35 C
Phnom Penh

អ្នក​ត​វ៉ា​ជាតិ​និយម​មិន​បាន​ធ្វើតាម​ការ​គំរាម​ដុតស្ថាន​ទូត​វៀតណាម

ដោយ ឌឹ ខេមបូឌា ដេលី

បទវិភាគ

ក្រុម​អ្នក​តវ៉ា​ជាតិ​​និយម​បាន​ដុត​​ទង់​ជា​តិ​វៀត​ណាម មួក និង​រូបិយ​ប័ណ្ណ​នៅមុខ​ស្ថាន​ទូត​​របស់​ប្រទេស​នេះនៅក្នុង​រាជធានី​ភ្នំពេញ​កាលពី​ម្សិលមិញ ប៉ុន្តែ​មិនបាន​ធ្វើតាមការ​​គំរាម​ដុត​ស្ថាន​ទូត​​នេះឡើយ ដោយ​លើកឡើង​ពី “ការ​ខ្វះកម្លាំង”។khmer-krom

ដោយ​ត្រូវបាន​ដឹកនាំដោយ​ព្រះសង្ឃជា​សកម្មជន ក្រុម​អ្នក​តវ៉ា​បាន​លើក​ឡើង​កាល​ពីថ្ងៃ​អាទិត្យថា ពួកគេ​នឹង​សម្រុកចូល និង​ដុត​ស្ថាន​ទូត​នេះ ប្រសិន​បើ​ពួកគេ​មិន​ទទួលបាន​ការ​សុំទោស​ចំពោះ​ការ​អត្ថាធិប្បាយ​ពី​សំណាក់​អ្នក​នាំពាក្យ​ម្នាក់​កាលពី​ខែមិថុនាទាក់​ទង​ប្រវ​ត​្តិ
សាស្ត្រ​កម្ពុជា​ក្រោម ដែល​ឥឡូវនេះ​ជា​ផ្នែក​នៃ​ប្រទេស​វៀត​ណាម​ខាងត្បូង​។

ប៉ុន្តែកាល​ពី​ម្សិលមិញ ដោយ​ការ​តវ៉ា​បាន​បំបែក​ជា​ពីរ ដែលពាក់កណ្តាលនៅ​ស្ថាន​ទូត​​វៀត​ណាម និង​ពាក់កណ្តាលទៀត​នៅ​ទីលាន​ប្រជាធិបតេយ្យ រួមមាន​លោក ថាច់ សេដ្ឋា ប្រធាន​សហគមន៍​ខ្មែរ​កម្ពុជា​ក្រោមផង ការ​ដុត​ស្ថានទូត​​នេះ​ត្រូវ​បាន​លុបចោល។

ព្រះតេជគុណ សឹង​ ហៃ ជា​ព្រះសង្ឃដែលមាន​សង្ឃដីកាឥតសំចៃលើកឡើងថា “យើង​បាន​ត្រៀម​សាំងដើម្បី​ដុត​ស្ថាន​ទូត​នេះ ប៉ុន្តែ​ យើង​ត្រូវតែ​បត់​បែនតាមកាលៈទេសៈ ពីព្រោះ​កម្លាំង​​របស់​យើង​ត​ិច​ជា​ង​កម្លាំង​ប្រដាប់​អាវុធ”។

ព្រះ​តេជគុណ សឹង ហៃ ដែល​កាលពី​ពេល​ថ្មីៗនេះត្រូវ​បាន​គំរាម​​បណ្តេញចេញពី​វត្ត​ស្ទឹង​មាន​ជ័យ​ចំពោះ​សកម្ម​ភាព​ប្រឆាំង​រដ្ឋាភិបាល​នោះ បាន​បន្ទោស​លោក ថាច់ សេដ្ឋា ដែលបាន​ជំទាស់​ចំពោះ​ការ​ដុត​​ទង់​ជាតិ​វៀត​ណាមនៅ​ការ​តវ៉ា​ទាំង​នេះ និង​ការ​តវ៉ាស្រដៀង​គ្នា​ជា​ច្រើន​ទៀតកាលពី​ខែសីហា។

ព្រះតេជគុណ សឹង ហៃ បាន​មាន​សង្ឃដីកា​ថា “លោក ថាច់ សេដ្ឋា​ បាន​រារាំង​យើង​មិន​ឲ្យ​ដុត​​ទង់​ជាតិ​ [កាលពីថ្ងៃអាទិត​្យ] ហើយ​លោក​មិន​បាន​ចូលរួម​ជាមួយ​យើង​ទេ​នៅ​ថ្ងៃនេះ លោក​ជា​មនុស្ស​គ្មាន​បាន​ការ​”។

លោក ថាច់ សេដ្ឋា ក៏ជា​សមាជិក​មួយ​រូប​របស់​គណបក្ស​សង្គ្រោះជាតិ​ និង​ជា​មនុស្ស​ដ៏សំខាន់​នៃការ​រៀប​ចំ​ការ​ត​វ៉ា​ប្រឆាំង​វៀត​ណាម​ផងដែរ។

នៅ​ទីលាន​ប្រជា​ធិបតេយ្យ កន្លែង​ដែល​អ្នក​តវ៉ា​បាន​ជួប​ជុំគ្នា​ដោយ​សន្តិវិធី​ដោយ​មាន​ការ​លើក​បដា និង​ច្រៀង​ចម្រៀង​នោះ លោក ថាច់ សេដ្ឋា បាន​បដិសេធ​មិន​និយាយ​អំពី​សកម្មភាព​របស់​ព្រះ​សង្ឃ​ជា​សកម្មជនឡើយ ក្រៅតែពី​និយាយថា ក្រុម​ចលនា​ប្រឆាំង​វៀត​​ណាម​របស់​លោក​ចង់​រក្សា​ភាព​ស្ងៀម​ស្ងាត​់​នៅក្នុង​ការ​តវ៉ា​របស់ខ្លួន។

លោក​បាន​មាន​ប្រសាសន៍ថា “យើង​មិន​អាច​បង្ក​ហិង្សា​បាន​ទេ។ ហើយ​យើង​មិន​អាច​បណ្តោយ​ឲ្យ​កំហឹង​របស់​យើង​គ្រប់គ្រង​សកម្មភាព​របស់​យើង​ឡើយ។ យើងមានការ​ឈឺចាប់ ប៉ុន្តែ​យើង​ត្រូវអត​់ធ្មត​់​ដើម្បី​ឈ្នះ”។

លោក​ សេដ្ឋា នឹង​​ចូលរួម​ការ​តវ៉ា​ម្តងទៀត​នៅ​ថ្ងៃនេះ ដែលនឹង​ចាប់​ផ្តើម​នៅ​ទីលាន​ប្រជា​ធិបតេយ្យ​ កាត​់តាម​រដ្ឋសភា និង​បញ្ចប់​នៅ​ស្ថាន​ទូត​នេះ។

យោងតាម​ព្រះតេជគុណ សឹង​ ហៃ​ បាន​ឲ្យ​ដឹងថា ព្រះ​សង្ឃ​ជាច្រើន​អង្គ​នឹង​និមន្ត​ទៅ​ខេត​្ត​បន្ទាយ​មាន​ជ័យ​ ដែល​ព្រះ​អង្គ​កំពុង​ធ្វើ​យុទ្ធនាការ​គាំទ្រ​អតីត​ទាហា​ន​ខ្មែរ​ក្រហម​មួយ​ក្រុម​​ដែលត​ស៊ូទាមទារ​ដី​របស់​ពួកគាត់៕សារុន​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស