32 C
Phnom Penh

នគរបាល​ប្រកាស​ផ្តល់ប្រាក់រង្វាន់​ដល់​អ្នក​ដែលបាន​រកឃើញ​សាកសព​នាយប៉ុស្តិ៍

ដោយ ឌឹ ខេមបូឌា ដេលី

បទវិភាគ

នគរបាល​​​ខេត្ត​​​កំពង់​​​ចាម​​​បានប្រកាស​​​ផ្តល់​​​រង្វាន់​​​ជាទឹកប្រាក់​ចំនួន​១លាន​​​រៀល​​​ចំពោះ​​​ការ​​​រក​​​ឃើញ​​​សាក​​​សព​​​លោកនាយ​​​ប៉ុស្តិ៍​​​ឃុំ ដែល​​​គេ​​​ជឿថា​​​ ត្រូវ​​​បានគេ​​​ធ្វើ​​​ឃាតហើយ​នោះ​​​។

លោក ចាន់​​​ សុផល អាយុ​​​៤៨​​​ឆ្នាំ​​​ នាយ​​​ប៉ុស្តិ៍​​​ឃុំ​​​ស្វាយ​​​ពោធិ ក្នុង​​​ស្រុក​​​ស្រី​​​សន្ធរ បាន​​​បាត់​​​ខ្លួន​​​កាល​​​ពីព្រឹក​​​ថ្ងៃ​​​សៅរ៍​​។ ជំហរ​​​​​​ម៉ឺង​​​ម៉ាត់​​​របស់​​​លោក​​​ប្រឆាំង​​​​​​ការ​​​នេសាទ​​​ខុស​​​ច្បាប់​​​ត្រូ​​​វគេ​​​ជឿ​​​ថា នៅ​​​ក្រោ​​​យ​​​ការ​​​បាត់​​​ខ្លួន​​រូបលោក​​​។

​​​លោក​​​ បែន រ័ត្ន ស្នង​​​ការ​​​នគរបាល​​​ខេត្ត​​​ បាន​​​មាន​​​ប្រសាសន៍​​​ថា បន្ទាប់​​​ពី​​​យើងស្វែង​​​រក​​​សាក​​​សព​​​មិន​​​ឃើញ​​​ យើង​​​បាន​​​សម្រេច​​​ផ្តល់ប្រាក់​​​រង្វាន់​​​ចំនួន១​​​លាន​​​រៀល​​​ដល់​​​អ្នក​​​ដែល​​​រក​​​ឃើញ​​​សាក​​​សព​​​។ យើង​​​បាន​​ប្រើប្រាស់​​​មនុស្ស​​​រាប់​​​រយ​​​នាក់ដើម្បីស្វែង​​​រក​​​សាក​​​សព​​​របស់​​​លោក​​​​​​ ប៉ុន្តែ មិន​​​ទទួល​​​បាន​​​​​​លទ្ធ​​​ផល​​​ឡើយ​​​”។​​ លោក សុផល បាន​​​បាត់​​​ខ្លួន​​​ បន្ទាប់​​​ពីចុះទៅ​​​សើុប​​​អង្កេតសេចក្តីរាយការណ៍របស់​​​អ្នក​​​ភូមិ​​​​​​ថា មាន​​​មនុស្ស​​​ឆក់​​​ត្រី​​​នៅ​​​ក្នុង​​​ឃុំ​​​ស្វាយ​​​ពោធិ ។

លោក បែន រ័ត្ន​​​ បាន​​​មាន​​​ប្រសាសន៍​​​ថា លោក សុផល បាន​​​ចុះទៅ​​​ចាប់​​​អ្នក​​​នេសាទ​​​ខុស​​​ច្បាប់​​​១០​​​នាក់ ដែល​​​បាន​​​រត់​​​គេច​​ពីការ​ចាប់ខ្លួន​​​​ចំពោះ​​​ការ​​​ចោទ​​​ប្រកាន់​​​ដូច​​​គ្នា​​​នេះ​​​នៅ​​​ក្នុង​​​ខេត្ត​​​កណ្តាល។ អ្នក​​​នេសាទ​​​ទាំង​​​១០​​​នាក់​​​គឺជា​​​មនុស្ស​​​គួរ​​​ឲ្យសង្ស័យ​​​នៅ​​​ក្នុង​​​ការ​​​បាត់​​​ខ្លួន​​​នេះ​​​។

លោក​​​ បែន រ័ត្ន​​​ បាន​​​មាន​​​ប្រសាសន៍​​​ថា ” យើង​​​សន្និដ្ឋាន​​​ថា នេះ​​​គឺជា​​​ករណីឃាត​​​កម្ម​​​ ពី​​​ព្រោះ​​​ជន​​​រងគ្រោះ​​​មក​​​សើុប​​​អង្កេត​​​ជន​​​សង្ស័យ​​​ ដែល​​​បាន​​​រត់គេ​​​ចពី​​​អាជ្ញាធរ​​​ខេត្ត​​​កណ្តាល​​​​កាល​ពី​​​មុន​​”។ លោក​ បែន រ័ត្ន ​​បាន​​​បន្ថែម​​​ថា មេភូមិ​​​នៅ​​​ស្រុក​​​ស្រីសន្ធរ​​​ ​​​​​​ត្រូវ​​​បាន​​​បង្គាប់​ឲ្យ​​​កៀងគរ​​​បុរស​​​​​មាន​​​សមត្ថភាព​​​មួយ​​​ក្រុម​​​​​​ដើម្បី បង្កើន​​​ការ​​​ស្វែង​​​រក​​​នាយ​​​ប៉ុស្តិ៍​​​ដែល​​​បាត់​​​ខ្លួន​នេះ ហើយ​​​ថា ស​​​្នង​​​ការ​​​រង​​​ពីរ​​​រូប​​​ត្រូវ​​​បាន​​​ចាត់​​​​​​តាំង​​​ឲ្យទៅ​​​សើុប​​​អង្កេត​​​ករណី​​​មនុស្ស​​​ឃាត​​​នេះ​​​។

លោ ណូ ឡាប សមាជិក​​​ក្រុមប្រឹក្សាឃុំស្វាយពោធិ​​​ បាន​​​មាន​​​ប្រសាសន៍​​​ថា ក្រុម​​​មនុស្ស​​​​​​ដើរ​​​ស្វែង​​​រក​​​សាកសព​​​លោក សុផល បាន​​​កើន​​​ឡើង​ច្រើន​ចាប់​​​តាំង​​​ពីការ​បាត់​ខ្លួន​របស់​​​លោក​​​​​ គឺ​​​កើន​​​ឡើង​​​ដល់​​​ជាង​​​៣០០នាក់​​​។ លោក​​​បាន​​​មាន​​​ប្រសាសន៍​​​ថា ” វា​​​លំបាក​​​ស្វែងរក​​​សាក​​​សព​​​ណាស់ ពីព្រោះ​​​តំបន់​​​នោះ​​​សុទ្ធ​​​តែ​​​ភក​​​់​​​”។ លោក​​​បាន​​​បន្ថែម​​​ថា តំបន់ស្វែងរកត្រូវបាន​ពង្រីកបន្ថែម​​៕សារុន​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស