30 C
Phnom Penh

សមាជិក​​​សភា​​​​​​បក្ស​​​ប្រជា​​​ជន​​​រិះ​​​គន់​​​បក​​​​​​លោក សុន ឆ័យ​​​ វិញទាក់​​​ទិន​​​នឹង​​​​​​ការ​​​លក់​​​សំបុត្រ​​​​​​ចូល​​​ទស្សនា​​​អង្គរវត្ត​​​

ដោយ ឌឹ ខេមបូឌា ដេលី

បទវិភាគ

លោក  ជាម យៀប សមាជិក​​​សភា​​​ជាន់​​​ខ្ពស់​​​​​​មក​​​ពី​​​គណបក្ស​​​កាន់​​​អំណាច​បាន​​​បើក​​​សន្និសីទ​​​កាសែត​​​មួយ​​​កាល​​​ពី​​​ម្សិល​​​មិញ ដើម្បី​​​រិះ​​​គន់​​​​​​លោក​​​ សុន ឆ័យ សមាជិក​​​សភា​​​មក​​​ពី​​​គណបក្ស​​​ប្រឆាំង​​​ចំពោះ​​​អ្វី​​​ដែល​​​លោក​​​បាន​​​និយាយ​​​ថា ជា​​​ការ​​​អះ​​​អាង​​​បំផ្លើស​​​អំពី​​​ការ​​​គ្រប់​​​គ្រង​​​មិន​​​ត្រឹម​​​ត្រូវ​​​លើ​​​ប្រាក់​​​ចំណូល​​​បាន​​​មក​​​ពី​​​​​​ការ​​​លក់​​​សំបុត្រ​​​ចូល​​​ទស្សនា​​​តំបន់​​​អង្គរ​​​។

លោក​​​ ជា​​​ម​​​ យៀប ប្រធាន​​​គណៈកម្មការ​​​​សេដ្ឋកិច្ច​ ​​​ហិរញ្ញវត្ថុ​​​​​​ ធនាគារ​និង​សវនកម្ម​នៅ​​​​រដ្ឋ​​​សភា​​​និង​​​លោក​​​ សុន ឆ័យ ដែល​​​ជា​​​អនុ​​​ប្រធាន​​​គណៈកម្មការ​​​នេះ​​​បាន​​​ចុះ​​​ទៅ​​​ការិយាល័យ​​​អាជ្ញាធរ​​​អប្សរា​​​ដែល​​​គ្រប់​​​គ្រង​​​តំបន់​​​អង្គរ​​​ក្នុង​​​ខេត្ត​​​សៀ​​​ម​​​រាប​​​កាល​​​ពី​​​សប្តាហ៍​​​មុន។​​​​​​​​​​​​​​

ពេល​​​ថ្លែង​​​ទៅ​​​កាន់​​​ប្រព័ន្ធ​​​ផ្សព្វ​​​ផ្សាយ​​​ក្រោយ​​​កិច្ច​​​ប្រជុំ​​​ លោក សុន ឆ័យ​​​ បាន​​​អះ​​​អាង​​​ថា អាជ្ញាធរ​​​នេះ​​​បាន​រាយ​​​ការ​​​ណ៍​​​មិន​​​គ្រប់​​​ចំនួន​​​​​​យ៉ាង​​​ច្រើន​​​​​​នៃ​​​ការ​លក់​សំបុត្រ​​​សម្រាប់​​​ការ​​ចូល​​​ទស្សនា​​​អង្គរវត្ត​។

លោក​​​ ជា​​​ម​​​ យៀប ​​​បាន​​​លើក​​​ឡើង​​​កាល​​​ពី​​​ម្សិល​​​មិញ​​​ថា លោក​​​មិន​​​យល់​​​ស្រប​​​នឹង​​​លោក សុន ឆ័យ​​​ទេ ហើយ​​​ថា សមាជិក​​​សភា​​​មក​​​ពី​​​គណបក្ស​​​ប្រឆាំង​​​រូប​​​នេះ​​​គឺ​តម្រូវ​ឲ្យ​ធ្វើតាម​​​​លោក​​​ជា​​​ប្រធាន​គណៈ​កម្មការ​​​​។

លោក​​​បាន​​​មាន​​​ប្រសាសន៍​​​ទាក់​​​ទិន​​​នឹង​​​ការ​​​អះ​​​អាង​​​របស់​​​លោក សុន ឆ័យ​​ ​ថា “​​​នេះ​​​គឺ​​​ជា​​​ការ​​​បំផ្លើស​​​ ហើយ​​​ខ្ញុំ​​​មិន​​​អាច​​​ទទួល​​​យក​​​បាន​​​ឡើយ​​​។ ខ្ញុំ​​​នឹង​​​មិន​​​បណ្តោយ​​​ឲ្យ​​​គណៈកម្មការ​​​របស់​​​ខ្ញុំ​​​​​​បែក​​​បាក់​​​ឡើយ​​​ ហេតុ​​​ដូច្នេះ​​​ខ្ញុំ​​​សូម​​​និយាយ​​​ថា ប្រសិន​​​បើ​​​អ្នក​​​មិន​​​ធ្វើ​​​តាម​​​ទេ​​​ ខ្ញុំ​​​នឹង​​​ដាក់​​​ពាក្យ​​​ប្តឹង​​​។ ខ្ញុំ​​​នឹង​​​ជូន​​​ដំណឹង​​​ដល់​​​ប្រធាន​​​រដ្ឋ​​​សភា​​​ ឬ​​​គណៈកម្មាធិការ​​​អចិន្ត្រៃយ៍​​​នៅ​​​រដ្ឋ​​​សភា​​​”។

នៅ​​​ពេល​​​សួរ​​​ថា តើ​​​បណ្តឹង​​​អ្វី​​​ដែល​​​លោក​​​នឹង​​​ប្តឹង​​​លោក សុន ឆ័យ​​​ លោក​​​ ជា​​​ម​​​ យៀប ​​​ទំនង​​​ជា​​​ពាក្យ​​​សំដី​​​របស់​​​ខ្លួន​​​វិញ​​​។

លោក​​​ ជាម យៀប ​​​បាន​​​មាន​​​ប្រសាសន៍​​​ថា “ខ្ញុំ​​​មិន​​​បាន​​​ប្រើ​​​ពាក្យ​​​ថា​​​ប្តឹង​​​នោះ​​​ទេ។ ប៉ុន្តែ គណៈកម្មាធិការ​​​អចិន្ត្រៃយ៍​​​មាន​​​សិទ្ធិ​​​ធ្វើ​​​ការ​​​សម្រេច​​​ចិត្ត​​​លើ​​​បញ្ហា​​​គ្រប់​​​ប្រភេទ​​​”។

គណៈកម្មាធិការ​​​អចិន្ត្រៃយ៍​​​ គឺ​​​ត្រូវ​​​បាន​​​បង្កើត​​​ឡើង​​​ដោយ​​​មាន​​​ការ​​​បូក​​​រួម​​​បញ្ចូល​​​គ្នា​​​រវាង​​​ប្រធាន​​​គណៈកម្មការ​​​ទាំង​​​១០​​​នៅ​​​រដ្ឋសភា​​​ ក៏​​​ដូច​​​ជា​​​ប្រធាន​​​រដ្ឋសភា និង​​​អនុប្រធាន​​​រដ្ឋ​​​សភា​​​ទាំង​​​ពីរ​​​រូប​​​។ គណបក្ស​​​ប្រជា​​​ជន​​​កម្ពុជា​​​​​​មាន​​​សមាជិក​​​របស់​​​ខ្លួន​​​ចំនួន​​​ប្រាំ​​​រូប​​​កាន់​​​តំណែង​​​ជា​​​ប្រធាន​​​គណៈកម្មការ​​​ មួយ​​​រូប​​​ជា​​​ប្រធាន​​​រដ្ឋសភា និង​​​មួយ​​​រូប​​​ទៀត​​​ជា​​​អនុ​​​ប្រធាន​​​រដ្ឋ​​​សភា​​​ ដោយ​​​ធ្វើ​​​ឲ្យ​​​គណបក្ស​​​នេះ​​​មាន​​​សំឡេង​​​ភាគ​​​ច្រើន​​​ប្រាំពី​​​រ​​​ទល់​​​នឹង​​​ប្រាំ​​​មួយ​​​​​​នៅ​​​ក្នុង​​​គណៈកម្មាធិការ​​​អចិន្ត្រៃយ៍​​​។

លោក​​​ ជាម យៀប  ​​​បាន​​​ពន្យល់​​​ថា ​ការ​រិះគន់​របស់​លោក​​​លើ​​​​លោក សុន ឆ័យ គឺ​​​វា​​​មាន​​​ឫស​​​គល់​​​ចេញ​​​ពី​​​ប្រវត្តិ​​​អាកប្បកិរិយា​​​មិន​​​ល្អ​​​របស់​​​លោក សុន ឆ័យ នៅ​​​ក្នុង​​​គណៈកម្មាធិការ​​​​​​ ទោះ​​​បី​​​ជា​​​អ្នក​​​រួម​​​ការ​​​ងារ​​​របស់​​​លោក​​​ខិត​​​ខំ​​​សហការ​​​យ៉ាង​​​ណា​​​ក៏​​​ដោយ​​​។​​ លោក​​​ ជាម យៀប បានមាន​​​ប្រសាសន៍​​​ទៀត​​​ថា “គាត់​​​មិន​​​ដែល​​​ស្តាប់​​​នរណា​​​ទេ​​​នៅ​​​ក្នុង​​​គណៈកម្មការ​​​”។

សមាជិក​​​សភា​​​មក​​​ពី​​​គណបក្ស​​​ប្រជាជន​កម្ពុជា​​​​រូប​​​នេះ​​​បាន​​​លើក​​​ឡើង​​​ទៀត​​​ថា ការ​​​និយាយ​​​ស្តី​​​​មិន​​​​​ស្តាប់​​​គេ​​​ឯង​​​របស់​​​លោក សុន ឆ័យ អាច​​​ធ្វើ​​​ឲ្យ​​​លោក​​​ឈាន​​​ទៅ​​​ដល់​​​ការ​​​ប្រ​​​វាយ​​​ប្រតប់​​​ដូច​​​នៅ​​​ក្នុង​​​សភា​​​ផ្សេង​​​ៗ ប៉ុន្តែ នៅ​​​ក្នុង​​​សភា​​​កម្ពុជា​​​គឺ​​​វា​​​មិន​​​ដូច​​​ទៅ​​​នឹង​​​សភា​​​គេ​​​ផ្សេង​​​ៗ​​​ឡើយ​​​។

លោក​​​ ជាម យៀប  បាន​​​មាន​​​ប្រសាសន៍​​​ថា “នៅ​​​ក្នុង​​​សភា​​​ផ្សេង​​​ៗ​​​មួយ​​​ចំនួន​​​ ពួក​​​គេ​​​យក​​​មីក្រូហ្វូន​​​វាយ​​​គ្នា​​​ ដូច​​​ជា​​​នៅ​​​ក្នុង​​​ប្រទេស​​​ជប៉ុន​​​ កូរ៉េ​​​ កោះ​​​តៃ​​​វ៉ាន់ និង​​​ប្រទេស​​​ឥណ្ឌា​​​ជា​​​ដើម​​​”។ លោក​​​បាន​​​មាន​​​ប្រសាសន៍​​​បន្ថែម​ថា “ឯកឧត្តម​​​ សុន ឆ័យ​​​ ចាត់​​​ទុក​​​ខ្លួន​​​ឯង​​​ជា​​​បុគ្គល​​​ប្រឆាំង​​​។ ទោះ​​​បី​​​ជា​​​អ្វី​​​ត្រូវ​​​ក៏​​​ដោយ​​​តែ​​​គាត់​​​ប្រឆាំង​​​ជា​​​និច្ច​​​។ ប្រសិន​​​បើ​​​​​​២បូក​​​២​​​ស្មើ​​​៤ លោក សុន ឆ័យ និយាយ​​​ថា វា​​​ស្មើ​​​ ៤,១ ឬ៣,៩”។

គេ​​​មិន​​​អាច​​​ទាក់​​​ទង​​​លោក សុន ឆ័យ សុំ​​​ការ​​​អធិប្បាយ​​​បាន​​​ឡើយ​​​។

លោក​​​ ជាម យៀប ក៏​​​បាន​​​ឆ្លៀត​​​ឱកាស​​​អំឡុង​​​សន្និសីទ​កាសែត​​​​នោះ​​​​​​លើក​​​ឡើង​​​ម្តង​​​ទៀត​​​អំពី​​​ផែន​​​ការ​របស់​​​រដ្ឋាភិបាល​​​​​​ដែល​មាន​បំណង​រើ​​​ទី​​​តាំង​​​​​​អាកាស​​​យាន​ដ្ឋាន​​​សៀម​​​រាប​​​ចេញ​ឲ្យ​​​ឆ្ងាយ​​​ពី​​​អង្គរ​​​វត្ត​​​ផង​​​ដែរ។

លោក​​​បាន​​​មាន​​​ប្រសាសន៍​​​ថា “សម្តេច​​​ [នាយក​​​រដ្ឋ​​​មន្ត្រី ហ៊ុន សែន​​​]​​​​​​​​​​​​​​​​​​​​​ មាន​​​ផែន​​​ការ​​​រើ​​​ទី​​​តាំង​​​អាកាសយាន្ត​​​ដ្ឋាន​​​ចេញ​​​​​ឆ្ងាយ​​​ពី​​​តំបន់​​​បេតិកភណ្ឌ​​​ពិភព​​​លោក​​​នេះ។ នៅ​​​ថ្ងៃ​​​អនាគត​​​អាកាស​​​យាន​​្ត​​​ដ្ឋាន​​​នេះ​​​នឹង​​​រើ​​​ទៅ​​​បែ៉ក​​​ភាគ​​​ខាង​​​លិច​​​នៃ​​​ខេត្ត​​​សៀម​​​រាប​​​ ដែលមាន​​​ចម្ងាយ​​​ឆ្ងាយ​​​ពី​​​ទី​​​តាំង​​​ចាស់​​​ប្រហែល​​​៤០​​​គីឡូម៉ែត្រ”។

លោក​​​ ជាម យៀប  បាន​​​ពន្យល់​​​ថា ការ​​​រើ​​​ទី​​​តាំង​​​នេះ​​​​​​ គឺ​​​វា​​​មាន​​​សារសំខាន់​​​ណាស់​​​​​​ក្នុង​​​ការ​​​ការពារ​​​អង្គរ​​​វត្ត​​​​​​ពី​​​ហានិភ័យ​ដែល​អាច​កើត​មាន​ដោយសារ​​យន្ត​​​ហោះ​​​។ លោក​​​បាន​​​មាន​​​ប្រសាសន៍​​​បន្ថែម​​​ថា “​​​​​​យើង​​​មិនអាច​​​មើល​​​ឃើញ​​​ទេ ជួន​​​កាល​​​ចៃដន្យ​​​អាក្រក់​​​នៅ​​​ពេល​​​យន្ត​​​ហោះ ចុះ​​​ចត​​​ ហើយ​​​មិន​​​អាច​​​​​​ចុះ​​​ត្រូវ​​​ផ្លូវ​​​រត់​​​នោះ​​​វា​​​អាច​​​ជ្រុល​ទៅ​ឝបុក​​​ប្រាសាទ​​​អង្គរ​​​វត្ត​​​ក៏​​​ថា បាន”៕ស៊ុយឈាង​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស