28 C
Phnom Penh

រដ្ឋមន្ត្រី​ក្រសួង​ព័ត៌មាន​បើក​យុទ្ធនាការ “នាំយក​ភាព​ស្រស់​សង្ហា​របស់អ្នក​ត្រឡប់​មកវិញ”

ដោយ ឌឹ ខេមបូឌា ដេលី

បទវិភាគ

លោក ខៀវ កាញារីទ្ធ រដ្ឋមន្ត្រី​ក្រសួងព័ត៌មាន នៅ​សប្តាហ៍​នេះ​បាន​បើក​យុទ្ធនាការ​ទីផ្សារមួយ​ឈ្មោះ​ថា “នាំយក​ភាព​ស្រស់​សង្ហា​របស់​អ្នក​ត្រឡប់​មកវិញ” ក្នុង​បំណង​​លើក​ស្ទួយ​វប្បធម៌​នៃ​ការ​ផឹក​ស្រា​ដោយ​ទទួល​ខុសត្រូវ​ក្នុង​ចំណោម​យុវជន ដោយ​ភ្ជាប់​ការ​ផឹក​ច្រើន​ហួស​ហេតុ​ទៅ​នឹង​ការ​បាត់បង់​ភាព​ស្រស់​សង្ហា។

ចាប់​ផ្តើម​កាលពី​ថ្ងៃ​ច័ន្ទ និង​ក្រោម​អធិបតី​រដ្ឋមន្ត្រី​ក្រសួង​ព័ត៌មាន​ដែល​បម្រើ​ការ​យូរ​នោះ យុទ្ធនាការ​ដែល​រៀបចំ​ឡើង​ដោយ​ក្រុមហ៊ុន​ស្រាបៀរ​កម្ពុជា Tiger និង​មាន​នៅ​លើ​ទំព័រ​ហ្វេសប៊ុក ដែល​លើក​ទឹកចិត្ត​អ្នកផឹក​ឲ្យ​និយាយ​ថា “មិន​មែន​ខ្ញុំ​ទេ” អំពី​រូប​នៃ​បុរស​ម្នាក់​ដែល​ដេក​សន្លប់​ដោយ​ស្រវឹង នឹង​មាន​កម្មវិធី​សប្បាយ​រីករាយ​បំផុត​ជាមួយ​នឹង​ការ​ប្រគំ​តន្ត្រី​នៅ​ក្រុង​ភ្នំពេញ​នា​ថ្ងៃ​ទី​២៤​ខែ​ធ្នូ​ខាង​មុខ​នេះ។

លោក ពៅ ម៉ាលី អគ្គលេខាធិការ​គណៈ​កម្មាធិការ​ជាតិ​សុវត្ថិភាព​ចរាចរណ៍​ផ្លូវ​គោក ជា​មន្ត្រី​ម្នាក់​ដែល​បាន​ចូលរួម​ក្នុង​ការ​បើក​យុទ្ធនាការ​នេះ​បាន​ពន្យល់​ថា “នេះ​ជា​ការ​ឃោសនា​ស្រាបៀរ។ ប៉ុន្តែ​ការ​បើក​យុទ្ធនាការ​នេះ គឺ​ក្នុង​បំណង​អប់រំ​ប្រជាជន​កុំ​ឲ្យ​ផឹកគ្រឿង​ស្រវឹង​លើស​កម្រិត​ដែល​អ្នក​អាច​គ្រប់គ្រង​ខ្លួន​បាន”។ លោក ម៉ាលី​ បាន​បន្ថែម​ថា “វា​ជាការ​ដាស់​ស្មារតី​ឲ្យ​ប្រជាជន​ផឹក​គ្រឿង​ស្រវឹង​ប្រកប​ដោយ​សេចក្តី​ថ្លៃថ្នូរ និង​កែប្រែ​អាកប្បកិរិយា​របស់​មនុស្ស”។

លោក រ៉ូឡិន បាឡា អ្នក​ចាត់់ការ​ទូទៅ​នៅ​ក្រុមហ៊ុន ខេមបូឌា ប៊្រូវេរី លីមីធីត ដែល​ផលិត​ស្រាបៀរ​ថាយហ្គឺ​នៅ​ប្រទេស​កម្ពុជា បាន​និយាយ​ថា យុទ្ធនាការ​នេះ​ជា​ផ្នែក​មួយ​ការ​ប្រឹងប្រែង​របស់​ក្រុមហ៊ុន​លោក​ប្រើ​វិធី​រក​ទីផ្សារ​ប្រកប​ដោយ​មនសិការ​សង្គម។ លោក បាឡា បាន​និយាយ​ថា “ទាំងអស់​នេះ​សុទ្ធតែ​អំពី​ការ​ពិសា​ប្រកប​ដោយ​ការ​ទទួល​ខុសត្រូវ និង​អំពាវនាវ​ដល់​ប្រជាជន​ឲ្យ​មាន​ការ​ទទួល​ខុសត្រូវ។ ពេល​អ្នកផឹក អ្នកសប្បាយ ប៉ុន្តែ​ត្រូវ​ផឹក​មាន​កម្រិត និង​រក្សា​សុខភាព”។

លោក​បាន​និយាយ​ថា “ជួនកាល​បើ​អ្នក​ទៅ​ត្រង់​តែម្តង វា​លំបាក​ចូល​ដល់​ស្រទាប់​យុវជន ដូច្នេះ នេះ​ជា​ការ​ប្រឹងប្រែង​ស្រប​ជាមួយ​គ្នា ដើម្បី​លើក​ទឹក​ចិត្ត​អ្នកផឹក​ឲ្យ​ទទួល​ខុសត្រូវ។ នេះ​ជា​ឆ្នាំ​ទី​៣​ហើយ​ដែលយើង​បាន​រៀបចំ​យុទ្ធនាការ​នេះ​ដើម្បី​ជំរុញ​ការ​ផឹក​ដោយ​មាន​ការ​ទទួល​ខុសត្រូវ”។

លោក ខៀវ កាញារីទ្ធ ដែល​កំពុង​ធ្វើ​ទស្សនកិច្ច​ទីក្រុង មីឡាន ប្រទេស​អីុតាលី ជាមួយ​ភរិយា​របស់​លោក មិន​បាន​ឆ្លើយតប​នឹង​សំណើ​សុំ​ការ​អធិប្បាយ​ទេ។

ទស្សនៈ​របស់​មនុស្ស​ម្នាក់​ដែល​ព្យាយាម​បង្ហាញ​ឡើងវិញ​នូវ”ភាព​ទាក់ទាញ”​ធ្វើ​ឲ្យ​មាន​ការ​ពេញ​និយម​ដោយ​អ្នក​ចម្រៀង​បទ​ញាក់​របស់​អាមេរិក​ឈ្មោះ ចាស្ទីន ធីមប៊ឺឡេក ដែល​ចេញ​បទ​ញាក់​ឆ្នាំ​២០០៦​របស់​គាត់​ឈ្មោះ​ថា “Sexy Back” និង​អាល់ប៊ុម​មួយ​ទៀត​មាន​ចំណង​ជើង​ថា “ការ​រួម​ភេទ​នៅ​ពេល​អនាគត/សុវត្ថិភាព​ស្នេហ៍”។

ក្នុង​បទ​ចម្រៀង​នោះ លោក ធីមប៊ឺឡេក ចាប់​ផ្តើម​ថា “ខ្ញុំ​នាំ​យក​ភាព​ស្រស់​សង្ហា​ត្រឡប់​មក​វិញ។ ពួកគេ​ ក្មេង​ប្រុស​ផ្សេងទៀត​មិន​ដឹង​ធ្វើ​របៀបណា។ ខ្ញុំ​គិត​ថា វា​ពិសេស គឺ​អ្វី​នៅ​ពីក្រោយ​ខ្នង​របស់​អ្នក?”។ លោក ធីមប៊ឺឡេក បន្ត​ទៀត​ថា​ “ប្អូនៗ ឯង​ឃើញ​ច្រវាក់​ទាំងនេះ។ ប្អូនៗ ខ្ញុំជា​ទាសករ​របស់​ឯង។ ខ្ញុំ​ឲ្យ​ឯង​វាយ​ខ្ញុំ បើ​ខ្ញុំ​ប្រព្រឹត្ត​មិន​សមរម្យ”។

បទ​ចម្រៀង​ Sexy Back លក់​ដាច់​ជាប់​លំដាប់​លេខ​១​លើ​បញ្ជី​ចម្រៀង​អាមេរិក ហើយ​មាន​រយៈ​ពេល​រហូតដល់​៧​ថ្ងៃ។

ទោះជា​បទ​ចម្រៀង​នេះ​មាន​ប្រជាប្រិយ​ភាព​ក៏ដោយ ក៏​លោក បាឡា មិន​បាន​ដឹងអំពី​អត្ថិភាព​នៃ​បទ​នេះ​ពី​មុន​មក​ទេ ហើយ​គ្រាន់តែ​ជក់​ចិត្ត​ដោយ​សារ​ការ​ទាក់ទាញ​យ៉ាង​ច្បាស់ នៃ​”ការ​វិល​ត្រឡប់​មកវិញ​នូវ​ភាព​សង្ហា​ប៉ុណ្ណោះ”។

លោក​បាន​និយាយ​ថា “ខ្ញុំ​ថែម​ទាំង​មិន​ដឹង​ថា បទ​ចម្រៀង​បែប​នេះ​មាន​នោះ​ទេ។ បើ​អ្នក​ក្រឡេក​មើល​មនុស្ស​នៅ​ទី​នេះ ពួកគេ​ភាគច្រើន​បំផុត​ស្ថិត​ក្នុង​វ័យ​យុវជន មាន​អាយុ​មធ្យម​គឺ​២៣ទៅ​២៤​ឆ្នាំ ហើយ​យុវជន​ទាំង​នេះ​ចង់​សង្ហា នេះ​ជា​ការ​ខិតខំ​ដ៏​ស្មោះត្រង់​របស់​យើង​ដើម្បី​លើក​កម្ពស់​ការ​យល់​ដឹង”៕មានិត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស