27 C
Phnom Penh

គណបក្ស​ប្រឆាំង និង​អង្គការ​សង្គម​ស៊ីវិល​រិះគ​ន់​លើប្រាក់ឧបត្ថម្ភរបស់​មន្ត្រី​រដ្ឋាភិបាល

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិល​​​មិញ ​មន្ត្រី​​​រដ្ឋាភិបាល​​​នៅ​​​តែ​​​មិន​និយាយពីអនុក្រឹត្យ​​​ថ្មី​​​ដែលបង្កើតឡើងដើម្បី​​​ធ្វើ​​​ឲ្យ​​​​​​ការ​​​ចំណាយ​​​ប្រចាំខែ​​​លើមន្ត្រី​​​រដ្ឋាភិបាល​​​ជាន់​​​ខ្ពស់​​​​​ជាទម្រង់ផ្លូវការ​មួយ​​​ ខណៈ​​​ដែល​​​គណបក្ស​​​ប្រឆាំង​​និង​​​អង្គការ​​​សង្គម​​​សីុវិល​​​បាន​​​លើក​​​ឡើង​​​ថា ការ​​ធ្វើបែបនេះ​​​គ្រាន់​​​តែ​​​ជា​ការ​បិទបាំង​​​ចំនួន​​​ទឹក​​​ប្រាក់​​​ពិត​​​ប្រាកដ​​​របស់​​​​មន្ត្រី​​​​​​គណបក្ស​​​ប្រជា​​​ជន​​​កម្ពុជា​​​​​​តែ​​​ប៉ុណ្ណោះ។

អនុក្រឹត្យ​​​ ដែល​​​ចុះ​​​ថ្ងៃ​​​ទី​​​១៣ ខែ​​​តុលា ហើយ​​​ចុះ​​​ហត្ថលេខា​​​ដោយ​​​លោក​​​នាយក​​​រដ្ឋ​​​មន្ត្រី  ហ៊ុន សែន​​​ មាន​​​ខ្លឹម​​​សារ​​​ថា លោក ហ៊ុន សែន រដ្ឋមន្ត្រី​​​ រដ្ឋលេខាធិការ និង​​​អនុរដ្ឋលេខាធិការ​​​ ក្នុង​ជួររដ្ឋាភិបាល​នឹង​​​ទទួល​​​បាន​​​ប្រាក់​​​ឧបត្ថម្ភ​​​ប្រចាំខែ​​​ចាប់​​​ពី​​​​​​៣៥០​​​ដុល្លារ ដល់​​​៩១៨​​​ដុល្លារ​​​អាស្រ័យ​​​លើ​​​តួ​​​នាទី​​​របស់​​​ខ្លួន​​​ បន្ថែម​​​ពី​​​លើ​​​ប្រាក់​​​ខែ​​ដែល​​​មាន​​​ស្រាប់​​​។

លោក យុគ ប៊ុណ្ណា រដ្ឋលេខាធិការ​​​ក្រសួង​​​មុខ​​​ងារ​​​សាធារណៈ​​​ ដែល​​​សម្រប​​​សម្រួល​​​សេវា​​​សាធារណៈ​​​ និង​​​លោក រស់ ភារុណ​​​ អ្នក​​​នាំ​​​ពាក្យ​​​ក្រសួង​​​សេដ្ឋ​​​កិច្ច​​​ និង​​​ហិរញ្ញវត្ថុ បាន​​​បដិសេធ​​​មិន​​​ធ្វើ​​​អត្ថាធិប្បាយ​​​អំពី​​​សារាចរ​​​ណែ​​​នាំ​​​ថ្មី​​​នេះ​​​ទេ​​​កាល​​​ពី​​​ម្សិលមិញ​​​។

លោក យឹម សុវណ្ណ អ្នក​​​នាំ​​​ពាក្យ​​​គណបក្ស​​​សង្គ្រោះ​​​ជាតិ​​​បាន​​​មាន​​​ប្រសាសន៍​​​ថា ជា​​​ជាង​​​ធ្វើ​​​កំណែ​​​ទម្រង់​​​ប្រាក់ខែ​​ផ្លូវ​​​ការ​​​ដល់​​​មន្ត្រី​​​រដ្ឋាភិបាល​​​ គួរ​​​មាន​​​ការ​​​ពិនិត្យ​​​ឲ្យ​​​បាន​​​ល្អិត​​​ល្អន់​​​លើទ្រព្យ​​​សម្បត្តិ​​​ពិត​​​ប្រាកដ​​​របស់​​​ពួក​​​គេ​​​។

លោក​​​បាន​​​មាន​​​ប្រសាសន៍​​​ថា “មនុស្ស​​​គ្រប់​​​គ្នា​​​ដឹង​​​ថា មន្ត្រី​​​ជាន់​​​ខ្ពស់របស់​​​គណបក្ស​​​ប្រជា​​​ជន​​​កម្ពុជា​​​មិន​​​ត្រូវ​​​​​​ការ​ចំនួន​​​ទឹក​​​ប្រាក់​​​ដូច​​​នោះ​​​ទេ​​​ ពីព្រោះ​​​ពួក​​​គេ​​​មាន​​​រថយន្ត​​​​​​២០​​​ ទៅ​​​៣០​​​គ្រឿង​​​ និង​​​វីឡា​​​​​​៤ទៅ​​​១០​​​ឯណោះ ក្នុង​​​ម្នាក់​​​ៗ។ តួលេខទាំង​​​នេះ​​​គឺ​​​ជាតួលេខ​​​ដែល​​​គណៈ​កម្មការ​​​ប្រឆាំង​​​អំពើ​​​ពុក​​​រលួយ​​​ត្រូវ​​​ពិនិត្យ​​​មើល​​​”។

បច្ចុប្បន្ន​​​នេះ​​​ មន្ត្រី​​​រាជ​​​ការ​​​តម្រូវ​​​ឲ្យ​​​ប្រកាស​​​ទ្រព្យ​​​សម្បត្តិ​​​របស់​​​ខ្លួន​​​ដល់​​​អង្គភាព​​​ប្រឆាំ​​​ង​​​អំពើ​​​ពុក​​​រលួយ​​​ដាក់​​​ក្នុង​​​ស្រោម​​​សំបុត្រ​​​បិទ​​​ជិត​​​ដែល​​​ត្រូវបើក​​​ប្រសិន​​​បើ​​​អង្គភាព​​​ប្រឆាំង​​​អំពើ​​​ពុក​​​រលួយ​​​សម្រេច​​​បន្ត​​​សើុប​​​អង្កេត​​​អំពើ​​​ពុក​​​រលួយ​​​ទៅ​​​លើ​​​បុគ្គល​​​នោះ​​​តែ​​​ប៉ុណ្ណោះ។

នៅ​​​ពេល​​​ចេញ​​​របាយការណ៍​​​ស្តី​​​ពី​​​អំពើ​​​ពុក​​​រលួយ​​​នៅ​​​ក្នុង​​​ប្រទេស​​​កាល​​​ពី​​​សប្តាហ៍​​​មុន លោក ព្រាប​​​ កុល​​​ នាយក​​​អង្គការ​​​តម្លាភាពអន្ត​រជាតិ​​​កម្ពុជា​​​បាន​​​មាន​​​ប្រសាសន៍​​​ថា “ការ​​​ប្រកាស​​​ទ្រព្យ​​​សម្បត្តិ​​​គួរ​​​ត្រូវ​​​ធ្វើ​​​ជា​​​សាធារណៈ​​​ ហើយ​​​មាន​​​ការ​​​វាយ​​​តម្លៃ​​​ពី​​​សមាជិក​​​សភា​​​”។

លោក កៅ ពឿន ប្រធាន​​​សមាគម​​​មន្ត្រី​​​រាជ​​​ការ​​​ឯករាជ្យកម្ពុជា​​​បាន​​​មាន​​​ប្រសាសន៍​​​ថា ថ្នាក់​​​ដឹក​​​នាំ​​​គណបក្ស​​​ប្រជា​​​ជន​​​កម្ពុជា​​​បាន​​​ព្យាយាម​​​បង្ហាញ​​​ប្រាប់​​​មន្ត្រី​​​រាជ​​​ការ​​​ថ្នា​​​​​​​​​​​​ក់​​​ក្រោម​​​ ដែល​​​ពួក​​​គេ​​​មួួ​​​យ​​​ចំនួន​​​ទាមទារ​​​ដំឡើង​​​ប្រាក់ខែ​​​ថា គ្មាន​​​នរណា​​​ម្នាក់​​​ក្នុង​​​ជួរ​​​រដ្ឋាភិបាល​​​មាន​​​បាន​​​ដោយ​​​សារ​​​ប្រាក់​​​ខែ​​​ ឬ​​​ប្រាក់​​​ឧបត្ថម្ភ​​​របស់​​​ខ្លួន​​​នោះ​​​ទេ។ លោក​បានមាន​ប្រសាសន៍ពីប្រាក់ខែនោះថា “ចំនួននេះ​គឺ​វាតិច​ណាស់សម្រាប់ពួកគេ។ វាជា​ទម្រង់​នៃការ​ធ្វើ​ប្រជាភិថុតិ​តែប៉ុណ្ណោះ ពីព្រោះ​ពួកគេ​ចង់​បង្ហាញ​ថា ពួកគេ​មាន​ប្រាក់ខែ​តិច​តួច​ ដូ​ច្នេះ មន្ត្រី​ថ្នាក់ក្រោម​មិន​គួរ​ទទួលបាន​ច្រើន​ទេ”៕សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស