40.2 C
Phnom Penh

ពេល​​​នេះ​​​សហជី​​​ព​​​ត្រូវ​​សុំ​​​​ហត្ថលេខាពី​​​រោង​​ចក្រ​​​ទើប​​​អាច​​​​​​ចុះ​​​បញ្ជី​​​សាខា​​​ថ្មី​​​បាន​​​

ដោយ ឌឹ ខេមបូឌា ដេលី

បទវិភាគ

សហជីព​​​ធំៗ​​​មួយ​​​ចំនួន​​​និយាយ​​​ថា ពេល​​​នេះ​​​តំណាង​​​របស់​​​ខ្លួន​​​​​​ត្រូវ​​​សុំ​​​ការ​​​អនុញ្ញាត​​​ពី​​​គណៈ​​​គ្រប់​​​គ្រង​​​រោង​​​ចក្រ​​​​​​ជា​​​មុន​​​សិន​​​ មុន​​​ពេល​​​​​​កម្មករ​​​កាន់​​​ដេរ​​​អាច​​​បង្កើត​​​សហជីព​​ថ្មី ឬ​​​សាខា​​​សហជីព​​​នៅ​​​ក្នុង​​​រោង​​​ចក្រ​​​បាន។

បណ្តា​​​សកម្មជន​​​សហជីព​​​អះ​​​អាង​​​ថា ពេល​​​នេះ​​​ក្រសួង​​ការ​​​ងារ​​​​​​​​​តម្រូវ​​​ឲ្យ​​​ពួកគេ​​​មាន​ហត្ថ​លេខា​​​របស់តំណាង​រោង​ចក្រ​​ដើម្បី​បញ្ជាក់​ថា ខ្លួន​​​បាន​​​ជូន​ដំណឹង​​​ទៅ​​​រោង​​​ចក្រ​​​អំពី​​​គោល​​​បំណង​​​របស់​​​ខ្លួន​​​ក្នុង​​​ការ​​​រៀប​​​ចំ​គ្រប់​គ្រង​​​​កម្មករ​​​។   ពួក​​​គេ​​​និយាយ​​​ថា អ្នក​​​គ្រប់​​​គ្រង​​​ដែល​​​មាន​​​ការ​​​ស្ទាក់​​​ស្ទើ​​​ក្នុង​​​ការ​​​ជួយ​​​បុគ្គលិក​​​របស់​​​ខ្លួន​​​បង្កើត​​​សហជីព នឹង​មិន​អើពើ​ចំពោះ​លិខិត​​​បញ្ជាក់ពី​​​គោល​​​បំណង​​​របស់​​​ខ្លួនឡើយ​ ហើយ​​​វិធាន​​​ថ្មី​​​នេះ​​​កំពុង​​​ត្រូវ​​​បាន​​​ប្រើ​​​ប្រាស់​​​ក្នុង​​​គោល​​​បំណង​​​រារាំង​​​សហជីព​​​មិន​​​ឲ្យ​​​ពង្រីក​​​ខ្លួន ​​​ក្រោយ​​​ពី​​​​​​មាន​​​កូដកម្ម​​​ទូទាំង​​​ប្រទេស​​​កាល​​​ពី​​​ខែ​​​ធ្នូ និង​​​ខែ​​​មករា។

លក្ខខណ្ឌ​​​តម្រូវ​​​ឲ្យ​​​មាន​​​ហត្ថ​​​លេខា​​​ពី​​​រោង​​​ចក្រ​​​​​​នេះ ត្រូវ​​​បាន​​​ដាក់​​​ចេញ​​​កាល​​​ពី​​​ខែ​​​មីនា​ដែល​ប្រហែល​ស្រប​ពេល​​​តែ​​​មួយ​​​ដែល​​​រដ្ឋាភិបាល​​​បាន​​​ចាប់​​​​ផ្តើម​បង្ខំ​​​ឲ្យ​​​សកម្ម​​​ជន​​​សហជីព​​​ដាក់​​​​​​ឯកសារ​​​បញ្ជាក់​​​ថា ពួកគេ​​​មាន​​​ប្រវត្ត​ិ​​​​​ស្អាត​​​ស្អំ​​​មិន​​​ធ្លាប់​​​ប្រព្រឹត្ត​​​បទ​​​ល្មើស មុន​​​ពេល​​​បង្កើត​​​សាខាថ្មី​​​បាន។

លោក គង់​​​ អាទិត្យ​​​ អនុ​​​ប្រធាន​​​សម្ព័ន្ធ​​​សហជីព​​​ប្រជា​​​ធិបតេយ្យ​​​កម្មករ​​​កាត់​​​ដេរ​​​កម្ពុជា (សីុខៅឌូ) បាន​​​មាន​​​ប្រសាសន៍​​​ថា ក្រសួង​​​ការ​​​ងារ​​​ហាក់​​​ដូច​​​ជា​​​បាន​​​ពិនិត្យ​​​ផ្ទៀង​​​ផ្ទាត់​​​ផ្នែក​​​មួយ​​​ចំនួន​​​នៃ​​​ដំណើរ​​​ការ​​​ចុះ​​​បញ្ជី​​​​​​​នេះ​ចាប់​​​តាំង​​​ពី​​​មាន​​​កូដ​​​កម្ម​​​​​​ទូទាំង​​​ប្រទេស​​​មក​ម៉្លេះ​​​​ ហើយ​​​បាន​​​អនុវត្ត​​​វា​​​កាន់​​​តែ​​​តឹង​​​រឹុង​​​​ជាងមុន​។

លោក​​​បាន​​​មាន​​​ប្រសាសន៍​​​ទៀត​​​ថា “ខ្ញុំ​​​គិត​​​ថា ពេល​នេះ​វា​​​ពិបាក​​​ណាស់​​​ក្នុង​​​ការ​​​​​​ទទួល​​​បាន​​​ការ​​​ចុះ​​​បញ្ជី​​​សហជីព​​​ នេះ​បើ​​​យោង​​​តាម​​​​​​នីតិ​​​វិធី​​​ថ្មី​​​ដែល​​​រដ្ឋាភិបាល​​​បាន​​​ដាក់​​​ចេញ។ ប្រសិន​​​បើ​​​ចង់​​​បង្កើត​​​សហជីព ​​​យើង​​​ត្រូវ​​​ជូន​​​ដំណឹង​​​ទៅ​​​ទាំង​ក្រសួង​​​ និ​​​ងក្រុម​​​ហ៊ុន [ រោង​​​ចក្រ​]​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ហើយ​​​ពេល​​​នេះ​​​យើង​​​ក៏​​​ត្រូវ​​​មាន​​​ហត្ថលេខា​​​ពី​​​ក្រុមហ៊ុន​​​ផង​​​ដែរ​​​”។

លោក ប៉ាវ ស៊ីណា ប្រធាន​​​សម្ព័ន្ធ​​​សហជីព​​​ចលនា​​​កម្មករ​​​ បាន​​​ចាត់​​​ទុក​​​ការ​​​កែ​​​ប្រែ​​​ទាំង​​​នេះ​​​ថាជា​​​ “ការ​​​រំលោភ​​​សិទ្ធិ​​​កម្មករ” ។ លោក​​​បាន​​​លើក​​​ឡើង​​​ថា “វា​​​ពិបាក​​​សម្រាប់​​​យើង​​​ទទួល​​​បាន​​​ហត្ថលេខា​​​ពី​​​រោង​​​ចក្រ ពី​​​ព្រោ​​​ះ​​​ពួកគេ​​​មិន​​​ចង់​​​ឲ្យ​​​យើង​​​បង្កើត​​​សហជីព​​​ទេ ព្រោះ​​​អី [ ប្រសិន​​​បើ​​​យើង​​​មិន​​​បង្កើត​​​សហជីព​​​] ​​​​​​វា​​​ងាយ​​​ស្រួល​​​សម្រាប់​​​ពួក​​​គេ​​​គ្រប់​​​គ្រង​​​កម្មករ​​​”។

ទោះ​​​ជា​​​យ៉ាង​​​ណា ​​​លោក​​​បាន​​​មាន​​​ប្រសាសន៍​​​ថា ​​​ក្នុង​​​ករណី​​​មួយ​​​ចំនួន​​​ សហជីព​​​របស់​​​លោក​​​បាន​​​រក​​​ឃើញ​​​វិធី​​​មួយ​​​ ដើម្បី​​​ទទួល​​​បាន​​​ហត្ថលេខា​​​ពី​​​រោង​​​ចក្រ​​​តាម​​​រយៈ​​​ការ​​​ផ្ញើ​​​លិខិត​​​ទៅ​​​រោង​​​ចក្រ​​​ និង​​​ការ​​​ប្រើ​​​ប្រាស់វិក្កយបត្រ​ប្រៃសណីយ៍​ដើម្បី​​​បញ្ជាក់​​​​ថា ពួកគេ​​​បាន​​​បំពេញ​​​ការ​​​ទទួល​​​ខុស​​​ត្រូវ​​​របស់​​​ខ​​​្លួន​​​ក្នុង​​​ការ​​​ជូន​​​ដំណឹង​​​ទៅ​​​រោង​​​ចក្រ​​​បញ្ជាក់​​​ពី​​​គោល​​​បំណង​​​របស់​​​ខ្លួន​​​ដែល​​​ចង់​​​បង្កើត​​​សាខា​​​សហជីព។

លោក​​​បាន​​​លើក​​​ឡើង​​​ទៀត​​​ថា ​​​ការ​​​កែ​​​ប្រែ​​ផ្សេងៗទៀត​​​ចំពោះ​​​ដំណើរ​​​ដាក់​​​ពាក្យ​​​ស្នើ​​​សុំ​​​នេះ រួម​​​មាន​​​ទាំង​​​ការ​​​តម្រូវ​​​ឲ្យ​​​ថត​​សកម្មភាព​​​បោះ​​​ឆ្នោត​​​ជ្រើស​រើស​​​​តំណាង​​​កម្មករ​ជា​វីដេអូ​​​​ រួច​​​​ដាក់​​​​​​វីដេអូ​​​នោះ​​​រួម​​​​​​ជាមួយ​​​លិខិត​​​ស្នាម​​​របស់​​ខ្លួន​​​​ទៅ​​​ក្រសួ​​​ងផង​​​ដែរ​​​។

លោក សោម អូន ប្រធាន​​​សភា​​​សម្ព័ន្ធ​​​សហជីព​​​ជាតិ​​​កម្ពុជា​​​ ដែល​​​គាំទ្រ​​​រដ្ឋាភិបាល ​​​បាន​​​លើក​​​ឡើង​​​ថា សហជីព​​​របស់​​​លោក​​​មិន​​​ព្រួយ​​​បារម្ភ​​​អំពី​​​ការ​​​កែ​​​ប្រែ​​​នេះ​​​ទេ ប៉ុន្តែ​​​ បាន​​​មាន​​​ប្រសាសន៍​​​ថា ក្រសួង​​​ការ​​​ងារ​​​គួរ​​​តែ​​​ប្រកាស​​​​ពី​​​គោល​​​នយោបាយ​​​ចុះ​​​បញ្ជី​​​ថ្មី​​​នេះ​​​ជា​​​សាធារណៈ​​​។

លោក​​​បាន​​​បន្ត​​​ថា  “ទោះ​​​បី​​​ជា​​​ដំណើរ​​​ការ​​​នេះ​​​មាន​​​ភាព​​​​​​ស្មុគ​​​ស្មាញ​​​ ហើយ​​​យើង​​​មាន​​​បញ្ហា​​​ខ្លះ​​​​ក្នុង​​​ការ​​​ទទួល​​​បាន​​​ការ​​​ពិនិត្យ​​​ឯកសារ​​​បញ្ជាក់​ពី​​​ការ​​​ប្រព្រឹត្ត​​​បទ​​​ល្មើស​​​ក្តី​​​ ក៏​​​វា​​​មិន​​​អី​​​ដែរ​​​សម្រាប់​​​យើង​​​ ពីព្រោះ​​​វា​​​ធ្វើ​​​ឲ្យ​​​សហជីព​​​ទទួល​​​បាន​​​ស្តង់​​​ដារ​​​ខ្ពស់​​​”។

ការ​​​ព្យាយាម​​​ទាក់​​​ទង​​​ទៅ​​​មន្ត្រី​​​មួយ​​​ចំនួន​​​នៅ​​​ក្រសួ​​​ង​​​ការងារ​​​នា​​​សប្តាហ៍​​​នេះ គ្មាន​​​អ្នក​​​ឆ្លើយ​​​តបទេ​​​។ ទោះ​​​ជា​​​យ៉ាង​​​ណា លោក អិុត សំហេង រដ្ឋ​​​មន្ត្រី​​​ក្រសួង​​​ការ​​​ងារ​​​បាន​​​​​​មាន​​​ប្រសាសន៍​​​កាល​​​ពី​​​សប្តាហ៍​​​មុន​​​ថា ក្រសួង​​​មាន​​​កាតព្វកិច្ច​​ធានាថា តំណាង​​​កម្មករ​​​ត្រូវ​​​បាន​​​ត្រួត​​​ពិនិត្យ​​​ត្រឹម​​​ត្រូវ​​​។

លោក ដេវ វែល (Dave Welsh) ប្រធាន​​​ប្រចាំ​​​ប្រទេស​​​កម្ពុជា​​​ នៃ​​​​​​អង្គការ​​​​​​​​​មជ្ឈមណ្ឌល​​​សាមគ្គីភាព (Solidarity Center) ​​​ជា​​​អង្គការ​​​សិទ្ធិ​​​ការ​​​ងារ​​​មួយ​​​ ដែល​​​មាន​​​មូល​​​ដ្ឋាន​​​នៅ​​​សហ​​​រដ្ឋ​​​អាមេរិក ​​​បាន​​​មាន​​​ប្រសាសន៍​​​ថា អង្គការ​​​របស់​​​លោក​​​បាន​​​លើក​​​ឡើង​​​ពីក្តី​​​បារម្ភ​​​​​​របស់​​​សហជីព​​​ប្រាប់​​​ដល់​​​ក្រសួង​​​ការងារ​​​រួច​ហើយ​កាល​​​ពី​​​សប្តាហ៍​​​មុន។

លោក​​​បាន​​​មាន​​​ប្រសាសន៍​​​ថា “គោល​​​ជំហររបស់​​​ពួកគេ​​​គឺ​​​ថា គ្មាន​​​ការ​​​កែ​​​ប្រែ​​​ច្រើន​​​ និង​​​គ្មាន​​​ការ​​​ពន្យារ​​​ពេល​នៅ​ក្នុង​ការ​​​ដំណើរ​​​ការ​​​ដាក់​​​ពាក្យ​​​សុំ ហើយ​​​យើង​​​ជឿ​ថា​អ៊ីចឹង​​​”។លោក​បាន​បន្ត​​​​ថា លោក​​​បាន​​​ដឹង​​​ពី​​​ករណី​​​ដាច់​​​ដោយ​​​ឡែក​​ចំនួន​​​៣០​​​ករណី​​​ស្តីពី​សហជីព​​​​​​ដែល​មិន​​​អាច​​​បង្កើត​​​សាខា​​​ថ្មី​​​បាន​​​ដោយសារ​​​តែ​​​លក្ខ​​​ខណ្ឌ​​​តម្រូវ​​​ផ្នែក​​​រដ្ឋបាល​​ថ្មី​នេះ ​​ជា​​​ការ​​​វិវឌ្ឍ​​​មួយ​​​ដែល​​​លោក​​​ចាត់​​​ទុក​​​ថា “គួរ​​​ឲ្យ​​​ព្រួយ​​​បារម្ភ”។

លោក​​​បាន​​​លើក​​​ឡើង​​​ទៀត​​​ថា “ទិដ្ឋភាព​​​គួរ​​​ឲ្យ​​​ព្រួយ​​​បារម្ភ​​​បំផុត​​​នៃ​​​លក្ខខណ្ឌ​​​បន្ថែម​​​ទាំង​​​នេះ​​​ គឺការ​តម្រូវ​ឲ្យ​សុំ​​ការ​​​អនុញ្ញាត​​​ពី​​​និយោជក​​​។ ទំនាក់​​​ទំនង​​​នេះ​​​គួរ​​​តែ​​​​​រវាង​​​រដ្ឋាភិបាល និង​​​សហជីព​​​ដែល​​​ពាក់​​​ព័ន្ធ​​​”៕សុខុម​​​​​​​​​​​​​​​​​​​​​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស