30 C
Phnom Penh

សមាជិក​សភា​គណ​បក្ស​ប្រ​ឆំាង​បី​នាក់​ត្រូវ​ឃាត់​ខ្លួន​នៅ​ទីលាន​ប្រជា​ធិប​តេយ្យ​

ដោយ ឌឹ ខេមបូឌា ដេលី

បទវិភាគ

​​លោក ជូន ណារិន ស្នងការ​រងនគរ​បាល​រាជធានី​ភ្នំ​ពេញ​បានមាន​​ប្រសាសន៍​ថា សមាជិកសភា​ជាប់ឆ្នោត​បីនាក់​របស់​គណបក្ស​សង្គ្រាះជាតិ​កំពុង​ត្រូវ​គេ​ឃាត់ខ្លួន​ដើម្បី​សាកសួរ​ បន្ទាប់ពី​សន្តិសុខ​ខណ្ឌ​ដូនពេញ បាន​ប៉ះទង្គិចជាមួយ​អ្នកតវ៉ា​នៅជិត​ទីលាន​ប្រជា​ធិបតេយ្យ​។ លោក ណារិន​ បានឲ្យដឹង​ទៀត​ថា “​យើង​កំពុង​រង់ចាំ​មន្រ្តី​តុលាការ​មក​សាក​សួរ​ពួកគេ”​។​Siv-channa031

លោក​បានបន្តទៀត​ថា “សន្តិសុខយ៉ាងហោចណាស់៦នាក់បានរងរបួសធ្ងន់ ដោយសារអ្នក​ត​វ៉ា​វាយ​” ។ លោក​បាន​បន្ថែម​ថា​ គេបាន​​បញ្ជួន​សន្តិសុខ​ទាំងនោះ​ទៅ​មន្ទីរ​ពេទ្យ​ដើម្បី​ព្យាបាលហើយ​។​

នៅ​ម៉ោង​១០​ព្រឹកនេះ​​ មន្រ្តី​​គណបក្ស​សង្រ្គោះ​ជាតិ​បី​នាក់​កំពុង​ត្រូវ​នគរបាល​ឃាត់ខ្លួន​ក្នុង​របង​លួស​បន្លា​ដែលព័ទ្ធ​ផ្លូវមួយ​នៅជិតទីលាននោះ​។

លោក យ៉ែម​ ប៉ុញ្ញារិទ្ធ អ្នកនាំពាក្យគណបក្ស​សង្រ្គោះ​ជាតិ​បានឲ្យដឹកថា សមាជិកស​ភាបក្សប្រឆាំងទាំងបីរូបនោះ​គឺ លោកស្រី មូរ សុខហួរ ម៉ែន ថាវរិទ្ធ និង កែវ ភារម្យ ។Siv-channa12

អ្នកនាំពាក្យរូបនេះបានឲ្យដឹងទៀតថា “រហូត​មកដល់​ពេល​នេះ យើង​អាច​បញ្ជាក់​បានថាសមាជិកសភា​CNRPបីរូប​កំពុងត្រូវ​គេឃាត់​ខ្លួន​នៅ​ក្នុង​ទីលាន​ប្រជាធិប​តេយ្យ។​ គេ​បានប្រើកម្លាំង​បង្ខំអ្នក​ទាំងបី​ឲ្យ​ចូល​ក្នុង​ទីលាន​ប្រជាធិបតេយ្យ​ ហើយនេះ​ជាការ​ចាប់ខ្លួន​”​។ មានិត​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស