32 C
Phnom Penh

អង្គភាព​​​ប្រឆាំង​​​អំពើ​​​ពុករលួយ​​​​​​ព្រមាន​​​មន្ត្រី​​​ប្រមូល​​​ពន្ធដារ​​​​​​ក្នុង​​​ខេត្ត​​​បន្ទាយ​​​មានជ័យ

ដោយ ឌឹ ខេមបូឌា ដេលី

បទវិភាគ

អង្គភាព​ប្រឆាំង​អំពើ​ពុក​រលួយ​បាន​ព្រមាន​មន្ត្រី​ពន្ធដារ​បួន​រូប ​ក្នុង​ខេត្ត​បន្ទាយ​មាន​ជ័យ ឲ្យ​បំពេញ​ការ​ងារ​របស់​ខ្លួន​ឲ្យ​បាន​​​ប្រសើរ​ជាង​មុន បើ​មិន​ដូច្នោះ​ទេ ប្រឈម​នឹង​វិធាន​ការ​ផ្លូវច្បាប់​។

អង្គភាព​ប្រឆាំង​អំពើ​ពុករលួយ​បាន​បង្ហោះ​លិខិត​ចុះ​ថ្ងៃ​​​ទី​២៨ ខែ​វិច្ឆិកា​​​តាម​ប្រព័ន្ធ​អុីន​​​ធើ​​​ណិត​​​​មួយ​​​ច្បាប់ៗ​​​ដល់​​​​មន្ត្រី​ម្នាក់ៗ​ គឺ​ប្រធាន​​ការិយាល័យ​ពន្ធដារ​​​ក្រុង​សេរី​​​សោភ័ណ​ និង​មន្ត្រី​ប្រមូល​​​ពន្ធ​បី​នាក់​ទៀត​។

លិខិត​នោះ​ចោទ​ប្រកាន់​​​ពួកគេ​ថា មិន​បាន​បំពេញ​លិខិត​ស្នាម​ចាំបាច់​ និង​មិន​បាន​ប្រមូល​ប្រាក់​គ្រប់​គ្រាន់​ពី​អាជីវកម្ម​​ក្នុង​មូល​​​ដ្ឋាន ហើយ​បាន​បង្គាប់​ឲ្យ​ពួកគេ​រាយ​​​ការណ៍​​​ពី​ការ​ងារ​របស់​ខ្លួន​រៀង​រាល់​បី​ខែ​​​ម្តង​សម្រាប់​ឆ្នាំ​ក្រោយ​។

លិខិត​នេះ​មាន​ខ្លឹម​សារ​ថា ” ប្រសិន​បើ​បុគ្គល​នោះ​បន្ត​ប្រព្រឹត្ត​កំហុស ដោយ​មិន​បាន​បំពេញ​​​ការ​ងារ​របស់​ខ្លួន អង្គភាព​ប្រឆាំង​អំពើ​ពុករលួយ​​នឹង​ចាត់​វិធានការ​តាម​នីតិ​វិធី​ច្បាប់”។

លោក ឆាយ សាវុធ អនុប្រធាន​អង្គភាព​ប្រឆាំង​អំពើ​ពុករលួយ​បាន​បដិសេធ​មិន​និយាយ​ថា តើ​មន្ត្រី​ពន្ធ​ដារ​ទាំង​នោះ​គ្រាន់​តែ​បំពេញ​ការ​ងារ​របស់​ខ្លួន​មិន​បាន​ល្អ ឬ​សង្ស័យ​ថា បាន​រំលោភ​តួនាទី​របស់​ខ្លួន​ឬ​​​យ៉ាង​ណា​នោះ​​​ឡើយ​។

លោក​បាន​មាន​ប្រសាសន៍​ថា ” ពួកគេ​នឹង​ត្រូវ​ដាក់​ទណ្ឌកម្ម​​​ផ្អែក​តាម​កំហុស​ពិត​ប្រាកដ​របស់​ខ្លួន ប៉ុន្តែ​យើង​មិន​អាច​និយាយ​បាន​ទេ​ក្នុង​ពេល​ឥឡូវ​នេះ ពីព្រោះ​យើង​មិន​ទាន់បាន​ធ្វើ​ការ​ស៊ើប​​​អង្កេត​នៅកន្លែង​ធ្វើ​ការ​របស់​ពួកគេ​នៅ​ឡើយ​​​ទេ​”។

គ្មាន​មន្ត្រី​ណា​​​ម្នាក់​ក្នុង​ចំណោម​មន្ត្រី​​ទាំង​បួន​រូប ឬ​ថ្នាក់​លើ​របស់​ពួកគេ​អាច​ទាក់​ទង​សុំ​អត្ថា​​​ធិប្បាយ​បាន​​ទេ​៕ សារុន​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស