26 C
Phnom Penh

ព្រះ​​រាជ​​​ពិធី​​បុណ្យ​​​ច​​​ម្រើន​​​ព្រះ​​​ជន្មសម្តេច​​​ម៉ែ​​​មាន​​​សភាព​​​ស្ងាត់​​ខុស​​​​​​ធម្មតា​​​

ដោយ ឌឹ ខេមបូឌា ដេលី

បទវិភាគ

ខណៈ​​​ដែល​​​បុគ្គលិក​​​ កម្មករ​​​ និង​​​មន្ត្រី​​​រាជ​​​ការ​​​ទូទាំង​​​ប្រទេស​​​បាន​​​ឈប់​​​សម្រាក​​​មួយ​​​ថ្ងៃ​​​កាល​​​ពី​​​ម្សិលមិញ ដើម្បី​​​អប​​​អរ​​​ព្រះរាជ​​​ពិធី​​​បុណ្យ​​​ចម្រើន​​​ព្រះ​​​ជន​​​្ម​​​សម្តេច​​​ម៉ែ នរោត្តម​​​ មុនី​​​នាថ  សម្តេច​​​ម៉ែ​​​បាន​​​ប្រារព្ធ​​ព្រះ​​​រាជ​​​​​ពិធី​​​នេះ​​​ដោយ​​​ស្ងាត់ៗ​​​ជាមួយ​​​សែ​​​រាជវង្សា​​​នុវង្ស​​​​​​ប្រមាណ​​​៦០​​​រូបក្នុង​​​ព្រះ​​​បរម​​​រាជ​​​វាំង​​​។

 សម្តេច​​​ម៉ែ​​​បាន​​​ប្រារព្ធព្រះ​​​រាជ​​​ពិធី​​​បុណ្យ​​​ចម្រើន​​​ព្រះ​​ ​ជន្ម​​​គម្រប់​​​៧៨​​​ព្រះ​​​វស្សា​​​យាង​​​​​​ចូល​​​៧៩​​​ព្រះ​​​វស្សា​​​ ​​​​​​​​​របស់​​​ព្រះ​​អង្គ​​​ នៅ​ព្រះ​បរមរាជវំាង​ដោយ​ភាព​ស្ងៀម​ស្ងាត់​កាល​ពីម្សិលមិញ។ ​
សម្តេច​​​ម៉ែ​​​បាន​​​ប្រារព្ធព្រះ​​​រាជ​​​ពិធី​​​បុណ្យ​​​ចម្រើន​​​ព្រះ​​ជន្ម​​​គម្រប់​​​៧៨​​​ព្រះ​​​វស្សា​​​យាង​​​​​​ចូល​​​៧៩​​​ព្រះ​​​វស្សា​​​របស់​​​ព្រះ​​អង្គ​​​ នៅ​ព្រះ​បរមរាជវំាង​ដោយ​ភាព​ស្ងៀម​ស្ងាត់​កាល​ពីម្សិលមិញ។ ​

សម្តេច​​​ម៉ែ​​​បាន​​​ប្រារព្ធព្រះ​​​រាជ​​​ពិធី​​​បុណ្យ​​​ចម្រើន​​​ព្រះ​​​ជន្ម​​​គម្រប់​​​៧៨​​​ព្រះ​​​វស្សា​​​យាង​​​​​​ចូល​​​៧៩​​​ព្រះ​​​វស្សា​​​​​​​​​​​​របស់​​​ព្រះ​​អង្គ​​​ ដោយ​​​ការ​​​ទទួល​​ពរ​​​ជ័យ​​​ពី​​​​​​​​​ព្រះ​​​សង្ឃ​​​ប្រាំ​​​អង្គ​​​​ក្នុង​​​ពិធី​​​តូច​​​មួយ​​​​​​នៅ​​​ព្រះ​​​បរម​​​រាជ​​​វាំង​​​​​វេលា​​​ម៉ោង​​​៩​​​ព្រឹក​​​ ​​​នេះ​​​បើ​​​យោង​​​តាម​​​​​​ការ​​​ឲ្យ​​​ដឹង​​​ពី​​​ព្រះ​​​អង្គ​​​ម្ចាស់​​​ សីុសុវត្ថិ​​​ ធម្មិ​​​កោ ​​​ ដែ​​​ល​​​បាន​​​ចូល​​​រួម​​​ព្រះ​​​រាជ​​​ពិធី​​​នេះ​​​​​​ដែរ។

ព្រះ​​​អង្គ​​​ម្ចាស់​​​បាន​​​មាន​​​ព្រះ​​​បន្ទូល​​​ថា “សម្តេច​​​ម៉ែ​​​កំពុង​​​កាន់​​​​​​ព្រះ​​​រាជ​​​មរណ​​​ទុក្ខ​​​​ព្រះ​​​បរមរតន​​​កោដ្ឋ​​​សម្តេច​​​ឪ នរោត្តម​​​ សីហនុ ដូច្នេះ​​​គ្មាន​​​ពិធី​​​ធំដុំ​​ គ្មាន​​​តន្ត្រី និង​​​ពិធី​​​លាង​​​សាយ​​​ភោជ​​​ន៍​​​សម្រាប់​​​សម្តេច​​​ម៉ែ​​​ នរោត្តម​​​ មុនីនាថ ទេ​​​។ មាន​​​សារលិខិត​​​ថ្វាយ​​​ព្រះ​​​ពរ​​​ និង​​​កន្ត្រក​​​​​​ផ្កា​​​មួយ​​​ចំនួន​​​ពី​​​ឯក​​​អគ្គ​​​រាជ​​​ទូត​​​ រដ្ឋទូត​​​ និង​​​មន្ត្រី​​​ការទូត​​​​​​នានា​​​ប្រចាំ​​​កម្ពុជា​​​ ប៉ុន្តែ គ្មាន​​​ពិធី​​​ទទួល​​​មេដឹកនាំ​​​ក្នុង​​​ជួរ​​​រដ្ឋាភិបាល​​​ និង​​​មន្ត្រី​​​ផ្សេងៗ​​​ទៀត​​​ទេ​​​”។

ព្រះ​​​អង្គ​​​ម្ចាស់​​​បាន​​​មាន​​​បន្ទូល​​​ថា ចាប់​​​តាំង​​​ពី​​​សម្តេច​​​ឪ​​​បាន​​​ចូល​​​ទិវង្គត​​​នៅ​​​ខែ​​​តុលា ឆ្នាំ​​​២០១២​​​មក​​​ សម្តេច​​​ម៉ែ​​​ឈប់​​​រៀប​​​ចំ​​​​​​ព្រះ​​​រាជ​​​ពិធី​​​ចម្រើន​​​ព្រះ​​​ជន្ម​​​ធំដុំ​​​ទៀត​​​ហើយ​​​។ ព្រះ​​​អង្គ​​​បាន​​​​​​បន្ត​​​ថា “​​​កន្លង​​​មក​​​ សម្តេច​​​ឪ​​​តែង​​​តែ​​​រៀប​​​ចំ​​​ពិធី​​​លាង​​​សាយ​​​ភោជន៍​​​ជា​​​មួយ​​​​​​មន្ត្រី​​​ការ​​​ទូត​​​ និង​​​មេដឹក​​​នាំ​​​​​​ក្នុង​​​ជួរ​​​រដ្ឋាភិបាល​​​ ប៉ុន្តែ គ្មាន​​​តន្ត្រី​​អឺង​​​កង​​​​ ឬ​​​ពិធី​​​លាង​​​សាយ​​​ភោជន៍​​​ទេ​​​ ចាប់​​​តាំង​​​ពី​​​សម្តេច​​​ឪ​​​​​​សោយ​​​ទិ​​​វង្គតមក​​​”។

ទោះ​​​ជា​​​យ៉ាង​​​ណា​​​ នំ​​​ខេក​​​​​​ប្រាំ​​​ពីរ​​​ថ្នាក់​​​ដែល​​​មាន​​​រាង​​​ដូច​​​​​​ស្វេតច្ឆត្រ​​​ត្រូវ​​​បាន​​​ថ្វាយ​​​សម្តេច​​​ម៉ែ​​​អំឡុង​​​​​​ថ្ងៃ​​​ចម្រើន​​​ព្រះ​​​ជន្ម​​​របស់​​​ព្រះ​​​អង្គ ហើយ​​​កាល​​​ពី​​​យប់​​មិញ មាន​​​ពិធី​​​អុជ​​​​​​កាំ​​​ជ្រួច​​​នៅ​​​ទន្លេ​​​សាប​​​ខាង​​​មុខ​​​ព្រះ​​​បរម​​​រាជ​​​វាំង​​​។

ព្រះ​​​រាជ​​​​​​​​​ពិធី​​​នេះគឺ​​​​ជា​​​ឱកាស​​​ជួប​​​ជុំ​​​គ្នា​​​​​​របស់​​​​​​​​​សែរាជវង្ស​​​ជាច្រើន​​​ដែល​​​មក​​​ពី​​​គ្រប់និន្នាការ​​​នយោបាយ​​ រួម​​​មាន​​​ទាំង​​​ព្រះ​​​អង្គម្ចាស់ នរោត្តម  រណប្ញទ្ធិ ដែល​​​ទើប​​​បង្កើត​​​គណបក្ស​​​សង្គម រាស្ត្រ រាជាធិបតេយ្យ​​​កាល​​​ពី​​​សប្តា​​​ហ​​​៍មុន និង​​​ព្រះ​​​អង្គ​​​ម្ចាស់​​​ ចក្រ​​​ពង់្ស ដែល​​ជា​​​​​​អ្នក​​​ស្មោះ​​​ត្រង់​​​នឹង​​​គណបក្ស​​​ប្រជាជន​​​​​​ជាយូរ​​​មក​​​ហើយ​​​ផង​​​ដែរ​​​។

ទូរទស្សន៍​​​ជាតិ​​​បានចាក់​​​បញ្ចាំ​​​ងខ្សែ​​​ភាព​​​យន្ត​​​ដែល​​​ព្រះ​​​បរមរតន​​​កោដ្ឋ​​​សម្តេច​​​ឪ និង​​​សម្តេច​​​ម៉ែ សម្តែង​​​ជាតួឯក​​​​​​ នៅ​​​មុន​​ព្រះ​​​រាជ​​​​​​ពិធី​​​បុណ្យ​​​ចម្រើន​​​ព្រះ​​​ជន្ម​​​កាល​​​ពីម្សិលមិញ​​​។

សារ​​​ថ្វាយ​​​ព្រះ​​​ពរ​​​ពី​​​ស្ថាប័ន​​​នានា​​​របស់​​​រដ្ឋាភិ​​​បាល​​​ត្រូវ​​​បាន​​​ចុះ​​​ផ្សាយ​​​ព្រោង​​​ព្រាត​​​តាម​​​កាសែត​​​ក្នុងស្រុក​​​ ចំណែក​​​ឯទី​​​ភ្នាក់​​​ងារ​​​សារព័ត៌​​​​​​មាន​​​អាកាប៉េ របស់​​​រដ្ឋ ក៏បាន​​​ចុះ​​​ផ្សាយ​​​សារ​​​លិខិត​​​ស្រដៀង​​​គ្នា​​​ពី​​​មន្ត្រី​​​ជាន់​​​ខ្ពស់​​​មួយ​​​ចំនួន​​​​ ដែ​​ល​​​រួមមាន​​​ទាំង​​​លោក​​​ នេត សាវឿន អគ្គ​​​ស្នង​​​ការ​​​នគរបាល​​​ជាតិ​​​ និង​​​លោក​​​ ស ខេង រដ្ឋ​​​មន្ត្រី​​​ក្រសួង​​​មហាផ្ទៃ​​​ផងដែរ​​​។

លោក ឈិន កេតណា អគ្គលេខាធិការ​​​នៃ​​​គណៈកម្មាធិការ​​​ជាតិ​​​រៀប​​​ចំបុណ្យជាតិ និង​​​អន្តរ​​​ជាតិ​​​បាន​​​មាន​​​ប្រសាសន៍​​​ថា ព្រះ​​ឆាយា​​​លក្ខណ៍​​​របស់​​​សម្តេច​​​ម៉ែ​​​ត្រូវ​​​បានដាក់​​​តាំង​​​នៅ​​​ខាង​​​មុខ​​​បណ្តា​​​ក្រសួង​​​ និង​​​អគារ​​​នានា​​​របស់​​​រដ្ឋាភិបាល​​​ ដើម្បី​​​គោរព​​​ដល់​​​ព្រះ​​​រាជ​​​ពិធី​​​បុណ្យ​​​ចម្រើន​​​ព្រះ​​​ជន្ម​​​របស់​​​ព្រះ​​​អង្គ​​​៕​​​សុខុម​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស