35 C
Phnom Penh

ADB នឹង​​​ផ្តល់​​​ប្រាក់​​​កម្ចី​​​១៨​​​លាន​​​ដុល្លារ​​​សម្រាប់​​​ការ​​​​​​សាង​​​សង់​​​កំពង់​​​ផែ​​​នៅ​​​ខេត្ត​​​កំពត​​​

ដោយ ឌឹ ខេមបូឌា ដេលី

បទវិភាគ

យោង​​​តាម​​​សេចក្តី​​​ថ្លែង​​​ការណ៍​​​មួយ​​​ចេញ​​​កាល​​​ពី​​​ម្សិល​​​មិញបាន​​​ឲ្យ​​​ដឹង​​​ថា ធនាគារ​​​អភិវឌ្ឍន៍​​​អាស៊ី (ADB) បាន​​​យល់​​​ព្រម​​​ផ្តល់​​​ប្រាក់​​​កម្ចី​​​​​​ចំនួន​​​១៨​​​លាន​​​ដុល្លារ​​​ ដើម្បី​​​សាង​​​សង់​​​កំពង់​​​ផែ​​​មួយ​​​នៅ​​​ក្នុង​​​ខេត្ត​​​កំពត​​​ក្នុង​​​គោល​​​បំណង​​​​​ប្រែ​​​ក្លាយ​​​តំបន់​​​ភាគ​​​ខាង​​​ត្បូង​​​នេះ​​​ឲ្យ​​​អាច​​​​​​ទាក់​​​ទាញ​​​ភ្ញៀវ​​​ទេស​​​ចរ​​​ឲ្យ​​​បាន​​​កាន់តែ​​​ច្រើន​​​។

លោក Eric Sidgwick នាយក​​​​​​ប្រចាំ​​​ប្រទេស​​​​​​របស់​​​ ADB បាន​​​​​​លើក​​​ឡើង​​​នៅ​​​ក្នុង​​​េសចក្តី​​​ថ្លែង​​​ការណ៍​​​មួយ​​​ថា កំពង់​​​ផែ​​​នេះ​​​​នឹង​​​​​​បង្កើត​​​ជា​​​ស្ពាន​​​មួយ​​​រវាង​​​កម្ពុជា​​​ និង​​​ប្រទេស​​​ជិត​​​ខាង​​​។

លោក​​​បាន​​​មាន​​​ប្រសាសន៍​​​ថា “ការ​​​អភិវឌ្ឍ​​​កំពង់​​​ផែ​​​នេះ​​​នឹង​​​​​​ជួយ​​​ធ្វើ​​​ឲ្យ​​​វិស័យ​​​ទេសចរណ៍​​​នៅ​​​​​​តំបន់​​​ភាគ​​​ខាង​​​ត្បូង​​​មាន​​​ភាព​​​ប្រសើរ​​​ឡើង​​​ ហើយ​​​ជួយ​​​បង្កើត​​​ច្រក​​​ថ្មី​​​មួយ​​​រវាង​​​តំបន់​​​ភាគ​​​ខាង​​​ត្បូង​​​នៃ​​​​​​ប្រទេស​​​កម្ពុជា​​​​​ និង​​​ប្រទេស​​​វៀត​​​ណាម​​​ ព្រម​​​ទាំង​​​តំបន់​​​គោល​​​ដៅ​​​ផ្សេង​​​ៗ​​​ទៀត​​​នៅ​​​ឈូង​​​សមុទ្រ​​​ថៃ​​​ផង​​​ដែរ​​​​​​”។

កម្ចី​​​នេះ​​​ក៏​​​នឹង​​​ជួយ​​​ឲ្យ​​​មាន​​​ការ​​​ស្ថាបនា​​​ផ្លូវ​​​ឲ្យ​​​កាន់​​​តែ​​​ប្រសើរ​​​​​​ និង​​​ជួយ​​​ក្នុង​​​ការ​​​គ្រប់​​​គ្រង​​​ទឹក​​​ស្អុយ​​​នៅ​​​តំបន់​​​ទេសចរណ៍​​​ក្នុង​​​ខេត្ត​​​កំពត​​​ និង​​​រមណីយដ្ឋាន​​​មាត់​​​សមុទ្រ​​​ក្នុង​​​ខេត្ត​​​កែប ព្រម​​​ទាំង​​​នៅ​​​កោះ​​​រុង ជា​​​កោះ​​​កំពុង​​​ត្រូវ​​​បាន​​​អភិវឌ្ឍ​​​នៅ​​​ក្នុង​​​ខេត្ត​​​​​​ព្រះ​​​សីហនុ​​​ផង​​​ដែរ​​​។

គម្រោង​​​​​​ដែល​​​គ្រោង​​​នឹង​​​បញ្ចប់​​​នៅ​​​ត្រឹម​​​ឆ្នាំ​​​២០១៩​​​​​​នេះ​​​មាន​​​គោល​​​ដៅ​​​ពង្រឹង​​​វិស័យ​​​ទេសចរណ៍​​​​​​ក្រៅ​​​ពី​​​ខេត្ត​​​សៀមរាប។

សេចក្តី​​​ថ្លែង​​​ការណ៍​​​នេះ​​​មាន​​​ខ្លឹម​​​សារ​​​ដូច្នេះ​​​ថា “ហេដ្ឋារចនាសម្ពន្ធ​​​ដឹកជញ្ជូន​​​មិន​​​ទាន់​​​ល្អ​​​គ្រប់​​​គ្រាន់​​​​​​នៅ​​​ក្នុង​​​តំបន់​​​គោល​​​ដៅ​​​បន្ទាប់​​​បន្សំ​​​ តំណ​​​ភ្ជាប់​​​ទី​​​ផ្សារ​​​ខ្សោយ​​​​​​រវាង​​​វិស័យ​​​​​​ទេសចរណ៍​​​និង​​​វិស័យ​​​ផ្សេង​​​ៗ​​​ទៀត​​​ និង​​​សមត្ថភាព​​​មាន​​​កំណត់​​​នៅ​​​ក្នុង​​​ការ​​​លើក​​​កម្ពស់​​​វិស័យ​​​ទេសចរណ៍​​​ គឺ​​​ជា​​​កត្តា​​​រារាំង​​​សមត្ថភាព​​​​​របស់​​​ប្រទេស​​​កម្ពុជា​​​​​​ក្នុង​​​ការ​​​ទាញ​​​យក​​​​​​សក្ដានុពល​​​ឲ្យ​​​បាន​​​ពេញ​​​លេញ​​​ពី​​​វិស័យ​​​នេះ”៕ស៊ុយឈាង​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស