26 C
Phnom Penh

ក្រសួង​បរិស្ថាន​បើក​ការ​ដ្ឋាន​សាងសង់អគារថ្មីបន្ទាប់ពី​លុបចោល​កិច្ចព្រមព្រៀង​ដោះដូរដី

ដោយ ឌឹ ខេមបូឌា ដេលី

បទវិភាគ

កាល​​​ពីម្សិលមិញ ក្រសួង​​​បរិស្ថាន​​​បាន​​​បើក​​​ការដ្ឋាន​​​​​​សាង​​​សង់​​​អគារថ្មី​​​របស់​​​​​​ខ្លួន​​​ស្ថិត​​​នៅ​លើ​ដីមួយ​កន្លែង​ជិត​​​កោះ​​​ពេជ្រ​​​ក្នុង​​​រាជធានី​​​ភ្នំពេញ​​​ បន្ទាប់​​​ពី​​​រដ្ឋ​​​មន្ត្រី​​​ក្រសួង​​​បរិស្ថានបាន​​​លុប​​​ចោល​​​កិច្ច​​​ព្រម​​​ព្រៀង​​​ដោះ​​​ដូរ​​​ដី​​​ដែល​​ពោរពេញដោយភាព​​​អាថ៌កំបាំង​​​។

លោក សាយ សំអាល់​​​ រដ្ឋ​​​មន្ត្រី​​​ក្រសួង​​​បរិស្ថានបើក​​​ការដ្ឋាន​​​​​​សាង​​​សង់ ​​​អគារថ្មី​​​របស់​​​​​​ខ្លួន​​​ស្ថិត​​​នៅ​លើ​ដីមួយ​កន្លែង​ជិត​​​កោះ​​​ ពេជ្រ​​​ក្នុង​​​រាជធានី​​​ភ្នំពេញកាលពី​ម្សិលមិញ​។ ស៊ីវ​ ចាន់ណា/ខេម​បូឌា​ េដលី​ ​​​
លោក សាយ សំអាល់​​​ រដ្ឋ​​​មន្ត្រី​​​ក្រសួង​​​បរិស្ថានបើក​​​ការដ្ឋាន​​​​​​សាង​​​សង់ ​​​អគារថ្មី​​​របស់​​​​​​ខ្លួន​​​ស្ថិត​​​នៅ​លើ​ដីមួយ​កន្លែង​ជិត​​​កោះ​​​ ពេជ្រ​​​ក្នុង​​​រាជធានី​​​ភ្នំពេញកាលពី​ម្សិលមិញ​។ ស៊ីវ​ ចាន់ណា/ខេម​បូឌា​ េដលី​
​​​

មន្ត្រី​​​ប្រហែល​​​២០០នាក់​​​បាន​​​ចូល​​​រួម​​​ក្នុង​​​ពិធី​​​ធ្វើឡើង​​នៅ​​​ក្នុង​​​សង្កាត់​​​ចតុមុខ​​​ ដែល​​​លោក សៅ​​​ សុភាព​​​ ប្រធាន​​​ខុទ្ទ​​​កា​​​ល័យ​​​លោក សាយ សំអាល់​​​ រដ្ឋ​​​មន្ត្រី​​​ក្រសួង​​​បរិស្ថាន​​​បាន​​​មាន​​​ប្រសា​សន៍​​​ថា លោក​​​នាយក​​​រដ្ឋ​​​មន្ត្រី​​​ ហ៊ុន សែន បាន​​​ផ្តល់​​​ទី​​​តាំង​​​ថ្មី​​​នេះ​​​ដោយ​ផ្ទាល់​។

លោក សុភាព បាន​​​មាន​​​ប្រសាសន៍​​​ថា “យើង​​​គ្រោង​​​ចំណាយ​​​ថវិកា​​​៨លាន​​​ដុល្លារ​​ក្នុង​ការ​​​​សាង​​​សង់​​​អគារ​​​ថ្មី​​​នេះ​​​។ យើង​​​នឹង​​​ដាក់​​​ឈ្មោះ​​​អគារ​​​នោះ​​​ថា មរតក​​​តេ​​​ជោ​​​ ដើម្បី​​​ថ្លែង​អំណរ​គុណ​​​សម្តេច​​​ ហ៊ុន សែន ពីព្រោះ​​​លោក​​​បាន​​​ផ្តល់​​​ដី​​​ដ៏​​​មាន​​​តម្លៃ​​​ដល់​​​ក្រសួង​​​បរិស្ថាន​​​”។

បន្ទាប់​​​មក​​​លោក សុភាព បាន​​​មាន​​​ប្រសាសន៍​​​អំពី​​​ទីតាំង​​​ថ្មី​​​របស់​​​ក្រសួង​​​ថា ជា​​​ផ្នែក​​នៃ​​​ការ​​​ដោះ​​​ដូរ​​​ដី​​​ថ្មីមួយទៀត​​​។ ប៉ុន្តែ លោក​​​បាន​​​បដិសេធ​​​មិន​​​និយាយ​​​ថា តើ​​​ក្រុម​​​ហ៊ុន​​​សំណង់​​​ ដូន​​​ពេញ ដែល​​​ទទួល​​​បន្ទុក​​​សាង​​​សង់​​​អគារ​​​ថ្មី​​​នេះ ​​​នឹង​​​ទទួល​​​បាន​​​ដី​​​ចាស់​​​របស់ក្រសួង​​​នេះ ឬ​​​យ៉ាង​​​ណាឡើយ។

លោក សុភាព ដែល​​​បាន​​​បដិសេធ​​​មិន​​​និយាយ​​​ថា តើ​​​នរណា​​​នឹង​​​ចំណាយ​​​ប្រាក់៨លាន​​​ដុល្លារ​​​ក្នុង​ការ​សាងសង់អគារថ្មីនោះបាន​​​មាន​​​ប្រសាសន៍​​​ថា ” យើង​​​បាន​​​ដោះ​​​ដូរ​​​ទីតាំង​​​ក្រសួង​​​ចាស់​​​រួច​​​ហើយ​​​ ហើយ​​​យើង​​​នឹង​​​ផ្តល់​​​ទីតាំង​​​នោះ​​​ទៅ​​​ឲ្យ​​​ម្ចាស់​​​ថ្មី​​​ បន្ទាប់​​​ពី​​​ការ​សាងសង់​​​អគារ​​​ថ្មី​​​រួច​​​រាល់​​​”។

លោក ជួន វិចិត្រ​​​សិលា អគ្គនាយក​​​រង​​​ក្រុមហ៊ុន​​​សំណង់​​​ ដូន​​​ពេញ បាន​​​មាន​​​ប្រសាសន៍ថា អគារ​​​នេះ​​​នឹង​​​សាងសង់​​​រួច​​​រាល់​​​ក្នុង​​​រយៈ​​​ពេល​​​មួយ​​​ឆ្នាំ​​​កន្លះ​​​។

ភ្លាមៗ​​​បន្ទាប់​​​ពី​​​លោក​ត្រូវ​បាន​តែងតាំង​កាលពីខែ​​​កញ្ញា លោក​​​ សាយ​​​ សំអាល់​​​ កូន​​​ប្រុស​​​របស់​​​លោក សាយ​​​ ឈុំ អគ្គលេខាធិការ​​​គណបក្ស​​​ប្រជាជន​​​កម្ពុជា បាន​​​លុប​​​ចោល​​​កិច្ច​​​ព្រម​​​ព្រៀង​​​ដោះ​​​ដូរ​​​ដី​​​ជាមួយ​​​ក្រុម​​​ហ៊ុន រតនា ដែល​​​បាន​​​ធ្វើ​​​ឡើង​​​​នៅ​ជំនាន់​​​​លោក​​​ ម៉ុក ម៉ារ៉េត
អតីត​​​រដ្ឋ​​​មន្ត្រី​​​ក្រសួង​​​បរិស្ថាន​​​។

តាមរយៈកិច្ច​​​ព្រម​​​ព្រៀង​​​នេះ​​​ ក្រុមហ៊ុន រតនា ចាប់​​​ផ្តើម​​​សាង​​​សង់​​​អគារ​​​ក្រសួង​​​ថ្មី​​ស្ថិត​​​ក្នុង​​​ខណ្ឌ​​​មាន​​​ជ័យ​​​ នៅ​​​លើ​​​ដី​​​មួយ​​​កន្លែង​​​ចម្ងាយ​​​២០​​​គីឡូម៉ែត្រ​​​ពី​​​អតីត​​​ទី​​​តាំង​​​ក្រសួង​​​ចាស់​​​ស្ថិត​​​នៅ​​​តាម​បណ្ដោយ​មហាវិថីព្រះ​​​សីហ​​​នុ​​​។

អ្នកស្រី​​​ អ៊ាន អេឡែន ម្ចាស់​​​ក្រុម​​​ហ៊ុន រតនា បាន​​​មាន​​​ប្រសាសន៍​​​ថា ឥឡូវ​​​នេះ​​​ក្រុម​​​ហ៊ុន​​​របស់​​​អ្នកស្រី​​​កាន់​​​កាប់​​​តែទីតាំងអគារ​​​នៅ​​​ខណ្ឌ​​​មាន​​​ជ័យ​​​ដែល​​​បច្ចុប្បន្ន​​​សាងសង់​​​​​បាន​​ពាក់​​​កណ្តាល​​​ហើយ​​​។

អ្នកស្រី​​​បាន​​​មាន​​​ប្រសាសន៍​​​ថា “ក្រសួង​​​បរិស្ថាន​​​បាន​​​សុំ​​​ដោះ​​​ដូរ​​​ដី​​​ជាមួយ​​​​​​ក្រុមហ៊ុន​​​របស់​​ខ្ញុំ​​​ប៉ុន្តែក្រោយមកពួកគេ​​​បាន​​​ប្តូរ​​​ចិត្ត​​​វិញ​​​​។ វា​​​មិន​​​ជាប់​​​ពាក់​​​ព័ន្ធ​​​ជា​​​មួយ​​​ក្រសួង​​​បរិស្ថាន​​​ទៀត​​​ទេ​​​ ហើយ​​​ឥឡូវនេះ​​​ការ​​​ដោះ​​​ដូរ​​​ដី​​​ចប់​​​សព្វ​​​គ្រប់​​​ហើយ​​​”។

លោក សុខ​​​ ឃឿន អតីត​​​វិស្វករ​​​នៅ​​​ក្រុមហ៊ុន​​​ រតនា បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា ក្រុមហ៊ុន​​​ជិត​​​ក្ស័យ​​​ធនបន្ទាប់​​​ពី​​​កិច្ច​​​ព្រម​​​ព្រៀង​​​ដោះ​​​ដូរ​​​ដីត្រូវ​បាន​លុបចោល។ លោក​​​បាន​​​មាន​​​ប្រសាសន៍​​​ថា “វិស្វករ​​​និ​​​ងកម្មករ​​​​ទាំង​អស់​បាន​​​ចាក​​​ចេញ​​​ពី​​​ក្រុមហ៊ុន​​​ដោយ​​​សារ​​​មិន​​​មាន​​​​​​លុយ​​​ធ្វើ​​​បន្ត​ទៀត​​​”៕សារុន​​​​​​​​​​​​​​​​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស