27 C
Phnom Penh

តុលាការ​​​​​​ផ្តន្ទាទោស​​​ថៅ​​​កែ​​​ក្រុមហ៊ុន Giant Ocean ម្តង​​​ទៀត​​​ ប៉ុន្តែមិន​​​បន្ថែម​​​ទោស​​​​​​​​​​​​ជាប់​​​ពន្ធនាគារ​​​ទេ​​​

ដោយ ឌឹ ខេមបូឌា ដេលី

បទវិភាគ

តុលាការ​​​​​​ផ្តន្ទាទោស​​​ថៅ​​​កែ​​​ក្រុមហ៊ុន Giant Ocean ម្តង​​​ទៀត​​​ ប៉ុន្តែមិន​​​បន្ថែម​​​ទោស​​​​​​​​​​​​ជាប់​​​ពន្ធនាគារ​​​ទេ​ស្ត្រី​​ចិន​​​តៃវ៉ាន់ ​​​ម្នាក់​​​ដែល​​​កាល​​​ពី​​​ខែ​​​មេសា ត្រូ​​​វ​​​បាន​​​​​​តុលាការ​​​​​​ផ្ដន្ទា​​​ទោស​​​​​​ពី​​​បទ​​​ជួញ​​​ដូរ​​​ប្រជា​​​ពល​​​រដ្ឋ​​​ខ្មែរ​​​ចំនួន​​​១៧៩​​​នាក់​​​​​​ឲ្យ​​​ធ្វើ​​​ការ​​​នៅ​​​លើ​​​ទូក​​​នេ​​​សាទ​​​ កន្លែង​​​ដែល​​​ពួក​​​គេ​​​ជាប់​​​ឃុំ​​​ រង​​​ការ​​​វាយ​​​ដំ​​​ និង​​​មិន​​​ទទួល​​​បាន​​​ប្រាក់​​​ខែ​​​​​​នោះ ត្រូវ​​​​​​បាន​​​​​​តុលាការផ្តន្ទាទោស​​​ម្ដង​​​ទៀត​​​កាល​​​ពី​​​ម្សិលមិញពី​​​បទ​​​ជួញ​​​ដូរ​​​ជន​​​រងគ្រោះ​​​ទី​​​១៨០ ប៉ុន្តែ​​​តុលាការមិន​​​​​​បាន​​​បន្ថែម​​​ទោស​​​ពីលើ​​​ទោស​​​​​​ជាប់​​​ពន្ធនាគារ​​​រយៈ​​​ពេល​​​១០​​​ឆ្នាំ​​​របស់​​​ស្ត្រី​​​រូប​​​នេះ​​ទេ​​​។

លោក កោ វណ្ឌី ចៅ​​​ក្រម​​​សាលា​​​ដំបូង​​​រាជ​​​ធានី​​​ភ្នំពេញ​​​ បាន​​​មាន​​​ប្រសាសន៍​​​ថា សំណុំរឿង​ដែល​​​លោក ធាន ឧត្ដម ​​​បាន​​​ដាក់​​​ប្តឹង​​​នេះ នឹង​​​ត្រូវ​​​បូក​​​បញ្ចូល​​​​​ជា​​​មួយ​​​សំណុំ​​​រឿង​​​​​មុន ដែល​​​បាន​​​ដំណើរ​​​ការ​​​ទៅ​​​ដល់​​​សាលា​​​ឧទ្ធរណ៍​​​ហើយ​​​នោះ​​​។

លោក​​​មាន​​​ប្រសាសន៍​​​​​​ទៀត​​​ថា “តាម​​​ច្បាប់​​​ សំណុំ​​​រឿង​​​ទាំង​​​អស់​​​នេះ​​​នឹង​​​ត្រូ​​​វ​​​រួម​​​បញ្ចូល​​​​​ជា​​​សំណុំ​​​រឿង​​​​​​តែមួយ”។ លោក​​​បាន​​​បង្គាប់​​​ឲ្យ​​​ស្ត្រី​​​រូប​​​នេះ​​​ផ្ដល់​​​ប្រាក់​​​ខែ​​​​​​ចំនួន​​​៦០០​​​ដុល្លារ​​​ និង​​​សំណង​​​ជំងឺ​​​ចិត្ត​​​២.០០០​​​ដុល្លារ​​​ដល់​​​លោក ធាន ឧត្ដម​​​។

ស្ត្រី​​​ចិន​​​តៃ​​​វ៉ាន់ ឈ្មោះ លីន យូ​​​សិុន អាយុ​​​៥៤​​​ឆ្នាំ​​​ និង​​​បុរស​​​តៃ​​​វ៉ាន់ ​​​ប្រាំ​​​នាក់​​​ទៀត​​​ដែល​​​កំពុង​​​គេច​​​ខ្លួន​​​នៅ​​​ឡើយ​​​​​​ បាន​​​បោក​​​បញ្ឆោត​​​ប្រជា​​​ពល​​​រដ្ឋ​​​ខ្មែរ​​​រហូត​​​ដល់​​​ទៅ​​​១.០០០​​​នាក់​​​ឲ្យ​​​ចុះ​​​កិច្ច​​​សន្យា​​​ជាមួយ​​​ក្រុម​​​ហ៊ុន​​ Giant Ocean International Fishing Co. ជា​​​ទី​​​ភ្នាក់​​​ងារ​​​ជ្រើស​​​រើស​​​ពល​​​ករ​​​ដែល​​​ចុះ​​​បញ្ជី​​​នៅ​​​ក្រសួង​​​ការងារ​​​ រហូត​​ដល់​​​ពេល​​​ទី​​​ភ្នាក់ងារ​​​នេះ​​​ត្រូវ​​​បាន​​​បិទ​​​ចោល​​​​​​កាល​​​ពី​​​​​​ឆ្នាំ​​​២០១២​​​។

ក្រុម​​​ហ៊ុន​​​នេះ​​​បាន​​​សន្យា​​​ផ្តល់​​​ប្រាក់​​​ខែ​​​របស់​​​អ្នក​​​នេសាទ​​​ទាំង​​​េនះ​​​ឲ្យ​​​មក​​​​​​ក្រុម​​​គ្រួសារ​​​របស់​​​ពួក​​​គេ ខណៈ​​​ពេល​​​ពួកគេ​​​​​បំពេញ​​​កិច្ច​​​សន្យា​​​​​​ការងារ​​​រយៈ​​​ពេល​​​ពីរ​​​ឆ្នាំ​​​ ប៉ុន្តែ ​​​ជាក់​​​ស្តែង​​​ពេល​​​ទៅ​​​ដល់​​​សមុទ្រ​​​ ពួក​​​គេ​​​​​​ក៏​​​បាន​​​បាត់បង់​​​ការ​​​​​​ទំនាក់​​​ទំនង​​​ទាំង​​​អស់​​​មក​​​ផ្ទះរបស់ខ្លួន​​​​​​​​​ ហើយ​​​គ្មាន​​​ដំណឹង​​​ថា ពួក​​​គេ​​​ទទួល​​​បាន​​​ប្រាក់​​​ខែ​​​ ឬ​​​យ៉ាង​​​ណា​​​ទេ ហើយ​​​ក្រុម​​​ហ៊ុន​​​នេះ​​​ក៏​​​ត្រូវ​​​បាន​​​បិទ​​​ទ្វារ​​​។

ក្រៅ​​​ពី​​​ស្ត្រី លីន យូស៊ិន ដាន​​​ដែល​​​នៅ​​​សេស​​​សល់​​​តែ​​​មួយ​​​គត់​​របស់​​​​​​ក្រុម​​​ហ៊ុន​​​នេះ​​​ ​​​គឺ​​​ប្រាក់​​​ធានា​​​​​​ចំនួន​​​១០០.០០០​​​ដុល្លារ​​​ដែល​​​តាម​​​ច្បាប់​​​​​​ត្រូវ​​​បង់​​​ឲ្យ​ទៅ​​ក្រសួង​​​ការងារ​​​ នៅ​​​ពេល​​​ចុះ​​​បញ្ជី​​​ក្រុម​​​ហ៊ុន​​​នេះ​​​។

នៅ​​​ឯ​​​សិក្ខាសាលា​​​មួយ​​​កាល​​​ពី​​​ខែ​​​មុន​​​ដែល​​​ត្រូវ​​​បាន​​​រៀប​​​ចំ​​​ឡើង​​​​​​សម្រាប់​​​មន្ត្រី​​​តុលាការ​​​ ជន​​​រង​​​គ្រោះ​​​ និង​​​មេធាវី​​​របស់​​​ពួក​​​គេ​​​ លោក អិុត រ៉ាឌី រដ្ឋ​​​លេខាធិការ​​​ក្រសួង​​​យុត្តិធម៌​​​​​​ បាន​​​មាន​​​ប្រសាសន៍​​​ថា វា​​​ជា​​​កាតព្វកិច្ច​​​របស់​​​ដើម​​​ចោទ​​​​​​ក្នុង​​​​​​ការ​​​ដាក់​​​ពាក្យ​ស្នើ​​​សុំទៅ​​​​​​តុលាការ​​​ឲ្យ​​​ផ្អឹប​​​ទុក​​​ប្រាក់​​​ធានា​​​១០០.០០០​​​ដុល្លារ​​​​​​នោះ​​​ ដែល​​​ទំនង​​​ជា​​​ស្ថិត​​​នៅ​​​ក្នុង​​​ដៃ​​​ធនាគារ​​​ជាតិ​​​។

នៅ​​​ពេល​​​ទាក់ទង​​​កាល​​​ពី​​​ម្សិលមិញ លោក មុំ សុខចា អ្នក​​​គ្រប់​​​គ្រង​​​កម្មវិធី​​​នៅ​​​អង្គការ​​​ជំនួយ​​​ផ្លូវ​​​ច្បាប់​​​ដល់​​​កុមារ​​​ និង​​​ស្ត្រី​​​ ដែល​​​បាន​​​ផ្ដល់​​​ជំនួយ​​​ផ្លូវ​​​ច្បាប់​​​ដល់​​​ជន​​​រង​​​គ្រោះ​​​ដោយសារ​​​ក្រុមហ៊ុន​​​ Giant Ocean បាន​​​មានប្រសាសន៍​​​ថា លោក​​​មិន​​​ទាន់​​​បាន​​​ស្នើ​​​សុំ​​​ឲ្យ​​​ផ្អឹប​​​​​​ប្រាក់​​​​​​ទាំង​​​នោះ​​​​​ទុក​​​នៅ​​​ឡើយ​​​ទេ។

លោក មុំ សុខចា បាន​​​សួរថា “ហេតុអី​​​យើង​​​ចាំ​​​បាច់​​​ត្រូវ​​​​​​ស្នើ​​​សុំ​​​ឲ្យ​​​តុលាការ​​​ផ្អឹប​​​ទុក​​​​​​ប្រាក់​​​ទាំង​​​​​នោះ? ប្រាក់​​​​​​ទាំង​​​នោះ​​​ស្ថិត​​​នៅ​​​ក្នុង​​​គណនី​​​​​​របស់​​​​​​​​​​​​រដ្ឋាភិបាល​​​ ដូច្នេះ​​​គួរ​​​តែ​​​គ្មាន​​​ផ្លូវ​​​​​​ដែល​​​​​​វា​​​ត្រូវ​​​បាន​​​បញ្ចេញ​​​​​​ឲ្យ​​​​​​នរណា​​​ម្នាក់​​​ឡើយ​​​”៕សុខុម

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស