29 C
Phnom Penh

អ្នកភូមិ​១៧គ្រួសារ​មិនត្រូវ​បាន​រាប់បញ្ចូល​ក្នុ​ងកិច្ច​ព្រមព្រៀង​ផ្តល់​ប័ណ្ណកម្មសិទ្ធិដីធ្លី

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិលមិញ អាជ្ញាធរ​​​​​​ស្រុក​​​ស្នួល​​​ ខេត្ត​​​ក្រចេះ​​​បាន​​​ផ្តល់​​​ប័ណ្ណ​​​កម្ម​​​សិទ្ធិ​​​ដី​​​ដល់​​​អ្នក​​​ភូមិ​​​ជាង​​​៣០០គ្រួសារ​​​ ដែល​​​រង​​​់ចាំ​​​ជា​​​យូរ​​​មក​​​ហើយសម្រាប់​​​ដីដែលបាន​​ដក​​​ហូត​​​ពី​​​ក្រុម​​​ហ៊ុន​​​កសិ​​​ពាណិជ្ជ​កម្ម​​​កូរ៉េ​​​ខាង​​​ត្បូង​​​កាល​​​ពី​​​ថ្ងៃ​​​សៅរ៍ ប៉ុន្តែ បាន​​​កាត់​​​អ្នក​​​ភូមិ​​​១៧​​​គ្រួសារ​​​ចេញ​​​ពី​​​កិច្ច​​​ព្រម​​​ព្រៀងនោះ​​​ ពីព្រោះ​​​ពួក​​​គាត់ខ្វះ​​​ការ​​​អះ​​​អាង​​​​​​សិទ្ធិកាន់កាប់លើ​​​ដីដែលពួកគាត់ស្វែងរក​​​។

លោក ខាន់ ចំណាន អភិបាល​​​រង​​​ខេត្ត​​​បាន​​​មាន​ប្រសាសន៍​​​ថា ប័ណ្ណ​​​កម្ម​​​សិទ្ធិ​​​ត្រូវ​​​បាន​​​ផ្តល់​​​ដល់​​​អ្នក​​​ភូមិ​​​៣១២​​​គ្រួសារ​​​ដែល​​​រស់​​​នៅ​​​លើ​​​ដី​​​ទំហំ​​​១.៥៦២ហិកតា ដែល​​​ដក​​​ហូត​​​ពី​​​ក្រុម​​​ហ៊ុន Horizon Agriculture Development ប៉ុន្តែ បាន​​​និយាយ​​​ថា អ្នក​​​ភូមិ​​​១៧​​​គ្រួសារ​​​មិន​​​ទទួល​​​បាន​​​ដី​​​នេះ​​​ទេ ពីព្រោះ​​​ដី​​​ដែល​​​ពួក​​​គាត់​​​ចង់​​​បាន​​​ប័ណ្ណ​​​កម្ម​​​សិទ្ធិ​​​​​​នោះ មិន​​​មែន​​​ជា​​​កម្មសិទ្ធិ​​របស់​​​ក្រុម​​​ហ៊ុន​​​ឡើយ​​​ ហើយ​​​តាម​​​ពិត​​​វាជា​​​ដី​​​របស់​​​រដ្ឋ​​​។

លោក ចំណាន បាន​​​មាន​​​ប្រសាសន៍​​​ថា “ខ្ញុំ​​​សូម​​​ជម្រាប​​​ថា ដី​​​ដែលបាន​​​ដក​​​ហូត​​​​​ [ ដែល​​​អះ​​​អាង​​​សិទ្ធិ​​​កាន់​​​កាប់ដោយ​អ្នកភូមិ១៧គ្រួសារ​​​ ]​​​​​​ មិន​​​មែន​​​ជា​​​កម្ម​​​សិទ្ធិ​​​របស់​​​ក្រុមហ៊ុន​​​ឡើយ ហើយ​​​​មិន​​​មាន​​​ចម្ការ​​​ម្រេច ឬ​​​ចម្ការ​​​កៅស៊ូ​​​ឡើយ​​​”។

អភិបាល​​​រង​​​រូប​​​នេះ​​​បាន​​​មាន​​​ប្រសាសន៍​​​ថា អាជ្ញាធរ​​​នឹង​​​ចុះបញ្ជីដី​​​៥៩ហិកតា​​​ទៀត​​​សម្រាប់​​​អ្នក​​​ភូមិ​​​ទាំង​​​១៧​​​គ្រួសារ ប្រសិន​​​បើ​​​ពួក​​​គាត់​​​អាច​​​ផ្តល់​​​ឯកសារ​​​ដែល​​​បង្ហាញ​​​សិទ្ធិ​​​កាន់​​​កាប់​​​របស់​​​ខ្លួន​​​ថា ដី​​​នេះ​ត្រូវ​​​បាន​វាស់​​​វែង​​​សម្រាប់​​​ពួក​​​គាត់​​​​​​ជា​​​ផ្នែក​​​មួយ​​​នៃ​​​គម្រោង​​​ផ្តល់​​​ប័ណ្ណ​​​សិទ្ធិ​​​ដី​​​ធ្លី​​​ឆ្នាំ​​​២០១២​​​របស់​​​លោក​​​នាយក​​​រដ្ឋ​​​មន្ត្រី​​​ ហ៊ុន សែន។

លោក ចំណាន បាន​​​ទទួល​​​ស្គាល់​​​ថា អ្នក​​​ភូម​​​ិ​​​មួយ​​​ចំនួន​​​ក្នុង​​​ចំណោម​​​អ្នក​​​ភូមិ​​​១៧​​​គ្រួសារ​​បាន​ផ្តល់​​​​ភ័ស្តុតាងដូចនេះ​​​រួច​​​ហើយ​​​ ប៉ុន្តែ ថា ឯកសារ​​​ដែល​​​បាន​​​ដាក់​​​ជូន​​​នោះ​​​មិន​​​ត្រូវ​បាន​ផ្តល់ព័ត៌មាន​​​​លម្អិត​​​គ្រប់​​​គ្រាន់​​​ឡើយ​​​។

លោក អឹុម​​​ ឈុន​​​លឹម រដ្ឋ​​​មន្ត្រី​​​ក្រសួង​​​រៀប​​​ចំដែនដី នគរូបនីយ​កម្ម និង​​​សំណង់​​​បាន​​​អន្តរា​​​គមន៍​​​វិវាទ​​​ដី​​​ធ្លី​​​ដ៏​​​លេច​​ធ្លោ​​​នេះ​​​កាល​​​ពី​​​ថ្ងៃ​​​សៅរ៍ ដោយ​​​ប្រកាស​​​ថា តំបន់​​​ដែល​​​មាន​​​ទំនាស់​​​នេះ​​​នឹង​​​ត្រូវ​​​ដក​​​ហូត​​​ពី​​​ក្រុមហ៊ុន HorizonAgricultureDevelopment ហើយ​​​បាន​​​បែង​​​ចែក​​​ក្នុង​​​ចំណោម​​​អ្នក​​​ភូមិ​​​ដែល​​​ធ្វើ​​​ការ​​​តវ៉ា​​​ ពីព្រោះ​​​ក្រុមហ៊ុន​​​មិន​​​បាន​​​អភិវឌ្ឍដី​​​នេះ​​​ឡើយ។

អ្នកភូមិ​​​ម្នាក់​​​ដែល​​​មិន​​​បាន​​​ទទួល​​​ប័ណ្ណ​​​កម្ម​​​សិទ្ធិ​​​កាល​​​ព​​ី​​​ម្សិលមិញ ឈ្មោះ យ៉េន សេងហុង អាយុ​​​ុ​​​​​​៥៧​​​ឆ្នាំ​​​ បាន​​​និយាយ​​​ថា អ្នកស្រី​​​នឹង​​​តវ៉ា​​​ពីការ​មិន​រាប់បញ្ចូលស្ត្រី​បន្ទាប់​​​ពី​​​ការ​​​ពិគ្រោះ​​​យោបល់​​​ដំបូង​​​ជា​​​មួយ​​​តំណាង​​អ្នកភូមិ​​​។

​​​អ្នកស្រី សេង ហុង​​​ បាន​​​និយាយ​​​ថា “ខ្ញុំ​​​សប្បាយ​​​ចិត្ត​​​ណាស់​​​នៅ​​​ពេល​​​ឯក​​​ឧត្តម អឹុម ឈុន​​​លឹម​​​ បាន​​​ប្រកាស​​​ថា ​​​លោក​​​នឹង​​​ផ្តល់​​​ដី​​​ជូន​​​​​​អ្នក​​​តវ៉ា​​​ទាំង​​​អស់​វិញ​​​ ប៉ុន្តែ ខ្ញុំ​​​ខក​​​ចិត្ត​​​បំផុត​​​នៅ​​​ពេល​​​អាជ្ញាធរ​​​ប្រាប់​​​ខ្ញុំ​​​ថា ខ្ញុំ​​​មិន​​​មាន​​​ឯកសារ​​​គ្រប់​​​គ្រាន់​​​ ដើម្បី​​​ទទួល​​​បាន​​​ប័ណ្ណ​​​កម្ម​​​សិទ្ធិ​​​ដីឡើយ​​​”។

លោក​​​ LimJo-heon ប្រធាន​​​ក្រុមហ៊ុន HorizonAgriculture បាន​​​មាន​​​ប្រសាសន៍​​​ថា តំណាង​​​​ក្រុម​​​ហ៊ុន​​​​មាន​​​គម្រោង​​​​ជួប​​​ប្រជុំ​ជាមួយ​​​ក្រុម​​​មន្ត្រី​​​មក​​​ពី​​​ក្រសួង​​​រៀប​​​ចំ​​​ដែន​​​ដី នៅ​​​សប្តាហ៍​​​នេះ​​​ ដើម្បី​​​ពិភាក្សា​​​អំពី​​​សំណង​​​សម្រាប់​​​ក្រុមហ៊ុន ឬ​​​អាច​​​ផ្តល់​​​ដី​​​សម្បទាន​​​ថ្មី​​​។

លោក Jo-heon បាន​​​លើក​​​ឡើង​​​តាម​​​អីុ​​​ម៉េល​​​ថា “ក្រុមហ៊ុន​​​របស់​​​យើង​​​ទទួល​​​បាន​​​សារ​​​ពី​​​មន្ទីរ​​​រៀប​​​ចំ​​​ដែន​​​ដី​​​ ដែលមាន​​​ខ្លឹម​​​សារ​​​ថា ពួកគេ​​​នឹង​​​អញ្ជើញ​​​យើង​​​ឲ្យ​​​ទៅ​​​ជួប​​​ក្នុង​​​រយៈ​​​ពេល​​​ពីរ​​​បី​​​ថ្ងៃ​​​ទៀត ហើយ​​​នឹង​​​ពន្យល់​​​ប្រាប់​​​ពួក​​​យើង​​​អំពី​​​សេចក្តី​​​សម្រេច​​​ចុង​​​ក្រោយ​​​របស់​​​ខ្លួន​​​”។

លោក​​​បាន​​មាន​ប្រសាសន៍ថា “នៅ​​​ជំនួប​​​មុនៗ​​​ជាមួយ​​​ពួក​​​គេ​​​ ពួកគេ​​​បាន​​​លើក​​​ឡើង​​​អំពី​​​​​​​​​សំណង​​​ ឬ​​​ដី​​​សម្បទាន​​​ថ្មី ដូច្នេះ​​​យើង​​​ត្រូវ​​​តែចាំ​​​មើល​​​សំណើ​​​ចុង​​​ក្រោយ​​​មុន​​​ពេល​​​​​​ក្រុមហ៊ុន​​​ចាត់​​​វិធានការ​​​បន្ទាប់​​​”។

លោក Jo-heon បាន​​​បន្ថែម​​​ថា លោក​​​នៅ​​​តែ​​​មិន​​​សប្បាយ​​​ចិត្ត​​​អំពី​​​សេចក្តី​​​សម្រេច​​​របស់​​​រដ្ឋាភិបាល​​​ក្នុង​​​ការ​​​ដក​​​ហូត​​​ដី​​​នេះដដែល​​​។

លោក​​​បាន​​​មានប្រសាសន៍​​​ថា “ប្រសិន​​​បើ​ប្រជាជន​​​ពិត​​​ជា​​​រស់​​​នៅ​​​ទី​​​នេះមែន នោះវា​​​មាន​​​ន័យ​​​ថា ប្រជា​​​ជន​​​រាប់​​​ពាន់​​​នាក់បាន​​​​រស់​​​នៅ​​​ទី​​​នោះ​​​ ហើយស្ទើរតែជាទី​​​ប្រជុំ​​​ជន​​​ដ៏​​​ធំ​​​បំផុត​​​នៅ​ក្នុង​​​​តំបន់​​​នោះ​​​ដែល​​ជារឿង​មិន​សមហេតុផល​​”៕សារុន​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស