29 C
Phnom Penh

ព្រះ​​​រាជ​​​ពិធី​​​ដង្ហែ​​​ព្រះ​​​បរម​​​អដ្ឋិ​​​នៃ​​​ព្រះ​​​របម​​​រតន​​​កោដ្ឋ​​​ជា​​​លើក​​​ចុង​​​ក្រោយ​​​ប្រព្រឹត្ត​​​ទៅ​​​យ៉ាង​​​អធឹក​​​អធ័ម​​​

ដោយ ឌឹ ខេមបូឌា ដេលី

បទវិភាគ

ព្រះ​​​បរម​​​អដ្ឋិ​​​នៃ​​​ព្រះ​​​បរម​​​រតន​​​កោដ្ឋ​​​សម្តេច​​​ឪ​​​ នរោត្តម​​​ សីហនុ ត្រូវ​​​បាន​​​ដង្ហែ​​​ជុំ​​​វិញ​​​រាជ​​​ធានី​​​ភ្នំពេញ​​​កាល​​​ពី​​​ព្រឹក​​​ថ្ងៃ​​​សុក្រ​​​ នៅ​​​ក្នុង​​​ពិធី​​​ដ៏​​​អធឹក​​​អធ័ម​​​មួយ​​​ដែល​​​មាន​​​ការ​​​ចូល​​​រួម​​​ពី​​​សំណាក់​​​តំណាង​​​ព្រះ​​​បរម​​​រាជ​​​វាំង​​​ និង​​​មន្ត្រី​​​រដ្ឋាភិបាល​​​ រួម​​​ជា​​​មួយ​​​នឹង​​​សាធារណជន​​​រាប់​​​ពាន់​​​នាក់​​​ដើម្បី​​​លា​​​​​​ព្រះ​​​អង្គ​​​​​ជា​​​លើក​​​ចុង​​​ក្រោយ​​​មុន​​​នឹង​​​តម្កល់​​​ព្រះ​​​បរម​​​អដ្ឋិ​​​នៅ​​​​​​ក្នុង​​​ព្រះ​​​ចេតិយ​​​ថ្ងៃ​​​សៅរ៍​​​។

នៅវេលា​​​ម៉ោង​​​៧​​​និង​​​៣០​​​នាទី​​​ព្រឹក​​​ ​​​កាំ​​​ភ្លើង​​​១០១​​​​​​ត្រូវ​​​បាន​​​បាញ់​​​​​​ដើម្បី​​​ចាប់​​​ផ្តើម​​​ពិធី​​​ដង្ហែ​​​ព្រះ​​​បរម​​​អដ្ឋិ​​​ ដែល​​​បាន​​​បន្ត​​​រយៈ​​​ពេល​​​ប្រហែល​​​២​​​ម៉ោង​​​ និង​​​ឆ្លង​​​កាត់​​​តាម​​​​​​មហាវិថី​​​សំខាន់​​​ៗ​​​ចំនួន​​​បី​​​​​​នៅ​​​ក្នុង​​​រាជ​​​ធានី​​​ភ្នំពេញ​​​ ដែល​​​ស្រដៀង​​​គ្នា​​​ទៅ​​​នឹង​​​ការ​​​ដង្ហែ​​​ព្រះ​​​បរម​​​សព​​សម្តេច​​​ឪ​​​មក​​​ពី​​​ក្រុ​​​ង​​​ប៉េកាំង​​​វិញ​​​ ទី​​​ដែល​​​ព្រះ​​​អង្គ​​​ចូល​​​ទិវង្គត​​​នៅ​​​ខែ​​​តុលា​​​ឆ្នាំ​​​២០១២​​​។

ទោះ​​​បី​​​ជា​​​សាធារណជន​​​ដែល​​​ចេញ​​​មក​​​ចូល​​​រួម​​​ការ​​​ដង្ហែ​​​ព្រះ​​​បរម​​​អដ្ឋិ​​​មាន​​​ចំនួន​​​តិច​​​ជាង​​​ឆ្ងាយ​​​បើ​​​ប្រៀប​​​ធៀប​​​ទៅ​​​នឹង​​​ពិធី​​​ដង្ហែ​​ព្រះ​​​បរម​​​សព​​​សម្តេច​​​ឪ​​​ និង​​​ពិធី​​​ថ្វាយ​​​ព្រះ​​​ភ្លើង​​​​​​រយៈ​​​ពេល​​​ជាង​​​១០០​​​ថ្ងៃ​​​ក្រោយ​​​ពី​​​នោះក្តី​​​​​​ ក៏​​​អ្នក​​​ចូល​​​រួ​​​ម​​​ទាំ​​​ង​​​ចាស់ ទាំង​​​ក្មេង​​​កាន់​​​ផ្កា គ្រវី​​​ទង់​​​ជាតិ​​​ និង​​​ព្រះឆាយា​​​លក្ខណ៍​​​សម្តេច​​​ឪ​​​​​​ក្នុង​​​ទឹក​​​មុខ​​​ញញឹម​​​ញញែម​​​ ។

អ្នកស្រី ហ្គិច លី អាយុ​​​៦៣​​​ឆ្នាំ​​​និយាយ​​​ថា ” ខ្ញុំ​​​សូម​​​បួង​​​សួង​​​ឲ្យ​​​ព្រះ​​​វិញ្ញាណ​​​ក្ខន្ធ​​​សម្តេច​​​ឪ​​​ជួយ​​​ថែ​​​រក្សា​​​កម្ពុជា​​​ ឲ្យ​​​យើង​​​មាន​​​សន្តិ​​​ភាព​​​ជារៀង​​​រហូត​​​ និង​​​ឲ្យ​​​គណបក្ស​​​ទាំ​​​ងពីរ​​​ចូល​​​រួម​​​ជាមួយ​​​​​​គ្នា​​​ដើម្បី​​​អភិវឌ្ឍ​​​ប្រទេស​​ជាតិ​​​​​​”។

ទោះ​​​បី​​​ជា​​​ការ​​​ដង្ហែ​​​កាល​​​ពី​​​ថ្ងៃ​​​សុក្រ មាន​​​ភាគ​​​ច្រើន​​​ជា​​​មន្ត្រី​​​រដ្ឋាភិបាល​​​ តំណាង​​​រាស្ត្រ​​​ជាប់​​​ឆ្នោត​​​ចំនួន​​​២៥​​​រូប​​​មក​​​ពី​​​គណបក្ស​​​សង្គ្រោះ​​​ជាតិ​​​ដែល​​​កំពុង​​​ធ្វើ​​​ពហិកា​​​មិន​​​ចូល​​​សភា​​​ បាន​​​ទទួល​​​ការ​​​អញ្ជើញ​​​ឲ្យ​​​ចូល​​​រួម​​​ជាមួយ​​​មន្ត្រ​ី​​​ជាន់​​​ខ្ពស់​​​គណបក្ស​​​ប្រជាជន​​​កម្ពុជា​​​ដើម្បី​​​គោរព​​​​​​ដួង​​​ព្រះ​​​វិញ្ញាណ​​​ក្ខន្ធ​​​​​​សម្តេច​​​ឪ​​​ជា​​​លើក​​​ចុង​​​ក្រោយ​​​។

អ្នក​​​ស្រី ជោ សំអុល​​​ ​​​ អាយុ​​​៦៣​​​ឆ្នាំ​​​ ដែល​​​មក​​​ពី​​​ខណ្ឌ​​​មាន​​​ជ័យ​​​ដើម្បី​​​មើល​​​ពិធី​​​ដង្ហែ​​​ព្រះ​​​បរម​​​អដ្ឋិ​​​ បាន​​​និយាយ​​​ទាំង​​​ទឹក​​​ភ្នែក​​​ថា អ្នកស្រី​​​សង្ឃឹម​​​ថា ដួង​​​ព្រះ​​​វិញ្ញាណ​​​ក្ខន្ធ​​​របស់​​​អតីត​​​ព្រះ​​​មហា​​​ក្សត្រ​​​អាច​​​ជួយ​​​ឲ្យ​​​គណបក្ស​​​ទាំង​​​ពីរ​​​រូប​​​រួម​​​គ្នា​​​ដោះ​​​ស្រាយ​​​ការ​​​ខ្វែង​​​គំនិត​​​​​គ្នា​​​។ អ្នកស្រី​​​និយាយ​​​​​​ទៀត​​​ថា ” ខ្ញុំ​​​សូម​​​បួង​​​សួង​​​​​​ឲ្យ​​​ដួង​​​វិញ្ញាណ​​​ក្ខន្ធ​​​សម្តេច​​​ឪ​​​ជួយ​​​ថែ​​​រក្សា​​​កូន​​​ចៅ​​​ ហើយ​​​ខ្ញុំ​​​បួង​​​សួង​​​​​​កុំ​​​ឲ្យ​​​ប្រជា​​​ពល​​​រដ្ឋ​​​ខ្មែរ​​​របស់​​​យើង​​​ឈ្លោះ​​​ទាស់​​​ទេង​​​គ្នា​​​”។

ព្រះមហាក្សត្រ​​​ នរោត្តម​​​ សីហមុនី និង​​​សម្តេច​​​ម៉ែ​​​ នរោត្តម មុនីនាថ​​​ យាង​​​រង់​​​ចាំ​​​នៅ​​​ឯ​​​ព្រះ​​​បរម​​​រាជ​​​វាំង​​​ដើម្បី​​​ទទួលការ​​​​​​ដង្ហែ​​​នេះ​​​។ លោក​​​​​​នាយក​​​រដ្ឋមន្ត្រី​​​ ហ៊ុន សែន និង​​​មន្ត្រី​​​រដ្ឋាភិ​​​បាល​​​ផ្សេងៗ​​​ទៀត​​​ រួម​​​ជាមួយ​​​នឹង​​​តំណាង​​​គណបក្ស​​​សង្គ្រោះ​​​ជាតិ​​​ បាន​​​ចូល​​​រួម​​​ជាមួយ​​​ព្រះ​​​អង្គ​​​នៅ​​​ខាង​​​មុខ​​​ព្រះ​​​បរម​​​រាជ​​​វាំង​​​។

លោក​​​ កឹម សុខា អនុ​​​ប្រធាន​​​គណបក្ស​​​សង្គ្រោះ​​​ជាតិ​​​បាន​​​​​​មាន​​​ប្រសាសន៍​​​ថា ” ការ​​​ចូល​​​រួម​​​របស់​​​យើង​​​គឺ​​​ដើម្បី​​​បង្ហាញ​​​ថា យើង​​​ទាំង​​​អស​​​់គ្នា​​​សុទ្ធ​​​តែ​​​គោរព​​​ព្រះ​​​បរម​​​រតន​​​កោដ្ឋ​​​។ ខ្ញុំ​​​សង្ឃឹម​​​ថា  [ ស្ថានភាព​​​ជាប់​​​គាំង​​​ ] នឹង​​​ត្រូ​​​វ​​​បាន​​​ដោះ​​​ស្រាយ។ ​​​មិន​​​ត្រូវ​​​ឲ្យ​​​​​​មាន​​​អំណាច​​​​​​​​​នៅ​​​ក្នុង​​​​​​ដៃ​​​របស់​​​គណបក្ស​​​តែ​​​មួយ​​​បែ​​​បន​​​នេះ​​​ទេ យើង​​​ចង់​​​បាន​​​លទ្ធិ​​​ប្រ​​​ជា​​​ធិបតេយ្យ​​​ពហុ​​​បក្ស​​​ និង​​​ភាព​​​ត្រឹម​​​ត្រូវ​​​នៅ​​​ក្នុង​​​ការ​​​បោះ​​​ឆ្នោត​​​”។

លោក ស ខេង រដ្ឋ​​​មន្ត្រី​​​ក្រសួ​​​ង​​​មហា​​​ផ្ទៃ​​​ ដែល​​​បាន​​​ចូល​​​រួម​​​ការ​​​ចរចា​​​ជា​​​មួ​​​យ​​​គណបក្ស​​​សង្គ្រោះ​​​ជាតិ​​​ដើម្បី​​​បញ្ចប់​​​ស្ថានភាព​​​ជាប់​​​គាំង​​​នេះ​​​នា​​​ពេល​​​កន្លង​​​មក​​​បាន​​​មាន​​​ប្រសាសន៍​​​ថា គណ​​​បក្សទាំង​​​ពី​​​ចាំ​​​បាច់​​​ត្រូវ​​​ធ្វើ​​​ការ​​​ជាមួយ​​​គ្នា ប៉ុន្តែ លោក​​​មាន​​​ប្រសាសន៍​​​ថា ព្រះ​​​រាជ​​​ពិធី​​​កាល​​​ពី​​​ថ្ងៃ​​​សុក្រ​​​នេះ មិន​​​មែន​​​ជា​​​ពេល​​​ត្រូវ​​​និយាយ​​​គ្នា​​​អំពី​​​ស្ថាន​​​ភាព​​​ជាប់​​​គាំង​​​ផ្នែក​​​នយោបាយ​​​ឡើយ​​​។ លោក​​​បាន​​​បន្ត​​​ថា ” ​​​គ្មាន​​​ការ​​​ពិភាក្សា​​​គ្នា​​​ទេ​​​។ យើង​​​គ្មាន​​​ពេល​​​ទេ​​​ [ នៅ​​​ថ្ងៃ​​​នេះ ]​​​​​​”។

លោក ទូច​​​ ណារ៉ុត ប្រធាន​​​នាយក​​​ដ្ឋាន​​​​​​អង្គរក្ស​​​នៃ​​​ក្រសួ​​​ងមហាផ្ទៃ​​​បាន​​​មាន​​​ប្រសាសន៍​​​ថា ការ​​​ដង្ហែ​​​ព្រះ​​​បរម​​​​​​អដ្ឋិ​​​បាន​​​ប្រព្រឹត្ត​​​ទៅ​​​យ៉ាង​​​រលូន​​​ ហើយ​​​បាន​​​ប៉ាន់​​​ប្រមាណ​​​ថា មាន​​​មនុស្ស​​​រាប់​​​មឺុន​​​នាក់​​​ចូល​​​រួម​​​ក្នុង​​​ពិធី​​​នេះ​​​។

លោក​​​មាន​​​ប្រសាសន៍​​​ទៀត​​​ថា ព្រះ​​​មហាក្សត្រ​​​ សម្តេច​​​ម៉ែ និង​​​លោក​​​នាយក​​​រដ្ឋ​​​មន្ត្រី​​​នឹង​​​ចូល​​​រួម​​​ក្នុង​​​ពិធី​​​មួយ​​​នៅ​​​​​​ថ្ងៃ​​​​​​សៅរ៍​​​ ក្នុង​​​ព្រះ​​​បរម​​​រាជ​​​វាំង​​​ដើម្បី​​​តម្កល់​​​ព្រះ​​​បរម​​​អដ្ឋិ​​​នៃ​​​ព្រះ​​​បរម​​​រតន​​​កោដ្ឋ​​​ ក្នុង​​​ព្រះ​​​ចេតិយ​​​មួយ​​​ក្នុង​​​បរិវេណ​​​ប្រាសាទ​​​ព្រះ​​​កែវ​​​មរកត​​​ក្នុង​​​ព្រះ​​​បរម​​​រាជ​​​វាំង​​​។

លោ​​​ក​​​បាន​​​បន្ត​​​ថា យើង​​​មាន​​​គម្រោង​​​អនុញ្ញាត​​​ឲ្យ​​​ប្រជា​​​ពល​​​រដ្ឋ​​​​​​ចូល​​​ទៅ​​​គោរព​​​ដួ​​​ងព្រះ​​​វិញ្ញាណ​​​ក្ខន្ធ​​​​​​ព្រះ​​​បរម​​​​​​រតន​​​កោដ្ឋ​​​នៅ​​​ប្រាសាទ​​​ព្រះ​​​កែវ​​​មរកត​​​”។

អ្នក​​​ស្រី ញូ៉វ ញឿន អាយុ​​​៦៨​​​ឆ្នាំ ដែល​​​ឈរ​​​តាម​​​បណ្តោយ​​​ផ្លូវ​​​ដង្ហែ​​​ព្រះ​​​បរម​​​អដ្ឋិ​​​បាន​​​ធ្វើ​​​​​​ដំណើរ​​មក​​​ពីខេត្ត​​​តាកែវ​​​។ អ្នកស្រី​​​និយាយ​​​ថា អ្នកស្រី​​​សង្ឃឹម​​​ថា សង្គម​​​បច្ចុប្បន្ន​​​នឹង​​​វិល​​​ទៅ​​​រក​​​សង្គម​​​មួយ​​​ដែលស្រដៀង​​​ទៅ​​​នឹង​​​សង្គម​​​គ្រប់​​​គ្រង​​​ដោយ​​​ព្រះ​​​អង្គ​​​ម្ចាស់​​​ នរោត្តម សីហនុ នា​​​ទសវត្សរ៍​​​ឆ្នាំ​​​១៩៦០​​​។

អ្នកស្រី​​​​​​​​​បាន​​​លើ​​​ក​​​ឡើង​​​ទៀត​​​ថា ” យើ​​​ងមិន​​​អាច​​​ប្រៀប​​​ធៀប​​​របប​​​នេះ​​​ជា​​​មួយ​​​របប​​​មុន​​​បាន​​​ទេ។ ពីព្រោះ​​​ពេល​​​នេះ​​​វា​​​ពិបាក​​​រស់​​​នៅ ដោយសារ​​​តែ​​​យើង​​​ក្រ​​​ ប៉ុន្តែ នៅ​​​ក្នុង​​​របប​​​មុន​​​​​​យើង​​​មាន​​​អាហារ​​​ហូប​​​ចុក​​​គ្រប់​​​គ្រាន់​​​”៕សុខុម​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស