30 C
Phnom Penh

លោក​ ហ៊ុន សែន​ ទទួល​ស្គាល់​ការ​រិះគន់​ពី​កិច្ច​ព្រម​ព្រៀង​ទទួល​យក​ជន​ភៀសខ្លួន​

ដោយ ឌឹ ខេមបូឌា ដេលី

បទវិភាគ

ប៉ុន្មាន​ថ្ងៃ​ប៉ុណ្ណោះ​បន្ទាប់ពី​​អង្គការ​អន្តរជាតិ​ទេសន្តរ​ប្រវេសន៍​​បាន​ប្រកាស​ថា ខ្លួននឹង​​ជួយ​​តាំង​ទី​លំនៅ​ដល់​ជន​ភៀសខ្លួន​របស់ប្រទេស​អូស្ត្រាលី​ដែល​បច្ចុប្បន្ននេះ​កំពុង​ត្រុវ​ឃុំខ្លួន​នៅ​ក្នុង​ប្រទេស​ណូរូ ជាប្រទេស​ដែន​កោះ​​បាស៊ីហ្វិក​​ នៅក្នុង​ប្រទេស​កម្ពុជា​នោះ លោក​នាយក​រដ្ឋមន្ត្រី​​ ហ៊ុន​ សែន កាលពី​ម្សិលមិញ បាន​ទទួលស្គាល់​ការ​រិះគន់​នៃកិច្ចព្រមព្រៀង​នេះនៅ​​ក្នុង​និង​ក្រៅ​ប្រទេស។

កាលពី​ខែ​កញ្ញា ប្រទេស​កម្ពុជា​បាន​យល់ព្រម​ទទួលយក​ជន​ភៀស​ខ្លួន​មួយ​ចំនួន​ជា​ថ្នូរនឹង​​កញ្ចប់​ជំនួយ​៣៥លានដុល្លារ​ពី​ប្រទេស​អូស្ត្រាលី​​នៅក្នុង​កិច្ច​ព្រមព្រៀង​មួយ​ដែលត្រូវ​បាន​រិះ​គន់​យ៉ាង​ខ្លាំង​ពី​សំណាក់​អង្គការ​សិទ្ធិមនុស្ស​ និង​សមាជិក​សភា​គណបក្ស​ប្រឆាំង​​នៅក្នុង​ប្រទេស​ទាំង​ពីរ​។

កាលពី​ថ្ងៃច័ន្ទ​ អង្គការ​អន្តរជាតិ​ទេសន្តរប្រវេសន៍​ បាន​លើក​ឡើង​ថា ខ្លួន​បាន​ទទួល​សំណើ​ឲ្យ​ជួយ​​ក្នុងការ​តាំងទី​លំនៅ​នេះ។

ថ្លែង​នៅ​សន្និសីទ​ក្នុង​រាជ​ធានីភ្នំពេញ​កាលពី​ម្សិលមិញ លោក ហ៊ុន សែន បាន​បញ្ជាក់ឡើងវិញ​​ពី​ជំហរ​របស់​រដ្ឋាភិបាល​​ថា មានតែជន​ភៀស​ខ្លួន​ដែលស្ម័គ្រចិត្ត​មក​ប្រទេស​កម្ពុជាប៉ុណ្ណោះ​នឹង​ត្រូវ​បាន​តាំង​ទីលំនៅ។

លោកនាយក​រដ្ឋមន្ត្រ​ី​ថ្លែង​ទៅកាន់​អ្នក​ចូលរួមថា “​និយាយ​តាមត្រង់​ ប្រទេស​អូស្ត្រាលី​បាន​ជួប​ខ្ញុំ​ ហើយ​បាន​ស្នើ​ឲ្យ​ទទួលយក​ជន​ភៀសខ្លួន​មួយ​ចំនួន​។ មនុស្ស​មួយ​ចំនួន​បាន​រិះគន់​បញ្ហានេះ​នៅក្នុង​ប្រទេស​អូស្ត្រាលី ហើយ​វាក៏ត្រូវបាន​រិះគន់​ក្នុង​ប្រទេស​កម្ពុជា​ផងដែរ”។

លោក​បានមាន​ប្រសាសន៍ថា “​ខ្ញុំនឹង​ធ្វើរឿងនេះ​​ផ្អែក​តាម​គោលការ​ណ៍​ស្ម័គ្រ​ចិត្ត​តែប៉ុណ្ណោះ។ អ្នក​ដែល​មក យើង​នឹង​ទទួលយក​ពួកគេ​។ វា​ផ្អែក​លើ​គោលការណ៍ស្ម័គ្រ​ចិត្ត​ ដូច្នេះ​គ្មាន​នរណា​ម្នាក់​បង្ខំពួកគេ​ឲ្យ​មក​ឡើយ​”៕សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស