាក្យ​​​បណ្តឹង​​​ទៅសាលា​​​ដំបូង​​​ខេត្ត​​​ពោធិ៍​​​សាត់​​​ដោយ​​​ចោទ​​​ប្រកាន់​​​ថា ទាហាន​​​ម្នាក់​​​បាន​​​គំរាម​​​សម្លាប់​​​លោក​​​ពាក់​​​ព័ន្ធនឹង​​​ការ​​​ធ្វើសេចក្តីរាយការណ៍​​​ពីការ​​​កាប់​​​ឈើ​​​ខុស​​​ច្បាប់​​​នោះ​​​បាន​​​ដក​​​ពាក្យ​​​បណ្តឹង​​​វិញ​​​ហើយ​​​ បន្ទាប់​​​ពី​​​ទាហាន​​​រូប​​​នេះ​​​ត្រូវ​​​បាន​​​ដាក់​​​ពិន័យ​​​ផ្ទៃ​​​ក្នុង​​​។ 

លោក សាក់​​​ រុំ អ្នក​​​យក​​​ព័ត៌មាន​ឲ្យ​​​កាសែត​​​ការពិត​​​ មិន​​​អាច​​​ទាក់​​​ទង​​​សុំ​​​អត្ថា​​​ធិប្បាយ​​​បាន​​​ទេ​​​។ លោក​​​ សឹុម​​​ ឈុន​​​លាង ចាង​​​ហ្វាង​​​កាសែ​​​ត​​​នេះ​​​បាន​​​មាន​​​ប្រសាសន៍​​​ថា លោក​​​មិន​​​ដឹង​​​ពី​​​ការ​​​ដក​​​ពាក្យ​​​បណ្តឹង​​​នោះ​​​ទេ​​​។

លោក នាក់​​​ សុវណ្ណ ក្រឡា​​​បញ្ជី​​​របស់​​​លោក តន់ សីហតេជះ ព្រះ​​​រាជ​​​អាជ្ញា​​​អម​​​សាលា​​​ដំបូង​​​ខេត្ត​​​បានមាន​​​ប្រសាសន៍​​​កាល​​​ពីម្សិលមិញ​​​ថា លោក​​​ សាក់ រុំ បាន​​​ដក​​​ពាក្យ​​​បណ្តឹង​​​វិញ​​​ហើយ​​​កាល​​​ពី​​​ថ្ងៃ​​​ព្រហស្បតិ៍​​​ បន្ទាប់​​​ពីមាន​​​ការ​​​ចរចា​​​ជា​​​មួយ​​​ទាហាន​​​រូប​​​នេះ​​​ក្រៅ​​​ប្រព័ន្ធ​​​តុលា​ការ​​​។

លោក សុវណ្ណ បានមាន​​​ប្រសាសន៍​​​ថា “កាល​​​ពី​​​ថ្ងៃ​​​ព្រហស្បតិ៍ ជ​​​ន​​​រង​​​គ្រោះ​​​បាន​​​ដក​​​ពាក្យ​​​បណ្តឹង​​​វិញ​​​ហើយ​​​ បន្ទាប់​​​ពី​​​អះ​​​អាង​​​ថា មាន​​​ការ​​​ចរចា​​​រវាង​​​ភាគី​​​ទាំង​​​ពីរ​​​ក្រៅ​​​ប្រព័ន្ធ​​​តុលាការ​​​​​​។ យើង​​​បាន​​​សម្រេច​​​​​​ដក​​​ពាក្យ​​​បណ្តឹង​​​ បន្ទាប់​​​ពី​​​មាន​​​សំណើពី​​​អ្នក​​​កាសែត​​​រូប​​​នេះ​​​មុន​​​ពេល​​​ពាក្យ​​​បណ្តឹង​​​ទៅ​​​ដល់​​​ដៃ​​​ព្រះ​​​រាជ​​​អាជ្ញា​​​”។

លោក សាក់​​​ រុំ បាន​​​អះអាង​​​ថា លោក សួស​​​ ទូច ដែលជា​​​ទាហាន​​​​​​កង​​​យោធពល​​​ខេមរ​ភូមិន្ទ​​​​បាន​​​មក​​​ផ្ទះ​​​របស់​​​លោក​​​ដោយ​​​មាន​​​កាន់​​​កាំភ្លើង​​​ក្នុង​​​ដៃ​​​ប្រាប់​​​លោក​ឲ្យ​​ប្រយ័ត្ន​​​ខ្លួន​​​ចំពោ​​ះ​​​សេចក្តី​​​រាយការណ៍​​​របស់​​​ខ្លួន​​​។ ការ​​​មក​​​ផ្ទះ​​​របស់​​​លោក​​​នេះ​​​ធ្វើ​​​ឡើង​​​បន្ទាប់​​​ពី​​លោក​​​បាន​​​សរសេរ​​​អត្ថ​​​បទ​​​ជាច្រើន​​​ភ្ជាប់​​​លោក សួស​​​ ទូច​​​ ទៅ​​​នឹង​​​ការ​​​ជួញដូរ​​​ឈើ​​​ប្រណីត​​​ខុស​​ច្បាប់​​​។

លោក សួស​​​ ទូច មិន​​​អាច​​​ទាក់​​​ទង​​​សុំ​​​អត្ថា​​​ធិប្បាយ​​​បាន​​​ទេ​​​កាល​​​ពី​​​ម្សិលមិញ​​​។ លោក​​​ឧត្តម​​​សេនីយ​​​៍​​​ត្រី​​​ ឈុំ​​​ សេង​​​ហន នាយ​​​សេនាធិការ​​​កង​​ពល​​​តូច​​​អន្តរាគមន៍​​​លេខ​​​១៤​​​នៃ​​​កង​​​យោធពល​​​ខេមរភូមិន​​​្ទ​​​ដែល​​​ជា​​​ចៅហ្វាយ​​​នាយ​​​របស់​​​លោក​​​បាន​​​មាន​​​ប្រសាសន៍​​​ថា លោកសួស ទូច បាន​​​ចុះ​​​ហត្ថ​​​លេខា​​​​​​យល​​​់​​​ព្រម​​​កែ​​​ឥរិយាបថ​​​របស់​​​ខ្លួន​​​។

លោក​​​បាន​​​មាន​​​ប្រសាសន៍​​​ថា “កាល​​​ពី​​​ថ្ងៃ​​​ព្រហស្បតិ៍​​​សប្តាហ៍​​​មុន យើង​​​បាន​​​ហៅ​​​លោក​​​ សួស ទូច ឲ្យ​​​មក​​​​​​កាន់​​​អង្គ​​​ភាព​​​ដើម្បី​​​ផ្តិ​​​ត​​​មេដៃ និងធ្វើ​​​កិច្ច​​​សន្យា​​​ជាមួយ​​​អង្គភាព​​​ថា ឈប់​​​ធ្វើ​អ្វីៗ​​​ដែល​​​ពាក់​​​ព័ន្ធ​​​បញ្ហាដែល​​​លោក​​​ត្រូវ​​​បាន​​​គេ​​​ចោទ​​​ប្រកាន់នេះ​​​។ លោក​​​ សួស ទូច បាន​​ទទួល​​​ស្គាល់​​​ថា លោក​​​បាន​​​ជួញ​​​ដូរ​​​ឈើ​​​ប្រណីត​​​មែន​​​ក្នុង​​​ពេល​​​កន្លង​​​មក​​​ ហើយ​​​លោក​​​បាន​​​ទៅ​​​ផ្ទះ​​​អ្នក​​​កាសែត​​​រូប​​​នោះ​​​ មែន បន្ទាប់មកពួកគេ​​​បាន​​​វាយតប់​​​គ្នា​​​នៅ​​​យប់​​​នោះ​​​ ប៉ុន្តែ លោក​​​បាន​​បដិ​សេធ​​​ថា លោក​​​មិន​​​មាន​​​អាវុធ​​​ទេ”។

លោក​​​ឧត្តម​​​សេនីយ៍​​​ត្រី សេងហន បាន​​​មាន​​​ប្រសាសន៍​​​ថា កិច្ច​​​សន្យា​​​នោះ​​​សរសេរ​​​ថាលោក​​​ សួស ទូច​​​ ត្រូវ​​​ឈប់​​​គំរាម​​​កំហែង​​​អ្នក​​​កាសែត​​​ ហើយ​​​ឈប់​​​ជួញ​​​ដូរ​​​ឈើ​​​ប្រណីត​​​ខុស​​​ច្បាប់​​​ទៀត​​​។ លោក​​​បាន​​​មាន​​​ប្រសាសន៍​​​ថា “យើង​​​នឹង​​​ដាក់​​​ទោ​​​ស​​​គាត់​​​ដោយ​​​មិន​​​អនុញ្ញាត​​​ឲ្យ​​​គាត់​​​ចេញ​​​ក្រៅ​​​អង្គភាព​​​ឡើយ​​​។ គាត់​​​បាន​​​ផ្តិត​​​មេដៃ​​​ឲ្យ​​​យើង​​​ ហើយ​​​ប្រសិន​​​បើ​​​គាត់​​​ចេញ​​​ក្រៅ​​​អង្គភាព​​​ …​​​ដោយ​​​គ្មាន​​​ការ​​​អនុញ្ញាត​​​ យើង​​​នឹង​​​បណ្តេញ​​​គាត់​​​ចេញ​​​”៕ សារុន​​​​​​​​​​​​​​​