38 C
Phnom Penh

លោក ស៊ូបេឌី អំពាវ​​​នាវ​​​ឲ្យ​​​ក្រុម​​​ហ៊ុន​​​ ខេឌីស៊ី ផ្អាក​ការ​​​អភិវឌ្ឍ​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិលមិញ លោក សុរិយា ស៊ូបេឌី ប្រេសិត​​​សិទ្ធិ​​​មនុស្ស​​​អង្គកា​​​រ​​​សហ​​​ប្រជា​​​ជាតិ​​​បាន​​​អំពាវ​​​នាវ​​​ឲ្យ​​​ក្រុម​​​ហ៊ុន KDCInternational ដែល​​​គ្រប់​​​គ្រង​​​ដោយ​​​លោក​​​ស្រី ជា​​​ ខេង ជា​​​ភរិយា​​​របស់​​​លោក ស៊ុយ សែម រដ្ឋមន្ត្រី​​​ក្រសួង​​​រ៉ែ និ​​​ងថាម​​​ពល ផ្អាក​ការ​​​អភិវឌ្ឍ​​​របស់​​​ខ្លួន​​​លើ​​​ដី​​​មាន​​​ជម្លោះ​​​ រហូត​​​ដល់​​​មាន​​​ដំណោះ​​​ស្រាយ​​​ជា​​​មួយ​​​ក្រុម​​​អ្នកភូមិ ដែល​​​អះ​​​អាង​​​សិទ្ធិ​​​កាន់​​​កាប់​​​ដី​​​នោះ។

ការ​​​ថ្លែង​​​របស់​​​លោក​​​បាន​​​ធ្វើ​​​ឡើង​​​ បន្ទាប់​​​ពី​​មាន​ភាព​​​តាន​​​តឹង​​​កាន់​​​តែ​​​ខ្លាំង​​​ឡើង​​​រយៈ​​​ពេល​​​ប៉ុន្មាន​​​ថ្ងៃ​​​នៅ​​​កន្លែង​​​មាន​​​ជម្លោះ​​​ក្នុង​​​ខេត្ត​​​កំពង់​​​ឆ្នាំង​​​ ដែល​​​មាន​​​ទាំង​​​ការ​​​ប៉ះ​​​ទង្គិច​​​គ្នា​​​រវាង​​​កម្ម​​​ករ​​​ អ្នកភូមិ​​​ និង​​​នគរបាល​​​ផង​​​ដែរ​​​។ ទោះ​​​ជា​​​ដូច​​​នេះ​​​ក្តី ក្រុមហ៊ុន ខេឌីស៊ី បាន​​​​​​បន្ត​​​ផែនការ​​​សង់​​​របង​​​លើ​​ដី​​​នោះ​​​ដដែល​​​។

លោក​​​ ស៊ូបេឌី បាន​​​ឲ្យដឹង​​​ក្នុង​​​សេចក្តី​​​ថ្លែង​​​ការណ៍​​​ថា ” ឥឡូវ​​​នេះ​​​មាន​រយៈ​​​ពេល​​​ជាង​​​១០​​​ឆ្នាំ​​​ហើយ​​​ សហ​​​គមន៍​​​មូល​​​ដ្ឋាន​​​បាន​​​និង​​​កំពុង​​​ពាក់​ព័ន្ធ​ក្នុង​​​​ជម្លោះ​​​ជុំ​​​វិញ​​​ដី​​​ទំនាស់​​​ ហើយ​​​ពាក្យ​​​បណ្តឹង​​​ដែល​​​ពួក​​​គេ​​​បាន​​​ស្វះ​​​ស្វែង​​​ដាក់​​​នៅ​​​តុលាការ​​​ជំទាស់​​​នឹង​​​អាជ្ញាធរ​​​ ហើយ​​​នឹង​​​ក្រុមហ៊ុន​​​ KDCInternational ពី​​​បទ​​​ចោទ​​​ការ​​​បំភិត​​​បំភ័យ​​​ ការ​ប្រើអំពើ​​​ហិង្សា និង​​​ការ​​​បាត់​​​បង់​​​ដី​​​ នៅ​​​តែ​​​មិន​​​ទាន់​​​ដោះ​​​ស្រាយ​​​នៅ​​​ឡើយ​​​”។

លោក​​​បាន​​​មាន​​​ប្រសាសន៍​​​ថា ” ខ្ញុំ​​​អំពាវ​​​នាវ​​​ឲ្យ​ក្រុម​​​ហ៊ុន​​​ KDCInternational ផ្អាក​​​​​​​ការ​​​អភិវឌ្ឍ​​​លើ​​​ដី​​​មាន​​​ជម្លោះ​​​ជា​​​បន្ទាន់​​​ រហូត​​​ដល់​​​ការ​​​ទាម​​​ទារ​​​ទាំង​​​អស់​​​ ដោយ​​​គ្រួសារ​​​នីមួយ​​​ៗ​​​ ត្រូវ​​​បាន​​​វាយ​​​តម្លៃ​​​ត្រឹម​​​ត្រូវ​​​ដោយ​​​ស្ថាប័ន​​​ឯករាជ្យ​​​តាម​​​វិធី​​​ត្រឹម​​​ត្រូវ​​​ និង​​​តម្លាភាព​​​”៕​​​មានិត​​​​​​​​​​​​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស