ជនជាតិតៃវ៉ាន់ពីរនាក់ត្រូវបានផ្ដន្ទាទោសឲ្យជាប់ពន្ធនាគាររយៈពេល២០ឆ្នាំពីបទរក្សាទុកថ្នាំញៀនអុិចស្តាស៊ី

កាលពីម្សិលមិញ សាលាដំបូងរាជធានីភ្នំពេញបានផ្ដន្ទាទោសបុរសជនជាតិតៃវ៉ាន់ចំនួនពីរនាក់ឲ្យជាប់ពន្ធនាគារម្នាក់ៗរយៈពេល២០ឆ្នាំ ពីបទរក្សាទុក និងប្រើប្រាស់ថ្នាំញៀនប្រភេទអុិចស្តាស៊ី ក្រោយពេលនគរបាលបានចាប់ខ្លួនពួកគេនៅក្នុងសណ្ឋាគារមួយកាលពីខែមករា ហើយបានបង្គាប់ឲ្យនិរទេសពួកគេទៅប្រទេសរបស់ខ្លួនវិញ បន្ទាប់ពីអនុវត្តជាប់ពន្ធនាគារចប់សព្វគ្រប់។

បុរសជនជាតិតៃវ៉ាន់ទី៣ ដែលពាក់ព័ន្ធនៅក្នុងករណីនេះត្រូវបានផ្ដន្ទាទោសឲ្យជាប់ពន្ធនាគាររយៈពេល១ឆ្នាំពីបទប្រើប្រាស់ថ្នាំញៀនប្រភេទនេះ។

យោងតាមនគរបាលបានឲ្យដឹងថា Lin Luy Chi អាយុ៣៣ឆ្នាំ និង Wupo Tsang អាយុ២៩ឆ្នាំ ត្រូវបានចាប់ខ្លួនកាលពីថ្ងៃទី២៣ ខែមករា នៅសណ្ឋាគារភ្នំពេញ ក្នុងខណ្ឌដូនពេញ ជាទីដែលពួកគេទើបតែទៅយកថង់ប្លាស្ទិកមួយ ដែលមានថ្នាំញៀនប្រភេទអុិចស្តាស៊ីប្រមាណ៣.០០០ក្រាម ដោយមានបំណងយកថង់នេះទៅកាន់សណ្ឋាគារអាស៊ីនៅក្បែរនោះ ជាទី ដែលពួកគេស្នាក់នៅជាមួយជនជាតិតៃវ៉ាន់ទី៣ឈ្មោះ Chen Yung Lin។

ចៅក្រមប្រធានក្រុមប្រឹក្សាជំនុំជម្រះ កែវ មុនី បានប្រកាសនៅក្នុងតុលាការកាលពីម្សិលមិញថា លោក Lin និង លោក Wupo ត្រូវបានផ្ដន្ទាទោសឲ្យជាប់ពន្ធនាគារម្នាក់ៗរយៈពេល២០ឆ្នាំ ហើយពិន័យជាប្រាក់ចំនួន៦០លានរៀល (ប្រហែល១៥.០០០ដុល្លារ) រីឯលោក Cheng វិញនឹងត្រូវជាប់ពន្ធនាគាររយៈពេល១ឆ្នាំ។

ចៅក្រម មុនី បានមានប្រសាសន៍ថា ” តុលាការបានបង្គាប់ឲ្យនិរទេស Lin Luy Chi Wupo Tsang និង Chen Yung Lin ពីព្រះរាជាណាចក្រកម្ពុជា បន្ទាប់ពីពួកគេអនុវត្តទោសជាប់ពន្ធនាគារចប់សព្វគ្រប់”។

អំឡុងពេលបើកសវនាការកាលពីថ្ងៃទី១៩ ខែវិច្ឆិកា លោក Lin បានលើកឡើងថា មិត្តភក្ដិម្នាក់នៅកោះតៃវ៉ាន់បានហៅទូរស័ព្ទមកខ្លួន ហើយប្រាប់ខ្លួនឲ្យទៅទទួលយកថង់ប្លាស្ទិកមួយពីបុរសជនជាតិខ្មែរម្នាក់ ហើយយកវាទៅទុកក្នុងបន្ទប់មួយនៅសណ្ឋាគារភ្នំពេញ។ ដោយសារតែខ្លួនជាប់រវល់លេងល្បែងស៊ីសងនៅកាស៊ីណូ ខ្លួនបានឲ្យលោក Wupo ធ្វើការនេះជំនួស។

លោក Lin បាននិយាយពេលបើកសវនាការថា ” ខ្ញុំមិនដឹងថា មានអ្វីនៅក្នុងកញ្ចប់នោះឡើយ”។ លោកបានបន្ថែមថា នៅពេលមិត្តភក្ដិនៅកោះតៃវ៉ាន់បានហៅទូរស័ព្ទមកម្ដងទៀតពីរបីថ្ងៃក្រោយដើម្បីប្រាប់ថា ខ្លួនមិនអាចមកប្រទេសកម្ពុជាដើម្បីយកថង់នេះបាននោះ លោកនិងលោក Wupo បានត្រឡប់ទៅសណ្ឋាគារនេះម្ដងទៀតដើម្បីយកថង់នោះមកទុកនៅសណ្ឋាគារអាស៊ី ត្រង់ចំណុចនេះហើយដែលនគរបាលបានចាប់ខ្លួនពួកគេ។

លោក Lin និងលោក Wupo ដែលក៏បានបដិសេធថា មិនដឹងថាមានអ្វីនៅក្នុងថង់នេះនោះ បានលើកឡើងថា នគរបាលបានបង្ខំឲ្យខ្លួននាំទៅកាន់បន្ទប់របស់ខ្លួននៅក្នុងសណ្ឋាគារអាស៊ី ជាទីដែលលោក Chen ក៏ត្រូវបានចាប់ខ្លួនដែរនោះ៕ ស៊ុយឈាង

Tags
paywall

ជនជាតិតៃវ៉ាន់ពីរនាក់ត្រូវបានផ្ដន្ទាទោសឲ្យជាប់ពន្ធនាគាររយៈពេល២០ឆ្នាំពីបទរក្សាទុកថ្នាំញៀនអុិចស្តាស៊ី

បទវិភាគ

បទវិភាគ៖ តើអ្វីទៅជាអាថ៌កំបាំងនៃការបិទវិទ្យុសំឡេងប្រជាធិបតេយ្យ VOD?

បទវិភាគ៖ សមាជិកណាតូនៅអឺរ៉ុបខាងកើតកាន់តែកក់ក្ដៅប្រឆាំងការគំរាមឈ្លានពានពីរុស្ស៊ី

បទវិភាគ៖ ពិភពលោកមិនអាចបញ្ចប់សង្គ្រាមរុស្ស៊ីនិងអ៊ុយក្រែនដោយការចរចាបានទេ

បទវិភាគ៖ នៅតំបន់អាស៊ីយ៉ាងតិច ៥ទីតាំង អាចប្រឈមមុខនឹងការផ្ទុះសង្គ្រាម

បទវិភាគ៖ យុទ្ធសាស្ត្រអាមេរិកចំពោះសង្គ្រាមរុស្ស៊ីឈ្លានពានអ៊ុយក្រែនគឺចង់យកគ្រីមៀរឱ្យមកវិញ

បទវិភាគ៖ តើមនុស្សចែកចេញជាប៉ុន្មានប្រភេទ?

បទវិភាគ៖ មនុស្សអាចបកស្បែកខ្លាតាមវិធីច្រើនយ៉ាង

បទវិភាគ៖ អាស៊ាន-អាមេរិកក្លាយជាដៃគូគ្រប់ជ្រុងជ្រោយខណៈកម្ពុជាបាត់បង់GSPនិងEBA

បទវិភាគ៖ ហេតុអ្វីមេដឹកនាំអាស៊ានខ្លះប្រកាន់វិធានការក្ដៅលើរបបសឹកភូមា ហើយខ្លះថ្នាក់ថ្នម?

អត្ថបទទាក់ទង

ប្រជាពលរដ្ឋដែលរស់នៅលើដីរដ្ឋដោយខុសច្បាប់នៅសៀមរាប ត្រូវបានបណ្តេញចេញយកដីធ្វើតំបន់ទេសចរណ៍

ចំណុចមិនដាច់ស្រេចនៃកំណែទម្រង់ការបោះឆ្នោតត្រូវបានបញ្ជូនទៅថ្នាក់ដឹកនាំ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

កម្លាំងចម្រុះប្រឆាំងរបបសឹកភូមា សច្ចារារាំងលោក ហ៊ុន សែន មិនឱ្យជាន់ដីភូមា

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

ក្រុមហ៊ុនឧកញ៉ា ឡេង ណាវ៉ាត្រា ត្រូវបានសង្ស័យរកស៊ីលាងលុយតាមការវិនិយោគជាច្រើនប៉ុន្តែគ្មានប្រាក់ចំណូល

សេចក្តីរាយការណ៍ពិស្ដារ៖ តើអ្នកឧកញ៉ា ឡេង ណាវ៉ាត្រា ជាអ្នកណា?

បទយកការណ៍៖ តើឧកញ៉ា ពុង ឃាវសែ ជាប់ពាក់ព័ន្ធអ្វីខ្លះក្នុងការលក់ដីកោះនរា?

បទយកការណ៍៖ តើរដ្ឋាភិបាលកម្ពុជាបានគាំពារ យកចិត្តទុកដាក់ និងដឹងគុណពលករខ្មែរកម្រិតណាដែរ?

១២ឆ្នាំកន្លងផុត អ្នករស់រានមានជីវិតនៅតែមិនអាចបំភ្លេចសោកនាដកម្មរត់ជាន់គ្នានៅកោះពេជ្រ

ហេតុអ្វីអ្នកនយោបាយប្រមាថព្រះមហាក្សត្រដែលការពារដោយរដ្ឋធម្មនុញ្ញនៅមុនរដូវបោះឆ្នោត?

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។