37 C
Phnom Penh

ទាហាន​​​កង​​​រាជ​​​អាវុធ​​​ហត្ថ​​​​​​និង​​​នគរបាលប្រាំ​​​មួយ​​​នាក់​​​ត្រូវ​​​​​​ចាប់ខ្លួន​​​ពី​​​បទ​​​ជួញ​​​ដូរ​​​គ្រឿង​​​ញៀន

ដោយ ឌឹ ខេមបូឌា ដេលី

បទវិភាគ

យោង​​​តាម​​​​​​ការ​​​ឲ្យដឹង​​​ពី​​​នគរបាល​​​ថា ទាហាន​​​ កង​​​រាជ​​​អាវុធ​​​ហត្ថ​​​ និង​​​នគរបាល​​​សរុប​​​ចំនួន​​​ប្រាំ​​​មួយ​​​នាក់​​​​​​ត្រូវ​​​បាន​​​ចាប់​​​ខ្លួន​​​នៅ​​​ក្នុង​​​ប្រទេស​​​កម្ពុជា​​​​​​ និ​​​ង​​​ប្រទេស​​​ថៃ​​​​​​កាល​​​ពី​​​ថ្ងៃ​​​ច័ន្ទ ពី​​​បទ​​​ពាក់​​​ព័ន្ធ​​​នៅ​​​ក្នុ​​​ង​​​ករណី​​​ជួញ​​​ដូរ​​​គ្រឿង​​​ញៀន​​​ពីរ​​​ករណី​​​ដាច់​​​​​​ដោយ​​​​​​ឡែក​​​ពី​​​គ្នា​​​។ 

លោក​​​ ខៀវ សាម៉ុន ប្រធាន​​​នាយក​​​ដ្ឋាន​​​ប្រឆាំង​​​ការ​​​ជួញ​​​ដូរ​​​គ្រឿង​​​ញៀន​​​នៃ​​​ក្រសួង​​​មហា​​​ផ្ទៃ​​​ បាន​​​មាន​​​ប្រសាសន៍​​​ថា មន្ត្រី​​​របស់​​​លោក​​​​ចាប់​​​ខ្លួន​​​​​​​​​​​​​​​ទាហាន​​​ និង​​​កង​​​រាជ​​​អាវុធ​​​ហត្ថ​​​បាន​​​ប្រាំ​​​នាក់​​​នៅ​​​ក្នុង​​​រាជ​​​ធានី​​​ភ្នំពេញ​​​កាល​​​ពី​​​យប់​​​ថ្ងៃ​​​ច័ន្ទ​​​ ហើយ​​​កំពុង​​​ស្រាវ​​ជ្រាវ​​​ដើម្បី​​​ចាប់​​​ខ្លួន​​​បន្ថែម​​​ទៀត​​​។

លោក​​​មាន​​​ប្រសាសន៍​​​ថា “យើង​​​ចាប់ខ្លួន​​​ពួក​​​គេ​​​ និ​​​ង​​​ដក​​​ហូត​​​បាន​​​មេតំ​​​ហ្វេ​​​តាមីន កន្លះ​​​គី​​​ឡូ​​​ក្រោម​​​កាល​​​ពី​​​យប់​​​មិញ។ ពេល​​​នេះ​​​នគរបាល​​​ប្រឆាំង​​​​​​គ្រឿង​​​ញៀន​​​របស់​​​់យើង​​​កំពុង​​​ស្រាវ​​​ជ្រាវ​​​វែក​​​មុខ​​​បក្ខ​​​ពួក​​​មួយ​​​ចំនួន​​​ទៀត​​​របស់​​​ពួក​​​គេ​​​។ ជន​​​ទាំង​​​ប្រាំ​​​នាក់​​​នេះ​​​កំពុង​​​​​​ស្ថិត​​​ក្នុង​​​ការ​​​ឃុំ​​​ឃាំង​​​របស់​​​យើង​​​នៅ​​​ក្រសួង​​​មហាផ្ទៃ​​​ ហើយ​​​នឹង​​​ត្រូវ​​​បញ្ជូន​​​ខ្លួន​​​ទៅ​​​តុលាការ​​​នៅ​​​ថ្ងៃ​​​ស្អែក​​”។

នៅ​​​ក្នុង​​​ករណី​​​ដាច់​​​ដោយ​​​ឡែក​​​មួយ​​​ នគរបាល​​​ស្រុក​​​កំរៀង​​ ខេត្ត​​​បាត់​​​ដំបង​​​ម្នាក់​​​ឈ្មោះ សៅ ចន្ធី ត្រូវ​​​បាន​​​ចាប់​​​ខ្លួន​​​កាល​​​ពីថ្ងៃ​​​ច័ន្ទ ពេល​​​ឆ្លង​​​ដែន​​​ទៅ​​​ប្រទេស​​​ថៃ​​​ ដោយ​​​នៅ​​​ទី​​​នោះ នគរ​​​បាល​​​មូល​​​ដ្ឋាន​​​បាន​​​រក​​​ឃើញ​​ជន​​​នេះ​​​លាក់​​​ថ្នាំ​​​ញៀន​​​មេតំហ្វេ​​​តាមីន​​​ជិត​​​៣.០០០គ្រាប់​​​នៅ​​​ក្នុង​​​ស្បែក​​​ជើង​​​ប៉ុន្មាន​​​គូ នេះ​​​បើ​​​យោង​​​តាម​​​ការ​​​លើក​​​ឡើង​​​​​​របស់​​​លោក ប្រាក់​​​ សំតារា អនុ​​​ប្រធាន​​​ច្រក​​ទ្វារ​​​​អន្តរ​​​ជាតិ​​​​​​ដូង​​​។

លោក​​​មាន​​​ប្រសាសន៍​​​ថា “​​​យោង​​​តាម​​​របាយ​​​ការណ៍​​​​​​មួយ​​​ដែល​​​​នគរបាល​​​ប្រឆាំង​​​គ្រឿង​​​ញៀន​​​ថៃ​​​បាន​​​បញ្ជូន​​​មក​​​នគរ​​​បាល​​​ព្រំ​​​ដែន​​​របស់​​​យើង​​​បាន​​​ឲ្យដឹង​​​ថា ​​​លោក ចន្ធី បាន​​​លាក់​​​ថ្នាំ​​​គ្រាប់​​​មេតំហ្វេ​​​តាមីន​​​នៅ​​​ក្នុង​​​ស្បែក​​​ជើង ហើយ​​​គាត់​​​ត្រូវ​​​បាន​​​ចាប់​​​ខ្លួន​​​ខណៈ​​​ពេល​​​កំពុង​​​ជិះ​​​តាក់​​​ស៊ី”។

លោក​​​បាន​​​មាន​​​ប្រសាសន៍​​​ទៀត​​​ថា “លោក​​​ ចន្ធី កំពុង​​​ស្ថិត​​​ក្នុង​​​កណ្តាប់​​​ដៃ​​​នគរ​​​បាល​​​ប្រឆាំង​​​គ្រឿង​​​ញៀន​​​ថៃ​​​ក្នុង​​​ខេត្ត​​​ច័ន្ទ​​​ប៊ុរី។ យើង​​​មិន​​​ដឹង​​​ថា​​​ មាន​​​អ្វី​​​កើត​​​ឡើង​​​ចំពោះ​​​គាត់​​​ទេ​​​។ ជោគ​​​វាសនា​​​របស់​​​គាត់​​​នៅ​​​ក្នុង​​​តុលាការ​​​ថៃ​​​ គឺ​​​ធ្ងន់​​​ធ្ងរ​​​ណាស់ ពី​​​ព្រោះវា​​​បាន​​​កើត​​​ឡើង​​​នៅ​​​ក្នុង​​​ប្រទេស​​​ថៃ​​​”។ សូម​​​បញ្ជាក់​​​ថា បទ​​​ល្មើស​​​គ្រឿង​​​ញៀន​​​អាច​​​មាន​​​ទោស​​​ប្រហារ​​​ជីវិត​​​នៅ​​​ក្នុង​​​ប្រទេស​​​ថៃ៕​​​សុខុម​​​​​​​​​​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស