27.1 C
Phnom Penh

ក្មេង​​​ជំទង់​​​ម្នាក់​​​ត្រូវ​​​បាន​​​ចាប់​​​ខ្លួន​​​ពីបទ​​​រំលោភ​​​ក្មេង​​​ស្រី​​​មិន​​​ទាន់​​​គ្រប់​​​អាយុ​​​

ដោយ ឌឹ ខេមបូឌា ដេលី

បទវិភាគ

យោង​​​តាម​​​នគរ​​​បាល​​​បាន​​​ឲ្យដឹង​​​ថា ក្មេង​​​ជំទង់​​​ម្នាក់​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ថ្ងៃ​​​អាទិត្យ​​​ពី​​​បទ​​​រំលោភ​​​ក្មេង​​​ស្រី​​​អាយុ​​​១១​​​ឆ្នាំ ដែល​​​កំពុង​​​ដេក​​​តែ​​​ម្នាក់​​​ឯង​​​នៅ​​​ក្រោម​​​ផ្ទះ​​​របស់​​​​យាយ​​​តា​​​នាង​​​ក្នុង​​​ខេត្ត​​​កណ្ដាល​​​កាល​​​ពី​​​យប់​​​​​ថ្ងៃ​​​សុក្រ ក្រោយ​​​ពិធីបុណ្យ​​​មួយ​​​។

យោង​​​តាម​​​លោក សេង សុជាតិ អធិការ​​​នគរ​​​បាល​​​ស្រុក​​​ស្អាង​​​បាន​​​ឲ្យ​​​ដឹង​​​ថា  នូ សុភាត អាយុ​​​១៨​​​ឆ្នាំ​​​ បាន​​​ទៅ​​​ចូល​​​រួម​​​ពិធី​​​បុណ្យ​​​ចម្រើន​​​ព្រះ​​​ជន្ម​​​របស់​​​ជីតា​​​ក្មេង​​​ស្រី​​​រង​​​គ្រោះ​​​នៅ​​​ផ្ទះ​​​​​​របស់​​​ពួកគាត់​​​ ក្នុង​​​ឃុំ​​​ស្អាង​​​ភ្នំ ស្រុក​​​ស្អាង រហូត​​​ដល់​​​ពាក់​​​កណ្តាល​​​អាធ្រាត្រ​​​ ហើយ​​​បាន​​​ត្រឡប់​​​មក​​​វិញ​​​នៅ​​​ប្រហែល​​​៣ម៉ោង​​​ក្រោយ​​​ បន្ទាប់​​​ពី​​​គ្រួសារ​​​របស់​​ក្មេង​​​ស្រី​​​រង​​​គ្រោះ​​​បាន​​​ចូល​​​ទៅ​​​ដេក​​​អស់​​​។​​​​​

លោក​​​បាន​​​មានប្រសាសន៍​​​ថា “នៅ​​​ម៉ោង​​​ប្រហែល​​​៣​​​ទៀប​​​ភ្លឺ​​​ឈាន​​​ចូល​​​ព្រឹក​​​ថ្ងៃសៅរ៍​​​ ខណៈ​​​ក្មេង​​​ស្រី​​​រង​​​គ្រោះ​​​កំពុង​​​ដេក​​​នៅ​​​លើ​​​គ្រែ​​​ក្រោម​​​ផ្ទះ ជន​​​សង្ស័យ​​​បាន​​​ទៅ​​​រំលោភ​​​នាង​​​។ ជន​​​សង្ស័យ​​​បាន​​​សារភាព​​​ថា បាន​​​រំលោភ​​​អនីតិជន​​​រូប​​​នេះ​​​ ព្រោះ​​​គ្មាន​​​នរណា​​​នៅ​​​ទី​​​​​​នោះ​​​ឡើយ​​​​​​ពេល​​​នោះ”។

លោក សុជាតិ បាន​​​លើក​​​ឡើ​​​ងទៀត​​​ថា​​​ ក្មេង​​​ស្រី​​​រង​​​គ្រោះ​​​ស្គាល់​​​ជន​​​សង្ស័យ​​​នេះ​​​ ហើយ​​​ឪពុក​​​ម្តាយ​​​របស់​​​នាង​​​បាន​​​ដាក់​​​ពាក្យ​​​ប្តឹង​​​ទៅ​​​កាន់​​​​​​ប៉ុស្តិ៍​​​នគរ​​​បាល​​​ឃុំ​​​កាល​​​ពី​​​ព្រឹក​​​ថ្ងៃ​​​អាទិត្យ​​​។

នគរ​​​បាល​​​ឃុំ​​​ និង​​​ស្រុក​​​បាន​​​ចាប​​់​​​ខ្លួន​​​ សុភាត តាម​​​ក្រោយ​​​នៅ​​​ថ្ងៃ​​​ដដែល​​​នោះ​​​ ហើយ​​​បាន​​​បញ្ជូន​​​ជន​​សង្ស័យ​​​រូប​​​នេះ​​​ទៅ​​​ស្នង​​​ការ​​​ដ្ឋាន​​​នគរ​​​បាល​​​ខេត្ត​​​ ដើម្បី​​​សាក​​​សួរ​​​កាល​​​ពីម្សិលមិញ។ លោក​​​បាន​​​មានប្រសាសន៍​​​បន្ថែម​​​ថា “[នៅ​​​ថ្ងៃ​​​នេះ​​​]​​​​​​ ជន​​​សង្ស័យ​​​នឹង​​​ត្រូវ​​​បញ្ជូន​​​ទៅ​​​សាលា​​​ដំបូង​​​ខេត្ត​​​ដើម្បី​​​ប្រឈម​​​នឹង​​​ការ​​​ចោទ​​​ប្រកាន់​​​”៕ស៊ុយឈាង​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស