37.3 C
Phnom Penh

មន្ត្រី​​​គណបក្ស​​​សង្គ្រោះ​​​ជាតិ និង​​​​​​សកម្ម​​​ជន​​​នយោបាយ​​​ត្រូវ​​​បាន​​​តុលាការ​​​ច្រាន​​​ចោល​​​សំណើ​​​សុំ​​​នៅ​​​ក្រៅ​​​ឃុំ​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​​​​ថ្ងៃ​​​សុក្រ សាលាឧទ្ធរណ៍​​​បាន​​​ច្រាន​​​ចោល​​​សំណើ​​​សុំ​​​នៅ​​​ក្រៅ​​​ឃុំ​​​សម្រាប់​​​លោក មាជ សុវណ្ណារ៉ា មន្ត្រី​​​គណបក្ស​​​សង្គ្រោះ​​​ជាតិ​​​ដែល​​​ត្រូវ​​​បាន​​​ឃាត់​​​ខ្លួន​​​​​​កាល​​​ពី​​​ខែ​​​មុន​​​ពាក់​​​ព័ន្ធហេតុ​​​ការណ៍​​​​​​ប៉ះ​​​ទង្គិច​​​ហិង្សា​​​មួយ​​​នៅ​​​ទីលាន​​​ប្រជាធិបតេយ្យ​​​កាល​​​ពីថ្ងៃទី​​​១៥ ខែ​​​កក្កដា និង​​​​​​លោក អ៊ុក​​​ ពេជ្រសំណាង ជា​​​សកម្ម​​​ជន​​​នយោបាយ​​​ដែល​​​ត្រូវ​​​បាន​​​ចាប់​​​ខ្លួន​​​ពី​​​បទ​​​​​​បើក​​​រ៉ឺម៉ក​​​មូ៉តូ​​​កង់​​​បី​​​ទម្លុះ​​​របាំង​​​សន្តិសុខ​​​អំឡុង​​​ការ​​​តវ៉ា​​​មួយ​​​កាល​​​ពីខែ​​​តុលា​​​។front

លោក​​​ មាជ សុវណ្ណារ៉ា ដែល​​​ត្រូវ​​​បាន​​​ចាប់​​​​​​ខ្លួន​​​នៅ​​​ក្នុង​​​រាជធានីភ្នំពេញ​​​កាល​​​ពីខែ​​​មុន​​​ បន្ទាប់​​​ពី​​​តុលាការ​​​ចេញ​​​ដ​​​ីកាឃាត់​​​ខ្លួន​​​​​​តាម​​​ការ​​​ចោទ​​​ប្រកាន់​​​ពីបទ “ចូល​​​រួ​​​ម​​​កុបកម្ម​​​” បាន​​​មាន​​​ប្រសាសន៍​​​ថា លោក​​​ជឿ​​​ថា សេចក្តី​​​សម្រេច​​​ច្រាន​​​ចោល​​​សំណើ​​​សុំ​​​នៅ​​​ក្រៅ​​​ឃុំ​​​របស់​​​លោក គឺ​​​មាន​​​ហេតុផល​​​នយោបាយ​​​។

បន្ទាប់​​​ពី​​​សវនាការ​​​ជំនុំ​​​ជម្រះ​​​ លោក​​​ មាជ សុវណ្ណារ៉ា ​​​ដែល​​​និយាយ​​​ស​​​ំដៅ​​​ដល់​​​តំណាង​​​រាស្ត្រ​​​ជាប់​​​ឆ្នោត​​​ប្រាំ​​​ពីរ​​​រូប​​​របស់​​​គណបក្ស​​​ប្រឆាំង​​​ និង​​​មន្ត្រី​​​គណបក្ស​​​សង្គ្រោះ​​​ជាតិ​​​មួ​​យ​​​រូប​​​ទៀត​​​ដែល​​​ត្រូវ​​​បាន​​​​​​ចាប់​​​ខ្លួន​​​​​​បញ្ជូន​​​ទៅ​​​ពន្ធនាគារ​​​ព្រៃ​​​ស​​​កាល​​​ពីខែ​​​កក្កដា​​​ បាន​​​ចោទ​​​សួរ​​​ថា  “អ្នក​​​ផ្សេង​​​ៗ​​​ទៀត​​​​​ត្រូវ​​​បាន​​​ចាប់​​​ខ្លួន​​​នៅ​​​ពេល​​​នោះ ហេតុ​​​អ្វី​​​បាន​​​ជា​​​ដោះ​​​លេងពួក​​​គេ​​​​​​ ហើយ​​​នៅ​​​បន្ត​​​ឃុំ​​​ខ្លួន​​​​​​ខ្ញុំ​​​? នេះ​​​ជា​​​ការ​​​សង​​​សឹក​​​របស់​​​​​​លោក​​​ ហ៊ុន សែន ប៉ុន្តែ ពួក​​​គេ​​​អនុញ្ញាត​​​ឲ្យ​​​យើង​​​ប្តឹង​​​ទាស់​​​ [ទៅ​​​តុលាការ​​​កំពូល​​​]​​​ ដូច្នេះ​​​ខ្ញុំ​​​ និង​​​មេធាវី​​​នឹង​​​ប្តឹង​​​បន្ត​​​ទៀត​​​”។

ចៅក្រម​​​ជំនុំ​​​ជម្រះ​​​ ឃុន លាងម៉េង បាន​​​មាន​​​ប្រសាសន​​៍​​​ថា សាលាឧទ្ធរណ៍​​​បាន​​​សម្រេច​​​មិន​​​ដោះ​​​លេង​​​លោក​​​ មាជ សុវណ្ណារ៉ា  ឲ្យ​​​នៅក្រៅ​​​ឃុំ​​​ទេ​​​ “ពីព្រោះ​​​ [សាលាដំបូង​​​] បាន​​​បិទ​​​ការ​​​សើុប​​​អង្កេត​​​របស់​​​ខ្លួន ហើយ​​​បញ្ជូន​​​សំណុំ​​​រឿង​​​ដើម្បី​​​ជំនុំ​​​ជម្រះ​​​ទៅ​​​ហើយ​​​​​​”។

នៅ​​​ក្នុង​​​ករណី​​​ដាច់​​​ដោយ​​​ឡែក​​​មួយ​​​ សាលាឧទ្ធរណ៍​​​ក៏​​​បាន​​​ច្រាន​​​ចោល​​​សំណើ​​​នៅក្រៅ​​​ឃុំដែរ​​​សម្រាប់​​​លោក អ៊ុក​​​ ពេជ្រសំណាង ដែល​​​ត្រូវ​​​បាន​​​ចោទ​​​ប្រកាន់​​​ពី​​​បទ​​​​​​បំផ្លិច​​​បំផ្លាញ​​​ទ្រព្យ​​​សម្បត្តិ​​​សាធារណៈ​​​ និង​​​បទ​​​រារាំងកិច្ច​​​ការ​​​របស់​​​អាជ្ញាធរ​​​ បន្ទាប់​​​ពី​​​គាត់​​​បាន​​​បើក​​​រ៉ឺម៉ក​​​ម៉ូតូ​​​កង់​​​បី​​​ទម្លុះ​​​របាំង​​​ដែក​​​រាំង​​​ផ្លូវ​​​នៅ​​​ជិត​​​ភូមិ​​​គ្រឹះ​​​របស់​​​លោក ហ៊ុន សែន អំឡុង​​​ការ​​​តវ៉ា​​​មួយ​​​ជាមួយ​​​អ្នកភូមិ​​​ពាក់​​​ព័ន្ធ​​​នឹង​​​វិវាទ​​​ដី​​​ធ្លី​​​។

បន្ទាប់​​​ពី​​​ដើរ​​​ចេញពី​​​​​​សវនាការ​​​ជំនុំ​​​ជម្រះ​​​បិទ​​​ទ្វារ​​​ លោក អ៊ុក​​​​​​ ពេជ្រ​​​សំណាង​​​ បាន​​​និយាយ​​​ថា “ខ្ញុំ​​​មិន​​​ខ្លាច​​​ទេ​​​ សកម្មភាព​​​របស់​​​ខ្ញុំ​​​មិន​​​​​​មែន​​​ជា​​​សកម្មភាព​​ឧក្រិដ្ឋ​​​ទេ​​​”។

លោក លី សុចិត្រា មេធាវី​​​របស់​​​លោក អ៊ុក​​​ ពេជ្រសំណាង បាន​​​បញ្ជាក់​​​ថា លោក​​​នឹង​​​ប្តឹង​​​ជំទាស់​​​សេចក្តី​​​សម្រេច​​​េនះ ហើយ​​​​​​ថា តុលាការ​​​បាន​​​ច្រាន​​​ចោល​​​សំណើ​​​សុំ​​​នៅ​​​ក្រៅឃុំ​​​របស់​​​កូន​​​ក្តី​​​លោក​​​ដោយសារ​​​បារម្ភ​​​ខ្លាច​​​កូន​​​ក្តី​​​​​​លោក​​​ប្រព្រឹត្ត​​​បទ​​​ល្មើស​​​ជា​​​ថ្មី​​​ទៀត​​​។

លោក​​​បាន​​​មាន​​​ប្រសាសន៍​​​ទៀត​​​ថា “សាលា​​​ឧទ្ធរណ៍​​​មិន​​​បាន​​​សម្រេច​​​ដោះលែង​​​គាត់​​​ឲ្យ​​​នៅ​​​ក្រៅឃុំ​​​ទេ ពីព្រោះ​​​ពួកគេ​​​អះ​​​អាង​​​ថា នៅ​​​ពេល​​​គាត់​​​ចេញ​​​ទៅ​​​ខាង​​​ក្រៅ​​​ គាត់​​​ប្រហែល​​​ជា​​​ប្រព្រឹត្ត​​​បទ​​​ល្មើស​​​មួយ​​​ផ្សេង​​​ទៀត​​​”៕សុខុម​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស