36 C
Phnom Penh

សមាជិក​សភាគណបក្ស​សង្គ្រោះជាតិនឹង​​ទៅពិនិត្យ​មើល​មជ្ឈមណ្ឌល​ឃុំខ្លួន​ដ៏ចម្រូង​​ចម្រាស

ដោយ ឌឹ ខេមបូឌា ដេលី

បទវិភាគ

លោក អេង ឆៃអ៊ាង សមាជិក​​​សភា​​​គណបក្ស​​​សង្គ្រោះ​​​ជាតិ​​​បាន​​​មាន​​​ប្រសាសន៍​​​ថា លោក​​​នឹង​​​ទៅ​​​ពិនិត្យ​​​មើល​​​មជ្ឈមណ្ឌល​​​សង្គម​​​កិច្ច​​​ព្រៃ​​​ស្ពឺ​​​ក្នុង​​​រាជ​​​ធានី​​​ភ្នំពេញ​​​ដើម្បី​​​សើុប​​​អង្កេតការ​​​ព្យាបាល​​​អ្នក​​​ជាប់​​​ឃុំ​​​ដ៏​​​ចម្រូង​​​ចម្រាស​​​ បន្ទាប់​​​ពី​​​ការ​​​ស្លាប់​​​បុរសម្នាក់ដែល​​មាន​​​ការ​​​ចោទ​​​ប្រកាន់​​​កាល​​​ពី​​​ពេល​​​ថ្មីៗ​​​នេះ។

លោក អេង ឆៃអ៊ាង ដែល​​​ជា​​​​​​ប្រធាន​​​គណៈកម្មការ​​​សិទ្ធិមនុស្ស​​​នៃ​​​រដ្ឋ​​​សភា​​​បាន​​​មាន​​​ប្រសា​សន​​៍​​​កាល​​​ពី​​​ម្សិល​​​មិញ​​​ថា វា​​​សំខាន​​​់ណាស់​​​ដែល​​​លោក​​​ទៅ​​​ពិនិត្យ​​​មើល​​​មជ្ឈមណ្ឌល​​​នេះ បន្ទាប់​​​ពីមាន​​​ព័ត៌​​​មាន​​​ថា អ្នក​​​ជាប់​​​ឃុំ​​​មាន​​​ជំងឺ​​​ម្នាក់​​​បាន​​​​​​ស្លាប់​​​នៅទី​​​នោះ​​​កាល​​​ពី​​​ថ្ងៃ​​​ទី​​​២៦ខែ​​​វិច្ឆិកា បន្ទាប់ពី​​​ត្រូវ​​​បាន​​​បដិសេធ​​​មិន​​​ព្រមព្យាបាល​​​រយៈ​​​ពេល​​​ជា​​​ច្រើន​​​សប្តាហ៍​​​។

លោក​​​បាន​​​មាន​​​ប្រសាសន៍​​​ថា “វា​​​ចាំ​​​បាច់​​​ណាស់​​​សម្រាប់​​​ខ្ញុំ​​​ចុះទៅ​​​ពិនិត្យ​​​មើល​​​ស្ថាន​​​ភាព​​​នោះ​​​ ដើម្បី​​​ធានា​​​ថា មិនមាន​​​ការ​​​រំលោភ​​​បំពាន​​​សិទ្ធិ​​​មនុស្ស​​​នៅ​​​ទី​​​នោះ​​​”។

លោក​​​ សន សុផល ប្រធាន​​​មន្ទីរ​​​សង្គម​​​កិច្ច​​​រាជ​​​ធានី​​​ភ្នំពេញ​​​បាន​​​អះ​​​អាង​​​ថា លោក សូ ភា ជា​​​បុរស​​​អនាថា​​​ម្នាក់​​​ដែល​​​ត្រូវ​​​បាន​​​អាជ្ញាធរ​​​ដឹកមក​​​កាល​​​ពី​​​ថ្ងៃ​​​ទី​​​២ ខែ​​​វិច្ឆិកា ត្រូវ​​​បាន​​​បញ្ជូន​​​ទៅ​​​មន្ទីរ​​​ពេទ្យ​​​បង្អែក​​​រាជ​​​ធានីភ្នំពេញ​​​យ៉ាង​​​ហោច​​​ណាស់​​​ក៏​​​ពីរ​​​ដង​​​ដែរ​​​ អំឡុង​​​លោក​​​ស្នាក់​​​នៅ​​​​​​មជ្ឈ​មណ្ឌល​​​នេះ​​​។ ប៉ុន្តែ មន្ទីរ​​​ពេទ្យ​​​មិន​​​មាន​​​របាយការណ៍​​​ថា​​​គាត់ធ្លាប់​​​ទៅ​​​ទី​​​នោះ​​​ទេ​​​។

អង្គការ​​​សិទ្ធិ​​​មនុស្ស​​​ចោទ​​​ប្រកាន់​​​មជ្ឈមណ្ឌល​​​នេះ​​​ថាបាន​​​ឃុំ​​​ខ្លួន​​​ជន​​​អនាថា​​​ និង​​​អ្នក​​​ប្រើ​​​ប្រាស់​​​គ្រឿង​​​ញៀន​​​ខុស​​​ច្បាប់​​​ ហើយ​​​វាយ​​​ធ្វើ​​​បាប​​​ពួក​​​គេ​​​។

​​​​​​លោក Mathieu Pellerin អ្នក​​​ពិគ្រោះ​​​យោបល​​់​​​នៅ​​​អង្គការ​​​លីកាដូ​​​បាន​​​ស្វាគមន៍​​​ការ​​ទៅ​​​ពិនិត្យមើល​​​របស់​​​លោក អេង ឆៃអ៊ាង ប៉ុន្តែ លោក​​​ព្រួយ​​​បារម្ភ​​​ថា ការ​​​ប្រកាស​​​ពី​​​ការ​​​មក​​​ដល់​​​របស់​​​លោក​​​ជា​​​មុន​​​នេះ នឹង​​​​​ផ្តល់​​​ពេល​​​ឲ្យ​​​បុគ្គលិក​​​នៅ​​​ទី​​​នោះ​​​លាក់​​​បាំង​​​ភ័ស្តុ​​​តាង។

​​​លោក​​​បាន​​​មាន​​​ប្រសាសន៍​​​ថា “ខ្ញុំ​​​សង្ឃឹម​​​ថា ការ​​​ចុះ​​​ទៅ​​​ពិនិត្យ​​​មើ​​​ល​​​នេះ  គឺ​​​ជា​​​ការ​​​ចាប់​​​ផ្តើម​​​ចូល​​​រួម​​​ដ៏ធំ​​​ធេង​​​” រួម​​​ទាំង​​​ការ​​​ពិនិត្យ​​​មើលដ៏គួរឲ្យ​ភ្ញាក់ផ្អើល​​​នៅ​​​ពេល​​​អនាគត​​​របស់​​​គណៈ​កម្មការ​​​នេះ និង​​​ការ​​​សម្ភាស​​​អតីត​​​អ្នក​​​ជាប់​​​ឃុំ​​​មួយ​​​ចំនួន​​​ទៀត​​​។ “ចាំ​​​មើល​​​ថា តើ​​​មាន​​​អ្វី​​​កើត​​​ឡើង​​​ទៀត​​​៕ សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស