32.9 C
Phnom Penh

ក្រុម​​​មន្ត្រី​​​និយាយ​​​ថា កំពុង​​ធ្វើការ​​​សិក្សា​​​ពី​​​ផល​​​ប៉ះពាល់​​​ទាក់ទង​​​ទំនប់​​​វារី​​​អគ្គិសនីក្នុង​​​ខេត្ត​​​កោះកុង

ដោយ ឌឹ ខេមបូឌា ដេលី

បទវិភាគ

កាលពី​ម្សិលមិញ ទាហាន​​​និង​មន្ត្រី​រដ្ឋាភិបាល​ក្នុង​ខេត្ត​កោះកុង​បាន​បញ្ជាក់​ពី​ព័ត៌មាន​​​​ថា បុគ្គលិក​ក្រុម​ហ៊ុន​ឯកជន​មួយ​ទៅ​កាន់​តំបន់​នោះ​ដើម្បី​ធ្វើការ​​​វាយ​តម្លៃ​ផល​ប៉ះពាល់​បរិស្ថាន​​ទាក់ទង​​​គម្រោង​​​សាងសង់​​​ទំនប់​វារី​​​អគ្គិសនី ដែល​ត្រូវ​បាន​ជំទាស់​ដោយ​ក្រុម​អ្នកភូមិ ប៉ុន្តែ​ក្រុម​ហ៊ុន​នេះ​​​បាន​​​​បដិសេធ​ព័ត៌មាន​​​នេះ។

ក្រុម​ហ៊ុន Synohydro Resources របស់​ចិន​បាន​ជួល​ក្រុម​ហ៊ុន​ Sawac ជា​ក្រុម​ហ៊ុន​ពិគ្រោះ​យោបល់​ឲ្យ​សិក្សា​អំពី​ផល​ប៉ះពាល់​បរិស្ថាន​នៃ​គម្រោង​សាង​សង់​ទំនប់​អគ្គិសនី​ស្ទឹង​ឆាយ​អារ៉ែង ដែល​នឹង​ធ្វើ​ឲ្យ​​​ជន់​​​លិច​ផ្ទៃ​ដី​រាប់​ពាន់​ហិក​​​តា​នៃ​ជ្រលង​អារ៉ែង ជម្រក​សត្វ​ព្រៃ​មួយ​ចំនួន​ដែល​ជិត​ផុត​ពូជ ហើយ​​ជនជាតិ​ដើម​ភាគ​តិច​ជង​​​រាប់​​​រយ​​​គ្រួសារ​​​នឹង​ត្រូវ​ផ្លាស់​​ទីលំនៅ។

កាលពី​ម្សិលមិញ លោក កែវ នីបូរ៉ា អភិបាល​រង​ស្រុក​ថ្មបាំង​បាន​បញ្ជាក់​ពី​រព័ត៌មាន​​​​​របស់​អ្នកភូមិ​មូលដ្ឋាន​ថា ក្រុម​ហ៊ុន​នេះ​បាន​ស្ថិត​​​ក្នុង​​​​តំបន់​នោះ។

លោក​បាន​មាន​ប្រសាសន៍​ថា “ក្រុម​ហ៊ុន​ Sawac មក​សិក្សា​អំពី​ផល​ប៉ះពាល់​សង្គម និង​ជីវ​ចម្រុះ​នៅ​ក្នុង​ស្រុក​នេះ​កាលពី​ថ្ងៃ​ទី​២៨ ឬ​២៩​ខែ​មុន”។ លោក​បាន​បន្ថែម​ថា បុគ្គលិក​របស់​ក្រុម​ហ៊ុន​នេះ​​បាន​ស្ថិត​នៅ​ក្នុង​តំបន់​នោះ​ដដែល​។ មនុស្ស​ប្រាំមួយ​នាក់​មក​ពី​​​ក្រុម​ហ៊ុន​នេះ​ បាន​ទៅ​កាន់​តំបន់​នោះ​។

ឧត្ដមសេនីយ៍​ត្រី យ៉ុន មិន មេបញ្ជាការ​កង​យោ​​​ពល​ខេមរភូមិន្ទ​ខេត្ត​បាន​បញ្ជាក់​ថា ​ក្រុម​នេះ​បាន​មក​ធ្វើ​ការ​សិក្សា ហើយ​ថា មន្ត្រី​របស់​លោក​មួយ​ចំនួន​បាន​ចុះទៅ​​​ជាមួយ​ពួកគេ​។ លោក​បាន​មាន​ប្រសាសន៍​ថា “ទាហាន​​​ខេត្ត​​​របស់​​​យើង​​​​​១០​នាក់​​​​បាន​​ទៅ​ជាមួយ​ពួកគេ​ ធ្វើ​ដើម្បីធ្វើ​​​ការ​សិក្សា​នៅ​ក្នុង​ស្រុក​ថ្មបាំង​​​អំពី​ទំនប់​វារី​​​អគ្គិសនី​​​នេះ​។ នៅ​ពេល​ក្រុម​ហ៊ុន​បញ្ចប់​ការ​សិក្សា​ យើង​នឹង​នាំ​​​ពួក​គេ​ចេញ​វិញ”។

លោក ណេង វ៉ាន់ មេបញ្ជាការ​កង​យោធពល​ខេមរភូមិន្ទ​ស្រុក​​បាន​មាន​ប្រសាសន៍​ថា មន្ត្រី​របស់​លោក​ប្រាំមួយ​នាក់​ ចុះ​​ទៅ​ជាមួយ។ ទោះ​ជា​យ៉ាង​ណា ក្រុម​ហ៊ុន​បាន​លើក​ឡើង​ថា ខ្លួន​មិន​ទាន់​បាន​ធ្វើ​ការ​សិក្សា​នៅ​ឡើយ​ទេ។

លោក អ៊ុំ សេរីវុធ ប្រធាន​ក្រុម​នៅ​ក្រុម​ហ៊ុន Sawac ទទួល​បន្ទុក​គម្រោង​នេះ​បាន​មាន​ប្រសាសន៍​ថា “យើង​កំពុង​រង់ចាំ​លោក​​​អភិបាល​ខេត្ត​” ប្រាប់​ពួក​គាត់​ថា “តើ​ពួកគាត់​អាច​ចុះ​​​ទៅ​នៅ​ពេល​ណា​​​នោះ។ គាត់​នឹង​ជូនដំណឹង​​​ពួក​​​យើង​”។

លោក សេរីវុធ បាន​មាន​ប្រសាសន៍​ថា លោក​បាន​ចំណាយ​ពេល​២​សប្ដាហ៍​ដំបូង​ក្នុង​​​​​​ស្រុក​នេះ​ទៅ​លើ​គម្រោង​​​ដែល​មិន​ទាក់​ទង​គ្នា ប៉ុន្តែ​លោក​មិន​ដែល​បាន​ចូល​ទៅ​ជ្រលង​នោះ​ទេ​។

រដ្ឋាភិបាល​បាន​​​អនុម័ត​យល់​ព្រម​សំណើ​របស់​ក្រុម​ហ៊ុន Synohydro ឲ្យ​ក្រុម​ហ៊ុន​ Sawac ធ្វើ​ការ​សិក្សា​អំពី​ផល​ប៉ះពាល់​ដោយ​សារ​គម្រោង​នេះ​ត្រឡប់​​​មក​​​វិញ​​​នៅ​​​ខែ​មីនា ប៉ុន្តែ​ក្រុម​​​សកម្មជន​​បាន​​​ជំទាស់​ចំពោះ​គម្រោង​នេះ ដោយ​ធ្វើ​ការ​បិទ​ផ្លូវ​ចូល​​ទៅ​កាន់​ជ្រលង​នោះ​រយៈ​ពេល​ជាច្រើន​ខែ រហូត​ដល់​អាជ្ញាធរ​មូលដ្ឋាន​​​​បំបែក​​​ការ​​​បិទ​​​ផ្លូវ​នេះ​​​កាលពី​ខែ​កញ្ញា៕ សារុន​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស