29 C
Phnom Penh

ប្រអប់​​​ខ្មៅ​​​របស់​ឧទ្ធម្ភាគចក្រ​​​យោធា​​​ដែល​​​ធ្លាក់​​​មិន​​​ទាន​​​់​​​រក​​​ឃើញ​​​នៅ​​​ឡើយ​​​

ដោយ ឌឹ ខេមបូឌា ដេលី

បទវិភាគ

លោក ឈុំ សុជាតិ អ្នក​​​នាំ​​​ពាក្យ​​​ក្រសួ​​​ងការ​​​ពារ​​​ជាតិ​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា “ប្រអប់​​​ខ្មៅ​​​” ដែល​​​ផ្ទុក​​​ព័ត៌​​​មាន​​​សំខាន់​​​អំពី​​​រយៈ​​​ពេល​​​ប៉ុន្មាន​​​នាទី​​​ចុង​​​ក្រោយ​​​នៃ​​​ឧទ្ធម្ភាគចក្រ​​​​​​ដែល​​​បាន​​​ធ្លាក់​​​នៅ​​​ក្នុង​​​រាជ​​​ធានី​​​ភ្នំពេញ​​​កាល​​​ពី​​​ថ្ងៃ​​​ច័ន្ទ បណ្តាល​​​ឲ្យ​​​មនុស្ស​​​បួន​​​នាក់​​​ស្លាប់​​​ មិន​​​ទាន់​​​បាន​​​រក​​​ឃើញ​​​នៅ​​​ឡើយ​​​ទេ។

ឧទ្ធម្ភាគចក្រ​​​ធុន Z-9 ​​​មួ​​យ​​​គ្រឿង​​​ផលិត​​​នៅ​​​ប្រទេស​​​ចិន​​​​​​​​​​​​បាន​​​ធ្លាក់​​​ចូល​​​ទឹក​​​រណ្តៅ​​​ដី​​​ដ៏​​​ធ​​​ំ​​​មួយ​​​នៅ​​​ប៉ែក​​​និរតី​​​ក្នុង​​​រាជ​​​ធានីភ្នំពេញ​​​ អំឡុង​​​ពេល​​​ហាត់​​​បើក​​​បរ​​​ឧទ្ធម្ភាគចក្រ​​​​​​តាម​​​ទម្លាប់​​​ធម្មតា​​​​​​នៅ​​​ម៉ោង​​​ប្រហែល​​​៩​​​ព្រឹក​​​ថ្ងៃ​​​ច័ន្ទ បណ្តាល​​​ឲ្យ​​​មេបញ្ជាការ​​​រង​​​កង​​​ទ័ព​​​អាកាស​​​មួយ​​​រូប​​​ និង​​​នាយ​​​ទាហាន​​​បី​​​រូប​​​ទៀត​​​​​​​​​បាត់​​​បង់​​​ជីវិត។

សាកសព​​​ជន​​​រង​​​គ្រោះ​​​ទាំង​​​បួ​​​ន​​​នាក់ និង​​​បំណែក​​​ភាគ​​​ច្រើន​​​នៃ​​​ឧទ្ធម្ភាគចក្រ ដែល​​​ធ្លាក់​​​នេះ​​​ត្រូវ​​​បាន​​​រក​​​ឃើញ​​​ និង​​​ស្រង់​​​ចេញ​​​ពី​​​ទឹក​​​នៅ​​​ពេល​​​រសៀល​​​ថ្ងៃ​​​នោះ​​​។ នាយ​​​ឧត្តម​​​​​​​​​​​​​​​សេនីយ៍​​​ ឈុំ សុជាតិ បាន​​​មាន​​​ប្រសាសន៍​​​កាល​​​ពី​​​ម្សិល​​​មិញ​​​ថា “យើង​​​មិន​​​ទាន់​​​រក​​​ឃើញ​​​ប្រអប់​​​ខ្មៅ​​​នៅ​​​ឡើយ​​​ទេ ពេល​​​នេះ​​​យើង​​​កំពុង​​​បន្ត​​​រុក​​​រក​​​វា​​​”។ លោក​​​មាន​​​ប្រសាសន៍​​​ទៀត​​​ថា នៅ​​​ក្នុង​​​កិច្ច​​​ប្រឹងប្រែង​​​របស់​​​យោធា​​​ដើម្បី​​​ស្វែង​​​រក​​​ការ​​​ពន្យល់​​​បក​​​ស្រាយ​​​ពី​​​មូល​​​ហេតុ​​​នាំ​​​ឲ្យ​​​ធ្លាក់​​​ឧទ្ធម្ភាគចក្រ​​​នេះ ​​​គ្មាន​​​តម្រុយ​​​ផ្សេង​​​ទៀត​​​ទេ។

រូប​​​ភាព​​​វីដេអូ​​​ដែល​​​សាក្សី​​​ថត​​​បាន​​​បង្ហាញ​​​ពី​​​សកម្មភាព​​​ឧទ្ធម្ភាគចក្រ​​​​​​បម្រុង​​​នឹង​​​ចុះ​​​ចត​​​ដល់​​​ដី​​​ជាប់​​​មាត់​​​រណ្តៅ​​​ដ៏ជ្រៅ​​​នេះ​​​រួ​​​ច​​​ទៅ​​​ហើយ​​ មុន​​​ពេល​​​វា​​​ហោះ​​​ឡើង​​​​ទៅលើ​​​វិញ​​​ហើយ​​​ដាំ​​​ក្បាល​​​ចុះ​​​ទៅ​​​ក្នុង​​​ទឹក​​​រណ្តៅ​​​។

លោក សឹុង សំណាង មេបញ្ជាការ​​​កង​​​ទ័ព​​​អាកាស​​​បាន​​​មាន​​​ប្រសាសន៍​​​ថា នៅ​​​ពេល​​​រក​​​ឃើញ​​​ទិន្ន​​​ន័យ​​​ប្រអប់​​​ខ្មៅ វា​​​នឹង​​​ត្រូវ​​​បញ្ជូន​​​ទៅ​​​ប្រទេស​​​ចិន​​​ដែល​​​លក់​​​ឧទ្ធម្ភាគចក្រ​​​ Z-9 ​​​នេះ​​​ឲ្យ​​​រដ្ឋាភិបាល​​​កាល​​​ពី​​​ឆ្នាំ​​​មុន។

ឧត្តម​​​សេនីយ៍ សឹុង​​​ សំណាង បាន​​​មាន​​​ប្រសាសន៍​​​ថា “ភ្លាមៗ​​​យើង​​​មិន​​​អាច​​​វាយ​​​តម្លៃ​​​ពី​​​ឧបទ្ទវហេតុ​​​នេះ​​​បាន​​​ទេ​​​។ យើង​​​ត្រូ​​​វការ​​​ពេល​​​វេលា​​​ថែមទៀត​​​។ យើង​​​នឹង​​​បញ្ជូន​​​ទិន្ន​​​ន័យ​​​​​​នេះ​​​ទៅ​​​សិក្សា​​​នៅ​​​រោង​​​ច្រក​​​ ដែល​​​ផលិត​​​ឧទ្ធម្ភាគចក្រ​​​នេះ​។ យើង​​​មិន​​​អាច​​​ចាត់​​​ទុក​​​ការ​​​អះ​​​អាង​​​របស់​​​សាក្សី​​​ និង​​​អ្នក​​​នៅ​​​រស់​​​ជា​​​ផ្លូវ​​​ការ​​​បាន​​​ទេ ពីព្រោះ​​​អ្វី​​​ៗ​​​ស្ថិត​​​ក្នុង​​​ប្រអប់​​​ខ្មៅ​​​នោះ”។

លោក យិន សុខា ដែល​​​ជា​​​មេបញ្ជាការ​​​រង​​​កង​​​ទ័ព​​​អា​​​កាស​​​ដែរ​​​នោះ បាន​​​មាន​​​ប្រសាសន៍​​​ថា ប្រអប់​​​ខ្មៅ​​​នោះ​​​ត្រូវ​​​បញ្ជូន​​​ទៅ ប្រទេស​​​ចិន​​​ ពីព្រោះ​​​កម្ពុជា​​​គ្មាន​​​កន្លែង​​​វិភាគ​​​ទិន្នន័យ​​​បែប​​​នេះ​​​ទេ​។

ឧត្តម​​​សេនីយ៍​​​ឯក យិន សុខា បាន​​​មាន​​​ប្រសាសន៍​​​ថា សាក​​​សព​​​ទាហាន​​​បីរូប​​​ដែល​​​មាន​​​ដូច​​​ជា​​​ ឧត្តមសេនីយ៍​​​ត្រី អៀង​​​ ចាន់​​​ណារិទ្ធិ វរសេនីយ៍​​​ត្រី​​​ ថន វណ្ឌី និង​​​វរសេនីយ៍​​​ត្រី ខាំ ប៊ុន​​​ណាន នឹង​​​ត្រូវ​​​បូជា​​​​​​នៅ​​​មូល​​​ដ្ឋាន​​​ទ័ព​​​អាកាស​​​ពោធិ៍​​​ចិន​​​តុង​​​នៅ​​​ថ្ងៃ​​​នេះ។

លោក​​​បាន​​​ពន្យល់​​​ថា ក្រុម​​​គ្រួសារ​​​របស់​​​ឧត្តម​​​សេនីយ៍​​​ទោ អ៊ុក​​​ ប៊ុណ្ណាហា បាន​​​ស្នើ​​​សុំ​​​រៀប​​​ចំ​​​ពិធី​​​បុណ្យសព​​​ឯកជន​​​ដាច់​​​ដោយ​​​ឡែក​​​សម្រាប់​​​លោក​​​ អ៊ុក​​​ ប៊ុណ្ណាហា នៅផ្ទះ​​​របស់​​​លោក​​​​​​ក្នុង​​​រាជ​​​ធានី​​​ភ្នំពេញ។

លោក ស សេរី អាយុ​​​២៩​​​ឆ្នាំ ដែល​​​ត្រូវ​​​ជា​​​បង​​​ជីដូន​​​មួយ​​​របស់​​​សិស្ស​​​នាយ​​​ទាហាន​​​បើក​​​បរ​​​ឧទ្ធម្ភាគចក្រ​​​​​​ឈ្មោះ​​​ ចេង សុខសំបូរ​​​ អាយុ​​​២៧​​​ឆ្នាំ ដែល​​​ជា​​​អ្នក​​​នៅ​​​រស់​​​តែ​​​ម្នាក​​​់គត់​​​ក្នុង​​​ហេតុ​​​ការណ៍​​​ធ្លាក់​​​ឧទ្ធម្ភាគចក្រ​​​ ​​​បាន​​​និយាយ​​​ថា មន្ត្រី​​​រដ្ឋាភិបាល​​​ និង​​​កាក​​​បាទ​​​ក្រហម​​​កម្ពុជា​​​បាន​​​នាំ​​​យក​​​អំណោយ​​​មក​​​ឲ្យ​​​ជន​​​រង​​​គ្រោះ​​​កាល​​​ពី​​​​​​ម្សិលមិញ។​​​​​​​​

លោក ស សេរី បាន​​​និយាយ​​​នៅ​​​មន្ទី​​​រ​​​ពេទ្យ​​​ថា “ក្រសួង​​​ជា​​​ច្រើន​​​បាន​​​បរិច្ចាគ​​​ជំនួយ​​​សរុប​​​ជាង​​​១០​​​លាន​​​រៀល​​​[ ប្រហែល​​​២.៥០០​​​ដុល្លារ​​​ ]​​​​​​​​​​​​​​​​​​​​​​​​​​​​​​​​​​​​​​​ និង​​​ទឹក​​​ផ្លែ​​​ឈើ​​​ជាង​​​១០​​​កេស និង​​​ទឹក​​​សុទ្ធ​​​មួយ​​​ចំនួន”។

លោក ចេង សុខ​​​សំបូរ​​​​​​បាន​​​រង​​​របួស​​​ស្រាល​​​នៅ​​​ក្នុង​​​ហេតុការណ៍​​​ធ្លាក់​​​ឧទ្ធម្ភាគចក្រ​​​នេះ​​​ ហើយ​​​គេ​​​រំពឹង​​​ថា គាត់​​​នឹង​​​ជា​​​សះស្បើយ​​​ក្នុង​​សប្តាហ៍​​​នេះ​​​ នេះ​​​បើ​​​តាម​​​ការ​​​លើក​​​ឡើង​​​របស់​​​វេជ្ជ​​​បណ្ឌិត​​​ដែល​​​ព្យាបាល​​​គាត់​​​៕សុខុម​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស