26 C
Phnom Penh

អ្នក​ចម្រៀង​តាម​បៀហ្គាដិន​ក្លាយ​ជា​​​ម្ចាស់​ជ័យ​លាភី​ដំបូង​នៃ​​កម្មវិធី The Voiceof Cambodia

ដោយ ឌឹ ខេមបូឌា ដេលី

បទវិភាគ

ប៊ុត សីហា បាន​ចាប់​ផ្ដើម​ការ​ច្រៀង​របស់​ខ្លួន​​​​នៅ​តាម​បៀរហ្គាដិន​ក្នុង​ខេត្ត​​កំពង់ស្ពឺ។ កាលពី​យប់​ថ្ងៃ​អាទិត្យ ប៊ុត សីហា បាន​ច្រៀង​បទ​ “ស្រឡាញ់បងគ្មាន​អនាគត​ទេ” ​ដែល​​ជា​បទ​របស់​តារា​ចម្រៀង​ ខេមរៈ សិរិមន្ត នៅ​ចំពោះ​មុខ​អ្នក​ទស្សនា​ប្រមាណ​៦០០​នាក់​នៅ​លើ​​ផ្សារ​ទំនើប Aeon។ ប៊ុត​ សីហា ​ច្រៀង​បាន​យ៉ាង​ល្អ ដែល​ធ្វើ​ឲ្យ​គាត់​ក្លាយ​ជា​​ម្ចាស់​ជ័យ​លាភី​ The Voice of Cambodia។

ហើយ​​ខណៈ​​លទ្ធផល​ពិត​ប្រាកដ​នៃ​វគ្គ​ផ្ដាច់​ព្រ័ត្រ​​ ដែល​នៅ​សល់​តែ​​បេក្ខជន​ចុង​ក្រោយ​ចំនួន​បួន​នាក់​ក្នុង​ចំណោម​បេក្ខជន​ជាង​៥.០០០​នាក់​ដែល​បាន​​ដាក់ពាក្យ​ប្រឡង​ចម្រៀង​នៅ​ក្នុង​កម្មវិធី​ The Voice of Cambodia នេះ​នៅ​តែ​មាន​ភាព​អាថ៌កំបាំង​​នោះ ​ប៊ុត សីហា អាយុ​២១​ឆ្នាំ ​​ទំនង​ជា​​ត្រូវ​បាន​រដ្ឋាភិបាល​​ទទួល​ស្គាល់​កាលពី​​ព្រឹក​ម្សិលមិញ​ដោយ​សារ​ជ័យ​ជម្នះ​របស់​គាត់​។

នៅ​លើ​ទំព័រ​ហ្វេសប៊ុក​របស់​ខ្លួន លោក ខៀវ កាញា៉ឫទ្ធិ រដ្ឋមន្ត្រី​ក្រសួង​ព័ត៌មាន​ដែល​បាន​​ទៅ​​ទស្សនា​ដោយ​ផ្ទាល់​​នៅ​ក្នុង​កម្មវិធី​ The Voice of Cambodia កាលពី​យប់​ថ្ងៃ​អាទិត្យ​ បាន​បញ្ជាក់​ថា កម្មវិធី​ The Voice of Cambodia នេះ​មាន​ការ​ទទួល​ស្គាល់​ដោយ​មន្ត្រី​​រដ្ឋាភិបាល​ថ្នាក់​​​ខ្ពស់​។

លោក ខៀវ កាញ៉ាឫទ្ធិ បាន​សរសេរ​ថា ​”នៅ​ពេល​ព្រឹក លោក​នាយក​រដ្ឋមន្ត្រី [ហ៊ុន សែន] និង​​លោក​ជំទាវ​ [ប៊ុន រ៉ានី] បាន​មាន​ប្រសាសន៍​ថា ពួកគាត់​បាន​ឃើញ​ខ្ញុំ​​ចូល​ទស្សនា​ការ​ប្រឡង​ចម្រៀង​ The Voice of Cambodia នៅ​ពេល​​ពួកគាត់​ហៅ​ទូរស័ព្ទ​មក​ខ្ញុំ ហើយ​ពួកគាត់​បាន​សួរ​ខ្ញុំ​ថា តើ​​នរណា​ដែល​ខ្ញុំ​បោះ​ឆ្នោត​ឲ្យ​”។ លោក​បាន​សរសេរ​បន្ត​ថា “ខ្ញុំ​អាច​និយាយ​បាន​ថា ពួកគាត់​​​បាន​ទស្សនា​កម្មវិធី​នេះ​ ហើយ​ពួកគាត់​បាន​លើក​សរសើរ​ថា ការ​បោះ​ឆ្នោត​គឺ​ត្រឹម​ត្រូវ”។

ទោះ​បី​ជា​ត្រឹម​ត្រូវ​ឬមិន​ត្រូវ​ក៏ដោយ ក៏ ប៊ុត​ សីហា ​នៅ​តែ​ក្លាយ​ជា​អ្នក​ទទួល​បាន​​ជ័យ​លាភី​ដំបូង​គេ​​នៃ​កម្មវីធី​ The Voice of Cambodia ដែល​ជា​កម្មវិធី​​ទទួល​បាន​សិទ្ធិ​​ពី​កម្មវិធី​ The Voice ពិភព​លោក​ និង​ដែល​មាន​ការ​​ពេញ​និយម​យា៉ង​ខ្លាំង​ពី​សំណាក់​ទស្សនិកជន​នៅ​ក្នុង​ប្រទេស​កម្ពុជា​។

នៅ​ពេល​​​បិទ​កម្មវិធី​នេះ​កាលពី​យប់​ថ្ងៃ​អាទិត្យ លោក ខៀវ កាញា៉ឫទ្ធិ បាន​ធ្វើ​ជា​តំណាង​​ប្រគល់​​ពាន​រង្វាន់​​​ The Voice of Cambodia នេះ​​ដល់ ប៊ុត សីហា ដែល​ឈ្នះ​បាន​ទឹក​ប្រាក់​ ១០០លាន​រៀល [ប្រហែល​២៥.០០០​ដុល្លារ​] ម៉ូតូ​ហុង​ដា​ឌ្រីម​ស៊េរី​ថ្មី​មួយ​គ្រឿង ទូទឹកកក​មួយ​គ្រឿង ​ស្រាបៀរ​កម្ពុជា​២៥​កេះ។

នៅ​ក្នុង​កិច្ច​សម្ភាស​មួយ​កាលពី​ម្សិលមិញ ប៊ុត សីហា បាន​ថ្លែង​​អំណរ​គុណ​ដល់​អ្នក​គាំទ្រ​ដែល​បាន​បោះ​ឆ្នោត​​គាំទ្រ​​ខ្លួន ហើយ​បាន​និយាយ​ថា “ខ្ញុំ​នឹង​ប្រើ​សំឡេង​របស់​ខ្ញុំ​ដើម្បី​សង​គុណ​ពួកគាត់​វិញ​”៕ ស៊ុយឈាង​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស