35 C
Phnom Penh

ត​ុលាការ​បដិសេធ​មិន​ឲ្យ​អ្នក​សមគំនិត​​ក្នុងការ​បង​្ក​អំពើភេរវកម្ម​នៅ​ក្រៅ​ឃុំ

ដោយ ឌឹ ខេមបូឌា ដេលី

បទវិភាគ

កាលពី​ម្សិលមិញ សាលា​ដំបូង​រាជធានី​ភ្នំពេញ​បាន​បដិសេធ​មិន​​ឲ្យ​បុរស​បី​នាក់​ ដែល​ត្រូវបាន​ចោទ​ប្រកាន់​ថា បាន​រំលោភ​ច្បាប់​បោះ​ឆ្នោត​ និង​ចូល​រួូម​ក្នុង​ក្រុម​ប្រឆាំង​រដ្ឋា​ភិបាលនៅក្រៅឃុំ​ ដែល​បាន​ចូល​រួម​ចែក​អាវ​យឺត​កាលពី​ខែ​កក្កដា ឆ្នាំ​២០១៣ ដោយ​មាន​ពាក្យ​ស្លោក​ជំរុញ​​ប្រជា​ពលរដ្ឋ​កុំឲ្យទៅ​បោះ​ឆ្នោត​នៅ​ក្នុងការ​បោះ​ឆ្នោត​ជាតិ​​ក្នុង​ខែ​នោះ​​ឡើយ​។

អាវ​យឺត​ដែលត្រូវបាន​កុម្ម៉ង់​ដោយ​ចលនា​អំណាច​ពលរដ្ឋខ្មែរ ​​មាន​មូលដ្ឋាន​នៅ​សហ​រដ្ឋអាេមរិក​ ដែល​រដ្ឋាភិបាល​​កម្ពុជា​ហៅ​ថា ជា​អង្គការ​ភេរវកម្ម​។

លោក សុក សំអឿន មេធាវី​ការ​ពារ​ជនទាំង​បីនា​ក់​នេះ​បាន​លើក​ឡើង​ថា កូនក្ដី​របស់​លោក​ត្រូវ​បាន​ឃុំ​ខ្លួន​បណ្ដោះ​អាសន្ន​រង់ចាំ​ការ​កាត់​ក្ដី​រយៈ​ពេលអត​ិបរមាតាមការ​កំណត់​ដោយ​ច្បាប់​។

ប៉ុន្តែ​លោក​ មាស ច័ន្ទពិសិដ្ឋ ព្រះរាជអាជ្ញារង​បាន​មាន​ប្រសាសន៍​ថា ភាព​ស្មុគ​ស្មាញ​នៃ​រឿង​ក្ដី​នេះ​ទាម​ទារ​ឲ្យ​ឃុំខ្លួន​ពួកគេ​បន្ត​ទៀត។

ចៅក្រម​ តុប ឈុនហេង បាន​យល់​ព្រម​តាម​សំណើ​នោះ​ដោយលើកឡើងថា ” វា​ជា​ករណី​ព្រហ្មទណ្ឌ​ស្មុគ​ស្មាញ ហើយ​ជា​បទ​ឧក្រិដ្ឋ​ដែល​មាន​ជន​សង្ស័យ​ច្រើន និង​ការ​ចោទ​ប្រកាន់​ច្រើន។ ដូច្នេះ​ខ្្ញុំ​សុំ​ឲ្យ​តុលាការឃុំខ្លួន​ពួកគេ​បន្ត​ទៀត​”។

បុរស​ទាំង​បី​នាក់​នេះ​បដិសេធ​ថា ពួកគេ​មិន​ជាប់​ពាក់​ព័ន្ធ​ក្នុង​ចលនា​អំណាច​ពលរដ្ឋខ្មែរ​ឡើយ​ ហើយ​ថា ពួកគេ​មិន​ដឹង​ថា តើអ្វីដែលពួកគេត្រូវបានលោក សួន សេរីរដ្ឋា ប្រធាន​ចលនា​នៅ​ក្រៅ​ប្រទេស​នេះ​ស្នើ​​ឲ្យ​ចែក​ឡើយ​។

លោក សេរីរដ្ឋា ក៏ត្រូវ​បាន​​ចោទ​ប្រកាន់​នៅ​ក្នុង​ករណី​នេះ​កំបាំង​មុខផងដែរ ហើយ​បាន​បដិសេធ​ថា លោក​មិន​បាន​រំលោភ​ច្បាប់​ឡើយ​៕ សារុន​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស