34 C
Phnom Penh

អូស្ត្រាលី​​​ការពារ​​​កិច្ច​​​ព្រមព្រៀង​​​របស់​​​ខ្លួន​​​ស្តី​​​ពី​​​ជន​​​ភៀស​​​ខ្លួន​​​ ខណៈ​​​ការ​​​ប្រឆាំង​​​មាន​​​កាន់​​​តែ​​​ច្រើន​​​

ដោយ ឌឹ ខេមបូឌា ដេលី

បទវិភាគ

មួយ​​​ថ្ងៃ​​​មុន​​​ថ្ងៃ​​​ចុះ​​​ហត្ថ​​​លេខា​​​លើក​​​កិច្ច​​​ព្រមព្រៀង​​​​​​ដ៏​​​ចម្រូង​​​ចម្រាស​​​មួយ​​​​​​រវាង​​​​​​រដ្ឋាភិបាល​​​​​​ក្រុង​​​ភ្នំពេញ​​​ និង​​​រដ្ឋាភិបាល​​​ក្រុង​​​កង់​​​បេរ៉ា ដែល​​​នឹង​​​បង្ហាញ​​​ឲ្យ​​​ឃើញ​​​ពី​​​ប្រទេស​​​កម្ពុជា​​​តាំង​​​ទី​​​នៅ​​​លំ​​​ថ្មី​​​​​​សម្រាប់​​​ជន​​​ភៀស​​​ខ្លួន​​​ ដែល​​​ប្រទេស​​​អូស្ត្រា​​​លី​​​កំពុង​​​ឃុំ​​​ខ្លួន​​​ទុក​​​ក្នុង​​ដែន​​​កោះ​​​មួយ​​​​​​នោះ​​​ កាល​​​ពី​​​ម្សិលមិញ លោក ស្កត់ ម៉ូរីសុន ​​​(Scott​ Morrison) រដ្ឋ​​​មន្ត្រី​​​ក្រសួង​​​អន្តោ​​​ប្រវេសន៍​​​អូ​​​ស្ត្រា​​​លី​​​បាន​​​ការ​​​ពារ​​​កិច្ច​​​ព្រមព្រៀង​​​នេះ​​​ដែល​​​កំពង់​​​​​​រង​​​ការ​​​រិះ​​​គន់​​​កាន់​​​តែ​​​ច្រើន​​​ពី​​​អន្តរ​​​ជាតិ។

លោក ម៉ូរីសុន នឹង​​​មក​​​ដល់​​រាជ​​​ធានី​​​ភ្នំពេញ​​​នៅ​​​ថ្ងៃ​​​នេះ​​​ដើម្បី​​​ចុះ​​​ហត្ថ​​​លេខា​​​លើ​​​កិច្ច​​​​​​ព្រមព្រៀង​​​ជា​​​មួយ​​​លោក ស ខេង រដ្ឋ​​​មន្ត្រី​​​ក្រសួង​​​មហាផ្ទៃ​​​ ពោល​​​គឺ​​​ប្រមាណ​​​ប្រាំ​​​ពីរ​​​ខែ​​​បន្ទាប់​​​ពី​​​ប្រទេស​​​ទាំង​​​ពីរ​​​បាន​​​ចាប់​​​ផ្តើម​​​ការ​​​ចរចា​​​គ្នា​​​។

ចាប់​​​តាំង​​​ពី​​​ព័ត៌​​​មាន​​​នៃ​​​ផែន​​​ការ​​​នេះ​​​បាន​​​លេច​​​ធ្លាយ​​​កាល​​​ពី​​​ខែ​​​កុម្ភៈ​​​មក​​​ អង្គការ​​​សិទ្ធិ​​​មនុស្ស​​​ និង​​​សមាជិក​​​សភា​​​មក​​​ពី​​​គណបក្ស​​​ប្រឆាំង​​​នៅ​​​ក្នុង​​​ប្រទេស​​​ទាំង​​​ពីរ​​​បាន​​​ចោទ​​​ប្រកាន់​​​ប្រទេស​​​អូស្ត្រាលី​​​ថា បាន​​​គេច​​​វេះ​​​ពី​​​កាតព្វកិច្ច​​​​​​ទទួល​​​ខុស​​​ត្រូវ​​​ជន​​​ភៀស​​​ខ្លួន​​​របស់​​​ខ្លួន​​​​​​ ដោយ​​​ព្យាយាម​​​បញ្ជូន​​​ពួក​​​គេ​​​ទៅ​​​​​​កាន់​​​ប្រទេស​​​មួយ​​​ក្នុង​​​ចំណោម​​​ប្រទេស​​​ក្រី​​​ក្រ​​​បំផុត​​​ និង​​​ពុក​​​រលួយ​​​បំផុត​​​ក្នុង​​​ពិភព​​​លោក​​​។

នៅ​​​ក្នុង​​​សន្និ​​​សីទ​​​កាសែត​​​មួយ​​​ក្នុង​​​ទី​​​ក្រុង​​​កង់​​​បេរា៉ កាល​​​ពី​​​ម្សិល​​​មិញ លោក ម៉ូរីសុន បាន​​​លើក​​​ឡើង​​​បន្ត​​​ថា កិច្ច​​​ព្រមព្រៀង​​​នេះ​​​នឹង​​​អនុវត្ត​​​តែ​​​ទៅ​​​លើ​​​ជន​​​ភៀស​​​ខ្លួន​​​ទាំង​​​ឡាយ​​​ណា​​​ដែល​​​ស្ម័គ្រ​​​ចិត្ត​​​មក​​​តាំង​​​ទី​​​លំនៅ​​​ថ្មី​​​នៅ​​​ក្នុង​​​ប្រទេស​​​កម្ពុជា​​​តែ​​​ប៉ុណ្ណោះ​​​។

លោក​​​បាន​​​មាន​​​ប្រសាសន៍​​​​ថា “​​​គ្មាន​​​អ្វី​​​ត្រូវ​​​ភ្ញាក់​​​ផ្អើល​​​ទេ​​​។ ការ​​​រៀប​​​ចំ​​​ គឺ​​​អាស្រ័យ​​​លើ​​​ការ​​​ស្ម័គ្រ​​​ចិត្ត​​​។ នរណា​​​ម្នាក់​​​ដែល​​​សម្រេច​​​ចិត្ត​​​​​​មក​​​ប្រទេស​​​កម្ពុជា​​​គឺ​​​ជា​​​ការ​​​ជ្រើស​​​រើស​​​ដោយ​​​ខ្លួន​​​ឯង​​​”។ នេះ​​​បើ​​​យោង​​​តាម​​​ប្រតិចារឹក​​​ដែល​​​​​​បង្ហោះ​​​នៅ​​​លើ​​​​​​គេ​​​ហ​​​ទំព័រ​​​ផ្លូវ​​​ការ​​​របស់​​​រដ្ឋាភិបាល​​​អូស្ត្រាលី​​​រូប​​​នេះ​​​។

លោក ម៉ូរីសុន បាន​​​​​​ឲ្យ​​​ដឹង​​​ថា ជន​​​ភៀស​​​ខ្លួន​​​ទាំង​​​ឡាយ​​​ណា​​​ដែល​​​ស្ម័គ្រ​​​ចិត្តនឹង​​​ត្រូវ​​​ផ្ដល់​​​ឲ្យ​​​នូវ​​​ជំនួយ​​​ទាំង​​​អស់​​​ដែល​​​ពួក​​​គេ​​​ត្រូវ​​​ការ ដើម្បី​​​អាច​​​រស់​​​បាន​​​ដោយ​​​ខ្លួន​​​ឯង​​​ ហើយ​​​លោក​​​បាន​​​ការ​​​ពារ​​​ប្រវត្តិ​​​របស់​​​ប្រទេស​​​លោក​​​ពាក់​​​ព័ន្ធ​​​នឹង​​​ការ​​​តាំង​​​ទី​​​លំនៅ​​​ថ្មី​​​សម្រាប់​​​​​​ជន​​​ភៀស​​​ខ្លួន។​​​​​​​​​​​​​​​​​​​​

លោក​​​បាន​​​មាន​​​ប្រសាសន៍​​​ថា “គេ​​​នឹង​​​ផ្តល់​​​ការ​​​គាំទ្រ​​​តាម​​​តម្រូវ​​​ការ​​​របស់​​​ជន​​​ភៀសខ្លួន​​​ទាំង​​​នោះ​​​ជា​​​ផ្នែក​​​នៃ​​​វិធាន​​​ការ​​​មួយ​​​ចំនួន​​​ ដែល​​​នឹង​​​ដោះ​​​ស្រាយ​​​ចំពោះ​​​ការ​​​តាំង​​​ទី​​​លំនៅ​​​ថ្មី​​​របស់​​​ពួក​​​ គេ​​​ និង​​​ដែល​​​ត្រូវ​​​បាន​​​បង្កើត​​​ឡើង​​​ដើម្បី​​​ធ្វើ​​​ឲ្យ​​​ពួក​​​គេ​​​អាច​​​រស់​​​​​​បាន​​​ដោយ​​​ខ្លួន​​​ឯង​​​ឲ្យ​​​បាន​​​កាន់​​​តែ​​​ឆាប់​​​តាម​​​ដែល​​​អាច​​​ធ្វើ​​​ទៅ​​​បាន​​​។ ពួក​​​គេ​​​នឹង​​​ទទួល​​​បាន​​​​​​សិទ្ធិ​​​ដូច​​​គ្នា​​​ទាំង​​​អស់​​​ក្រោម​​​ច្បាប់​​​នៅ​​​ក្នុង​​​ប្រទេស​​​កម្ពុជា និង​​​ច្បាប់​​​ទាំង​​​ឡាយ​​​ណា​​​ដែល​​​​​​មាន​​​នៅ​​​ក្នុង​​​សន្និ​​​សញ្ញា​​​ជន​​​ភៀស​​​ខ្លួន​​​​​​។ គ្មាន​​​ការ​​​លាក់​​​បាំង​​​ចំពោះ​​​អ្វី​​​ដែល​​​ត្រូវ​​​បាន​​​ពិភាក្សា​​​គ្នា​​​នៅ​​​ទី​​​នេះ​​​ឡើយ​​​។ នេះ​​​នឹង​​​ជា​​​ទំនាក់​​​ទំនង​​​ដែល​​​កំពុង​​​បន្ត​​​ និង​​​កំពុង​​​អភិវឌ្ឍ​​​”។

លោក​​​បាន​​​មាន​​​ប្រសាសន៍​​​បន្ត​​​ទៀត​​​ថា​​​ “ប្រទេស​​​អូស្ត្រា​​​លី​​​ គឺ​​​ជា​​​ប្រទេស​​​មួយ​​​ដែល​​​មាន​​​ប្រវត្តិ​​​ល្អ​​​បំផុត​​​ក្នុង​​​ពិភព​​​លោក​​​ពាក់​​​ព័ន្ធ​​​នឹង​​​ការ​​​តាំង​​​ទី​​​លំនៅ​​​ថ្មី​​​សម្រាប់​​​​​​ជន​​​ភៀសខ្លួន​​មក​​​ពី​​​​​​​​​ប្រទេស​​​ណា​​​មួយ​​​ ដោយ​​​ធ្វើ​​​ការ​​​ជាមួយ​​​ប្រទេស​​​ម្ចាស់​​​​​ហត្ថលេខី​​​ដែល​​​ទទួល​​​ស្គាល់​​​ជន​​​ភៀស​​​ខ្លួន​​​​​​​​​​​​​​​​​​​​​​​​មួយ​​​ផ្សេង​​​ទៀត​​​​​​នៅ​​​ក្នុង​​​តំបន់​​​របស់​​​យើង​​​ ដើម្បី​​​ជួយ​​​ពួក​​​គេ​​​អភិវឌ្ឍ​​​សមត្ថភាព​​​របស់​​​ខ្លួន​​​ក្នុង​​​ការ​​​តាំង​​​ទី​​​លំនៅ​​​ថ្មី​​​សម្រាប់​​​ជន​​​ភៀស​​​ខ្លួន​​​”។

ប៉ុន្តែ រដ្ឋ​​​មន្ត្រី​​​រូប​​​នេះ​​​បាន​​​បដិសេធ​​​ម្តង​​​ទៀត​​​មិន​​​បង្ហាញ​​​នូវ​​​ព័ត៌​​​មាន​​​លម្អិត​​​ណា​​​មួយ​​​អំពី​​​កិច្ច​​​ព្រម​​​ព្រៀង​​​នេះ​​​ ដែល​​​នៅ​​​តែ​​​មាន​​​ភាព​​​អាថ៌​​​កំបាំង​​​នោះ​​​ឡើយ​​​។

សេចក្តី​​​រាយការណ៍​​​របស់​​​ប្រព័ន្ធ​​​ផ្សព្វផ្សាយ​​​​​​ ដែល​​​គេ​​​មិន​​​បញ្ជាក់​​​មួយ​​​ចំនួន​​​បាន​​​អះ​​​អាង​​​ថា ប្រទេស​​​កម្ពុជា​​​នឹង​​​ទទួល​​​យក​​​ជន​​​ភៀស​​​ខ្លួន​​​ប្រមាណ​​​១.០០០នាក់​​​ដែល​​​កំពុង​​​ត្រូវ​​​បាន​​​ឃុំ​​​ខ្លួន​​​នៅ​​​​​​ប្រទេស​​​ណូរូ ជា​​​ប្រទេស​​​ដែន​​​កោះ​​​ស្ថិត​​​នៅ​​​ភាគ​​​ខាង​​​ត្បូង​​​នៃ​​​សមុទ្រ​​​ប៉ាសីុហ្វិក​​​ ជា​​​ថ្នូរ​​​នឹង​​​ប្រាក់​​​ចំនួន​​​៤០​​​លាន​​​ដុល្លារ​​​។

ថ្លែង​​​នៅ​​​ក្រៅ​​​កិច្ច​​​ប្រជុំ​​​ដែល​​​ស្តី​​​ពីបញ្ហា​​​​​​​​​មិន​​​ពាក់​​​ព័ន្ធ​​​មួយ​​​ក្នុង​​​រាជ​​​ធានី​​​ភ្នំពេញ​​​កាល​​​ពី​​​ម្សិល​​​មិញ លោក ស ខេង បាន​​​ប្រាប់​​​អ្នក​​​យក​​​ព័ត៌​​​មាន​​​ថា ជំហាន​​​ដំបូង​​​នៃ​​​​​​កិច្ច​​​ព្រម​​​ព្រៀង​​​នេះ​​​នឹង​​​មាន​​​មនុស្ស​​​ពាក់​​​ព័ន្ធ​​​មិន​​​លើស​​​ពី​​​​​​ប្រាំ​​​នាក់​​​​​​ឡើយ​​​។

លោក​​​បានមាន​​​ប្រសាសន៍​​​ដោយ​​​បដិសេធ​​​មិន​​​ធ្វើ​​​អត្ថាធិប្បាយ​​​បន្ថែម​​​ថា “យើង​​​នឹង​​​មាន​​​គម្រោង​​​សាក​​​ល្បង​​​មួយ​​​ជាមួយ​​​នឹង​​​មនុស្ស​​​តែ​​​បួន​​​ទៅ​​​ប្រាំ​​​នាក់​​​​​​ ឬ​​​ពី​​​រទៅ​​​បី​​​នាក់​​​ប៉ុណ្ណោះ​​​”។

ខណៈ​​​នៅ​​​តែ​​​មាន​​​​​​ភាព​​​អាថ៌​​​កំបាំង​​​នោះ​​​ អង្គការ​​​សិទ្ធិ​​​មនុស្ស​​​អន្តរជាតិ​​​កាល​​​ពី​​​ម្សិលមិញ បាន​​​បន្ត​​​​​រិះ​​​គន់​​​ផែនការ​​​នេះ​​​បន្ត​​​ទៀត​​​ដោយ​​​លើក​​​ឡើង​​​ថា វា​​​មិន​​​ត្រឹម​​​ត្រូវ​​​តាម​​​ច្បាប់​​​​​​ឡើយ​​​។

លោក អាឡាស្ទែរ នីកូសុន (Alastair Nicholson) អតីត​​​ប្រធាន​​​តុលាការ​​​យុត្តិធម៌​​​គ្រួសារ​​​​​​(Justiceof Family Court) នៅ​​​ក្នុង​​​ប្រទេស​​​អូស្ត្រាលី​​​បាន​​​លើក​​​ឡើង​​​នៅ​​​ក្នុង​​​សេចក្តី​​ថ្លែង​​​ការណ៍​​​មួយ​​​ដែល​​​ចេញ​​​ដោយ​​​អង្គការ​​​ UNICEF អូស្ត្រាលី​​​ អង្គការ​​​ Savethe Children អង្គការ​​​លើក​​​លែង​​​ទោស​​​អន្តរជាតិ (Amnesty International)និង​​​អង្គការ​​​ផ្សេង​​​ៗ​​​ទៀត​​​​​​​​​ថា “កិច្ច​​​ព្រម​​​ព្រៀង​​​នេះ​​​មិន​​​​​ត្រឹម​​​ត្រូវ​​​ ខុស​​​សីលធម៌ ហើយ​​​ទំនង​​​ជា​​​មិន​​​ស្រប​​​ច្បាប់​​​ឡើយ​​​”។

លោក​​​​​​បាន​​​លើក​​​ឡើង​​​ថា “វា​​​មិន​​​ត្រឹម​​​ត្រូវ ព្រោះ​​​នៅ​​​ក្នុង​​​បញ្ហា​​​សង្គម​​​របស់​​​ខ្លួន​​​ ប្រទេស​​​កម្ពុជា​​​គ្មាន​​​សមត្ថភាព​​​​​​ដើម្បី​​​ទទួល​​​យក​​​​​​ជន​​​ភៀសខ្លួន​​​ក្នុង​​​ចំនួន​​​ច្រើន​​​បែប​​​នេះ​​​ទេ​​​ វា​​​ខុស​​​សីលធម៌ ព្រោះ​​​​​​ជន​​​ងាយ​​​រង​​​គ្រោះ​​​ទាំង​​​នេះ​​​ គឺ​​​ស្ថិត​​​ក្នុង​​​ការ​​​ទទួល​​​ខុស​​​​​​ត្រូវ​​​របស់​​​ប្រទេស​​​អូស្ត្រាលី ហើយ​​​ខណៈ​​​ដែល​​​យើង​​​កំពុង​​​រង់​​​ចាំ​​​ព័ត៌​​​មាន​​​លម្អិត​​​វា​​​ហាក់​​​បី​​​ដូច​​​ជា​​​ខុស​​​​​​ច្បាប់ ព្រោះវា​​​ជា​​​ការ​​​បំពាន​​​​​លើ​​​កាតព្វកិច្ច​​​មនុស្ស​​​ធម៌​​​ និង​​​ជន​​​ភៀស​​​ខ្លួន​​​របស់​​​អូស្ត្រាលី​​​​​​ ចំពោះ​​​កុមារ​​​ងាយ​​​ទទួល​​​រង​​​គ្រោះ​​​ និង​​​ក្រុម​​​គ្រួសារ​​​របស់​​​ពួក​​​គេ​​​​​​”។

ដោយ​​​ផ្តោត​​​លើ​​​អត្រា​​​កង្វះ​​​អាហារ​​ូប​​​ត្ថម្ភ​​​កុមារ​​​ដែល​​​មាន​​​កម្រិត​​​ខ្ពស់​​​ និង​​​ការ​​​ចុះឈ្មោះ​​​ចូល​​​រៀន​​​ក្នុង​​​អនុវិទ្យាល័យ​​​មាន​​​កម្រិត​​​ទាប​​​របស់​​​ប្រទេស​​​កម្ពុជា​​​នោះ លោក នីកូសុន បាន​​​ចាត់​​​ទុក​​​កិច្ច​​​ព្រមព្រៀង​​​នេះ​​​ថា “គ្មាន​​​និរន្តរ​​​ភាព​​​ទាំង​​​ស្រុង​​​”។

លោក​​​បាន​​​ប្រសាសន៍​​​ថា “នៅ​​​ពេល​​​យើង​​​ជ្រើស​​​រើស​​​ដាក់​​​​​​ក្មេង​​​ភៀស​​​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​នៅ​​​ក្រោម​​​ការ​​​មើល​​​ថែ​​​របស់​​​ប្រទេស​​​មួយ​​​ដែល​​​ពឹង​​​ផ្អែក​​​​​​តែ​​​ទៅ​​​លើ​​​សហគមន៍​​​ផ្ដល់​​​ជំនួយ​​​អន្តរ​​​ជាតិ​​​សម្រាប់​​​ផ្គត់​​​ផ្គង់​​​ដល់​​​ក្មេង​​​នៅ​​​​​​ក្នុង​​​ប្រទេស​​​របស់​​​ខ្លួន​​​នោះ គឺ​​​មាន​​​ន័យ​​​យ៉ាង​​​ច្បាស់​​​​​​ថា យើង​​​ជ្រើស​​​រើស​​​ដាក់​​​ក្មេង​​​ជន​​​ភៀស​​​ខ្លួន និង​​​គ្រួសារ​​​របស់​​​ពួកគេ​​​ឲ្យ​​​ស្ថិត​​​នៅ​​​ក្រោម​​​ហានិភ័យ​​​ដ៏​​​ធ្ងន់​​​ធ្ងរ​​​​​​”។ ប្រហែល​​​មួយ​​​ភាគ​​​បី​​​នៃ​​​ថវិកា​​​របស់​​​​​​ប្រទេស​​​កម្ពុជា​​​គឺ​​​បាន​​​មក​​​ពី​​​ម្ចាស់​​​ជំនួយ​​​អន្តរ​​​ជាតិ​​​។

នៅ​​​ក្នុង​​​សេចក្តី​​​ថ្លែង​​​ការ​​​ផ្ទាល់​​​ខ្លួន​​​មួយ​​​កាល​​​ពីម្សិលមិញ អង្គការ​​​ឃ្លាំ​​​មើល​​​សិទ្ធិ​​​មនុស្ស​​​បាន​​​លើក​​​ឡើ​​​ងថា កិច្ច​​​ព្រមព្រៀង​​​ថ្មី​​​របស់​​​ប្រទេស​​​អូស្ត្រាលី​​​ ជាមួយ​​​ប្រទេស​​​កម្ពុជា​​​ នឹង​​​រំលោភ​​​លើ​​​កិច្ច​​​ព្រមព្រៀង​​​ដែល​​​មាន​​​ស្រាប់​​​ជាមួយ​​​ប្រទេស​​​ណូរូ ដែល​​​តម្រូវ​​​ឲ្យ​​​ប្រទេស​​​អូស្ត្រាលី​​​ជួយ​​​ផ្តល់​​​ទី​​​លំនៅ​​​ថ្មី​​​សម្រាប់​​​ជន​​​ភៀស​​​ខ្លួ​​​ន​​​​​​ “នៅ​​​ក្នុង​​​ប្រទេស​​​ទី​​​៣​​​ដែល​​​​​​មាន​​​សុវត្ថិភាព​​​”។

អង្គការ​​​នេះ​​​បាន​​​លើក​​​ឡើ​​​ង​​​ថា ប្រទេស​​​កម្ពុជា​​​មិន​​​មែន​​​ជា​​​ប្រទេស​​​ទី​​​៣ ដែល​​​មាន​​​សុវត្ថិភាព​​​ឡើយ​​​។

សេចក្តី​​​ថ្លែង​​​ការណ៍​​​របស់​​​អង្គការ​​​សិទ្ធិមនុស្ស​​​នេះ​​​មាន​​​ខ្លឹម​​​សារ​​​ថា “រដ្ឋាភិបាល​​​របស់​​​លោក ហ៊ុន សែន បាន​​​រឹត​​​បន្តឹង​​​យ៉ាង​​​ខ្លាំង​​​​​​លើ​​​សិទ្ធិ​​​សេរីភាព​​​នៃ​​​ការ​​​បញ្ចេញ​​​មតិ និង​​​ការ​​​ជួប​​​ជុំ​​​គ្នា​​​ ហើយ​​​កង​​​សន្តិ​​​សុខ​​​របស់​​​រដ្ឋ​​​តែង​​​តែ​​​មាន​​​ទម្លាប់​​​​​​​​​​​​​​​​​​ប្រព្រឹត្តិ​​​អំពើ​​​មនុស្ស​​​ឃាត ការ​​​ធ្វើ​​​ទារុណ​​​កម្ម និង​​​ការ​​​រំលោភ​​​បំពាន​​​ផ្សេង​​​ៗ​​​ទៀត​​​ដោយ​​​មិន​​​ដែល​​​ត្រូវ​​​បាន​​​ចាប់​​​មក​​​ផ្តន្ទា​​​ទោស​​​ឡើយ​​​។អ្នក​​​ទាំង​​​ឡាយ​​​ណា​​​ ដែល​​​រស់​​​នៅ​​​ក្នុង​​​ភាព​​​លំបាក រួម​​​មាន​​​ជន​​​ភៀសខ្លួន និង​​​អ្នក​​​ស្វែង​​​រក​​​សិទ្ធិ​​​ជ្រក​​​កោន ដែល​​​គ្មាន​​​ការ​​​ងារ​​​ធ្វើ មិន​​​ចេះ​​​ភាសា​​​ខ្មែរ និង​​​គ្មាន​​​ទំនាក់​​​ទំនង​​​សង្គម គឺ​​​ប្រឈម​​​នឹង​​​ហានិភ័យ​​ខ្ពស់”។

សេចក្តី​​​ថ្លែង​​​ការណ៍​​​នេះ​​​បាន​​​លើក​​​ឡើ​​​ងបន្ត​​​ថា មាន​​​​​​អ្នក​​​ស្វែង​​​រក​​​សិទ្ធិ​​​ជ្រក​​​កោន​​​ចំនួន​​​១.២៣៣នាក់​​​ កំពុង​​​ត្រូវ​​​បាន​​​ឃុំ​​​ខ្លួន​​​នៅ​​​មណ្ឌល​​​ឃុំ​​​ឃាំង​​​មួយ​​​ចំនួន​​​ក្នុង​​​ប្រទេស​​​ណូ​​​រូ​​​ គិត​​ត្រឹម​​​ថ្ងៃ​​​ទី​​​៣១ ខែសីហា​​​ ហើយ​​​មក​​​ទល់​​​នឹង​​​ពេល​​​នេះ​​ប្រទេស​​​ណូរូ​​​ទទួល​​​ស្គាល់​​​ជន​​​ភៀស​​​ខ្លួន​​​ត្រឹម​​​តែ​​​ចំនួន​​​២០៦​​​នាក់​​​ប៉ុណ្ណោះ​​​ជា​​​ជន​​​ភៀសខ្លួន​​​​​​ស្រប​​​ច្បាប់​​​។

ប៉ុន្តែ នៅ​​​ក្នុង​​​សេចក្តី​​​ថ្លែង​​​ការណ៍​​​មួយ​​​ទៀត​​​ដែល​​​ចេញ​​​កាល​​​ពីម្សិល​​​មិញ អង្គការ​​​លើក​​​លែង​​​ទោស​​​អន្តរ​​​ជាតិ​​​បាន​​គត់​​​សម្គាល់​​​ពី​​​ការ​​​រំលោភ​​​បំពាន​​​ដែល​​​កើត​​​ឡើង​​​នៅ​​​ក្នុង​​​មណ្ឌល​​​​​​ឃុំ​​​ខ្លួន​​​ទាំង​​​នោះ​​​ ដោយ​​​លើក​​​ឡើ​​​ង​​​ថា ប្រទេស​​​កម្ពុជា​​​នឹង​​​ “ចូល​​​រួម​​​ពាក់​​​ព័ន្ធ”​​​ក្នុង​​​ការ​​​រំលោភ​​​បំពាន​​​សិទ្ធិ​​​មនុស្ស​​​ដោយ​​​ចុះ​​​ហត្ថលេខា​​​លើ​​​កិច្ច​​​ព្រម​ព្រៀង​​​ជា​​​មួយ​​​ប្រទេស​​​អូស្ត្រាលី​​​។

អង្គការ​​​លើក​​​លែង​​​ទោស​​​អន្តរជាតិ​​​ក៏​​​បាន​​​​​​សង្កេត​​​ឃើញ​​​ផង​​​ដែរ​​​ថា ប្រទេស​​​អូស្ត្រាលី​​​បាន​​​ថ្កោល​​​ទោស​​​ចំពោះ​​​របាយការណ៍​​​​​​អំពី​​​សិទ្ធិ​​​មនុស្ស​​​របស់​​​ប្រទេស​​​កម្ពុជា​​​​​​​​​​​​នៅ​​​ការ​​​បើក​​សវនាការ​​​មួយ​​​របស់​​​​​​អង្គការ​​​​​​សហ​​​ប្រជា​​​ជាតិ​​​​ស្តី​​​ពី​​​សិទ្ធិ​​​មនុស្ស​​​ កាល​​​ពី​​​ខែ​​​មករា​​​ ពោល​​​គឺ​​​នៅ​​​ក្នុង​​​ខែ​​​តែ​​​មួយ​​​ដែល​​​កង​​​រាជ​​​អាវុធ​​​ហត្ថ​​​បាន​​​បាញ់​​​សំដៅ​​​ទៅ​​​លើ​​​ក្រុម​​​កម្មករ​​​កាត់​​​ដេរ​​​គប់​​​ដំុ​​​ថ្ម​​​ដែល​​​កំពុង​​​ទាម​​​ទារ​​​ដំឡើង​​​ប្រាក់​​​ខែ​​​នៅ​​​ក្នុង​​​រាជ​​​ធានី​​​ភ្នំពេញ​​​ដោយ​​​បណ្តាល​​​ឲ្យ​​​មនុស្ស​​​យ៉ាង​​​តិច​​​ប្រាំ​​​នាក់​​​បាត់​​​បង់​​​ជីវិត និង​​​រាប់​​​សិប​​​នាក់​​​ទៀត​​​រង​​​របួស​​​។

ការ​​​ប្រឆាំង​​​ចំពោះ​​​ផែនការ​​​របស់​​​ប្រទេស​​​កម្ពុជា​​​ ដែល​​​​​​នឹង​​​ទទួល​​​យក​​​​​​​​​​​ជន​​​ភៀសខ្លួន​​​ទាំង​​​នេះ​​​ ក៏​​​បន្ត​​​​​កើន​​​ឡើង​​​​​​នៅ​​​ក្នុង​​​ប្រទេស​​​ផង​​​ដែរ​​​។

បណ្តាញ​​​ព្រះ​​​សង្ឃឯករាជ្យ​​​ដើម្បី​​​យុត្តិធម៌​​​សង្គម​​​បាន​​​លើក​​​ឡើង​​​ថា ខ្លួន​​​នឹង​​​រៀប​​​ចំ​​​កិច្ច​​​តវ៉ា​​​នៅ​​​ព្រឹក​​​នេះ នៅ​​​មុខ​​​រដ្ឋសភា ក្រសួង​​​មហាផ្ទៃ​​​ និង​​​ស្ថានទូត​​​អូស្ត្រាលី​​​ប្រចាំ​​​ប្រទេស​​​កម្ពុជា។

ព្រះតេជគុណ កែវ សុមា៉លី ជា​​​ព្រះ​​​សង្ឃ​​​មួយ​​​អង្គ និង​​​ជា​​​សមាជិក​​​នៃ​​​បណ្ដាញ​​​នេះ​​​បាន​​​មាន​​​សង្ឃដីកា​​​ថា “យើង​​​នឹង​​​តវ៉ា​​​ប្រឆាំង​​​ចំពោះ​​​ការ​​​តាំង​​​ទី​​​លំ​​​ថ្មី​​​នៅ​​​សម្រាប់​​​ជន​​​ភៀស​​​ខ្លួន​​​នៅ​​​ប្រទេស​​​កម្ពុជា ព្រោះ​​​កម្ពុជា គឺ​​​ជា​​​ប្រទេស​​​ក្រីក្រ​​​បំផុត ហើយ​​​នៅ​​​មិន​​​ទាន់​​​ស្វែង​​​រក​​​សន្តិភាព​​​ជូន​​​ពល​​​រដ្ឋ​​​របស់​​​ខ្លួន​​​​​​ដែល​​​ទទួល​​​រង​​​ទុក្ខ​​​​​​លំបាក​​​ដោយ​​​សារ​​​ការ​​​ចាប់​​​យក​​​ដី​​​នៅ​​​ឡើយ​​​ ហើយ​​​ប្រទេស​​​កម្ពុជា តែង​​​តែ​​​ទទួល​​​ជំនួយ​​​ពី​​​បរទេស។ ​​​ហេតុ​​​ដូច្នេះ តើ​​​រដ្ឋាភិបាល​​​អាច​​​ទទួល​​​យក​​​ជន​​​ភៀសខ្លួន​​​ចំនួន​​​១.០០០នាក់​​​នេះ​​​បាន​​​​​​តាម​​​រៀប​​​ណា?”។

ព្រះ​​​តេជគុណ កែវ សុមា៉លី មាន​​​សង្ឃ​​​ដីកា​​​ទៀត​​​ថា ព្រះ​​​សង្ឃ​​​ក៏​​​ព្រួយ​​​បារម្ភ​​​ផង​​​ដែរ​​​ថា    ជន​​​ភៀស​​​ខ្លួន​​​ទាំង​​​នេះ​​​អាច​​​ជា​​​អ្នក​​​បង្ក​​​បញ្ហា​​​បន្ថែម​​​ទៀត​​​។

ព្រះ​​​តេជគុណ​​​មាន​​​សង្ឃដីកា​​​បន្ថែម​​​ថា “អាត្មា​​​គិត​​​ថា វា​​​នឹង​​​មាន​​​ផល​​​អាក្រក់​​​សម្រាប់​​​ពល​​​រដ្ឋ​​​ខ្មែរ​​​ ព្រោះ​​​យើង​​​មិន​​​ដឹង​​​ថា ពួក​​​គេ​​​ជា​​​នរណា​​​នោះ​​​ឡើយ​​​។ ប្រសិន​​​បើ​​​ពួក​​​គេ​​​ជា​​​មនុស្ស​​​ល្អ ហេតុ​​​អ្វី​​​បាន​​​ជា​​​ប្រទេស​​​អូស្ត្រាលី​​​ចង់​​​បញ្ជូន​​​ពួក​​​គេ​​​មក​​​កម្ពុជា?”។

លោក​​​ ដេនីស ខហ្វលេន (Denise Coghlan) ដែល​​ដំណើរ​​​ការ​​​អង្គការ​​​​​​យេស៊ូ​​​ផ្តល់​​​សេវាកម្ម​​​សម្រាប់​​​ជន​​​ភៀសខ្លួន (Jesuit Refugee Service)​​​ នៅ​​​រាជធានី​​​ភ្នំពេញ និង​​​ដែល​​​ប្រឆាំង​​​នឹង​​​កិច្ច​​​ព្រម​​​ព្រៀង​​​នេះ​​​ដែរ​​​នោះ​​​ បាន​​​ព្រមាន​​​ថា ការ​​​បន្ថែម​​​ក្រុម​​​ជន​​​បរទេស​​​ថ្មី​​​មក​​​ក្នុង​​​ប្រទេស​​​ដែល​​​កំពុង​​​ជួប​​​ការ​​​លំបាក​​​ស្រាប់​​​ អាច​​​បង្ក​​​ឲ្យ​​​មាន​​​អសន្តិសុខ​​​សង្គម​​​។ កម្ពុជា និ​​​ង​​​អូស្ត្រាលី​​​គ្រោង​​​នឹង​​​ចុះ​​​កិច្ច​​​ព្រម​​​ព្រៀង​​​នេះ​​​នៅ​​​ក្រសួង​​​មហាផ្ទៃ​​​នៅ​​​វេលា​​​ម៉ោង​​​៣​​​រសៀល​​​៕ស៊ុយ​​​ឈាង​​​​​​​​​​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស