អ្នក​​​វិភាគ​​​យក​​​ប្រអប់​​​ខ្មៅឧទ្ធម្ភាគ​​​ចក្រ​​​ទៅ​​​ពិនិត្យ​​​នៅ​​​ចិន

មន្ត្រី​​​ម្នាក់​​​បាន​​​ឲ្យ​​​ដឹង​​​កាល​​ពី​​​ម្សិល​​​មិញ​​​ថា កាលពី​​​ថ្ងៃសុក្រ អ្នក​​​វិភាគ​​​បច្ចេកទេស​​​មកពី​​​ប្រទេស​​​ចិនបាន​​​នាំ​​​យក​​​ប្រអប់​​​ខ្មៅ​​​របស់​​​ឧទ្ធម្ភាគចក្រ Z-9 ផលិតនៅ​​​ចិន​​​ដែល​​​ធ្លាក់​​​កាលពី​​​សប្តាហ៍​​​មុន បណ្តាល​​​ឲ្យ​​​ស្លាប់​​​នាយ​​​ទាហាន​​​បួន​​​​​​នាក់​​​នោះ ទៅ​​​ប្រទេស​​​ចិន បន្ទាប់ពី​​​មាន​​​ការ​​​សម្រេច​​​ថា នៅ​​​ប្រទេស​​​កម្ពុជា គេ​​​មិន​​​អាច​​​​​​យក​​​ទិន្នន័យក្នុងប្រអប់​​​នោះ​​​បាន​​​ទេ។

លោក ឧត្ដម​​​សេនីយ៍​​​ឯក​ យិន សុខា មេបញ្ជាការរងកងទ័ពជើងអាកាស បាន​​​មាន​​​ប្រសាសន៍​​​ថា “យើង​​​មិន​​​អាច​​​​​​បើក​​​វា​​​នៅ​​​ទី​​េនះ​បាន​​​ទេ។ ប្រអប់ខ្មៅនោះ​បានបញ្ជួនទៅ​​​ប្រទេស​​​ចិន ដើម្បីពិនិត្យទិន្នន័យ”។​

អ្នក​​​វិភាគ​​​បច្ចេក​​ទេសចិន​និង​​​ខ្មែរបាន​ជួប​​​ពិភាក្សា​​​គ្នា​​​អំពី​​​លទ្ធភាព​​​យក​​​ព័ត៌មាន​​​ពី​​​ប្រអប់​​​ខ្មៅ​​​របស់​​​ឧទ្ធម្ភាគចក្រ​​​ដែល​​​ធ្លាក់​​​នោះ។​ ឧទ្ធម្ភាគចក្រ Z-9 មួយគ្រឿងក្នុងចំណោមចំនួន១២​​​គ្រឿង ដែល​​​រដ្ឋាភិបាល​​​បាន​​​ទិញពី​​​ប្រទេស​​​ចិន​​​​​​កាលពី​​​ឆ្នាំ​​​មុន ក្នុង​​​តម្លៃ​​​ជិត២០០​​​លាន​​​ដុល្លារ បាន​​​ធ្លាក់​​​នៅ​​​ជាយ​​​ក្រុង​​​ភ្នំពេញកាលពី​​​ថ្ងៃ​​​ច័ន្ទ​​​សប្តាហ៍​​​មុន អំឡុង​​​ការ​​​ហាត់​​​រៀន​​​បើកបរ៕មានិត