37 C
Phnom Penh

ទំនិញ​​​​​​ឆ្លង​​​កាត់​​​កំពង់​​​ផែ​​​​​​ស្វ័យត​​​​​​ភ្នំពេញ​​​ កើន​​​ឡើង​​​ជាង​​​២០ភាគ​​​រយ

ដោយ ឌឹ ខេមបូឌា ដេលី

បទវិភាគ

ការដឹក​​​ជញ្ជូននៅ​​​​​​កំពង់​​​ផែ​​​ស្វយ័ត​​​ក្រុង​​​ភ្នំពេញ ​​​បាន​​​កើន​​​ឡើង​​​២១​​​ភាគ​​​រយ​​​​​​​​​ក្នុង​​​ឆ្នាំ​​​២០១៤​​​ នេះ​​​បើ​​​យោង​​​តាម​​​​​​តួលេខ​​​ថ្មី​​​បំផុត​​​របស់​​​រដ្ឋាភិបាល​ស្តី​​​​ពី​​​ចំនួន​​​កុងតឺន័រ​​​ស្តង់​​​ដារ ដែល​​​បាន​​​ឆ្លង​​​កាត់​​​​​​កំពង់​​​ផែ​​​ដែល​​​គ្រប់​​​គ្រង​​​ដោយ​​​ក្រសួង​​​សាធារណការ​​​ និង​​​ដឹក​​​ជញ្ជូន​​​នេះ​​​។

​​​មន្ត្រី​​​កំពង់​​​ផែ​​​​​​មួយ​​​រូប​​​ដែល​​​មិន​​​ត្រូ​​​វបាន​​​អនុញ្ញាត​​​ឲ្យ​​​និយាយ​​​ជា​​​មួយ​​​ប្រព័ន្ធ​​​ផ្សព្វ​​​ផ្សាយ​ បាន​​​និយាយ​​​ក្នុង​​​លក្ខខណ្ឌ​​​អនាមិក​​​ថា ចំនួន​​​សរុប​​​នៃ​​​កុង​​​តឺន័រ​​​ចេញ​​​ចូល​​​កំពង់​​​ផែ​​​នេះ​​​ បាន​​​កើន​​​ឡើង​​​ពី​​​១១០​​​.៥០០​​​កុង​​​តឺន័រ​​​ក្នុង​​​ឆ្នាំ​​​២០១៣ ​​​ដល់​​​១៣៣.៦៦៦​​​កុងតឺន័រ​​​កាល​​​ពី​​​ឆ្នាំ​​​មុន​​​។

ប្រភព​​​ដដែល​​​បាន​​​លើក​​​ឡើង​​​ថា​​​ ភាគ​​​ច្រើន​​​​​​នៃ​​​​​​កុង​​​តឺន័រ​​​ដែល​​​បាន​​​ចាក​​​ចេញ​​​ពី​​​កំពង់​​​ផែនេះ​​​គឺ​​​ដឹក​​​សម្លៀក​​​បំពាក់​​​ អង្ករ​​​ និង​​​ផលិត​​​ផល​​​កសិកម្ម​​​ផ្សេង​​​ៗ​​​ទៀត​​​ ហើយ​​​បាន​​​​​​ដឹកឆ្ពោះ​​​ទៅ​​​កាន់​​​សហរដ្ឋ​​​អាមេរិក​​​។

ទំនិញ​​​ដែល​​​ត្រូវ​​​បាន​​​នាំ​​​ចូល​​​ភាគ​​​ច្រើន​​​រួម​​​មាន​​​​​​វត្ថុ​​​ធាតុ​​​ដើម​​​សម្រាប់វ​​​ិស័យ​​​កាត់​​​ដេរ​​​ក្នុង​​​ប្រទេស​​​កម្ពុជា ​​​រួម​​​ជាមួយ​​​ផលិត​​​ផល​​​​​​​​ប្រើ​​​ជា​​​លក្ខណៈ​​​គ្រួសារ​​​ និង​​​ឧស្សាហកម្ម សម្ភារ​​​សំណង់ និង​​​គ្រឿង​​​បន្លាស់យានយន្ត។

លោក កង​​​ ច័ន្ទ​​តារារ័ត្ន នាយក​​​វិទ្យាស្ថាន​​​កម្ពុជា​​​ដើម្បី​​​ការ​​​អភិវឌ្ឍ​​​ន៍​​​ ​​​បាន​​​មាន​​​ប្រសាសន៍​​​ថា ការ​​​កើន​​​ឡើង​​​នូវ​​​ការ​​​ដឹក​​​ជញ្ជូន​​​ឆ្លង​​​កាត់​​​កំពង់​​​ផែ​​​នេះ ​​​មួយ​​​ផ្នែក​​​ធំ​​​ទំនង​​​ជា​​​ដោយ​​​សារ​​​ការ​​​រើប​​​ឡើង​​​នូវ​​​កំណើន​​​សេដ្ឋ​​​កិច្ច​​​នៅ​​​បរទេស​​​។

លោក​​​បានមាន​​​ប្រសាសន៍ទៀត​​​ថា “កំណើន​​​នេះ​​​ចេញ​​​ពី​​​ទី​​​ផ្សារ​​​អន្តរ​​​ជាតិ ជា​​​ពិសេស​​​សហរដ្ឋ​​​អាមេរិក​​​ ជាកន្លែង​​​ដែល​​​ស្ថាន​​​ភាព​​​​​​សេដ្ឋ​​​កិច្ច​​​​​​កំពុង​​​ល្អ​​​ប្រសើរ​​​”៕សុខុម​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស