28 C
Phnom Penh

ជនជាតិ​​​អង់គ្លេស​​​ដែល​​​ជាប់ពន្ធនាគារ​​​ចោទ​​​ចៅក្រម​​​​​​​​​ពីបទ​​​ធ្វេសប្រហែស

ដោយ ឌឹ ខេមបូឌា ដេលី

បទវិភាគ

បុរស​​​​​​ជន​​​​​​ជាតិ​​​​​​​​​អង់គ្លេស​​​ម្នាក់​​​​​​ដែល​​​ស្ថិត​​​ក្រោមការ​​​ស៊ើប​​​​​​អង្កេត​​​​​​ពីបទ​​​កិប​​​កេងប្រាក់​​​​​​​​​រាប់​​​លាន​​​ដុល្លារ​​​​​​​​​ពី​​​វិនិយោគិន​​​​​​នៅ​​​​​​ស្រុកកំណើត​​​​​​របស់​​​​​​ខ្លួន​​​ និង​​​លាង​​​លុយ​​នោះ​​​​​​នៅក្នុង​​​ប្រទេស​​​កម្ពុជា ​​​​​​បាន​​ចោទ​ប្រកាន់​​​​​​ចៅក្រម​​​ខ្មែរ​​​ម្នាក់​​​​​​កាល​​​ពី​​​ថ្ងៃ​​​សុក្រ​​​​​​ពី​​​បទធ្វេស​​​ប្រហែស​​​ ​​​និង​​​បាន​​​ស្នើ​​​ឲ្យទុក​​​​​​​​ភ័ស្តុតាង​​​ទាំង​​​​​​អស់​​​ដែល​​​ប្រមូល​​​​​​បាន​​​ក្រោមការ​​​ដឹកនាំ​​​ដោយ​​​​​​ចៅក្រម​​​ទុក​​​​​​​​​ជានរាករណ៍​​​។

លោក ហ្គ្រិក​​​ ហ្វ្រី​​​យ៉េត (Gregg Fryett) ប្រធាន​​​ក្រុមហ៊ុន​​​ Sustainable Agro Energy ដែល​​​បាន​​​លក់ភាគ​​​ហ៊ុន​​​នៅក្នុងគម្រោង​​​​​​​​​ជីវ​​ឥន្ធនៈ​​​​​​​​​ទទួល​​​បរាជ័យមួយ​​​​​​​​​នៅ​​​ខេត្ត​​​បន្ទាយមាន​​​​​​ជ័យនោះ​​​​​​កាល​​​ពីម្សិលមិញ​​​​​​បាន​​​បង្ហាញ​​​លិខិត​​​មួយ​​​ច្បាប់​​​ទៅកាន់​​​​​​សាលា​​​ដំបូង​​​​​​រាជ​​​​​​ធានីភ្នំពេញ​​​ ដោយ​​​ចោទ​​​ប្រកាន់​​​​​​​​​លោក​​​ ​​​អា​​​ង មាលតី ​​​អតីត​​​ចៅ​​​ក្រមសាលា​​​ដំបូង​​​​ខេត្ត​​​បន្ទាយ​​​មាន​​​ជ័យ​​​ថា មិនបាន​​​ស៊ើប​​​អង្កេត​​​ឲ្យបាន​​​ត្រឹម​​​ត្រូវ​​​ក្នុង​​​រឿងក្តី​​​​​​ប្រឆាំង​​​នឹង​​​រូបលោក​​​។

លោក  ហ្វ្រី​​​យ៉េត ​​​បាន​​​ជាប់ពន្ធនាគារ​​​ព្រៃស​​​ ចាប់​​​តាំង​​​ពី​​​ខែ​​​មីនា​​​ឆ្នាំ​​​២០១៣មក ក្រោ​មបទ​​​ចោទ​​​ប្រកាន់​​​បន្លំ​​​ឯក​​​សារ​​​​​​ដើម្បី​​​ទិញ​​​ដី​​​ និង​​​បទ​​​រាន​​​ដី​​​នោះ​​​ដោយ​​​ខុស​​​ច្បាប់​​​នៅ​​​ខេត្ត​​​បន្ទាយមាន​​​ជ័យ​​​។ កាល​​​ពី​​​ខែ​​​មេសា ​​​លោក មាលតី ត្រូវបាន​​​​​​ផ្ទេរ​​​​​​​​​ឲ្យទៅ​​​ធ្វើ​​​​​​ជា​​​​​ប្រធាន​​​សាលា​​​ដំបូង​​​រាជធានី​​​ភ្នំពេញ​​​។

លោក  ហ្វ្រី​​​យ៉េត ​​​បានមាន​​​ប្រសាសន៍​​​កាល​​​ពី​​​ថ្ងៃ​​​សុក្រថា ​​​” យើងបាន​​​ចោទប្រកាន់​​​​​​លោក​​​អាង មាលតី ពីបទ​​​អនុវត្ត​​​​​​ប្រតិបត្តិការ​​​ស៊ើប​​​អង្កេត​​​ដោយ​​​មិន​​​មាន​​​កា​​​រ​​​អនុញ្ញាត​​​។អ្វី​​​ដែល​​​សំខាន់គឺគាត់​​​មិន​​​បាន​​​ស៊ើបអង្កេត​​​អ្នកលក់​​​ដី​​​ ឬក៏​​​ភ្នាក់ងារ​​​ឈ្មោះ​​​​​​ ហាញ់ ចំរ៉ុង គឺ​​​​​​ពួក​​​គេ​​​មិនត្រូវ​​​បាន​​កោះ​​​​​​ហៅ​​​ឲ្យទៅ​​​ចូលរួមក្នុង​​​ដំណើរ​​​កា​​​រ​​​កាត់​​​ក្តីទេ​​​​​​”។

អ្នកលក់​​​ដី​​​​​​​​​គឺ​​​​​​លោកស្រី ម៉ៅ ម៉ាឡៃ ​​​ភរិយា​​​របស់​​​លោក​​​ឧបនាយក​​​រដ្ឋមន្ត្រី កែ គឹម​​​យ៉ាន។ ភ្នាក់ងារ​​​​​​គឺ​​​លោកឧត្តម​​​សេនីយ៍​​​​​​ ហាញ់​​​ ចំរ៉ុង នៅ​​​កង​​​យោធពល​​​ខេមរភូមិន្ទ​​​។ លោក តប់​​​ ឈុន​​​ហេង ចៅ​​​ក្រម​​​ជំនុំ​​​ជម្រះ​​​បាន​​​លើក​​​ឡើង​​​កាល​​​ពីថ្ងៃ​​​សុក្រ​​​ថា លោក​​​នឹង​​​​​​លើ​​​ក​​​ពេល​​​សវនាការ​​​នេះ​​​ដើម្បី​​​ឲ្យ​​​ចៅ​​​ក្រម​​​អាច​​​ពិចារណា​​​សំណើ​​​នេះ​​​។

បទ​​​ចោទ​​​ប្រកាន់​​​លោក​​​ ហ្វ្រី​​​យ៉េត មាន​​​ការ​​​ពាក់​​​ព័ន្ធ​​​ទៅ​​​នឹង​​​ការ​​​ទិញ​​​និង​​​ការ​​​រាន​​​ដី​​​ពី​​​កន្លែង​​​ដែល​​​មាន​​​ទំហំ​​​៦.០៧៩​​​ហិកតា​​​​​​នៅ​​​ស្រុក​​​ស្វាយ​​​ចេក​​​ ខេត្ត​​​បន្ទាយ​​​មាន​​​ជ័យ​​​ ដែល​​​នៅ​​​ទីនោះ​​​ដៃ​​​គូ​​​ក្នុងស្រុក​​​របស់​​​លោក ហ្វ្រី​​​យ៉េត គឺ​​​ក្រុម​​​ហ៊ុន​​​ ថាម​​​ពល​​​បៃ​​​តង​​​អន្តរ​​​ជាតិ​​​បាន​​​ចាប់​​​ផ្តើម​​​ដាំ​​​ដើម​​​ល្ហុង​​​ខ្វង​​​ដែល​​​គេ​​​យក​​​ផ្លែ​​​វា​​​ទៅ​​​ធ្វើ​​​ជា​​​ជីវឥន្ធនៈ​​​ ក៏​​​ប៉ុន្តែ មិន​​​មាន​​​ជីវ​​​ឥន្ធនៈ​​​ណា​​​ត្រូវ​​​បាន​​​ផលិត​​​ដោយ​​​ក្រុម​​​ហ៊ុន​​​ថាម​​​ពល​​​បៃ​​​តង​​​អន្តរ​​​ជាតិ​​​ទេ។

កាល​​​ពី​​​ខែ​​​កុម្ភៈ​​​ ឆ្នាំ​​​២០១២​​​ បន្ទាប់​​​ពី​​​វិនិយោគ​​​ិន​​​មិន​​​បាន​​​ត្រឡប់​​​ទៅ​​​វិញ​​​ ការិយាល័យ​​​បង្ក្រាប​​​អំពើ​​​ឆបោក​​​កម្រិត​​​ធ្ងន់​​​នៃ​​​ចក្រ​​​ភព​​​អង់គ្លេស​​​បាន​​​បង្កក​​​ទ្រព្យ​​​សម្បត្តិ​​​ទាំ​​​ង​​​អស់​​​របស់​​​ក្រុម​​​ហ៊ុន​​​ Sustainable AgroEnergy ហើយ​​​បាន​​​ចាប់​​​ផ្តើម​​​សើុប​​​អង្កេត​​​ករណី​​​ចោទ​​​ប្រកាន់​​​ដែល​​​ថា លោក ហ្វ្រីយ៉េត បាន​​​បោក​​​ប្រាស់​​​មនុស្ស​​​នៅ​​​ទី​​​នោះ​​​យក​​​ប្រាក់​​​សរុប​​​៥៤​​​លាន​​​ដុល្លារ​​​។

មួយ​​​រយៈ​​​ក្រោយ​​​មក​​​អង្គភាព​​​ប្រឆាំង​​​អំពើ​​​ពុក​​​រលួយ​​​របស់​​​ប្រទេស​​​កម្ពុជា​​​បាន​​​ចាប់​​​ផ្តើម​​​សើុប​​​អង្កេត​​​លោក​​​ ហ្វ្រី​​​យ៉េត និង​​​ក្រុម​​​ហ៊ុន​​​ថាម​​​ពល​​​បៃ​​​តង​​​អន្តរជាតិ​​​។ អង្គភាព​​​ប្រឆាំង​​​អំពើ​​​ពុក​​​រលួយ​​​បាន​​​រក​​​ឃើញ​​​ថា ក្រុម​​​ហ៊ុន​​​ថាម​​​ពល​​​បៃ​​​តង​​​អន្តរ​​​ជាតិ​​​ជា​​​ផ្លូវ​​​ការ​​​មិន​​​ដែល​​​ទទួល​​​បាន​​​សិទ្ធិ​​​លើ​​​ដី​​​នោះ​​​ឡើយ​​​ ក៏​​​ប៉ុន្តែ បាន​​​ចរចា​​​តម្លៃ​​​ប្រហែល​​​២​​​លាន​​​ដុល្លារ​​​សម្រាប់​​​ទិញ​​​ដី​​​នោះ​​​ពី​​​លោកស្រី​​​ ម៉ាឡៃ ។

ឧត្តមសេនីយ៍  ចំរ៉ុង​​​ បាន​​​បញ្ជាក់​​​ថា កិច្ច​​​ព្រម​​​ព្រៀង​​​បាន​​​ជាប់​​​គាំង​​​រវាង​​​ភាគី​​​ទាំង​​​ពីរ​​​ហើយ​​​​​​ថា ប្រាក់​​​រាប់​​​មឺុន​​​ដុល្លារ​​​ត្រូវ​​​បាន​​​ប្រគល់​​​ពី​​​ដៃ​​​មួយ​​​ទៅ​​​ដៃ​​​មួយ​​​។ កាល​​​ពីខែ​​​មករា​​​ អង្គភាព​​​ប្រឆាំង​​​អំពើ​​​ពុករលួ​​​យ​​​បាន​​​ចេញ​​​បទ​​​ចោទ​​​ប្រកាន់​​​ថ្មី​​​ទាក់​​​ទង​​​នឹង​​​ការ​​​លាង​​​លុយ​​​ប្រឆាំង​​​នឹង​​​លោក ហ្វ្រីយ៉េត ដោយ​​​ឈរ​​​លើ​​​មូល​​​ដ្ឋាន​​​ថា ប្រាក​​​់ចំនួន​​​៥៤​​​លាន​​​ដុល្លារ​​​ត្រូវ​​​បាន​​​ទទួល​​​ដោយ​​​ខុស​​​ច្បាប់​​​ពី​​​វិនិយោគ​​ិន​​​ ហើយ​​​ចម្ការ​​​ដើម​​​ល្ហុង​​​ខ្វង​​​នោះ​​​​​​ត្រូវ​​​បាន​​​ប្រើ​​​ប្រាស់​​​ដើម្បី​​​លាង​​​លុយ​​​ទាំង​​​នោះ​​​។

លោក ហ្វ្រីយ៉េត ប្រឈម​​​នឹង​​​ការ​​​ជាប់​​​ពន្ធនា​​​គារ​​​រហូត​​​ដល់ទៅ​​​២០​​​ឆ្នាំ​​​ប្រសិន​​​បើ​​​ត្រូវ​​​បាន​​​រក​​​ឃើញ​​​ថា មាន​​​ទោស​​​តាម​​​បទ​​​ចោទ​​​ប្រកាន់​​​ទាំង​​​អស់​​​នេះ​​​។ ក្នុង​​​ខែ​​​មករា​​​ផង​​​ដែរ លោក​​​ អ៊ុក​​​ កែវ​​​រតនៈ​​​ ដែល​​​ជា​​​ប្រធាន​​​រដ្ឋ​​​បាល​​​សាលា​​​ខេត្ត​​​បន្ទាយ​​​មាន​​​ជ័យ​​​ ត្រូវ​​​បាន​​​ចាប់​​​ខ្លួន​​​ និង​​​បញ្ជូន​​​ទៅ​​​ពន្ធ​​​នា​​​គារ​​​ព្រៃ​​​ស​​​ក្រោម​​​បទ​​​ចោទ​​​ប្រកាន់​​​ថា បាន​​​ក្លែង​​​បន្លំ​​​ និង​​​លក់​​​ប្លង​​​់​​​ដី​​​ថត​​​ចម្លង​​​សម្រាប់​​​ដី​​​មួយ​​​កន្លែង​​​ក្នុង​​​ចំណោម​​​ដី​​​ទាំង​​​ពី​​​រ​​​កន្លែង​​​របស់​​​លោកស្រី ម៉ាឡៃ ។

នៅក្នុង​​​សាលា​​​ដំបូង​​​រាជ​​​ធានីភ្នំពេញ​​​កាល​​​ពីម្សិលមិញ លោក កែវ​​​ រតនៈ​​​ ដែល​​​នៅ​​​ចំពោះមុខ​​​តុលាការ​​​ លោក ហ្វ្រឺយ៉េត និង​​​បុគ្គលិក​​​ក្រុមហ៊ុន​​​ថាម​​​ពល​​​បៃ​​​តង​​​អន្តរជាតិ​​​ពីរនាក់​​​ផ្សេង​​​ទៀត​​​ត្រូវបាន​​​ចោទ​​​ប្រកាន់​​​ពីបទ​​​ក្លែង​​​បន្លំ​​​ឯកសារនោះ​​​ បាន​​​អះ​​​អាង​​​ថា លោក​​​មិន​​​បាន​​​ប្រព្រឹត្ត​​​ខុស​​​ទេ។ លោក​​​បានមាន​​​ប្រសាសន៍​​​ថា “ខ្ញុំ​​​មិន​​​បាន​​​ប្រព្រឹត្តបទ​​​ល្មើស​​​ដ​​​ូច​​​ដែល​​​តុលាការ​​​ចោទ​​​ប្រកាន់​​​នោះ​​​ទេ​​​។ លោក មាលតី បាន​​​បដិសេធ​​​មិន​​​ធ្វើ​​​អត្ថាធិប្បាយ​​​អំពី​​​បទ​​​ចោទ​​​ប្រកាន់​​​លោក ហ្វ្រីយ៉េត​​​៕ ប៊ុន​​​នី​​​​​​​​​​​​​​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស