35 C
Phnom Penh

តំណាង​រាស្ត្រ​គណបក្ស​សង្គ្រោះ​ជាតិ​​ទៅ​សួរ​សុខទុក្ខ​អ្នក​ទោស​ដែល​ធ្វើ​កូដកម្ម​បង្អត់​អាហារ​

ដោយ ឌឹ ខេមបូឌា ដេលី

បទវិភាគ

លោកស្រី មូរ សុខហួរ តំណាង​រាស្ត្រ​គណបក្ស​ប្រឆាំង​​​បាន​មាន​ប្រសាសន៍​ថា សកម្មជន​​ប្រឆាំង​ការ​បណ្ដេញ​ចេញ​ចំនួន​១០​នាក់​ ដែល​ត្រូវ​​តុលាការ​កាត់​ឲ្យជាប់​ទោស​ និង​ដែល​កំពុង​ធ្វើ​កូដកម្ម​បង្អត់​អាហារ​នៅ​ពន្ធនាគារ​​ព្រៃស ​ក្នុង​រាជ​ធានី​ភ្នំពេញ​ មាន​ស្ថាន​ភាព​សុខភាព​​ខ្សោយ​អំឡុង​ពេល​លោកស្រី​ចុះ​ទៅ​សួរ​សុខទុក្ខ​ពួកគេ​កាលពី​រសៀល​ម្សិលមិញ​។

សកម្មជន​ប្រាំពីរ​នាក់​​ក្នុង​ចំណោម​សកម្មជន​ទាំង​១០​នាក់ ដែល​​ត្រូវ​​បាន​សាលា​​ដំបូង​រាជ​ធានី​ភ្នំពេញ​កាត់​ឲ្យ​ជាប់​ទោស​កាលពី​ថ្ងៃ​ទី​១១ ខែ​វិច្ឆិកា ពីបទ​ធ្វើ​ការ​តវ៉ា​ប្រឆាំង​ការ​ជន់លិច​​ជា​ញឹក​ញាប់​នៅ​ក្នុង​តំបន់​បឹងកក់ ដែល​ពួកគេ​រស់​នៅ​ ដោយ​សារ​គ្មាន​​ប្រព័ន្ធ​លូ​គ្រប់គ្រាន់​។

សកម្មជន​បី​នាក់​ទៀត​ត្រូវ​បាន​សាលា​ដំបូង​កាត់​ឲ្យជាប់​ទោស​នៅ​ថ្ងៃ​បន្ទាប់ពី​បទ​ធ្វើ​ការ​តវ៉ា​ប្រឆាំង​ការ​បណ្ដេញ​សកម្មជន​ទាំង​ប្រាំពីរ​នាក់​នេះ​ចេញ​។ សកម្មជន​ទាំង​១០​នាក់​នេះ បានធ្វើ​កូដកម្មបង្អត់​អាហារ​ចាប់​តាំង​ពី​ថ្ងៃ​ទី​១៣ ខែធ្នូមក​ម្លេ៉ះ។ លោកស្រី មូរ សុខហួរ បាន​ចុះ​ទៅ​សួរ​សុខទុក្ខ​​ស្ត្រី​ទាំង​នោះ​​ បូក​រួម​​សកម្មជន​​ជាប់​ពន្ធនាគារ​ថ្មីៗ​ប្រាំបី​នាក់​ទៀត រួម​​ជាមួយ​​លោក ញ៉យ ចំរើន តំណាង​រាស្ត្រ​គណបក្ស​សង្គ្រោះ​ជាតិ​ ដើម្បី​ពិនិត្យមើល​ស្ថានភាព។

លោកស្រី​បាន​មាន​ប្រសាសន៍​​​អំពី​​ស្ត្រី​ទាំង​១០​នាក់​​ ដែល​រស់​ដោយ​សារ​តែ​ទឹក​ និង​ទឹក​សណ្ដែក​ បាន​មាន​ប្រសាសន៍​ថា ” យើង​មាន​ការ​ព្រួយបារម្ភ​ចំពោះ​សុខភាព​របស់ពួកគាត់។ បើ​ពួកគាត់​បន្ត​ធ្វើកូដកម្ម​បង្អត់​អាហារ​តទៅ​ទៀត ​​ពួកគាត់​នឹង​ឈឺ​។ ពួកគាត់​កាន់​តែ​ខ្សោយ​ទៅៗ​”។

លោក អំ សំអាត អ្នក​គ្រប់​គ្រង​បច្ចេកទេស​នៅ​អង្គការ​សិទ្ធិ​មនុស្ស​​លីកាដូ​ បាន​មាន​ប្រសាសន៍​ថា អ្នក​ធ្វើ​កូដកម្ម​បង្អត់អាហារ​ម្នាក់​ត្រូវ​បាន​បញ្ជូន​ទៅ​សង្គ្រោះ​នៅមន្ទីរ​ពេទ្យ​មិត្ត​ភាព​ខ្មែរ​-សូវៀត កាលពី​រសៀល​ម្សិលមិញ​ ដោយ​សារ​តែ​ចង្វាក់​បេះដូង​លោត​យឺត ប៉ុន្តែ​ត្រូវ​បាន​បញ្ជូន​ត្រឡប់​​ទៅ​កាន់​ពន្ធនាគារ​វិញ​នៅ​ពីរ​បី​ម៉ោងក្រោយ​មក​៕ សុខុម​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស