35 C
Phnom Penh

ស្ត្រី​ម្នាក់​​រង​របួស​ស្រាល​ពេល​តដៃ​ជាមួយ​ចោរ​

ដោយ ឌឹ ខេមបូឌា ដេលី

បទវិភាគ

អធិការ​នគរ​បាល​ខណ្ឌ​ម្នាក់​បាន​ឲ្យ​ដឹង​ថា ស្ត្រី​អាយុ​២២​ឆ្នាំ​ម្នាក់​​ត្រូវ​គេ​បាញ់​ចំដៃ​កាលពី​ម្សិលមិញ ក្នុង​រាជធានី​ភ្នំពេញ ខណៈ​នាង​​​តដៃ​ជាមួយ​ចោរ​ចំនួនពីរ​នាក់​ ដែល​ប៉ុន​ប៉ង​ឆក់​យក​​កាបូប​​ពី​នាង​។

លោក ថេង កុសល អធិការ​នគរ​បាល​ខណ្ឌ​ពោធិ៍សែន​ជ័យ​បានលើក​ឡើង​​ថា ស្ត្រី​រូប​នេះ​កំពុង​​បើក​ម៉ូតូ​តាម​ផ្លូវ​វេងស្រេង ក្នុង​សង្កាត់​ចោម​ចៅ នៅ​ម៉ោង​ប្រហែល​៧​ព្រឹក នៅ​ពេល​ជន​សង្ស័យ​ពីរ​នាក់​បាន​ព្យាយាម​ឆក់​យក​កាបូប​ពី​នាង។

លោក​បានមាន​ប្រសាសន៍​ថា “ជន​រងគ្រោះ​ត្រូវ​ជន​សង្ស័យ​បាញ់​ត្រូវ​ចំ​ដៃឆ្វេង​នៅ​ពេល​​នាង​ប្រវាយ​ប្រតប់​​ជាមួយ​ជនសង្ស័យ​ពីរ​នាក់ ដែល​ព្យាយាម​ទាញ​យក​កាបូប​ពីនាង​។ នាង​បាន​រង​របួស​ស្រាល”។

លោក កុសល បាន​បន្ថែម​ទៀត​ថា ជន​សង្ស័យ​​មិន​អាច​ឆក់​​យក​កាបូប​ពី​ស្ត្រី​រូប​េនះ​បាន​ឡើយ ហើយ​បាន​គេច​ខ្លួន​ចេញពី​កន្លែង​កើត​ហេតុ។ លោក​បាន​មាន​ប្រសាសន៍​បន្ត​ទៀត​ថា “ជនសង្ស័យ​មិន​អាច​យក​កាបូប​​របស់​ស្ត្រី​រូប​នេះ​បាន​ឡើយ​ ហើយ​ពួកគេ​​​បាន​គេច​ខ្លួន​នៅ​ពេល​ពលរដ្ឋ​នៅ​ក្នុង​តំបន់​នោះ​​បាន​ចាប់​ផ្ដើម​ស្រែក​ថា ចោរៗ​”៕ ស៊ុយឈាង​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស