32 C
Phnom Penh

អ្នក​​​ភូមិ​​​ជន​​​ជាតិ​​​ដើម​​​ភាគ​​​តិច​​​​​ប្តេជ្ញា​​​យកដី​​​របស់​​​ពួក​​​គាត់ពី​​​ក្រុម​​​ហ៊ុន​​​ចម្ការ​​​កៅ​​​ស៊ូមក​​​វិញ

ដោយ ឌឹ ខេមបូឌា ដេលី

បទវិភាគ

កាលពី​​​ម្សិលមិញ ក្រុម​​​អ្នក​​​ភូមិ​​​ជន​​​ជាតិ​​​ដើម​​​ភាគតិច​​​ព្នង​​​​​​មក​​​ពី​​​ខេត្ត​​​មណ្ឌលគិរី​​​ដែល​​​បាន​​ចោទ​​​ប្រកាន់​​​អាជ្ញាធរ​​​មូលដ្ឋាន​​​​​​ពី​​​បទ​​​ដុត​​​ផ្ទះ​​​របស់​​​ពួកគាត់​​​នៅ​​​លើ​​​ដី​​​ដែល​​​អះ​​​អាង​​​សិទ្ធិ​​​កាន់​​​កាប់​​​ដោយ​​​ក្រុម​​​ហ៊ុន​​​ចម្ការ​​​កៅស៊ូ​​​នោះ បាន​​​ប្តេជ្ញា​​​ទាម​​ទារ​​​សិទ្ធិ​​​កាន់​​​កាប់​​​ដី​​​របស់​​​ពួកគាត់​​​វិញ​​​ បើ​​​ទោះ​​​ជា​​​មាន​​​ការ​​​គំរាម​​​ចាប់​​​ខ្លួន​​​​​​​​​ក៏ដោយ។

នៅ​​​សន្និសីទ​​​កាសែត​​​មួយ​​​ក្នុង​​​រាជធានី​​​ភ្នំពេញ​​​ដែល​​​រៀប​​​ចំ​​​ដោយ​​​វេទិកា​​​នៃ​​​អង្គការ​​​មិន​​​មែន​​​រដ្ឋាភិបាល​​​ តំណាង​​​អ្នក​​​ភូមិ​​​បួន​​​នាក់​​​បាន​​​លើក​​​ឡើង​​​ថា នគរបាល​​​ កង​​​រាជ​​​អាវុធហត្ថ​​​និង​​​ទាហាន​​​ប្រហែល​​​១០០នាក់​​​​​​បាន​​​ដុត​​​ផ្ទះ​​​របស់​​​ពួក​​​គាត់​​​នៅ​​​ក្នុង​​​ស្រុក​​​កែវសីមា​​​កាលពី​​​ព្រឹក​​​ថ្ងៃ​​​ច័ន្ទ​​​ ហើយ​​​បាន​​​ឈរ​​​យាម​​​ខណៈ​​​ដែល​​​កម្មករ​​​ក្រុម​​​ហ៊ុន​​​ចម្ការ​​​កៅស៊ូ Benh Phoeuk ១ ​​​​​​បាន​​​ប្រើ​​​ត្រាក់ទ័រ​​​ឈូស​​​​​​រាន​​​ដី​​​ស្រែ​​​ចម្ការ​​​របស់​​​ពួកគាត់។

អាជ្ញាធរ​​​បាន​​​ចោទ​​​ប្រកាន់​​​​​​ជន​​​ជាតិ​​​ដើម​​​ភាគ​​​តិច​​​ព្នង​​​ជា​​​ច្រើន​​​គ្រួសារ​​​ពីបទ​​​​​​តាំង​​​ទី​​​លំនៅ​​​លើ​​​ដី​​​ដែល​​​​​​ត្រូវ​​​បាន​​​លក់​​​ស្រប​​​ច្បាប់​​​ឲ្យ​​​ក្រុម​​​ហ៊ុន​​​ចម្ការ​​​កៅ​​​ស៊ូ​​​នេះ ប៉ុន្តែ​​​ក្រុម​​​អ្នក​​​ភូមិ​​​​​​លើក​​​ឡើង​​​ថា ពួកគាត់​​​បាន​​​ធ្វើ​​​ស្រែ​​​ចម្ការ​​​ក្នុង​​​តំបន់​​​នេះ​​​ច្រើន​​​ជំនាន់​​​មក​​​ហើយ​​​។

ពួកគាត់​​​មិន​​​អាច​​​និយាយ​​​ថា តើ​​​ដី​​​ទំហំ​​​ប៉ុន្មាន​​​ពិតប្រាកដ​​​ដែល​​​មាន​​​វិវាទ​​​ឡើយ​​​ ប៉ុន្តែ​​​បាន​​​អះ​​​អាង​​​ថា អ្នកភូមិ​​​សរុប​​​២១១គ្រួសារ​​​​​​បាន​​​បាត់បង់​​​ដី​​​យ៉ាង​​​ហោច​​​ណាស់​​​​​​៥ហិកតា​​​ក្នុង​​មួយ​​​គ្រួ​​​សារៗ​​​​​​ទៅ​​​លើ​​​ក្រុមហ៊ុន​​​ចម្ការ​​​កៅ​​​ស៊ូ​​​នេះ​​​ចាប់​​​តាំងពី​​​ក្រុមហ៊ុន​​​នេះ​​​បាន​​​ចាប់​​​ផ្តើម​​​រាន​​​ដី​​​ក្នុង​​​តំបន់​​​នេះ​​​កាល​​​ពី​​​ថ្ងៃទី​​​៤​​​ខែ​​​ធ្នូ​​​មក។ អ្នក​​​ភូមិ​​​ម្នាក់​​​ឈ្មោះ ប្រប់ សុខា ដែល​​​បាន​​​ធ្វើ​​​ដំណើរ​​​មក​​​រាជ​​​ធានី​​​ភ្នំពេញ​​​និយាយ​​​ថា “ខ្ញុំឈឺ​​​ចា​​ប់​​​ណាស់​​​ នៅ​​​ពេល​​​ខ្ញុំ​​​ឃើញ​​​អាជ្ញា​​​ធរ​​​ចាក់​​​សាំង​​​ដុត​​​ផ្ទះ​​​របស់​​​ខ្ញុំ”។

តំណាង​​​អ្នកភូមិ​​​បួន​​​នាក់​​​​​​ដែល​​​បាន​​​មក​​​រាជ​​​ធានី​​​ភ្នំពេញ​​​លើកឡើង​​​ថា ពួកគាត់​​​ក៏​​​ត្រូវ​​​បាន​​​គំរាម​​​ចាប់ខ្លួន​​​ផង​​​ដែរ​​​​​​កាល​​​ពី​​​ថ្ងៃ​​​ច័ន្ទ​​​​​​ដោយ​​​បុរស​​​មួយ​​​ក្រុម​​​ស្លៀក​​​ពាក់​​​ស៊ីវិល និ​​​ង​​​ពាក់​​​ម៉ាស់ ប្រសិន​​​បើ​​​ពួកគាត់​​​​​​បន្ត​​​ធ្វើការ​​​តវ៉ា​​​ប្រឆាំង​​​នឹង​​​ក្រុមហ៊ុន​​​ចម្ការ​​​កៅស៊ូនេះ។

ទោះ​​​ជា​​​យ៉ាង​​​ណា លោក យ៉ាន ម៉ៅ បាន​​​និយាយ​​​ថា លោក​​​​​​មិន​​​ខ្លាច​​​​​​ឡើយ។ លោក​​​បាន​​​និយាយ​​​ថា “ខ្ញុំ​​​នឹង​​​ត្រឡប់​​​ទៅ​​​ផ្ទះ​​​នៅ​​​ថ្ងៃស្អែក​​​ដើម្បី​​​តាំង​​​ទីលំនៅ​​​លើ​​​ដី​​​របស់​​​ខ្ញុំ​​​វិញ បើ​​​ទោះ​​​ជា​​​អាជ្ញាធរ​​​​​​ចង់​​​រារាំង​​​យើង​​​មិន​​​ឲ្យ​​​សាង​​​សង់​​​ផ្ទះ​​​ឡើង​​​វិញ​​​ក៏ដោយ។ ខ្ញុំ​សុខចិត្ត​​​ស្លាប់​​​លើ​​​ដី​​​រ​​បស់​​​ខ្ញុំ​​​ ពីព្រោះ​​​ដី​​​នេះ​​​គឺ​​​ជា​​​ដី​​​ដូនតា​​​របស់​​​ខ្ញុំ”។

ក្រុម​​​អ្នក​​​ភូមិ​​​លើក​​​ឡើង​​​ថា ពួក​​​គាត់​​​មិន​​​មាន​​​ប័ណ្ណ​​​កម្ម​​​សិទ្ធិ​​​ឯក​​​ជន​​​ ឬ​​​ប័ណ្ណ​​​កម្ម​​​សិទ្ធិ​​​រួម​​​ចំពោះ​​​ដី​​​នេះ​​​ឡើយ ប៉ុន្តែ​​​ថា អាជ្ញាធរ​​​មូលដ្ឋាន​​​​​បាន​​​កត់ត្រា​​​ពី​​ដី​​​របស់​​​ពួកគាត់​​​នៅ​​​ក្នុង​​​សៀវ​​​ភៅ​​​គ្រួសារ​​​ដែល​​​ចេញ​​​ដោយ​​​រដ្ឋាភិបាល។

លោក ស៊ុន ប៊ុន​​​ធឿន អធិការ​​​នគរបាល​​​ស្រុក​​​កែវ​​​សីមា​​​​​​បាន​​​បញ្ជាក់​​​ថា មន្ត្រី​​​ប្រហែល​​​១០០នាក់​​​​​​ត្រូវ​​​បាន​​​បញ្ជូន​​​ទៅ​​​រុះ​​​ផ្ទះ​​​របស់​​​ក្រុម​​​អ្នក​​​ភូមិ​​​ ប៉ុន្តែ​​​បាន​​​បដិសេធ​​​ថា ពួកគេ​​​មិន​​​បាន​​​ដុត​​​ទេ។ លោក​​​បាន​​​មាន​​​ប្រសាសន៍​​​ថា “យើង​​​គ្រាន់តែ​​​រុះ​​​ផ្ទះ​​​ប៉ុណ្ណោះ​​​ ពីព្រោះ​​​​​​​ផ្ទះ​​​ទាំង​​​នេះ​​​ត្រូវ​​​បាន​​​សាងសង់​​​លើ​​​ដី​​​របស់​​​ក្រុម​​​ហ៊ុន។ យើ​​​ង​​​មិន​​​អាច​​​អនុញ្ញាត​​​ឲ្យ​​​ពួកគាត់​​​​​​កាន់​​​កាប់​​​ដី​​​នេះ​​​បាន​​​ទេ​​​ ពីព្រោះ​​វា​​​ជា​​​កម្មសិទ្ធិ​​​របស់​​​ក្រុម​​​ហ៊ុ​​​ន”។

លោក ប៊ុន​​​ធឿន ក៏បាន​​​បដិសេធ​​​ផង​​​ដែរ​​​ថា អាជ្ញាធរ​​​​​​មិន​​​បាន​​​គំរាម​​​ចាប់​​​ខ្លួន​​​អ្នក​​​ភូមិ​​​ឡើយ។ លោក​​​បាន​​​បដិ​​​សេធ​​​មិន​​​ផ្តល​​់​​​ព័ត៌មាន​​​ទាក់ទង​​​សម្រាប់​​ម្ចាស់​​​​​​ក្រុមហ៊ុន​​​ចម្ការ​​​កៅស៊ូ
ដែល​​​មិន​​​អាច​​​ទាក់​​​ទង​​​បាន​​​កាលពី​​​ម្សិល​​​មិញ។ វេទិកា​​​នៃ​​​អង្គការ​​​មិនមែន​​​រដ្ឋាភិបាល​​​​​​បាន​​​លើកឡើង​​​ថា ខ្លួន​​​កំពុង​​​ស៊ើប​​​អង្កេត​​​ករណី​​​នេះ​​​៕សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស