33 C
Phnom Penh

ទឹក​ជំនន់​កាន់តែ​គំរាមកំហែង​ខណៈ​ដែល​កម្ពស់​ទឹកបន្ត​ឡើង​នៅ​ខេត្ត​ក្រចេះ

ដោយ ឌឹ ខេមបូឌា ដេលី

បទវិភាគ

មន្ត្រី​ខេត្ត​ម្នាក់​បាន​និយាយ​កាលពី​ម្សិលមិញ​ថា ឥឡូវនេះ​ប្រជាពល​រដ្ឋ​ជាច្រើន​រយ​គ្រួសារ​ត្រូវ​បាន​ជម្លៀស​ចេញ​ដោយសារ​ការ​ជន់លិច ក្នុងពេល​ដែល​កម្ពស់​ទឹក​បន្ត​ឡើង​នៅ​ខេត្ត​ក្រចេះ។

យោងតាម​លោក ជួង សៀងហាក់ ស្នងការ​នគរបាល​ខេត្ត​បាន​ឲ្យ​ដឹង​ថា កំណាត់​ផ្លូវ​ជាតិ​លេខ​៧៣ ដែល​ឆ្លងកាត់​ខេត្ត​នេះ បាន​រង​ផល​ប៉ះពាល់​ដោយសារ​ការ​ជន់​លិច​នេះ។ លោក សៀងហាក់ បាន​មាន​ប្រសាសន៍​ថា “ផ្នែក​ខ្លះ​នៃ​ផ្លូវ​នេះត្រូវ​បាន​ទឹក​ហូរ​កាត់ ប្រវែង​ពី​២០០​ម៉ែត្រទៅ​៥០០​ម៉ែត្រ។ ជម្រៅ​ទឹក​លើ​ជង្គង់ ដូច្នេះ​ការ​ធ្វើ​ដំណើរ​តាម​យានយន្ត​ត្រូវ​បាន​ផ្អាក​ជា​បណ្តោះ​អាសន្ន”។ លោក​បាន​បន្ថែម​ថា ប្រជាពលរដ្ឋ​២៣៤​គ្រួសារ​ត្រូវ​បាន​ជម្លៀស​ចេញ​ពី​ផ្ទះ​សំបែង ប៉ុន្តែ​មិន​មាន​អ្នក​ស្លាប់​បន្ថែម​ទៀត​ទេ បន្ទាប់ពី​មនុស្ស​ពីរ​នាក់​បាន​លង់ទឹក​ស្លាប់​កាលពី​សប្តាហ៍​មុន​នោះ។

លោក សៀងហាក់ មាន​ប្រសាសន៍​ថា សាលា​រៀន​មួយ​កន្លែង​បាន​ជន់​លិច តែ​វា​មិន​បាន​ប៉ះពាល់​ដល់​ការ​ប្រឡង​មធ្យម​សិក្សា​ទុតិយភូមិ​កាលពី​ម្សិលមិញ​ទេ ពីព្រោះ​អាជ្ញាធរ​បាន​ត្រៀម​បូម​ទឹក​ចេញ។

យោង​តាម​លោក អ៊ុំ វិបុល ប្រធាន​មន្ទីរ​ធន​ធាន​ទឹក​និង​ឧតុនិយម​ខេត​្ត​កំពង់​ចាម​បាន​ឲ្យ​ដឹង​ថា កម្រិត​ទឹក​នៅ​ខេត្ត​កំពង់​ចាម​ខ្ពស់​ជាង​កម្រិត​ទឹក​កាលពី​ឆ្នាំ​មុន ប៉ុន្តែ​ស្ថិត​ក្នុង​កម្រិត​ធម្មតា​នៅ​ឡើយ។ លោក អ៊ុំ វិបុល មាន​ប្រសាសន៍​ថា “ជា​ការ​ធម្មតា​ទេ​សម្រាប់​ប្រជាពលរដ្ឋ​ខេត្ត​កំពង់ចាម ពីព្រោះវា​តែងតែ​ជន់​លិច​អ៊ីចឹង ជាពិសេស តំបន់​នៅ​តាម​បណ្តោយច្រាំង​ទន្លេ”៕ មានិត

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស