25 C
Phnom Penh

ក្រុម​​​មន្ត្រី​​​ខ្មែរ​​​ និង​​​ថៃ​​​ហាម​​​ឃាត់​​​មិន​​​ឲ្យ​​​ពល​​​ករ​​​ឆ្លង​​​ព្រំដែន​​​

ដោយ ឌឹ ខេមបូឌា ដេលី

បទវិភាគ

អាជ្ញាធរ​​​បាន​​​ឲ្យដឹង​​​កាល​​​ពី​​​ម្សិល​​​មិញ​​​ថា ពល​​​ករ​​​ចំណាក​​​ស្រុក​​​ច្រើន​​​ជាង​​​១០០នាក់​​​នៅ​​​ខេត្ត​​​បន្ទាយ​​​មាន​​​ជ័យ​​​​ត្រូវ​​​បាន​គេ​​​​​ហាម​​​ឃាត់​​​ និង​​​ឃាត់​​​ខ្លួន​​​​​​មួយ​​​រយៈ​​​ពេល​​​ខ្លី​​​​​​ ខណៈ​​ពេល​​​ដែល​​​ពលករ​​​ទាំង​​​នោះ​​​ព្យាយាម​​​ឆ្លង​​​ដែន​​​ទៅ​​​រក​​​ការ​​​ងារ​​​ធ្វើ​​​នៅ​​​ប្រទេស​​​ថៃ​​​  ខណៈ​​​ដែល​​​បុគ្គលិក​​​សិទ្ធិ​​​មនុស្ស​​​ម្នាក់​​​បាន​​​និយាយ​​​ថា ជន​​​ចំណាក​​​ស្រុក​​​ខ្មែរ​​​ជាង​​​២៣​​​នាក់​​​ត្រូវ​​​បាន​​​ចាប់​​​ខ្លួន​​​នៅ​​​ប្រទេស​​​ថៃ​​​។

លោក​​​ សាវ ប៊ុន អធិការ​​​នគរបាល​​​ស្រុក​​​ម៉ាឡៃ បាន​​​មាន​​​ប្រសាសន៍​​​ថា ពល​​​ករ​​​រាប់​​​សិប​​​នាក់​​​ត្រូវ​​​បាន​​​គេ​​​ឃាត់​​​ដំណើរ​​​នៅ​​​ព្រំ​​​ដែន ​​​ក្នុង​​​​​​ប្រតិបត្តិការ​​​រួម​​​គ្នា​​​មួយ​​​រវាង​​​អាជ្ញាធរ​​​ខ្មែរ​​​ និង​​​អាជ្ញា​​​ធរ​​​ថៃ​​​ ដែល​​​នាំ​​​ឲ្យ​​​ជន​​ដែល​​​​​​បម្រុង​​​​​​ធ្វើ​​​ចំណាក​​​ស្រុក​​​១០៩​​​នាក់​​​​​​​​​​​​​ត្រឡប់​​​មក​​​វិញ​​​ និង​​​បាន​​​ប្រាប់​​​ពួក​​​គេ​​​ថា ពួក​​​គេ​​​ចាំ​​​បាច់​​​ត្រូ​​​វ​​​បំពេញ​​​ឯកសារ​​​ត្រឹម​​​ត្រូវ​​ ទើប​​​​​​គេ​​​អនុញ្ញាត​​​ឲ្យ​​​ចូល​​​ប្រទេស​​​ថៃ​​​។

លោក​​​អធិការ ប៊ុន បាន​​​មាន​​​ប្រសាសន៍​​​ថា “​​​យើង​​​បាន​​​សហ​​​ការ​​​ជាមួយ​​​ទាហាន​​​ថៃ​​​​​​ដើម្បី​​​ឃាត់​​​ពល​​​ករ​​​ចំណាក​​​ស្រុក​​​ទាំ​​​ង​​​នោះ ហើយ​​​យើង​​​បាន​​​បញ្ជូន​​​ពួក​​​គេ​​​ទៅ​​​អធិការ​​​ដ្ឋាន​​​នគរ​​​បាល​​​ស្រុក​​​របស់​​​យើង​​​ ដើម្បី​​​អប់​​​រំ​​​ពួក​​​គេ​​​ និង​​​ឲ្យ​​​ពួក​​​គេ​​​យល់​​​អំពី​​​ផល​​​លំបាក​​​នៃ​​​ការ​​​ធ្វើ​​​ការ​​​​​​ដោយ​​​ខុស​​​ច្បាប់​​​​​​​​​នៅ​​​ប្រទេស​​​ថៃ​​​”។ ពល​​​ករ​​​ជាច្រើន​​​នាក់​​​បាន​​​ប្រាប់​​​លោក ប៊ុន ថា ពួកគេ​​​មិន​​​ចង់​​​ចំណាយ​​​ពេល​​​ច្រើន​​​ដើម្បី​​​រៀប​​​ចំ​​​ឯកសារ​​​ធ្វើ​​​ការ​​​មុន​​​ពេល​​​ទៅ​​​ប្រទេស​​​ថៃ​​​ទេ​​​ ហើយ​​​ថា ពល​​​ករ​​​មួយ​​​ចំនួន​​​​​​ត្រូវ​​​បាន​​​​​​អតីត​​​ថៅកែ​​​របស់​​​ពួក​​​គេ​​​​​​នៅ​​​ប្រទេស​​​ថៃ​​​ទាក់​​​ទង​​​​​​សុំ​​​ឲ្យ​​​ពួក​​​គេ​​ត្រឡប់​​​ទៅ​​​វិញ​​​។

លោក​​​បាន​​​មាន​​​ប្រសាសន៍​​​ថា ” ខ្ញុំ​​​យល់​​​ថា ថៅ​​​កែ​​​ថៃ​​​ក៏​​​បាន​​​ប្រព្រឹត្ត​​​ខុស​​​ដែរ ​​​ព្រោះ​​​បាន​​​​​​ទូរ​​​ស័ព្ទ​​​ហៅ​​​ពល​​​ករ​​​ចំណាក​​​ស្រុក​​​របស់​​​យើង​​​ទៅ​​​ធ្វើ​​​ការ​​​ឲ្យ​​​ពួកគេ​​​ ប៉ុន្តែ ពេល​​​មាន​​​បញ្ហា​​​កើត​​​ឡើង​​​ថៅកែ​​​ទាំង​​​នោះ​​​​​​មិន​​​ទទួល​​​ខុស​​​ត្រូវ​​​ឡើយ​​​”។

លោក​​​ ស៊ុំ​​​ ចាន់​​​គា អ្នក​​​សម្រប​​​សម្រួល​​​ប្រចាំ​​​ខេត្ត​​​បន្ទាយ​​​មាន​​​ជ័យ​​​របស់​​​អង្គការ​​​សិទ្ធិ​​​មនុស្ស​​​អាដ​​​ហុក ​​​​​​បាន​​​មាន​​​ប្រសាសន៍​​​ថា លោក​​​បាន​​​ទទួល​​​ព័ត៌​​​​​​មាន​​​ពី​​​ទាហាន​​ខ្មែរ​​​នៅ​​​តាម​​​បណ្តោយ​​​ព្រំ​​​ដែន​​​ថា ទាហាន​​​ថៃ​​​បាន​​​ចាប់​​​ខ្លួន​​​ពល​​​ករ​​​ចំណាក​​​ស្រុក​​​ខ្មែរ​​​២៣​​​នាក់​​​ក្នុង​​​ខេត្ត​​​ស្រះ​​​កែវ​​​​​​ដែល​​​នៅ​​​ជិត​​​ខាង​​​។

​​​ដោយ​​​មិន​​​ប្រាប់​​​ឈ្មោះ​​​ ឬ​​​ផ្តល់​​​ព័ត៌​​​មាន​​​​​​សម្រាប់​​​ទាក់​​​ទង​​​ទៅ​​​ទាហាន​​​ដែល​​​បាន​​​ផ្តល់​​​​​​ព័ត៌​​​មាន​​​នេះ​​​ លោក ស៊ុំ ចាន់គា បាន​​​មាន​​​ប្រសាសន៍​​​ថា ” ទាហាន​​​ថៃ​​​បាន​​​ចាប់​​​ខ្លួន​​​ពល​​​ករ​​​ចំណាក​​​ស្រុក​​​២៣​​​នាក់​​ក្នុង​​​​​​ខេត្ត​​​ស្រះ​​​កែវ​​​ នៅ​​​ថ្ងៃ​​​នេះ​​​ ហើយ​​​ឥឡូវ​​​នេះ​​​យើង​​​​​​កំពុង​​​ធ្វើ​​​ការ​​​លើ​​​រឿង​​​នេះ​​​ដើម្បី​​​ឲ្យ​​​ដឹង​​​ថា អ្នក​​​ទាំង​​​នោះ​​​ត្រូវ​​​បាន​​​គេ​​​ឃាត់​​​ខ្លួន​​​នៅ​​​ទី​​​ណា​​​”។ លោក គោស៊ុំ សារឿត​​​​​​ អភិបាល​​​ខេត្ត​​​បន្ទាយ​​​មាន​​​ជ័យ​​​បាន​​​មាន​​​ប្រសាសន៍​​​ថា លោក​​​មិន​​​បាន​​​ដឹង​​​អ្វី​​​សោះ​​​អំពី​​​ការ​​​ចាប់​​​ខ្លួន​​​នេះ​​​។

លោក​​​ កុយ​​​ គួង​​​ អ្នក​​​នាំ​​​ពាក្យ​​​ក្រសួ​​​ង​​​ការ​​​បរទេស​​​បាន​​​មាន​​​ប្រសាសន៍​​​ថា  ​​​លោក​​​​​​មិន​​​បាន​​​ដឹង​​​អំពី​​​ករណី​​​ជាក់​​​លាក់​​​ដែល​​​លោក​​​ ស៊ុំ ចាន់​​​គា​​​ បាន​​​លើក​​​ឡើង​​​ទេ​​​ ប៉ុន្តែ បាន​​​មាន​​​ប្រសាសន៍​​​ថា ពលករ​​​ខ្មែរ​​​ជាង​​​១០០នាក់​​​ត្រូ​​​វ​​​បាន​​​​​​ចាប់​​​ខ្លួន​​​​​​នៅ​​​ប្រទេស​​​ថៃ ចាប់​​​តាំង​​​ពី​​​​​​ក្រុម​​​យោធា​​​ថៃ​​​បាន​ដណ្តើម​​​អំណាច​​​កាល​​​ពី​​​ចុង​​​ខែ​​​ឧសភា​​​។ លោក​​​បាន​​​មាន​​​ប្រសាសន៍​​​ថា ” រហូត​​​មក​​​ដល់​​​ពេល​​​នេះ​​​ ខ្ញុំ​​​បាន​​​ទទួល​​​ព័ត៌​​​មាន​​​ថា [ ពល​​​ករ​​​ខ្មែរ] ១០៧​​​នាក់​​​​​​ត្រូវ​​​បាន​​​ចាប់​​​ខ្លួន​​​។ ​​​ក្រោយ​​​​​​ពី​​​ពួក​​​គេ​​​ត្រូ​​​វ​​​បាន​​​ចាប់​​​ខ្លួន​​​បន្តិច​​​ ពួក​​​គេ​​​ក៏​​​ត្រូវ​​​បាន​​​ដោះ​​​លែង​​​វិញ​​​ ហើយ​​​អ្នក​​​ទាំង​​​នោះ​​​បាន​​​ទៅ​​​ផ្ទះ​​​អស់​​​ហើយ​​​”។

កាល​​​ពី​​​ខែ​​​មុន​​​ ពល​​​ករ​​​ខ្មែរ​​​រាប់​​​រយ​​​រាប់​​​ពាន់​​​នាក់​​​ ដែល​​​ភា​​​គ​​​ច្រើន​​​ក្នុង​​​ចំណោម​​​​​​ពួក​​​គេ​​​គ្មាន​​​ឯកសារ​​​នោះ​​​​​​ បាន​​​សម្រុក​​​​​​ឆ្លង​​​ដែន​​​មក​​​ស្រុក​​​វិញ​​​​​​ក្នុង​​​ពេល​​​មាន​​​ការ​​​​​ភ័យ​​​ខ្លាច​​​អំពី​​​ការ​​​ចាប់​​​ខ្លួន​​​ និង​​​អំពើ​​​ហិង្សា​​​ក្នុង​​​ការ​​​គ្រប់​​​គ្រង​​​​​​របស់​​​របប​​​យោធា​​​។

​​​រដ្ឋ​​​មន្ត្រី​​​ក្រសួង​​​យុត្តិធម៌​​​ស្តី​​​ទី​​​របស់​​​ប្រទេស​​​ថៃ​​​បាន​​​ប្រកាស​​​ឲ្យ​​​ដឹង​​​កាល​​​ពី​​​ថ្ងៃ​​​ពុធថា ពល​​​ករ​​​ខ្មែរ​​​១៤​​​នាក់​​​ដែល​​​ជាប់​​​ពន្ធនាគារ​​​នៅ​​​ប្រទេស​​​ថៃ​​​តាំង​​​ពី​​​ខែ​​​មុន​​​មក ហើយ​​​ត្រូវ​ប្រឈម​​​នឹង​​​ការ​​​កាត់​​​ក្តី​​​ពីបទ​​​ចោទ​​​ថា ប្រើ​​​ឯកសារ​​​ការ​​​ងារ​​​ក្លែង​​​ក្លាយ​​​នោះ​​​ នឹង​​​ត្រូវ​​​គេ​​​ដោះ​​​លែង​​​ឲ្យ​​​មាន​​​សេរីភាព​​​​​​វិញ​​​។ កាល​​​ពី​​​ថ្ងៃ​​​អង្គារ​​​ ព្រះ​​​មហា​​​ក្សត្រ​​​​​​ ព្រះ នរោត្តម​​​ សីហមុនី​​​ បាន​​​ព្រះ​​​រាជ​​​ទាន​​​ការ​​​លើក​​​លែង​​​ទោស​​​ដល់​​​លោក​​​ វីរ៉ា ស៊ុម​​​ក្វាម​​​ឃីដ សកម្ម​​​ជន​​​អាវ​​​លឿង​​​ថៃ ដែល​​​​​​ជាប់​​​ពន្ធ​​​នាគារ​​​នៅ​​​ប្រទេស​​​កម្ពុជា​​​តាំង​​​ពី​​​ឆ្នាំ​​​២០១០​​​មក​​​៕មានិត (រាយការណ៍​​​បន្ថែម​​​ដោយ​​​ LaurenCrothers)​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស