26 C
Phnom Penh

វរសេនីយ៍ទោ​មួយរូប​ទទួលស្គាល់ថា រថយន្ត​​របស់លោក​បាន​បុក​មនុស្សពីរនាក់​ស្លាប់

ដោយ ឌឹ ខេមបូឌា ដេលី

បទវិភាគ

កាលពីម្សិល​​​មិញ មន្ត្រីកង​​​រាជអាវុធ​​​ហត្ថ​​​ម្នាក់​​​បាន​​​ទទួល​​​ស្គាល់​​​ថា រថយន្ត​​​របស់​​​លោ​​​ក​​​ពិត​​​ជា​​​បាន​​​ជាប់​​​ពាក់ព័ន្ធ​​​ក្នុង​​​ករណី​​​គ្រោះថ្នាក់​​​ចរាចរណ៍​​​បុក​​​ហើយរត់ ដែល​​​បាន​​​បណ្ដាលឲ្យមនុស្ស​​​ពីរ​​​នាក់​​​ស្លាប់​​​កាលពី​​​ខែ​​​មុន​​​មែន​​​ ប៉ុន្តែ​​​លោក​​​មិន​​​បាន​​​ជិះ​​​ក្នុង​​​រថយន្ត​​​របស់​​​លោក​​​ម៉ាក​​​តូយ៉ូតា​​​ទុនដ្រានៅពេល​​​គ្រោះ​​​ថ្នាក់​​​កើត​​​ឡើង​​​នោះទេ។

រថយន្ត​​​ភីកអាប់​​​មួយគ្រឿង​​​​បាន​​​បោះពួយ​​​ទៅបុក​​​ម៉ូតូ​​​ពីរ​​​គ្រឿង​​​នៅ​​​ជិត​​​ចំណុច​​​ប្រសព្វ​​​នៃ​​​មហា​​​វិថី​​​ព្រះនរោត្តម និង​​​មហាវិថី​​​ម៉ៅសេទុង​​​កាលពី​​​ថ្ងៃ​​​ទី​​​៣០​​​ ខែឧសភា ដោយ​​​បណ្ដាល​​​ឲ្យ​​​ ឃៀម នារី អាយុ​​​៤១​​​ឆ្នាំ និង​​​ សា៊ន វាសនា អាយុ​​​២៣​​​ឆ្នាំ​​​ស្លាប់។ ងួន ឧស្សា អាយុ​​​២៦​​​ឆ្នាំ​​​ត្រូវ​​​បាន​​​បញ្ជូនទៅមន្ទីរ​​​ពេទ្យ​​​កាល់​​​ម៉ែតដោយ​​​សារ​​​រង​​​របួស​​​ធ្ងន់​​​។

អ្នក​​​បើក​​​បរ​​​រថយន្ត​​​បាន​​​រត់​​​គេច​​​ខ្លួន​​​ដោយ​​​ថ្មើរ​​​ជើង​​​ ហើយគេមិន​​​ទាន់​​​ស្គាល់​​​អត្តសញ្ញាណ​​​នៅ​​​ឡើយ​​​ទេ។ នគរ​​​បាល​​​រាជធានី​​​ភ្នំពេញបាន​​​តាមដាន​​​ស្លាក​​លេខ​​​ខេមរភូមិន្ទ​​​របស់​​​រថយន្ត​​​នេះ ហើយ​​​បាន​​​ដាក់​​​ពាក្យ​​​បណ្ដឹង​​​សុំការ​​​សហការ​​​ពីក្រសួង​​​មហាផ្ទៃ។

លោកវរសេនីយ៍ទោ​​​ ឱ ស៊ឹម ដែល​​​បាន​​​មាន​​​ប្រសាសន៍​​​ថា លោក​​​កំពុង​​​ចរចា​​​អំពី​​​សំណង​​​ជាមួយជន​​​រង​​​គ្រោះ បាន​​​បញ្ជាក់​​​តាម​​​ទូរស័ព្ទ​​​កាលពី​​​ម្សិលមិញ​​​ថា នគរ​​​បាល​​​បាន​​​តាម​​​ដាន​​​រថយន្ត​​​របស់​​​លោក​​​។

លោក​​​វរសេនីយ៍ទោ ឱ ស៊ឹម បានមាន​​​ប្រសាសន៍​​​ថា ” វា​​​ជា​​​រថយន្ត​​​របស់​​​ខ្ញុំ ប៉ុន្តែ​​​សន្តិ​​​សុខ​​​ម្នាក់​​​បាន​​​ប្រើ​​​ប្រាស់​​​រថយន្ត​​​នេះ ហើយ​​​បាន​​​បង្ក​​​គ្រោះ​​​ថ្នាក់​​​ចរាចរណ៍។ ខ្ញុំ​​​កំពុង​​​ដោះ​​​ស្រាយ​​​បញ្ហា​​​ជាមួយ​​គ្រួសារ​​​ជន​​​រងគ្រោះ ហើយ​​​ករណីនេះ​​​នឹង​​​បញ្ចប់​​​នៅពេល​​​ឆាប់ៗ​​​នេះ”។ លោកវរ​សេនីយ៍ទោ ឱ ស៊ឹម បាន​​​ប្រាប់​​​ថា​​​ លោក​​​ជា​​​ជំនួយ​​​ការ​​​ឧត្តម​​​សេនីយ៍​​​ សៅ សុខា មេបញ្ជាការ​​​កង​​​រាជ​​​អាវុធ​​​ហត្ថ​​​លើ​​​ផ្ទៃ​​​ប្រទេស​​​។ លោក​​​បាន​​​មាន​​​ប្រសាសន៍​​​សំដៅ​​​ដល់​​​ឧត្តម​​​សេនីយ៍​​​ សៅ សុខា ថា ” ខ្ញុំជា​​​ជំនួយ​​ការ​របស់​មេបញ្ជាការ​កង​រាជអាវុធ​ហត្ថលើ​ផ្ទៃប្រទេស”។

ប៉ុន្តែ​​​លោក សៅ សុខា បាន​​​បដិសេធ​​​ថា លោក​​​ ឱ ស៊ឹម មិនមែន​ជា​​​ជំនួយ​​​ការ​​​របស់​​​លោក​​​ទេ។ លោក សៅ សុខា បានមាន​​​ប្រសាសន៍​​​ថា ” បុរស​​​រូប​​​នេះមិ​​ន​​​មែនជា​​​ជំនួយ​​​ការ​​​របស់​​​ខ្ញុំ​​​ទេ ប៉ុន្តែ​​​ប្រសិន​​​បើ​​​គាត់​​​អះអាង​​​ថា គាត​់ជាជំនួយ​​​ការ​​​របស់​​​ខ្ញុំ​​​ គាត់​​​ត្រូវ​​​តែ​​​ប្រឈម​​​មុខ​​​នឹង​​​ច្បាប់​​​”។

លោក ខេង ទីតូ អ្នក​​​នាំពាក្យកង​​​រាជ​​​អាវុធ​​​ហត្ថ​​​លើ​​​ផ្ទៃ​​​​​​ប្រទេស​​​បានមាន​​​ប្រសាសន៍​​​ថា​​​ តាម​​​ពិត​​​លោក ឱ ស៊ឹម ​​​ធ្វើការ​​​នៅ​​​នាយក​​​ដ្ឋាន​​​អភិវឌ្ឍន៍​​​​​​នៅ​​បញ្ជាការ​ដ្ឋានកង​​​រាជអាវុធ​​​ហត្ថ​​​លើ​​​ផ្ទៃ​​​ប្រទេស​​​។ លោកឧត្តម​​​សេនីយ៍ត្រី ខេង ទីតូ បាន​​​មាន​​​ប្រសាសន៍​​​ថា ” លោក​​​ ឱ ស៊ឹម ពិត​​​ជា​​​ធ្វើការ​​​នៅ​​​ក្នុង​​​ទីបញ្ជាការ​​​ដ្ឋាន​​​កង​​​រាជអាវុធហត្ថ​​​​​​លើ​​​ផ្ទៃ​​​ប្រទេស​​​មែន ប៉ុន្តែ​​​គាត់​​​មិន​​​មែន​​​ជា​​​ជំនួយ​​​ការ​​​របស់​​​ឯកឧត្តម​​​ សៅ សុខា ទេ​​​”។

អ្នកស្រី ភួន យី ជាម្ដាយ​​​របស់​​​ ស៊ាន វាសនា បាន​​​និយាយ​​​ថា អ្នកស្រី​​​បាន​​​និយាយ​​​ជាមួយ​​​លោក ឱ ស៊ឹម កាលពីសប្ដាហ៍មុន ហើយ​​​បានទាមទារ​​​សំណង​​​​​​ចំនួន​១៥.០០០​​​ដុល្លារ។ អ្នកស្រី​​​បាន​​​និយាយ​​​ថា ” លោក ឱ ស៊ឹម បាន​​​ប្រាប់​​​យើង​​​ថា គាត់គ្រាន់តែ​​​ជាតំណាង​​​អ្នក​​​បើក​​​បរ​​ប៉ុណ្ណោះ ហើយ​​​មិន​​​អាច​​​សម្រេច​​​បានទេ ប៉ុន្តែ​​​លោក​​​បាន​​​និយាយ​​​ថា លោក​​​នឹង​​​យក​​​សំណើ​​​នេះ​​​ទៅប្រាប់​​​អ្នក​​​បើក​​​បរ​​​”៕ សារុន​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស