28 C
Phnom Penh

តុលាការ​ក្រុង​ភ្នំពេញ​លើក​ពេល​​សវនាការ​ទាក់​ទិន​នឹង​ការ​ប៉ះទង្គិច​គ្នា​​នៅ​ទីលាន​ប្រជាធិបតេយ្យ

ដោយ ឌឹ ខេមបូឌា ដេលី

បទវិភាគ

តុលាការ​ក្រុង​ភ្នំពេញ​​​បាន​លើក​ពេល​សវនាការ​មនុស្ស​​១១​នាក់ ​​ដែល​គ្រោង​ធ្វើ​នៅ​ថ្ងៃ​នេះ ក្នុង​នោះ​មាន​​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ គឺ​លោក មាជ សុវណ្ណារ៉ា ដែល​ជាប់​ចោទ​ពីបទ​កុបកម្ម​ និង​បទ​ល្មើស​ផ្សេង​ទៀត​ទាក់​ទិន​នឹង​ការ​ប៉ះទង្គិច​គ្នា​ដ៏​បង្ហូរ​ឈាម​នៅ​ទីលាន​ប្រជាធិបតេយ្យ​ក្នុង​ក្រុង​ភ្នំពេញ​​កាលពី​ខែ​កក្កដា។

ការ​លើក​ពេល​នេះ​ត្រូវ​បាន​ប្រកាស​ឲ្យ​ដឹង​ក្នុង​លិខិត​មួយ​ពី​ព្រះរាជអាជ្ញារង​​ លោក កែវ សុជាតិ ចុះ​កាលបរិច្ឆេទ​ថ្ងៃ​សុក្រ ដែល​មិន​បាន​ផ្ដល់​ការ​ពន្យល់​ចំពោះ​ការ​ពន្យារពេល​ និង​មិន​បាន​កំណត់​ពេល​​សម្រាប់​សវនាការ​​នៅ​ពេល​ខាង​មុខ​ទេ។ លោក សុជាតិ បាន​បដិសេធ​មិន​ធ្វើ​អត្ថាធិប្បាយ​អំពី​ការ​​ពន្យារ​ពេល​នេះ​​នៅ​ពេល​គេ​ទាក់​ទង​លោក​កាលពី​ម្សិលមិញ។

ចុង​ចោទ​ទាំង​នោះ​​ត្រូវ​បាន​​គេ​ព័ទ្ធ​ចាប់​បន្ទាប់ពី​ការ​ជួបជុំគ្នា​របស់​គណបក្ស​សង្គ្រោះ​ជាតិ​​ ប្រឆាំង​បម្រាម​របស់​រដ្ឋាភិបាល​​មិន​ឲ្យ​មាន​​ការ​ធ្វើ​បាតុកម្ម​នៅ​ទីលាន​ប្រជាធិបតេយ្យ​ ដែល​ក្នុង​ពេល​នោះ​អ្នក​ចូល​រួម​មួយ​ចំនួន​បាន​តប​ត​យ៉ាង​ចាស់​ដៃ​​​​ទៅ​លើ​សន្តិសុខ​ខណ្ឌ​មួយ​ចំនួន ដែល​​ធ្លាប់​តែ​​ប្រើ​កម្លាំង​បំបែក​ការ​តវ៉ា​អហិង្សា។

ចុង​ចោទ​ទាំង​នោះ​ ដែល​មួយ​ចំនួន​​​នៅ​ជាប់​ឃុំ​នៅ​ឡើយ ក្នុង​នោះ​មាន​ទាំង​លោក សុវណ្ណារ៉ា ផង​ បដិសេធ​ការ​ចោទ​ប្រកាន់​ទាំង​នោះ។

លោក ជូង ជូងី មេធាវី​របស់​លោក សុវណ្ណារ៉ា បាន​បន្ទោស​តុលាការ​ចំពោះ​ការ​លើក​ពេល​សវនាការ​​គ្មាន​ពេល​កំណត់​នេះ​ ហើយ​លោក​បាន​និយាយ​ថា លោក​មិន​បាន​ទទួល​មូល​ហេតុ​បញ្ជាក់​ចំពោះ​ការ​ពន្យារ​ពេល​នេះ​​ទេ។ លោក​បាន​និយាយ​ថា “តុលាការ​មិន​បាន​និយាយ​ថា ពេល​ណា​ខ្លួន​នឹង​បើក​សវនាការ​​ជា​ថ្មីឡើយ​។ អយុត្តិធម៌​ណាស់​សម្រាប់​កូនក្ដី​របស់​ខ្ញុំ ពីព្រោះ​គាត់​ជា​មនុស្ស​​គ្មាន​ទោស​កំហុស​ ហើយ​គាត់​ជាប់​ឃុំ”៕ មានិត​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស