30 C
Phnom Penh

តុលាការ​​​ចោទ​​​ប្រកាន់​​​ស្ត្រី​​​ម្នាក់​​​​​​ពី​​​បទ​​​ជួញ​​​ដូរ​​​កូនក្រមុំ​​​ទៅ​​​ប្រទេស​​​ចិន​​​

ដោយ ឌឹ ខេមបូឌា ដេលី

បទវិភាគ

នគរ​​​បាល​​​បាន​​​ឲ្យដឹង​​​ថា ស្ត្រី​​​វ័យ​​​៥២​​​ឆ្នាំ​​​ម្នាក់​​​ត្រូវ​​​បាន​​​សាលា​​​ដំបូង​​​ខេត្ត​​​កំពង់​​​ចាម​​​ចោទ​​​ប្រកាន់​​​ពី​​​បទ​​​ជួញ​​​ដូរ​​​មនុស្ស​​​កាល​​​ពី​​​ថ្ងៃ​​​អង្គារ ចំពោះ​​​ការ​​​បញ្ចុះ​​​បញ្ចូល​​​ស្ត្រី​​​ម្នាក់​​​ទៀត​​​​​​ឲ្យ​​​រៀប​​​ការ​​​ជាមួយ​​​បុរស​​​ជន​​​ជាតិ​​​ចិន​​​ ដែល​​​បាន​​​ធ្វើ​​​បាប​​​ស្ត្រី​​​រង​​​គ្រោះ​​​។ 

ស្ត្រី​​​ឈ្មោះ មីុ សៀក​​​លីម  ត្រូវ​​​បាន​​​ចាប់​​​ខ្លួន​​​​​​​​​​​​​​​នៅ​​​ផ្ទះ​​របស់​​​ខ្លួន​​​ក្នុង​​​ខេត្ត​​​ត្បូង​​​ឃ្មុំ​​​ បន្ទាប់​​​ពី​​​​​​សមត្ថកិច្ច​​​ទទួល​​​បាន​​​ពាក្យ​​​បណ្ដឹង​​​ព​​ី​​​ក្រុម​​​គ្រួសារ​​​របស់​​​​​​ស្ត្រី​​​រង​​​គ្រោះ ឈ្មោះ រៀល ធីតា អាយុ​​​៣១​​​ឆ្នាំ​​​ដែល​​​បាន​​​វិល​​​ត្រឡប់​​​មក​​​ប្រទេស​​​កម្ពុជា​​​វិញ​​​កាល​​​ពី​​​សប្ដាហ៍​​​មុន ក្រោយ​​​ពី​​​រស់​​​នៅ​​​ប្រទេស​​​ចិន​​​បាន​​​មួយ​​​ឆ្នាំ​​​។

លោក ថៃ​​​ វន្ថា នាយការិយាល័យ​​​នគរបាល​​​ប្រឆាំង​​​ការ​​​ជួញ​​​ដូរ​​​មនុស្ស​​​និង​​​ការ​​​ពារ​​​អនីតិជន​​​ នៃ​​​ស្ន​​​ង​​​ការ​​​ដ្ឋាន​​​ខេត្ត​​​ត្បូង​​​ឃ្មុំ បាន​​​មាន​​​ប្រសាសន៍​​​ថា “ជន​​​រង​​​គ្រោះ​​​បាន​​​និយាយ​​​ថា បុរស​​​ជន​​​ជាតិ​​​ចិន​​​នោះ​​​បាន​​​វាយ​​​ធ្វើ​​​បាប​​​នាង​​​រាល់​​​យប់ រំលោភ​​​នាង​​​ មិន​​​ឲ្យ​​​នាង​​​ហូប​​​ចុក​​​គ្រប់​​​គ្រាន់​​​ និង​​​បង្ខំ​​​ឲ្យ​​​នាង​​​ធ្វើ​​​ការ​​​បន្ថែម​​​ម៉ោង​​​ដោយ​​​​​​គ្មាន​​​ពេល​​​ដេក​​​”។

​​​សំណុំ​​​រឿង​​​នេះ​​​ ត្រូវ​​​បាន​​​ជំនុំ​​​ជម្រះ​​​នៅ​​​ក្នុង​​​ខេត្ត​​​កំពង់​​​ចាម​​​ ពីព្រោះ​​​ខេត្ត​​​ត្បូង​​​ឃ្មុំ​​​​ ដែល​​​ទើប​​​បង្កើត​​​ឡើង​​​កាល​​​ពី​​​ដើម​​​ឆ្នាំ​​​នេះ​​​ មិន​​​ទាន់​​​មាន​​​តុលាការ​​​នៅ​​​ឡើយ​​​។

អ្នក​​​ស្រី រៀល​​​ ធីតា បាន​​​ប្រាប់​​​នគរបាល​​​ថា គាត់​​​បាន​​​ធ្វើ​​​ដំណើរ​​​ទៅ​​​ប្រទេស​​​ចិន​​​កាល​​​ពី​​​ខែ​​​សីហា ឆ្នាំ​​​មុន ​​​​​បន្ទាប់​​​ពី​​​ជនសង្ស័យ​​​បាន​​​បញ្ចុះ​​​បញ្ចូល​​​​​​គាត់​​​ថា គាត់​​​នឹង​​​បាន​​​រៀប​​​ការ​​​ជាមួយ​​​បុរស​​​អ្នក​​​មាន​​​។

ស្ត្រី​​​រង​​​គ្រោះ​​​បាន​​​និយាយ​​​បន្ត​​​ថា ស្ត្រី​​​ឈ្មោះ សៀក​​​លីម បាន​​​ឲ្យ​​​ប្រាក់​​​ចំនួន​​​៣០០​​​ដុល្លារ​​​ទៅ​​​ឲ្យ​​​​​​ម្តាយ​​​របស់​​​គាត់ ហើយ​​​បាន​​​ធានា​​​អះ​​​អាង​​​ចំពោះ​​​គាត់​​​ថា ​​​នឹង​​​ឲ្យ​​​គាត់​​​ប៉ុន្មាន​​​ពាន់​​​ដុល្លារ​​​ទៀត​​​នៅ​​​ពេល​​​គាត់​​​បាន​​​រស់​​​នៅ​​​ប្រទេស​​​ចិន។

អ្នកស្រី​​​ រៀល ធីតា ត្រូវ​​​បាន​​​​​​បញ្ជូន​​​ត្រឡប់​​​មក​​​ប្រទេស​​​កម្ពុជា​​​វិញ​​​ដោយ​​​មាន​​​ជំនួយ​​​ពី​​​ស្ថាន​​​ទូត​​​ខ្មែរ​​​ប្រចាំ​​​ទីក្រុង​​​ប៉េកាំង​​​ បន្ទាប់​​​ពី​​​រត់​​​ចេញ​​​ពី​​​ផ្ទះ​​​របស់​​​ប្តី​​​គាត់​​​ ហើយ​​​សម្ងំ​​​លាក់​​​ខ្លួន​​​ក្នុង​​​ព្រៃ​​​អស់​​​មួយ​​​រយៈ​​​ពេល​​​៕ សុខុម​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស