32 C
Phnom Penh

នគរបាល​ចាប់ខ្លួន​អ្នកភូមិ​ពីរនាក់​ពាក់ព័ន្ធវិវាទដីធ្លីនៅខេត្ត​កំពត

ដោយ ឌឹ ខេមបូឌា ដេលី

បទវិភាគ

អ្នក​​​ភូមិ​​​ពី​​​រនាក់​​​ត្រូវ​​​បាន​​​ចាប់ខ​​​្លួន​​​នៅ​​​ក្នុង​​​ស្រុក​​កំពង់​​​ត្រាច​​​ ខេត្ត​​​កំពត​​​កាល​​​ពីម្សិល​​​មិញ​​​ខណៈដែល​​​ពួកគាត់​​​បាន​​​ព្យាយាម​​​រារាំង​​​​​​ត្រាក់​​​ទ័រ​​​​​​មិន​​​ឲ្យ​​​រាន​​​ដី​​ដែល​ពួកគាត់​អះអាងថា​​ជា​​​ដី​​​ដូន​​​តា​​​របស់​​​ពួក​​​គាត់​​​។

លោក ម៉ៅ ច័ន្ទ​​​មធុរិទ្ធ ស្នង​​​ការ​​​រង​​​នគរបាល​​​ខេត្ត​​​កំពត​​​បាន​​​មាន​​​ប្រសាសន៍​​​ថា នគរបាល​​​​​​៤០​​​នាក់​​​ត្រូវ​​​បាន​​​បញ្ជូន​​​ទៅ​​​កន្លែង​​​មាន​​​វិវាទ​​​ ដែល​​​អ្នក​​​ភូមិ​​​ប្រហែល​​​៤០​​​នាក់​​​បាន​​​រារាំង​​​គ្រឿង​​​ចក្រ​​​ដែល​​​ជាកម្ម​​​សិទ្ធិ​​​ក្រុម​​​ហ៊ុន​​​សំណង់ វណ្ណ វណ្ណា ។ យោងតាម​​​លោក  ច័ន្ទ​​​មធុរិទ្ធ បាន​​​ឲ្យ​​​ដឹង​​​ថា អធិបញ្ជា​របស់តុលាការ​​​​ផ្តល់​​​សិទ្ធិ​​​ឲ្យ​​​ក្រុមហ៊ុន វណ្ណ វណ្ណា ធ្វើការ​រាន​​​ និ​​​ងអភិវឌ្ឍ​​​ដី​​​នេះ​​​។

លោក  ច័ន្ទ​​​មធុរិទ្ធ បាន​​​មានប្រសាសន៍​​​ថា “យើង​​​បាន​​​ចាប់​​​ខ្លួន​​​មនុស្ស​​​ពី​​​រ​​​នាក់​​​ ពី​​​ព្រោះ​​​ពួក​​​គាត់​​​បាន​​​ព្យាយាម​​​រារាំង​​​ត្រាក់​​​ទ័រ​​​ឈូស​​ឆាយ​​​មិន​​​ឲ្យ​​​រាន​​​ដី​​​នេះ​​​។ យើង​​​បាន​​​បញ្ជូន​​​ពួ​​​កគាត់​​​ទាំង​​​ពីរ​​​នាក់​​​ទៅ​​​ស្នង​​​ការ​​​ដ្ឋាន​​​នគរបាល​​​ខេត្ត ហើយ​​​នឹង​​​ត្រូវ​បញ្ជូន​​​ទៅ​​​តុលាការ​​​ដើម្បី​​​ប្រឈម​​​មុខ​​​តាមផ្លូវ​​​​​​ច្បាប់​​​ បន្ទាប់​​​ពី​​​នគរ​​​បាល​​​កសាង​​​សំណុំ​​​រឿង​​​រួច​​​”។

យោង​​​តាម​​​នគរបាល​​​ និ​​​ងអ្នក​​​ភូមិ​​​ឲ្យ​​​ដឹង​​​ថា អ្នក​​​ភូមិ​​​ផ្សេង​ទៀត​​​​​​ដែ​​​ល​​​បាន​​​តវ៉ា​​​ជំទាស់​​​នឹង​​​ក្រុមហ៊ុន​​​អភិវឌ្ឍន៍​​​នេះ​​​បាន​​​រត់​​​គេច​​​ខ្លួន។ អ្នក​​​ភូមិ​​​១២​​​គ្រួសារ​​​ដែល​​​ទាម​​​ទារ​​​សិទ្ធិ​​​កាន់​​​កាប់​​​ដី​​​នេះ​​​បាន​​​និយាយ​​​ថា វិវាទ​​​ដី​​​ធ្លី​​​នេះ​​​បាន​​​កើត​​​ឡើង​​​កា​​​ល​​​ពីឆ្នាំ​​​២០១១​​​ ដែល​នៅពេល​​​នោះ​ក្រុមហ៊ុន​​​ វណ្ណ វណ្ណា បាន​​​ចាប់​​​ផ្តើម​​​ទិញ​​​ដី​​​នៅ​​​ជុំ​​​វិញ​​​ដី​​​របស់​​​ពួកគាត់​​​។ ពួកគាត់​​​លើក​​​ឡើង​​​ថា ពួក​​​គាត់​​មិន​​​ព្រម​​​ទទួល​​​យក​​​សំណង​​​​​​ជាប្រាក់ចំនួន​​​៤០.០០០​​​ដុល្លារ​​​សម្រាប់​​​ដី​​​ទំហំ​​​ប្រហែល​​​២ហិកតានេះទេ។

​​​ទោះ​​​ជា​​​យ៉ាង​​​ណា លោក ខូយ ឃុន​​​ហួ អភិបាល​​​ខេត្ត​​​កំពត​​​បានមាន​​​ប្រសាសន៍​​​ថា ដី​​​ដែល​​​មាន​​​វិវាទ​​​នេះ​​​ជាកម្ម​​​សិទ្ធិ​​​របស់​​​​​​គ្រួសារមួយ​​​តែ​​​ប៉ុណ្ណោះ ហើយ​​​ថា ដោយសារ​​​ពួកគាត់​​​មិន​​​មាន​​​ប័ណ្ណ​​​កម្ម​​​សិទ្ធិដី ក្រុមហ៊ុន វណ្ណ វណ្ណា នឹង​​​ត្រូវ​​​អនុញ្ញាត​​​ឲ្យធ្វើការ​អភិវឌ្ឍ​​​។

លោក ឃុនហួ បានមាន​​​ប្រសាសន៍ថា ” យើង​​​បាន​​​ព្យាយាម​​​ផ្តល់​​​សំណង​​​ពីរ​​​បី​​​លើក​​​មក​​​ហើយ​​​ ប៉ុន្តែគ្រួសារ​​​នេះ​​​មិន​​​យល់ព្រមចំពោះដំណោះស្រាយនេះ​​​ឡើយ​​​។ យើង​​​បាន​​​សម្រេច​​​បញ្ជូន​​​ករណី​​​នេះ​​​ទៅតុលាការ​​​ ពីព្រោះ​​វាលំបាកដោះស្រាយ​​​បញ្ហា​​​នេះណាស់​​​”។

អ្នកស្រី ហិុន ទ្រី​​​ អាយ​​​ុ​​​៦៧​​​ឆ្នាំ​​​តំណាង​​​អ្នក​​​ភូមិ​​​១២​​​គ្រួសារ​​​បាន​​​និយាយ​​​ថា គ្រួសារអ្នក​​​ភូមិ​​​​​​​​​​​​នឹង​​​មិន​​​ប្រគល់​​​ដីទៅឲ្យ​​​ក្រុមហ៊ុន​​​ឡើយ​​​។ អ្នក​​​ស្រី​​​បាន​​​និយាយ​​​ថា មនុស្ស​ទាំង​អស់​​ដែល​​​រស់​​​នៅ​​​លើ​​​ដី​​​នេះ​​មក​ពី​​គ្រួសារតែមួយហើយ​​​ថាគ្រួសារ​​​នេះ​​​បាន​​​​​​រស់​​​នៅ​​​លើ​​​ដី​​​​​ក្នុង​​​ឃុំ​​​ប្ញស្សីស្រុក​​​ខាង​​​ត្បូងនេះអំឡុងទសវត្សរ៍​​​ឆ្នាំ​​​១៩៧០។

អ្នក​​​ស្រី ហិុន ទ្រី​​​ បាន​​​និយាយ​​​ថា ” យើង​​​មិន​​​មាន​​​ប័ណ្ណ​​​កម្ម​​​សិទ្ធិ​​​ដីធ្លី​​​ទេ​​​ ប៉ុន្តែ ដី​​​នេះ​​​គឺជា​​​ដី​​​ដូន​​​តា​​​របស់​​​យើង​​​តាំង​​​ពី​​​មុន​​​សម័យ​​​អា​ណានិគមបារាំង​​​​​​ម្លេ៉ះ​​​។ សូម្បី​​​​​​អំឡុង​​​របប ប៉ុល​​​ ពត​​​ ក៏​​​គ្រួសារ​​​របស់​​​យើង​​​បានកាន់​​​កាប់​​​ដី​​​នេះ​​​ដែរ​​​៕​​​សារុន​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស