30 C
Phnom Penh

ជន​ជា​តិ​វៀត​ណាម​ពីរនាក់​ទៀត​ត្រូវ​បាន​និរទេស​ខណៈការ​ធ្វើ​ជំរឿនកំពុង​បន្ត​

ដោយ ឌឹ ខេមបូឌា ដេលី

បទវិភាគ

នគរ​បាល​ខេត្ត​រតនគិរី​បាន​និរទេស​ជន​ជាត​ិ​វៀតណាម​ពីរនាក់​ទៀត​ដែល​រស់នៅ​ខុស​ច្បាប់​នៅក្នុង​ខេត្ត​ភាគ​ខាង​ជើងនេះកាលពី​សប្តាហ៍មុន ដោយ​ធ្វើឲ្យ​ចំនួននៃការ​បណ្តេញ​ចេញ​កើនឡើងដល់​១៤នាក់​ហើយ​ ខណៈដែល​ការ​បន្ត​ធ្វើ​ជំរឿន​លើ​ជន​បរទេស​របស់​ក្រសួង​មហា​ផ្ទៃ។

លោក ជា ប៊ុនធឿន ស្នងការ​រង​នគរបាល​ខេត្ត​បាន​មាន​ប្រសាសន៍ថា “​យើង​បាន​បញ្ជូន​ជន​អន្តោ​ប្រវេស​ន៍​វៀត​ណាម​ខុស​ច្បាប់​ពីរនាក់​ទៀត​​ទៅ​ប្រទេស​វៀត​ណាមវិញកាល​ពី​ថ្ងៃ​ព្រហស្បតិ៍។ ចាប់ពី​ថ្ងៃទី​១៥ ខែ​សីហា មកទល់​ពេល​នេះ យើង​បាន​​បញ្ជូន​ជន​ជាត​ិ​វៀត​​ណាម​​សរុប​១៤នាក់​ហើយ​ទៅ​ប្រទេស​វៀតណាមវិញ”។

​ លោក ប៊ុនធឿន បាន​មាន​ប្រសាសន៍ថា បើតាម​ក្រុម​មន្ត្រីនៅ​ទីនោះ ការ​ធ្វើ​ជំរឿន​នៅ​ឆ្នាំនេះ ដែល​ឥឡូវនេះ​បញ្ចប់ហើយ​ក្នុង​ខេត្ត​រតនគិរីនោះ​បង្ហាញថា មាន​ជន​ជាត​ិ​វៀតណាម​​៥៩គ្រួសារ​រស់នៅ​ក្នុង​ខេត្ត​នេះច្រើន​ជាង​​ដែល​ត្រូវ​បាន​កំណត​់​អត​្តសញ្ញាណក្នុង​ការ​ធ្វើ​ជំរឿន​ឆ្នាំ​២០០២តែប៉ុណ្ណោះ។

លោក ប៊ុនធឿន​ ក៏បាន​អះ​អាង​ផងដែរ​ថា ចាប់តាំង​ពី​ឆ្នាំ​២០០៩មក នគរបាល​បាន​និរទេស​ជន​ជាត​ិ​វៀត​ណាម​ដែល​រស់នៅ​ខុស​ច្បាប់​នៅក្នុង​ខេត្ត​រតនគិរី​។

លោក​បានមាន​ប្រសាសន៍ថា “​រាល់​ឆ្នាំ ចាប់ពី​ឆ្នាំ​២០០៩ដល់​ឆ្នាំ​២០១៣ ជន​ជាត​ិ​វៀតណាម​ខុសច្បាប់ពី​២០ទៅ​៣០នាក់​ត្រូវ​បាន​បញ្ជូន​ទៅ​វិញ”។

នៅក្នុង​ខេត​្ត​ស្ទឹងត្រែង​ជាប់គ្នាដែល​ការ​ធ្វើជំរឿន​បាន​បញ្ចប់​ដែរនោះ ចំនួន​គ្រួសារ​ជន​ជាតិ​វៀត​​ណាម​បាន​ថយចុះ​ពី​ជិ​ត​៣០០គ្រួសារ​ក្នុង​ឆ្នាំ​២០០២ មក​២៨៥គ្រួសារ​នៅ​ឆ្នាំ​នេះ។

លោក សេង វុត្ថា ស្នងការ​រង​នគរបាល​ខេត​្ត​បាន​មាន​ប្រសាសន៍ថា អាជ្ញាធរ​មូលដ្ឋាន​បាន​រង់​ចាំ​បទ​បញ្ជា​ពី​មន្ត្រី​ថ្នាក់​ជាតិ​មុន​ពេល​និរទេស​គ្រួសារ​ណា​មួយ​ដែល​រស់នៅ​ក្នុង​ខេត្ត​នេះ​ដោយ​ខុសច្បាប់នោះ។

លោក​បានមាន​ប្រសាសន៍ថា “យើង​កំពុង​រង់ចាំសេចក្តី​សម្រេច​ពី​ថ្នាក់​លើ​ទាក់​ទង​​ថា តើ​ជន​បរទេសប្រភេទ​ណាដែល​គួរ​និរទេស​ ហើយ​ជន​បរទេសប្រភេទ​ណាដែល​គួរ​ស្នាក់នៅ”។

កាលពី​ខែ​មករា ក្រសួ​ង​មហាផ្ទៃ​បាន​បង្កើត​​អគ្គនាយកដ្ឋាន​អន្តោ​ប្រវេសន៍​ ដោយ​តែ​ងតាំង​លោក សុខ ផល ដែលពេលនោះ​ជា​អគ្គស្ន​ងការ​រង​នគរបាល​ជាត​ិ​ធ្វើ​ជា​ប្រធាន។

ឧ​ត្តមសេនីយ៍ សុខ ផល​ បានមាន​ប្រសាសន៍​កាលពី​ម្សិលមិញថា ឥឡូវ​នេះ​ខេត្ត​ប្រាំពីរ​ឬ​ប្រាំបី​ត្រូវ​បាន​ស្ទង់​មត​ិ ប៉ុន្តែថា ក្រសួង​មហាផ្ទៃ​នឹង​ចេញផ្សាយ​លទ្ធផល​នៅពេលបញ្ចាប់​ការ​ធ្វើ​ជំរឿនតែប៉ុណ្ណោះ​។

ក្រុម​មន្ត្រី​បាន​និយាយថា ការ​ធ្វើ​ជំរឿន​ថ្មីនេះ ហើយជា​លទ្ធផល​​មាន​ការ​និរទេស​ជន​ជាត​ិ​វៀតណាមនោះ ជា​ផ្នែក​មួយ​នៃ​ការ​ប្រឹង​ប្រែង​រួម​គ្នារបស់​ក្រសួង​មហាផ្ទៃនិង​ក្រសួង​ការងារ​ដើម្បី​ពង្រឹង​ច្បាប់​ដែល​គេ​មិន​អើ​ពើ​យូរ​មក​ហើយ​ដែល​ត​ម្រូវ​ឲ្យ​ជន​បរទេស​ដែល​រស់នៅក្នុង​ប្រទេស​កម្ពុជា​ត្រូវតែមាន​ប័ណ្ណការងារ​និង​បង់ថ្លៃសម្រាប់​​ប័ណ្ណ​ការ​ងារ​៕សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស