29 C
Phnom Penh

ប្រធាន​មជ្ឈ​មណ្ឌល​ជាត​ិ​ប្រយុទ្ធ​នឹង​ជំងឺ​អេដស៍​ចូលនិវត្ត​ចំពេល​មាន​ ការ​ផ្ទុះឡើងនូវ​មេរោគ​អេដស៍

ដោយ ឌឹ ខេមបូឌា ដេលី

បទវិភាគ

លោក ម៉ម ប៊ុនហេង រដ្ឋ​​​មន្ត្រី​​​ក្រសួង​​​សុខាភិបាល​​​​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា បន្ទាប់ពី​​​មើលឃើញ​​​ការ​​​វិវឌ្ឍ​​​គួរ​​​ឲ្យ​​​កត់​​​សម្គាល់​​​រយៈ​​​ពេល​​​ជាង​​​ពីរ​​​ទសវត្សរ៍​​​ក្នុង​​​ការ​​​ប្រយុទ្ធនឹង​​​មេរោគ​​​អេដស៍​​​​/ជំងឺ​​​អេដស៍​​​ ដែល​​​ផ្តល់​​​មូល​​​និធិ​​​ដោយ​​​ប្រទេស​​ផ្តល់​​​ជំនួយ​​​ ប្រធាន​​​មជ្ឈ មណ្ឌល​​​ជាតិ​​​ប្រយុទ្ធ​​​នឹង​​​ជំងឺ​​​អេដស៍ សើ​​​ស្បែក​​​ និង​​​កាម​​​រោគ​​​ បាន​​​ចូល​​​និវត្ត​​​ចំ​​​ពេល​​​ដែល​​​មាន​​​ការ​​​ផ្ទុះ​​​ឡើង​​​នៃ​​​មេរោគ​​​នេះ​​​នៅ​​​ក្នុង​​​ខេត្ត​​​បាត់​​​ដំបង​​​ដែល​​​មិន​​​ធ្លាប់​​​មាន​​​ព​​ី​​​មុន​​​មក​​​។

ទោះជា​​​យ៉ាង​​​ណា​​​ លោក ម៉ម ប៊ុនហេង​​​ បាន​​​អះ​​​អាង​​​ថា ការ​​​ចូល​​​និវត្ត​​​របស់​​​លោក មាន ឈីវុន ដែល​​​ជា​​​ប្រធាន​​​អាជ្ញាធរ​​​ជាតិ​​​ប្រយុទ្ធ​​​នឹង​​​ជំងឺ​​​អេដស៍​​​ សើ​​​ស្បែក​​​ និង​​​កាម​​​រោគ ចាប់​​​តាំង​​​ពី​​​ឆ្នាំ​​​១៩៩៨​មក ដោយ​សារ​​តែអាយុរបស់លោក​​​ ហើយ​​​មិន​​​ទាក់​​​ទង​​​នឹង​​​​​​ការ​​​​​​ផ្ទុះឡើង​​​នូវ​មេរោគអេសដ៍​កាល​​​ពី​​​ពេល​​​ថ្មី ៗ​​​នេះ​​​ឡើយ ដែល​​​ក្នុង​​​នោះ​​​អ្នក​​​ភូមិ​​​២៣០​​​នាក់​​​ក្នុ​​​ង​​​ឃុំ​​​រកា​​​​​ត្រូវបាន​​ធ្វើ​​​តេស​្ត​​​​​​រក​​​ឃើញ​​​មាន​​​ផ្ទុកមេរោគ​អេដស៍​​​​​​ចាប់​​​តាំង​​​ពី​​​ចុង​​​ខែ​​​វិច្ឆិកា​​​មក​​​។

លោក ម៉ម ប៊ុន​​​ហេង​​​ បាន​​​មាន​​​ប្រសាសន៍​​​ថា “នៅ​​​ពេល​​​គាត់​​​ចាស់​​​ គាត់​​​ត្រូវ​​​ចូល​​​និវត្ត​​​អ៊ីចឹង​​​ហើយ​​​”។ លោក​​​វេជ្ជបណ្ឌិត​​​ ឈីវុន បាន​​​មាន​​​ប្រសាសន៍​​​ថា លោក​​​បាន​​​លា​​​ឈប់​​​១០​​​ថ្ងៃ មក​​​ហើយ​​​ ដោយ​​​សារ​​​អាយុ​​​របស់លោក​​​​ ដែល​​​លោក​​​បាន​​​បដិសេធ​​​មិន​​​ប្រាប់​​​អ្នក​​​យក​​​ព័ត៌​​​មាន​​​ឡើយ​​​។

លោក​​​បាន​​​មាន​​​ប្រសាសន៍​​​ថា “ការ​​​ចូល​​​វិវត្ត​​​របស់​​​ខ្ញុំ​​​មិន​​​ពាក់​​​ព័ន្ធ​​​នឹង​​​ការ​​​ផ្ទុះ​​​ឡើង​​​នូវ​​​មេរោគ អេដស៍​​​ឡើយ​​​។ ៦០​​​ឆ្នាំ​​​គឺ​​​ជា​​​អាយុ​​​ចូល​​​និវត្ត​​​។ ហេតុ​​​អ្វី​​​បាន​​​ជា​​​អ្នក​​​ត្រូវ​​​សួ​​រ​​​អាយុ​​​របស់​​​ខ្ញុំ? វា​​​ជា​​​បញ្ហា​​​របស់​​​ខ្ញុំ​​​”។

លោក​​​វេជ្ជ​បណ្ឌិត​​​ មាន​​​ ឈីវុន នឹង​​​ត្រូវ​​​ជំនួស​​​ដោយ​​​លោក លី ពេញ​​​ស៊ុន ដែល​​​ជា​​​អនុ​​​ប្រធាន​​​របស់​​​លោក​​​យូរ​​​មក​​​ហើយ​​​ ដែល​​​លោក​​​បាន​​​លើក​​​ឡើង​​​ថា អតីត​​​ប្រធាន​​​រូប​​​នេះ​​​នឹង​​​បន្ត​​​បម្រើ​​​ការ​​​ក្នុង​​​តួ​​​នាទី​​​ជា​​​ទី​​​ប្រឹក្សា​​​។

លោក​​​វេជ្ជបណ្ឌិត​​​ លី ពេញ​​​ស៊ុន បាន​​​មាន​​​ប្រសាសន៍​​​ថា “លោក ឈីវុន បាន​​​ចូល​​​និវត្ត​​​ប៉ុន្តែ គាត់​​​នៅ​​​តែ​​​ជា​​​ទីប្រឹក្សា​​​ក្រសួង​​​សុខាភិបាល​​​ដដែល​​​។ គាត់​​​នៅ​​​តែ​​​ចូល​​​រួម​​​ក្នុង​​​ការ​​​សើុប​​​អង្កេត​​​ជា​​​មួយ​​​ក្រសួង​​​ពាក់​​​ព័ន្ធ​​​នឹង​​​ករណី​​​ក្នុង​​​ឃុំរកា”។

ចាប់​​​តាំង​​​ពី​​​ផ្ទុះ​​ឡើង​​​ កាល​ពី​​​ខែ​​​ធ្នូ លោក​​​វេ​​​ជ្ជបណ្ឌិត​​​ ឈីវុន បាន​​​ដឹក​​​នាំ​​​ការ​​​ប្រឹង​​​ប្រែង​ឆ្លើយត​ប​​​​​របស់​​​រដ្ឋាភិបាល​​​រួម​​​ទាំង​​​ការ​​​ស្ទង់​​​មតិ​​​ដែល​​​បាន​​​បញ្ចប់​​​កាល​​​ពី​​​ខែ​​​មុន បាន​​​រក​​​ឃើញ​​​ថា ​​​ភាគ​​​ច្រើននៃ​មេរោគ​​​នេះ​​​ទំនង​​​ជា​​​ឆ្លង​​​តាម​​​ការ​​​ចាក់​​​ថ្នាំ​​​ ឬ​​​ការ​​​ព្យួរ​​​សេរ៉ូម​​​។

ក្នុង​​​រយៈ​​​ពេល​​​ជា​​​ច្រើន​​​ឆ្នាំ​​​ ចាប់​​​តាំង​​​ពី​​​លោកវេជ្ជបណ្ឌិត​​​ ឈីវុន បាន​​​ធ្វើ​​​ជា​​​ប្រធាន​​​មជ្ឈ​មណ្ឌល​​​ជាតិ​​​ប្រយុទ្ធ​​​នឹង​​​ជំងឺ​​​អេដស៍ សើស្បែក និង​​​កាម​​​រោគ​​​ អត្រា​​​ឆ្លង​​​មេរោគ​​​អេដស៍​​​បាន​​​ថយ​​​ចុះ​ជាលំដាប់​ពីកម្រិត​​​ឆ្លង​​រាល​​​ដាល​​​កាល​​​ពី​​​ចុង​​​ទសវត្សរ៍​​​ឆ្នាំ​​​១៩៩០​​​ នៅ​​​ពេល​​​មេរោគ​​​អេដស៍ និង​​​ជំងឺ​​​អេដស៍​​​បាន​​​ឆ្លង​​​ដល់​​​ប្រជា​​​ជន​​​ខ្មែរ​​​១,៧​​​ភាគ​​​រយ​​​ ចាប់ពីអាយុ​​​១៥​​​ឆ្នាំ​​​ដល់​​​៤៩​​​ឆ្នាំ​​​ មក​​​តិចជាង​​​០,៧​​​ភាគ​​​រយ​​​សព្វ​​​ថ្ងៃ​​​នេះ​​​។

​​​​​​​​​ទោះ​​​ជា​​​យ៉ាង​​​ណា បន្ទាប់​​​ពី​​​ពឹង​​​ផ្អែក​​​លើ​​​ការ​​​ឧបត្ថម្ភ​​​ពី​​​អន្តរ​​​ជាតិ​​​ស្ទើរតែទាំងស្រុង​​​​​​រយៈ​​​ពេល​​​ពីរ​​​ទសវត្សរ៍​​​មក រដ្ឋាភិបាល​​​ប្រឈម​​​នឹង​​​ការ​​​កាត់​​​មូល​​​និធិ​​​​​​ពី​​​ម្ចាស់​​​ជំនួយ​​​មួយ​​​ចំនួន​​​ក្នុង​​​ចំណោម​​​ម្ចាស់​​​ជំនួយ​​​ធំៗ​​ រួម​​​មាន​​​មូលនិធិសាកល​​​ប្រយុទ្ធ​​​នឹង​​​ជំងឺ​​​អេដស៍ របេង និង​​​គ្រុន​​​ចាញ់​​​ ដែល​​​បាន​​​ផ្តល់​​​ប្រាក់​​​២៥២​​​ដុល្លារ​​​ចំពោះ​​​ការ​​​ប្រយុទ្ធ​​​នឹង​មេរោគ​​​អេដស៍​/ជំងឺ​​​អេដស៍​​​​​​ក្នុង​​​ប្រទេស​​​កម្ពុជា​​​ចាប់​​​តាំង​​​ពី​​​ឆ្នាំ​​​២០០៣​​​មក​​​៕សារុន​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស