29 C
Phnom Penh

នគរបាល​ចាប់ខ្លួន​ស្ត្រី​ជន​ជាតិ​វៀតណាម​ប្រាំបួន​នាក់​ក្នុង​ខេត្ត​បាត់​ដំបង​

ដោយ ឌឹ ខេមបូឌា ដេលី

បទវិភាគ

អាជ្ញាធរ​បាន​លើក​ឡើង​កាលពីម្សិលមិញ​ថា ​នគរបាល​កាលពី​ថ្ងៃច័ន្ទ​​បាន​ចាប់ខ្លួន​​ស្ត្រីជន​ជាត​ិ​វៀត​ណាម៩នាក់​​នៅ​ហាង​ម៉ាស្សា​មួយ​ក្នុងខេត្ត​បាត់​ដំបង បន្ទាប់ពី​ពួកគេត្រូវ​បាន​រក​ឃើញ​ថា រស់នៅ​ក្នុង​ប្រទេស​កម្ពុជា​ដោយ​ខុស​ច្បាប់។

លោក រឿន សារុន នាយ​នគរបាល​អន្តោ​ប្រវេសន៍​ខេត​្ត​បាន​មានប្រសាសន៍ថា “នគរបាល​អន្តោ​ប្រវេសន៍ខេត្ត​​បាន​ចាប់ខ្លួន​ស្ត្រី​៩នាក់​ដែល​រស់នៅ​ដោយ​ខុស​ច្បាប់ ខណៈដែល​ពួកគេ​​ធ្វើការ​ក្នុង​ហាង​ម៉ាស្សា​មួយ​ក្នុង​ឃុំបឹង​រាំង​ ស្រុក​កំរៀង”។

លោក សារុន បាន​មាន​ប្រសាសន៍​ថា ការ​ចាប់ខ្លួន​នេះ​ជា​ផ្នែកមួយ​នៃ​ការ​ធ្វើ​ជំរឿន​លើ​ជន​បរទេស​ទូទាំង​ប្រទេស​​ដែលបាន​ចាប់​ផ្តើម​កាលពី​ខែសីហា ហើយ​ជា​លទ្ធផល​​បាន​និរទេស​មនុស្ស​ប្រហែល​១.៣០០នាក់​​ ហើយ​ជាង​១.១០០នាក់​ក្នុង​ចំណោម​ពួកគេ​ជា​ជន​ជាតិ​វៀត​ណាម។

លោក អ៊ុក ហៃសិលា​ប្រធាន​ផ្នែក​ស៊ើប​អង្កេត​​នៅ​នាយកដ្ឋាន​អន្តោ​ប្រវេសន៍​ក្រសួង​មហាផ្ទៃ​​បាន​មាន​ប្រសាសន៍ថា ​ស្ត្រី​៩នាក់​នេះ​បាន​មក​ដល់​នាយក​ដ្ឋានរបស់​លោក​កាលពី​ព្រឹក​ម្សិលមិញ ហើយ​នឹង​ត្រូវ​និរទេស​នៅ​ពេល​ឆាប់ៗនេះ ជាមួយ​ជនជាត​ិ​វៀត​ណាម​៦នាក់​ទៀត​ដែលរកឃើញ​រស់នៅក្នុង​ប្រទេស​កម្ពុជា​ដោយ​ខុស​ច្បាប់។

លោក​បាន​មាន​ប្រសាសន៍ថា “​យើង​នឹង​និរទេស​ជន​ជាតិ​វៀតណាម​ខុស​ច្បាប់​១៥នាក់​នៅ​មុន​ចូលឆ្នាំចិន”។

លោក អ៊ុក ហៃសិលា បានមាន​ប្រសាសន៍ថា ចាប់តាំងពីថ្ងៃទី​២៣ ខែ​មករា ជន​ជាត​ិ​វៀត​ណាម​ប្រហែល​១០១នាក់​ត្រូវ​បាន​រក​ឃើញ​រស់នៅ​ក្នុង​ប្រទេស​កម្ពុជា​ដោយ​ខុស​ច្បាប់ ហើយ​រហូតមក​ទល់ពេលនេះ ៨៦នាក់​ក្នុង​ចំណោម​ពួកគេ​ត្រូវ​បាន​និរទេស​៕សារុន​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស